images
UN
UN
သတ်ပုံမှားတာကြာပါပြီကော
အောင်ကြည်ညွန့်(တက္ကသိုလ်) Wednesday, 23 May 2018
ကျွန်တော်သည် အစိုးရအဖွဲ့မဟုတ် သော လူမှုအဖွဲ့အစည်းကြီးတစ်ခု၏ အမှု ဆောင်တစ်ဦးဖြစ်ပါသည်။ စာပေထုတ် ဝေရေးနှင့် ပြန်ကြားရေးတာဝန်ယူရပါ သည်။ ထိုအဖွဲ့ကြီးတွင် အငြိမ်းစားညွှန် ကြားရေးမှူးချုပ်တစ်ဦးက ဒုတိယဥက္ကဋ္ဌ တာဝန်ယူထားပါသည်။ စီမံချက်များဆို လျှင်လည်း ဒုတိယဥက္ကဋ္ဌက တာဝန်ယူ ရေးသားပါသည်။
ဆုပေးပွဲကြီးတစ်ခု၏ စီမံချက်တွင် အခမ်းအနားအစီအစဉ်ပါလာပါသည်။ ထိုအစီအစဉ်တွင် 'သဘာပတိကြီးမှ' အဖွင့်မိန့်ခွန်းပြောကြားမည်။ ဝန်ကြီးမှ ဆုပေးမည်။ အထွေထွေအတွင်းရေးမှူးမှ ကျေးဇူးတင်စကား ပြောကြားမည် စသည်ဖြင့် ပါလာပါသည်။
စာရေးသူက 'သဘာပတိကြီးက' 'ဝန်ကြီးက''အထွေထွေအတွင်းရေးမှူးက' ဆိုမှ ရေးထုံးမှန်ပါမည်ဟု ဆွေးနွေးရာ ဒုဥက္ကဋ္ဌကြီးမှာ ဆတ်ဆတ်ခါနာသွားသ လား မသိပါ။ ကျွန်တော်တော့ ဒီအတိုင်း ပဲ ရေးလာတာကြာပေါ့။ လူတိုင်းလည်း ဒီလိုပဲရေး၊ ဒီလိုပဲပြောနေကြတာပဲဟု စောဒကတက်ပါသည်။ အကျောက် အကန်ငြင်းပါသည်။
စာရေးသူက မြန်မာစာအဖွဲ့က ၁၉၈၆ ခုနှစ်က ထုတ်ဝေသော မြန်မာစာ လုံးပေါင်းသတ်ပုံကျမ်းကို ရုံးအဖွဲ့က ဝယ်ယူထားသင့်ကြောင်း အကြံဉာဏ် ပေးရပါသည်။
'မှ'နှင့်'က'သည် အမှားကြာ အမှန် ဖြစ်သွားနိုင်ပါသည်။ ရုပ်သံလွှင့်အစီအ စဉ်များ၊ သတင်းကြေညာသူများ၊ ရေဒီ ယို အသံလွှင့်သူများ၊ အခမ်းအနားများ ဆောင်ရွက်သူများ မှားလေ့ရှိသော အသုံး ဖြစ်ပါသည်။
- ဥက္ကဋ္ဌကြီးမှ အဖွင့်အမှာစကားပြော ကြားသည်။
- သမ္မတကြီးမှ မိန့်ခွန်းပြောသည်။
- ပါချုပ်ဆရာတော်ကြီးမှ တရားဟော သည်။
- ဝန်ကြီးဌာနမှ လှူဒါန်းသည်။
အထက်ဖော်ပြပါဝါကျများတွင် သုံး စွဲသော မှ အသုံးမှာ မှားနေပါသည်။
'မှ'သည် ပြုလုပ်သူ၊ ပြောဆိုသူ၊ လှူဒါန်းသူ ကတ္တားနောက်ဆက်မဟုတ် ပါ။ 'ထွက်ခွာရာပြပုဒ်'သာဖြစ်ပါသည်။ အမှန်အားဖြင့် ကတ္တားနောက်ဆက် 'က၊ သည်၊ ကား'ပုဒ်များဖြင့်သာ သုံးစွဲရေး သားရမည်ဖြစ်ပါသည်။

ဥပမာ-
- ဥက္ကဋ္ဌကြီးက အဖွင့်အမှာစကားပြော ကြားသည်။
- သမ္မတကြီးက မိန့်ခွန်းပြောသည်။
- ပါချုပ်ဆရာတော်ကြီးက တရား ဟောသည်။
- ဝန်ကြီးဌာနက လှူဒါန်းသည်
ဟု ရေးမှမှန်ပါသည်။
'စ'လုံးနှင့် 'ဆ'လိမ်မကွဲ
စာလုံးပေါင်းသတ်ပုံမှားယွင်းခြင်း ကိစ္စသည် မြန်မာစာကို အထင်သေး၊ အမြင်သေး၍၊ ရေးချင်ရာရေး ရပါတယ် ဆိုသော အလွယ်အတွေးနှင့် ဖြစ်သလို ရေးနေကြသည်။ ပြင်ပလူများရေးသည် ဆို ခွင့်လွှတ်နိုင်ပါသေးသည်။ စာနယ် ဇင်းများတွင် ပါဝင်ရေးသားနေသော ကဗျာဆရာ၊ ဆောင်းပါးဆရာ၊ စာရေး ဆရာတို့ပင် အမှားမှား အယွင်းယွင်းနှင့် ရေးသားနေသည်ကို တွေ့ရှိရပါသည်။
