images

BREAKING NEWS

အုတ်ဖို၌ ယာဉ်တစ်စီးလမ်းချော်ကာ လမ်းဘေးသစ်ပင်ဝင်တိုက်မှုဖြစ်ပွား           တောင်ကျရေစီးဆင်းမှုကြောင့် နေအိမ်နှစ်လုံးမျောပါခဲ့သည့်အတွက် ထောက်ပံ့ပစ္စည်းနှင့် ထောက်ပံ့ငွေများပေးအပ်           ဇွန်လကမိုးသည်းထန်စွာရွာသွန်းမှုကြောင့်ရေကြီးနစ်မြုပ်လယ်မြေများအချိန်မီ ပြန်လည်စိုက်ပျိုးနိုင်ရေး မြို့နယ်စက်မှုလယ် ယာစခန်းထွန်ယက်ရေးအဖွဲ့ ဝက်လက်မြို့နယ်သို့ထွက်ခွာ           ရေဘေးဒဏ်ကြောင့် ပြည်ပခရီးစဉ်များအား ဂျပန်ဝန်ကြီးချုပ်ပယ်ဖျက် ကယ်ဆယ်ရေးလုပ်ငန်းစဉ်များကို ဝန်ကြီးဌာနအားလုံးကူညီရန်အမိန့်ပေး           မုတ္တမဆေးရုံ ရေဝင်ရောက်မှုကြောင့် လူနာများ ဘေးလွတ်ရာအရေးပေါ်ပြောင်းရွှေ့
UN
UN
နောက်ဆုံးတံတိုင်း
အောင်ကြည်ညွန့်(တက္ကသိုလ်) Thursday, 31 May 2018
'ဓားကိုဖျက် ဝါးမြက်
လူကိုဖျက် အရက်'
ဟူသောရှေးရှေးတုန်းက လူကြီးသူမ တို့၏ ဆုံးမစကားသည် ယနေ့ကာလ ၂၁ ရာစုအထိမှန်ကန်နေပါသည်။ ရာစု တွေ မည်သို့ပြောင်းပြောင်း ထာဝရမှန် ကန်နေမည်ဖြစ်သော ဆိုရိုးစကားတစ်ရပ် ဖြစ်ပါသည်။
'သေနှင့် အရက် စီးပွားပျက်ကို
တစ်စက်ကယ်မျှ မသောက်ကြနှင့်
ရှောင်ကြပါလေ ရှင်တော်ဟောသည် အဆိပ်ရေ'
ဟူ၍ အင်းဝခေတ်စာဆို ရဟန်း ကဗျာကဝိဆရာအရှင် ရှင်မဟာရဋ္ဌသာရ ၏ ဆုံးမစာတွင် လူငယ်များအရက် မသောက်ကြရန် လမ်းညွှန်ထားသော စာပိုဒ်ဖြစ်သည်။
ဤနေရာ၌ ခေတ်လူငယ်တို့ 'သေ' နှင့် 'အရက်'ကို ခွဲခြားသိရန်ရှင်းပြ လိုပါ သည်။ 'သေ'က သေရည်ကိုညွှန်းသည်။ 'သေ'ကိုစာပေ၌ 'သုရာ'ဟုသုံးပါသည်။ 'အရက်'ကို 'မေရယ'ဟုခေါ်ဆိုသည်။ လူသားများစောင့်ထိန်းအပ်သည် ငါးပါး သီလတွင်-
'သုရာမေရယမဇ္ဇပ္ပမာဒဋ္ဌာနာ၊ ဝေရ မဏိ၊ သိက္ခာပဒံသမာ ဒိယာမိ'
ဟူ၍ ပဉ္စမမြောက်သိက္ခာပုဒ်အနေ ဖြင့် ပါဝင်၏။ မြန်မာပြန်အားဖြင့်-
သုရာခေါ်သေရည်၊ မေရယခေါ် အရက်သောက်စားသုံးစွဲခြင်းမှ ရှောင် ကြဉ်ပါ၏ ဟူ၍ဖြစ်သည်။
အဆိုပါပဉ္စမမြောက် သိက္ခာပုဒ်သည် နောက်ဆုံးခံတပ်ဖြစ်သည်။ သေရည်သေ ရက်ကိုရှောင်နိုင်လျှင် မကောင်းမှုဒုစရိုက် တို့၏ အစ၊ ကာယကံ၊ ဝဇီကံ၊ မနောကံ ကံသုံးပါးစလုံးဖောက်ပြားကာ အယောင် ယောင်အမှားများဖြစ်တတ်သော သဘော ကြောင့်ဖြစ်သည်။
