images
UN
UN
ကျွန်တော်နှင့်တက္ကသိုလ်
စာနယ်ဇင်းလင်းမောင် Tuesday, 03 July 2018
ကျွန်တော်နှင့်တက္ကသိုလ် အမြဲဒွန်တွဲ ခဲ့သည်။ တက္ကသိုလ်ဝေါဟာရကို နှစ်လို သဘောကျသူလည်းဖြစ်သည်။ ကျွန် တော်သည် အမှတ်(၂)အခြေခံပညာ အထက်တန်းကျောင်းတာမွေမှ တက္က သိုလ်ဝင်တန်းစာမေးပွဲအောင်မြင်ခဲ့သည်။ ထိုစဉ်ကတက္ကသိုလ်ဝင်ရန် လွန်စွာခက်ခဲ ခဲ့သည်။ အောင်ချက်ရာခိုင်နှုန်း ၂ ဒသမ ၂ သာရှိခဲ့ရာ ကျွန်တော်တို့ တစ်ကျောင်း လုံးမှ ရှစ်ဦးသာ အောင်မြင်ခဲ့သည်။ တက္ကသိုလ်ကို ထိုစဉ်ကပင် ရောက်ချင် ဇောဖြစ်ခဲ့မိသည်။
ရန်ကုန်တက္ကသိုလ်ကိုတက်ရန် ထီး တန်းကောလိပ်မှ စတင်ဝင်ရောက်ရ သည်။ ထီးတန်းကောလိပ်မှာ ဝိဇ္ဇာ ဘာသာ သင်ယူသူများတက်ရသည်။ ရန်ကင်းကောလိပ်တွင်မူ သိပ္ပံဘာသာ သင်ယူသူများတက်ရောက်ရသည်။ ဝိဇ္ဇာ၊ သိပ္ပံကို နှစ်သက်ရာရွေးချယ်နိုင်ခွင့်ရှိ သည်။ ရန်ကင်းနှင့် ထီးတန်းကောလိပ်ကို အစမ်း ဝင်ရောက်တက်ခွင့်ရှိသည်။ ထိုသို့ တက်ရောက်လေ့လာပြီးမှသာ ဝိဇ္ဇာ၊ သိပ္ပံ နှစ်သက်ရာ ပြောင်းလဲသင်ယူနိုင်သည်။
ကျွန်တော်သည် တက္ကသိုလ်ကို ပို နှစ်သက်သလို ဝိဇ္ဇာပညာရပ်ကိုပါ ရွေး ချယ်သင်ယူရသော သဘောသဘာဝကို ပြောပြလိုသည်။ ရန်ကင်းကောလိပ်၌ ကျွန်တော်သိပ္ပံဘာသာတွဲကို သင်ယူလေ့ လာဖူးသည်။ သိပ္ပံပညာဆရာ၊ ဆရာမ ကြီးများက အင်္ဂလိပ်စာကျွမ်းကျင်မှ၊ သင်္ချာဘာသာတော်မှ သိပ္ပံဘာသာသင် ယူလိုက်နိုင်ကြောင်း ပြောပြနေသဖြင့် အစိုးရအထက်တန်းကျောင်းသားအဖို့ မဝံ့ မရဲဖြစ်ခဲ့ရသည်။
ဝိဇ္ဇာဘာသာဆရာ၊ ဆရာမကြီးများ ကမူ ထိုစဉ်က ဆရာဦးကျော်ရင်၊ ဆရာ ဦးလှရွှေတို့က မြန်မာစာသင်ယူရတာ နှစ် သက်စရာကောင်းပုံ၊ အောင်မှတ်အတွက် ကျက်မှတ်ရန် နည်းလမ်းတို့ပါ သင်ပြပို့ ချနေသည်ကို နှစ်လိုသဘောကျကာ မြန်မာစာပါဝင်သော ဝိဇ္ဇာဘာသာတွဲကို ရွေးချယ်ခဲ့ရခြင်းဖြစ်သည်။
အခါအခွင့်သင့်၍ ဝိဇ္ဇာပညာရပ်ကို ပိုမိုနှစ်ခြိုက်ရန်ဖန်တီးလာသောအကြောင်း တစ်ရပ်ကို ပြောဆိုလိုသည်။ သိပ္ပံတွဲမှ ဝိဇ္ဇာတွဲပြောင်းလဲရန် လျှောက်လွှာတင်ခဲ့ ရာ ပါမောက္ခချုပ် ဒေါက်တာထင်အောင် နှင့် ရန်ကုန် ဝိဇ္ဇာ၊ သိပ္ပံတက္ကသိုလ်ရုံးချုပ် မှာ သွားရောက်တွေ့ဆုံခွင့်ရခဲ့သည်။
ဒေါက်တာထင်အောင်ရုံးခန်းတွင်းသို့ ဝင် သွားရာတွင် ဆရာ့ကိုမမြင်မိပါ။ အသံ ပြုမှသာ ဆရာ့ရုပ်သွင်ကို မြင်လိုက်ရ သည်။ အမှန်ပြောရလျှင် ကျွန်တော် လွန် စွာကြောက်ရွံ့နေမိသည်။ ပါမောက္ခချုပ် ရုံးခန်းအရှိန်အဝါ၊ ဆရာ၏ ထင်ရှားကျော် ကြားမှုတို့ကြောင့် ထင်သည်။
