images
UN
UN
အသက်ရှည်ကြောင်းနည်းကောင်း ၁ဝရပ်
မောင်ဥာဏ်စိန် Wednesday, 16 May 2018
စာရေးသူ နှစ်ပေါင်း ၄ဝမျှ အစိုးရ အမှုထမ်းအဖြစ် တာဝန်ထမ်းဆောင် ပြီး နောက် အသက် ၆၃ နှစ်အရွယ်တွင် အငြိမ်းစားယူခဲ့ပေသည်။ အငြိမ်းစားယူ ခဲ့သည်မှာ ၁၂နှစ်ကြာခဲ့ပြီဖြစ်၍ အသက် ၇၅ နှစ်အတွင်းသို့ ရောက်နေပြီဖြစ်သည်။
အငြိမ်းစားယူပြီးနောက် စာရေးသူ လုပ်သောအလုပ် သုံးခုရှိသည်။ ဘာသာ ရေးအလုပ်၊ ဝါသနာအလျောက်စာဖတ် စာရေးသောအလုပ်၊ မူးယစ်ဆေးဝါးဆန့် ကျင်ရေးအသင်းကြီးတွင်ပါဝင်ပြီး မူးယစ် ဆေးဝါးဆန့်ကျင်ရေးအတွက် စေတနာ့ ဝန်ထမ်းလှုပ်ရှားမှုများကို လုပ်ရသော အလုပ်တို့ဖြစ်သည်။ အသက်အရွယ် ကြီးရင့်လာသဖြင့် ဘာသာရေးစာအုပ်၊ ကျန်းမာရေးစာအုပ်များကိုလည်း ပို၍ ဖတ်ဖြစ်ပေသည်။
ကျန်းမာရေးအတွက်စာရေးသူ ဖတ်ရှု လေ့လာသောစာအုပ်များတွင် ''အသက် ရှည်ရေး၏ လျှို့ဝှက်ချက်'' ဟူသော စာအုပ်သည်လည်းတစ်အုပ် အပါအဝင် ဖြစ်သည်။ တစ်ခေတ် တစ်ခါက ထင် ရှားခဲ့သည့် နိုင်ငံရေးခေါင်းဆောင် သခင်ချစ်မောင်(ဝိဓူရ)ရေးသားခဲ့သော စာအုပ်ဖြစ်သည်။ ၃၁-၁၂-၉၅ ရက်စွဲဖြင့် ၄င်းကိုယ်တိုင် လက်မှတ်ရေးထိုးပြီး မေတ္တာလက်ဆောင်ပေးထားသော စာအုပ် ဖြစ်သည်။ စာအုပ်၏အဖုံးကိုဖွင့်လိုက် သည်နှင့် ၄င်းကိုယ်တိုင်၏လက်ရေးဖြင့် ရေးသားထားသော စာပိုဒ်ကလေးကို အမှတ်တရတွေ့နေရပေသည်။
''မိတ်ဆွေကြီး ဦးဉာဏ်ဝင်းမိသားစု များ ကိုယ်စိတ်နှစ်ပါး ကျန်းမာ၊ ချမ်း သာရေးအတွက် အထူးမေတ္တာလက် ဆောင်ပါ''
သခင်ချစ်မောင် ရေးသားခဲ့သော ယင်းစာအုပ်မှာ အင်္ဂလိပ်ဘာသာဖြင့်ရေး ထားသောကျမ်း ခုနစ်ကျမ်း၊ မြန်မာဘာ သာဖြင့်ရေးထားသောကျမ်းကြီး၁ဝကျမ်းမျှ ကို အခြေခံပြီးရေးသားထားသော ကျန်း မာရေးလမ်းညွှန်စာအုပ်ကြီးဖြစ်ပေသည်။ ကျွန်တော့်အတွက်တန်ဖိုးမဖြတ်နိုင်သော စာအုပ်တစ်အုပ်ဖြစ်ပေသည်။ လက် ဆောင်ပေးခဲ့သူ ကွယ်လွန်သူ သခင်ချစ် မောင်ကို များစွာကျေးဇူးတင်လျက်ရှိ သည်။
ယင်းစာအုပ်ကိုဖတ်ရန်ဖွင့်လိုက်သည် နှင့် ''မေတ္တာလက်ဆောင်''ဟူသော အခန်းကဏ္ဍတစ်ရပ်ကိုတွေ့ရသည်။
