images
UN
UN
တိုက်ကြီးတွင် အခြေခံစက်ချုပ်သင်တန်းဖွင့်
ထွန်းလှိုင်(မြိုင်) Monday, 18 June 2018
ရန်ကုန်တိုင်းဒေသကြီး တိုက်ကြီးမြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာန ၂ဝ၁၈-၂ဝ၁၉ဘဏ္ဍာနှစ် သက်မွေးဝမ်းကျောင်းအထောက်အကူပြုအခြေခံ စက်ချုပ်သင်တန်းကို မေ ၁၇ ရက်မှ စတင်ဖွင့်လှစ်ပြီး ၄၅ ရက်ကြာ ယခုလကုန် အထိ ဖွင့်လှစ်မည်ဖြစ်ပြီး အဆိုပါရုံးအစည်းအဝေးခန်းမတွင် ပြုလုပ်သည်။
အဆိုပါသင်တန်းတွင် တိုက်ကြီးမြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာန မြို့နယ်ဦးစီးမှူး ဦးမျိုးဝင်းနှင့်ဝန်ထမ်းများက ကြီးကြပ်ဆောင်ရွက်ပြီး ကျွမ်းကျင်ဆရာမများက စာတွေ့၊ လက်တွေ့ပို့ချပြီး သင်တန်းသားများကိုယ်တိုင် ချုပ်လုပ်တတ်သည်အထိ သင်ကြားသွားမည်ဖြစ်ကြောင်း သိရသည်။ အခြေခံစက်ချုပ်သင်တန်းကို တိုက်ကြီးမြို့နယ်တွင်းရှိ ကျေးရွာများမှ သင်တန်း သူ ၃ဝ တက်ရောက်ကြပြီး ကျေးလက်ဒေသ အမျိုးသမီးများအလုပ်အကိုင်ရရှိရန် ရည်ရွယ်ဖွင့်လှစ်ခဲ့ကြောင်း သိရသည်။