အကြောင်းပြသည်မှာ
မဇ္ဇ=မူးယစ်ခြင်း၊ တွေဝေခြင်း၊
ပမာဒ=မေ့လျော့ခြင်း(အကြောင်းနှင့် အကျိုး၊အကောင်းနှင့်အဆိုး၊ အမှား နှင့် အမှန်တို့ကိုဝေဖန်ခွဲခြားနိုင်စွမ်း မရှိအောင် မေ့လျော့ခြင်း)၊
ဌာနအကြောင်း=မူးယစ်တွေဝေ မေ့လျော့စေသော
အကြောင်းဖြစ်သောကြောင့် မြတ်စွာ ဘုရားရှင်က သိက္ခာပုဒ်ပညတ်၍တား မြစ်ခဲ့ခြင်းဖြစ်သည်။
လူသားများကျင့်သုံး စောင့်ထိန်းရ ရမည့် ငါးပါးသီလတွင် နောက်ဆုံး ပဉ္စမ မြောက်သိက္ခာပုဒ်အဖြစ် ပါဝင်ခဲ့ခြင်းဖြစ် သလို ဤသိက္ခာပုဒ်သည် လူ့ဘဝ၊ လူ့ အကျင့်သိက္ခာ၊အရှက်တရား၊ အကြောက် တရားတို့၏ မူလအကာအကွယ်ပေးရာ နောက်ဆုံးတံတိုင်းကြီးသဖွယ် ဖြစ်ပါ သည်။
- ပထမသိက္ခာပုဒ်မှာ ပါဏာတိပါတာ ဝေရမဏိသိက္ခာပဒံ သမာဓိယာမိ။သူ့အသက်ကိုမသတ်ပါ။
- ဒုတိယသိက္ခာပုဒ်မှာ အဒိန္နာဒါနာ ဝေရမဏိသိက္ခာပဒံ သမာဓိယာမိ။
သူတစ်ပါးဥစ္စာမခိုးပါ။
- တတိယသိက္ခာပုဒ်မှာ ကာမေသု မိစ္ဆာစာရာ ဝေရမဏိသိက္ခာပဒံ သမာဒိယာမိ။
သူတစ်ပါးအိမ်ရာ မပြစ်မှားပါ။
- စတုတ္ထသိက္ခာပုဒ်မှာ မုသာဝါဒါဝေ ရမဏိ သိက္ခာပဒံ သမာဒိယာမိ။ လိမ်ညာပြောဆိုခြင်းမပြုပါ။
နောက်ဆုံးအချုပ်သိက္ခာပုဒ်မှာ
- သုရာမေရယ မဇ္ဇပ္ပမာဒဋ္ဌာနာ ဝေရ မဏိ သိက္ခာပဒံ သမာဒိယာမိ။ ဖြစ်သည်။
နောက်ဆုံးသိက္ခာပုဒ် ပျက်သွားသော သူ၊ အရက်သေစာ သောက်စားမူးယစ်သူ တို့သည် အထက်ဖော်ပြပါသိက္ခာပုဒ်လေး ပါးကိုလွယ်လွယ်ကူကူ လျင်လျင်မြန်မြန် အတားအဆီးမရှိ သတိတရား မကပ်ဘဲ ချိုးဖောက်နိုင်ပါသည်။
တချို့သူတို့က အရက်သောက်ခြင်း သည် သူ့အသက်လည်းမပါ၊ အပြစ်မရှိ နိုင်ဟုစောဒကတက်ကြသည်။ အရင်း စစ်တော့ အမြစ်မြေက ဟူသောစကား အရ အရက်လုံးဝမသောက်သောသူတစ် ယောက်နှင့် အရက်သေစာသောက်စား ထားသော သူတစ်ယောက်ကို သေချာ စွာ စိစစ်သုတေသနပြုမည်ဆိုပါလျှင် ကောင်း၏ မကောင်း၏ အဖြေချက်ချင်း ထွက်ပါသည်။
အရက်မူးနေသူတစ်ယောက်သည် သူ့အသက်ကိုသတ်ရန် ဝန်မလေးတော့။ သူတစ်ပါးဥစ္စာခိုးရန်၊လုယက်ရန်၊ဖောက် ထွင်းရန် လက်ရဲဇက်ရဲဖြစ်စေသည်။
လူဆိုးသူခိုးတို့၏ လက်သုံးစကား အရ အရက်ကလေးတစ်ခွက်၊ နှစ်ခွက် သောက်သုံးခြင်းကိုပင်'ရဲဆေးတင်သည်' ဟု တင်စားကြသည်။ ဒီအရည်ဝင်သွား လျှင် မပြောရဲတာမရှိ၊ မလုပ်ရဲတာမရှိ။ သွေးပူသွေးဆူသွားသည်။
ကာမဂုဏ်ကိစ္စများ မှားယွင်းဖောက် ပြန်ရန် မခဲယဉ်းတော့ပေ။ မိမိ၏သမီး ရင်း၊ ညီမ၊ တူမ စသည်တို့ကိုပင် မှောက် မှားတတ်ကြသည့် သာဓကပေါင်းများစွာ ရှိခဲ့ပါသည်။
ငါးပါးသီလသည် လူသားတိုင်းကျင့် ကြံအားထုတ်သင့်သည့် အခြေခံလူမှုရေး တရားပင်ဖြစ်သည်။ ဗုဒ္ဓဘာသာဝင်များ သာမဟုတ် လူသားတိုင်းအတွက် ကမ္ဘာ့ သီလဖြစ်သည်။ ဤသီလငါးပါးကိုလုံခြုံ အောင်စောင့်ထိန်းနိုင်လျှင်ပင် သူတော် ကောင်း၊ လူတော်လူကောင်းတစ်ယောက် ဖြစ်နိုင်ပါသည်။

မကောင်းမှုပြုရန် အခြေခံအကြောင်း ဖြစ်သောကြောင့် မြတ်ဗုဒ္ဓက သေရည် အရက်(မူးယစ်ဆေးဝါးများ)ကိုမသောက် သုံးရန် တားမြစ်ထားတော်မူခြင်းဖြစ် သည်။
အရက်သေစာသောက်ခြင်းကို ဘာ သာရေးအရ တားမြစ်ထားပါသည်။ အရက်သောက်ခြင်းကြောင့် လူမှုရေးကိစ္စ ရပ်များလည်း ဆုံးရှုံးတတ်ပါသည်။
ဂီဟိဝိနယကျမ်းတွင်-
''ဥစ္စာယုတ်ခြင်း
ငြင်းခုံများစွာ
ရောဂါထူပြော
ကျော်စောမဲ့တုံ
မလုံအင်္ဂါ
ပညာနည်းရှား
ဤခြောက်ပါးကား
သောက်စားသေစာအပြစ်တည်း''
ဟု ပြဆိုထားပါသည်။
ယနေ့ခေတ်တွင် ယာဉ်မတော်တဆ မှုကြောင့် နေ့စဉ်လိုလိုပြည်သူအများ အသက်အိုးအိမ်စည်းစိမ်ပျက်ကာ ကျိုး ကန်း၍ သေပွဲဝင်ကြသူ များလှပေသည်။
ယာဉ်မောင်းသူအတော်များများသည် အရက်၊ ဘီယာစသည်တို့ကို သောက်စား ပြီးယာဉ်မောင်း၍ ယာဉ်မတော်တဆမှု များဖြစ်ရခြင်းဖြစ်သည်။လူပေါင်းများစွာ သေကျေပျက်စီးရသည်။ ထို့ကြောင့်ပင်
- မူးလျှင် မမောင်းနဲ့
- မောင်းလျှင် မမူးနဲ့
ဆိုသော သတိပေးစကားများ ပေါ်ထွန်း လာခြင်းဖြစ်သည်။
သို့သော် ယနေ့ခေတ်တွင် လူငယ်တို့ ၏အစွဲအလမ်းဖက်ရှင်ဖြစ်နေသော ဆေး လိပ်သောက်ခြင်း၊ ဘီယာသောက်ခြင်း၊ ဝိုင်သောက်ခြင်း၊ အရက်မျိုးစုံသောက် ခြင်းကို ခေတ်မီခြင်းဟူသောအယူအဆ ဖြင့် သောက်သုံးနေကြခြင်းဖြစ်ပါသည်။
စာရေးသူတို့ငယ်စဉ်က အရက်ဆိုင် ဟူ၍ အစိုးရထုတ်အရက်ဖြူB.Eဆိုင် နှင့် နိုင်ငံခြားဖြစ်အရက်ဆိုင်ဟူ၍ တစ် ရပ်ကွက်တွင် နှစ်ဆိုင်မျှသာရှိသည်။ အရက်ဆိုင် ပက်ခြင်ဆိုင် ခွက်ခြင်ဆို ရှာမှရှားပါသည်။