ဒေါက်တာဒီဒေးဗီး(စ်)(Dr.D.Davis)) မှာ အသက်ရှည်မှု၊ လေ့လာမှုဘာသာ ရပ်လေ့လာရေးအဖွဲ့ လန်ဒန်တက္ကသိုလ် မှအဖွဲ့ဝင်တစ်ဦးဖြစ်သည်။ ထိုပုဂ္ဂိုလ်ကြီး သည် အီကွေဒေါနိုင်ငံ ဗီလ်ကာဘွန် ဘာနယ်ရှိ လူထု၏နေထိုင်စားသောက်ပုံ၊ ခန္ဓာကိုယ်တည်ဆောက်ပုံအနေအထား များကို နှစ်နှစ်တိုင်တိုင် သွားရောက် လေ့လာ သုတေသနပြုခဲ့သူဖြစ်သည်။ ထို ဒေသမှာ ကမ္ဘာတွင် အသက်အရှည်ဆုံး အုပ်စုများတွင် တစ်စုအပါအဝင်ဖြစ်ခဲ့ပေ သည်။ သူ၏တွေ့ရှိချက်များကို သူရေး သောစာအုပ်၌ ဖော်ပြထားသည်။
ယင်းဖော်ပြချက် ၁ဝ ချက်ကို သခင် ချစ်မောင်(ဝိဓူရ)က ၄င်း၏ ''အသက် ရှည်ရေး၏ လျှို့ဝှက်ချက်''စာအုပ်တွင် ''မေတ္တာလက်ဆောင်''အဖြစ် ဖော်ပြ ထားခြင်းဖြစ်သည်။ မူရင်းအတိုင်း အောက်တွင် ဖော်ပြလိုက်ရပေသည်-
(၁) သင့်အတွက် အလုပ်မှ အငြိမ်းစား ယူရလျှင် ထိုသို့ယူပြီးနောက်၌ အလုပ်တစ်ခုခုကို မှန်မှန်ဆက်၍ လုပ်နေပါ။
(၂) ပင်စင်ယူပြီးနောက် သင်အထူး စိတ်ဝင်စားရာ အပျော်တမ်းဝါသ နာလုပ်ငန်းတစ်ခုအတွင်းတွင် စိတ် ကို အလုပ်ပေးထားပါ။
(၃) ''အိုလာပြီ''ဆိုသည့်စကား မပြော ပါနှင့်။အိုမှု၌ စိတ်ပျက်၊စိတ်ဓာတ် ကျနေသူများကို ရှောင်ရှားပါ။
(၄) အရက်သောက်ခြင်း၊ ဆေးလိပ် သောက်ခြင်းကို လုံးဝရှောင်ရှား ပါ။ မဖြစ်နိုင်ပါက အနည်းငယ် မျှသာ သုံးဆောင်ပါ။
(၅) သဘာဝကျကျ၊ အိပ်ရေးဝအောင် အိပ်ပေးပါ။
(၆) ဝန်လေးလွန်း၊ အားစိုက်လွန်းရ သော အလုပ်မျိုးကို ရှောင်ကြဉ် ပါ။ မလွှဲမရှောင်သာ လုပ်ရလျှင် လည်း အနည်းဆုံးအားဖြင့် ထိုကဲ့ သို့သောအလုပ်မျိုးကို ကိုင်တွယ် ဖြေရှင်းနိုင်ရန် နည်းလမ်းကို ရှာ ကြံသိရှိထားပါ။
(၇) သင်၏ သားသမီးများအတွက် သောက၊ ဗျာပါဒ မများလွန်းပါ စေနှင့်။
(၈) တစ်နေ့လျှင် အနည်းဆုံးတစ်မိုင်ကျ လမ်းလျှောက်ပေးပါ။ အကောင်း ဆုံးသော ကာယလေ့ကျင့်မှုဖြစ် သည်။ အိမ်တွင်း ခြံဥယျာဉ် စိုက် ပျိုးခြင်းအလုပ်သည်လည်း အလား တူ ကောင်းပေသည်။
(၉) သဘာဝဖြစ် အစားအစာများကို အတတ်နိုင်ဆုံး၊ အများဆုံးစားသုံး ပေးပါ။စည်သွတ်အစားအစာ များ ကိုအတတ်နိုင်ဆုံးလျှော့စားပေးပါ။
(၁ဝ) အသားစားခြင်းကို အတတ်နိုင်ဆုံး လျှော့ပစ်ပါ။
အသက်ရှည်လိုသူများအနေဖြင့် အထက်ဖော်ပြပါ အချက် ၁ဝ ချက်ကို လေးလေးစားစားလိုက်နာသင့်ကြကြောင်း တိုက်တွန်းလိုက်ရပေသည်။ ထိုစာအုပ်ကို လွန်ခဲ့သော ၂၃ နှစ်က ကျွန်တော့်ထံသို့ ယူလာပေးပို့သည့် မိတ်ဆွေ ဦးအုန်း မောင်ကိုလည်းကျေးဇူးတင်ပြီး အသက် ရှည်ရေး၏ လျှို့ဝှက်ချက်မျှဝေလိုက်ရ ပါသည်။