''ထိုင်ပါမောင်ရင်၊ မောင်ရင်ကဝိဇ္ဇာ ဘာသာတွဲကို ဘာကြောင့်ပြောင်းချင် တာလဲ''
''ကျွန်တော် ဝိဇ္ဇာဘာသာတွဲကို ပိုမို နှစ်သက်သဘောကျလို့ပါ ဆရာကြီး''
ကျွန်တော် အတော်ထိတ်လန့်နေမိ သည်မှာ အမှန်ပင်။ သူပြောလိုက်သည် မှာ-
''ဝိဇ္ဇာဘာသာကို တကယ်နှစ်ခြိုက် သဘောကျတယ်ဆိုရင် ကောင်းပါတယ်။ ဝိဇ္ဇာဘာသာဟာ ကမ္ဘာမှာ ကြီးမားကျယ် ပြန့်သြဇာရှိနေပါတယ်ကွာ။ ငါ့ကို ကြည့် ပါ။ ဆရာ့မောင်နှမတွေထဲမှာ သိပ္ပံပညာ ရှင်တွေ အများကြီးပါဝင်နေပါတယ်။ ဒါ ပေမဲ့ ဆရာ့လို ဘယ်သူမှ ကမ္ဘာမကျော် ကြဘူး။ ဆရာ့ကို နိုင်ငံခြားဘာသာ တက္ကသိုလ်အားလုံးလိုလို သိရှိကြတယ်။ ဆရာကလည်းပါရဂူဘွဲ့တစ်ခုပေါ်ပေါက် လာလျှင် ဝင်ရောက်ဖြေဆိုအောင်မြင်ခဲ့ တာချည်းဆိုတော့ ဆရာ့ပညာဂုဏ် ကြောင့် ထင်ရှားကျော်ကြားတာလည်း ဖြစ်နိုင်တယ်။ မောင်ရင် ဝိဇ္ဇာဘာသာ သင်ယူပြီး ထင်ရှားကျော်ကြားအောင် လုပ်ဆောင်နိုင်ပါတယ်''
ကျွန်တော်သည် ဒေါက်တာထင် အောင်ကို ရိုသေလေးစားအံ့အားသင့် သွားသည်။ ထိုစဉ်က ပါမောက္ခချုပ်ကို တွေ့ဖို့ရန် ခက်ခဲသလို တွေ့ရန်အခွင့် အရေး အလွန်နည်းပါးသည်။ ကျွန်တော့် မှာ ပညာရှင်ပါရဂူဘွဲ့တွေ အများကြီး ရပြီးဖြစ်သော ဒေါက်တာထင်အောင်က ထိုကဲ့သို့ အားပေးစကားပြောကြားသည် ကို ယနေ့တိုင်မမေ့နိုင်သေးပါ။

ဝိဇ္ဇာ၊ သိပ္ပံမည်သူသာသည်ဟု မဝေ ဖန်လိုပါ။ ဆရာကြီးဒေါက်တာ ထင် အောင်သည် ကျွန်တော့်လို ပထမနှစ် တက္ကသိုလ်ကျောင်းသားကို ဝိဇ္ဇာပညာ ရပ်အကြောင်း တစေ့တစောင်းကောင်း ကောင်းပြောပြလိုက်သဖြင့် အသည်းတွင် စွဲထင်ကျန်ရစ်စေခဲ့သည်မှာ အမှန်ပင် ဖြစ်သည်။ ယင်းသို့ပြောပြနေရသည်မှာ ကျွန်တော်ဝိဇ္ဇာဘာသာနှင့် တက္ကသိုလ် ပညာကို လေးစားတန်ဖိုးထားလွန်း၍ ဤသို့ပြန်လည်ပြောပြရခြင်းဖြစ်သည်။
ကျွန်တော်ထီးတန်းကောလိပ်တွင် ဝိဇ္ဇာဘာသာတွဲ၊ စိတ်ကြိုက်မြန်မာစာ၊ တက္ကဗေဒ၊မြန်မာ့သမိုင်းဘာသာရပ်တို့ကို အထူးပြုသင်ယူခဲ့သည်။မြန်မာစာ ဆရာ ဆရာမကြီးများ၏သွန်သင်မှုဖြင့် မြန်မာ စာပေကို ပိုမိုနှစ်သက်မိလာရာမှ ကဗျာ ကိုပါ စတင်ရေးဖွဲ့မိသည်။ ကျွန်တော် သည် တာသင်္ကြန်တန်ခူးလဖွဲ့ ''ပွဲသဘင် မနွှဲချင် ဘဝင်နွမ်းတာပ'' လေးချိုးကဗျာ ကို ၁၉၅၇ခုနှစ် ဧပြီလထုတ် မြန်မာ့ အလင်းသတင်းစာတွင် ထည့်သွင်းဖော်ပြ နိုင်ရန် ကိုယ်တိုင်ပေးပို့ခဲ့သည်။
ကလောင်အမည်ကို တက္ကသိုလ် မောင်တင်ခဟူ၍ တက္ကသိုလ်ရောက်ရ သည်ကိုဂုဏ်ယူလိုသဖြင့် စတင်အသုံး ပြုလိုက်မိသည်။
ထိုစဉ်က မြန်မာ့အလင်းအယ်ဒီတာ ချုပ် ဦးစိုးမောင်ဖြစ်သည်။ ကျွန်တော်နှင့် ရင်းနှီးသိကျွမ်းခဲ့ခြင်း အလျဉ်းမရှိခဲ့ပါ။ ၁၉၅၇ခုနှစ် ