images
UN
UN
မန္တလေးမြို့မှ လေ့လာစရာ ရွှေအင်ပင်သစ်သားကျောင်းတိုက်
နွေနဒီ(မြစ်ငယ်) Tuesday, 29 May 2018
မန္တလေးမြို့သို့ လာရောက်လည်ပတ်သော နိုင်ငံတကာခရီးသွားဧည့်သည်များမှာ မြန်မာမှု သစ်သားကျောင်းတော်များကို လေ့လာကြသည်။ ထိုကျောင်းတော်များထဲတွင် ရွှေအင်ပင်ကျောင်း လည်း ပါဝင်နေသည်။ ရွှေအင်ပင်ကျောင်း သည် လက်ရှိကာလအထိ သန့်ရှင်းသပ်ရပ်စွာ တည်ရှိနေသောကျောင်းပင်ဖြစ်သည်။
ကျောင်းအတွင်းဝင်လိုက်သည်နှင့် ခန့်ထည် သော သရက်ကင်းလှေကား ရှစ်စင်းတပ်သော ကျောင်းဆောင်ကို လှပခံ့ညားစွာ တွေ့မြင်ရ သည်။ ကျောင်းဦးပြာသာဒ်ဆောင်၊ စနုဆောင်၊ စေတဝန်ဆောင်နှင့် ဘောဂဆောင်များကို သစ်သားဖြင့်တည်ဆောက်ကာ မြန်မာမှု မြန်မာ့ ဟန် အမွမ်းအပြောက်ပန်းပုများဖြင့် တည် ဆောက်ထားသည်။ ထူးခြားသည့်ပုံစံမှာ ဘောဂ ဆောင်၊ အာရုံဆောင်၊ စေတဝန်ဆောင်တို့ကို ပေါင်းကူးဆက်သွယ်ထားသည့် ရှားပါသော လက်ရာများဖြင့် ကျောင်းတော်ကြီးပင်ဖြစ်သည်။
ရွှေအင်ပင်ကျောင်းသည် ရတနာပုံခေတ် နှောင်းပိုင်းလက်ရာဖြစ်ပြီး တရုတ်သူဌေး ဦးစက်ရှင်နှင့် ဒေါ်ဘွားတို့မှ လှူဒါန်းထားသော ကျောင်းပင်ဖြစ်သည်။ ကျောင်းတော်ကြီးမှာ ဂုံးဆောင်စနစ် တပ်ဆင်ထားသောကျောင်းဖြစ် ပြီး လက်ရန်း၊ စက်လုံးများ၊ အမွမ်းပန်းလက်ရာ များကိုလေ့လာနိုင်သည်။ ရတနာပုံခေတ်နှောင်း လက်ရာဖြစ်ကာ ၁၂၅၇ ခုနှစ် ခရစ်သက္ကရာဇ် ၁၈၉၅တွင် ဆောက်လုပ်ကာ တိပိဋကဓရ ရွှေအင်ပင်ဆရာတော်ကြီး ဦးဇဝနဓဇအား လှူဒါန်းခဲ့သောကျောင်းတော်ကြီးဖြစ်ပြီး သီပေါ မင်းပါတော်မူပြီး ၁ဝ နှစ်အကြာတွင် ဆောက် လုပ်ခဲ့ကြောင်း သိရသည်။
ရွှေအင်ပင်ကျောင်းမှာ တိုင်ပေါင်း ၁၅၄ တိုင်ရှိပြီး တိုင်ထိပ်များတွင် ရွှေကျောင်းတော် ကြီးကဲ့သို့ စကျင်ကျောက်တိုင်ဖုံးများ ပါရှိ သည်။ မန္တလေးမြို့တွင် မြန်မာမှုလက်ရာရွှေ ကျောင်းတော်ကြီးပြီးလျှင် မြန်မာ့ရှေးလက်ရာ ပန်းပုရုပ်အများဆုံးတပ်ဆင်ထားသော မြန်မာမှု လက်ရာ စံပြုကျောင်းတစ်ကျောင်းပင်ဖြစ်သည်။ လက်ရှိကာလတွင် မြန်မာနိုင်ငံရောက် နိုင်ငံ တကာခရီးသွားဧည့်သည်များ အများဆုံးသွား ရောက်လေ့လာသော မြန်မာမှုကျောင်းတော် ကြီးအဖြစ်တည်ရှိပြီး နိုင်ငံတကာခရီးသွား ဧည့်သည်များ အထူးသဘောကျသည့် သန့်ရှင်း သပ်ရပ်သောကျောင်းတော်ကြီးအဖြစ် ဂုဏ်ယူ ဖွယ်တည်ရှိနေသည်။