မဂ္ဂဇင်းတိုက်၊ စာပေတိုက်များက လည်း သတ်ပုံသတ်ညွှန်းကျွမ်းကျင်သော ဆရာများမရှိသည်မဟုတ်၊ သတိမမူ ဂူ မမြင်၍ဖြစ်ပါသည်။ အယ်ဒီတာစားပွဲ တွင် သတ်ပုံကျမ်းတစ်ခုတော့ ရှိသင့် ပါသည်။ အိတ်ဆောင်သတ်ပုံကျမ်းလေး တစ်ခုတော့ရှိသင့်ပါသည်။
ယနေ့ပြောဆိုသံများကို လေ့လာ ကြည့်ရာတွင် 'ဆ'လိမ်သံပင်ပျောက်နေ ပြီဟုထင်ရသည်။ ဆန်၊ ဆီ၊ ဆား၊ ဆေး ကိုပင် စံ၊ စီ၊ စား၊ စေးဟုပြောနေကြ သည်။
- ဆန္ဒကို စန္ဒ
- ဆိတ်ကွယ်ရာကို စိတ်ကွယ်ရာ
- ဆိတ်ငြိမ်ရပ်ကွက်ကို စိတ်ငြိမ်ရပ် ကွက်
- ဖျက်ဆီးကို ဖျက်စီး
- ပျက်စီးကို ပျက်ဆီးဟူ၍ သုံးနေကြ သည်ကို တွေ့ရှိရပါသည်။
စာပေကျမ်းဂန်များအရ 'စ'လုံးသည် အသံပျော့ပျော့ ရွတ်ဆိုရသော 'အ ဃောသ'အက္ခရာဖြစ်သည်။ 'သိထိလ' ၌ ပါဝင်သည်။
'ဆ'လိမ်သည် အသံပြင်းပြင်းရွတ် ဆိုဖတ်ရသော 'ဃောသ'အက္ခရာအမျိုး အစားပင်ဖြစ်သည်။ 'ဓနိတ'၌ ပါဝင် သည်။
မြန်မာစာပေသည် စနစ်တကျဖွဲ့စည်း ထားသော ဘာသာစကားဖြစ်သည်။ စာ လုံးပေါင်းသတ်ပုံဆိုလျှင်လည်း ကျမ်း ပေါင်းများစွာရှိသည်။ သဒ္ဒါရှိသည်။ ကဗျာဆိုလျှင်လည်း စပ်ထုံးများရှိသည်။စည်းစနစ်ရှိသည်။
ဖေ့ဘုတ်ခေါ် လူမှုကွန်ရက်ပေါ်လာ သောအခါ အများသူငါတို့က ရေးချင်ရာ ရေးတင်ကြသည်။ စာလုံးပေါင်းသတ်ပုံ ကို လုံးဝဂရုမစိုက်တော့၊ ရေးချင်သလို ရေးမယ် ဘာဖြစ်သေးလဲဆိုသည့် လူ တန်းစားတွေလည်းရှိကြသည်။ တချို့ ဆိုလျှင် တမင်တကာကိုဖျက်ပြီးရေးကြ သည်ကိုလည်း လေ့လာတွေ့ရှိရသည်။
တစ်နေ့က စာပေပွဲကြီးတစ်ခုဟော ပြောပို့ချသွားသောဆရာမကြီးတစ်ဦးက သူ၏လူမှုကွန်ရက်စာမျက်နှာတွင်-
''မနေ့တုန်းက အခန်းအနား ဘာ ကြောင့်မတက်''ဟု ရေးလာပါသည်။
စာရေးသူကလည်း မနေနိုင် မထိုင် နိုင် ဆရာမကြီးခင်ဗျား၊ 'အခန်းအနား' မဟုတ်ပါ။
အခမ်းအနားသာ ဖြစ်ပါသည်ဟု လူမှုကွန်ရက်တွင် တင်လိုက်ပါသည်။
ဘာသာရေးစာစောင်များတွင် တချို့ စာရေးဆရာတို့ အမှုမဲ့အမှတ်မဲ့ရေးသား ကြသောသဒ္ဒါနှင့်သဒ္ဓါရောထွေးမှားယွင်း နေမှုကိုလည်း သတိပြု၍ ရေးသားစေ ချင်ပါသည်။
'သဒ္ဒါ'သည် စာရေးနည်း၊ ရေးထုံး၊ အသုံးပြုပုံပြုနည်း သဒ္ဒါရေးစည်းကမ်း (Grammar)ကို ခေါ်ခြင်းဖြစ်သည်။
'သဒ္ဓါ'သည် ပါဠိဝေါဟာရဖြစ် သည်။ အဓိပ္ပာယ်မှာ ''ယုံကြည်မှု၊ ယုံ ကြည်ချက်၊ ရတနာသုံးပါးနှင့် ကံကံ၏ အကျိုးကို ယုံကြည်ခြင်း''(Faith, Believe )ဖြစ်သည်။
မြန်မာစာကို လေးစားမြတ်နိုးတန်ဖိုး ထားသောသူများ အထူးသဖြင့် လူထု၏ ရှေ့ဆောင်လမ်းပြ၊ ကဗျာဆရာ၊ စာရေး ဆရာ၊ ဆောင်းပါးဆရာတို့က မြန်မာစာ ရေးထုံးကို ဂရုမူပြီး၊ သတ်ပုံသတ်ညွှန်း မှန်မှန်ကန်ကန်ဖြင့် သတိထားရေးသား ကြမည်ဆိုပါလျှင် စာပေလောက၌ မမှား သင့်သော၊ မမှားအပ်သော၊ သတ်ပုံများ မမှားတော့ဘဲ၊ အရေးအသားမှန်မှန်ဖြင့် ပြည်သူထံ တင်ပြနိုင်မည်ဖြစ်ပါကြောင်း စေတနာကောင်းနှင့် ရေးသားလိုက်ပါ သည်။