ယခုအခါတွင် နိုင်ငံတော်အစိုးရ ကပင် ဖက်စပ်သဘောဖြင့် ဘီယာစက်ရုံ ကြီးများ၊ ဦးပိုင်လီမိတက်မှ ဘီယာနှင့် အရက်ချက်စက်ရုံများ အလွန်များပြားလာ ပါသည်။
''ဘီယာစတေရှင်''ခေါ်ဘီယာခွက် နှင့် ရောင်းသောအရောင်းဆိုင်များလည်း မှိုလိုပေါက်နေပါတော့သည်။ ရပ်ကွက် တစ်ခုတည်းတွင် ဘီယာနှင့်အရက်ဆိုင် များလေးငါးဆယ်ဆိုင်မကရှိလာပါသည်။ အရက်မျိုးစုံရောင်းသည့်ဆိုင်များလည်း တဖြည်းဖြည်းများလာပါသည်။ ညနေ ပိုင်းဆိုလျှင် အရက်ဆိုင်များနှင့် စား သောက်တန်းတွင် လူငယ်လူရွယ်များ ဝိုင်းဖွဲ့သောက်စားပျော်မြူးနေကြသည်ကို တွေ့နိုင်ပါသည်။
စာရေးသူတို့ငယ်စဉ်က ဓနိရည်၊ ထန်းရည်၊ စိမ်ရည်၊ အရက်၊ လှော်စာ ဘိန်းစသည်တို့ကို လူသူမြင်ကွင်းတွင် မသောက်ကြ၊ အရှက်တရား အကြောက် တရားရှိကြသေးသည်။
ယခုအခါဝယ် မွေးနေ့ပွဲ၊ ပါတီပွဲ၊ ညစာစားပွဲ၊ မင်္ဂလာဆောင်ပွဲ၊ ဘောလုံး ပွဲစသည့်ပွဲပေါင်းစုံတွင် အရက်နှင့်ဘီယာ မပါလျှင် ပွဲမစည်တော့ပါ။ ဘောလုံးပွဲနိုင် လျှင်ပင် အုပ်ချုပ်သူ၊ နည်းပြနှင့်ဘောလုံး သမားတို့ အရက်ဘီယာသောက်၍ အောင်ပွဲခံကြသည်ကို တွေ့ရပါသည်။
အရက်သည် မူးယစ်ရီဝေကာ ဆင် ခြင်တုံတရားကို ပျက်စီးစေသဖြင့် ပြော သင့်၊ မပြောသင့်မသိ။ ပြောချင်ရာပြော သည်။ လုပ်သင့်၊ မလုပ်သင့် မဝေဖန်၊ သူသန်ရာ လုပ်ချင်ရာ လုပ်မည်။ မိမိ၏ အသက်မွေးဝမ်းကျောင်းအလုပ်ကို ဂရု မစိုက်၊ အပျင်းထူလာသည်၊ ပေါ့ဆလာ သည်၊ မေ့လျော့လာသည်၊ကျေးဇူးတရား ကို မသိတတ်၊ မထောက်ထား၊ စော်ကား တတ်သေးသည်၊ အရှက်အကြောက် တရားကင်းမဲ့သည်။ အကုသိုလ်မှန်သမျှ အလွယ်တကူ လက်ရဲဇက်ရဲ လုပ်တတ် ၏။ နောက်ဆုံး စိတ်မူမမှန်၊ ဖောက်ပြန် ကာ ရူးသွပ်သည်အထိ ဖြစ်တတ်သည်။
သေရည်၊ သေရက်ကို သောက်စား သည့် အလေ့အထ၊ အမူအကျင့်စရိုက်ကို မိသားစုအတွင်း၊ ဆွေမျိုးသားချင်းစု အတွင်း မရောက်ရှိနိုင်စေရန်၊ မိဘညီအစ် ကိုမောင်နှမများ၊ ဆရာဆရာမများ၊ လူ ကြီးမိဘများက ဝိုင်းဝန်းကာကွယ်စောင့် ရှောက်ကြရန် တိုင်းပြည်အကျိုးမျှော်၍ နှိုးဆော်လိုက်ရပါသတည်း။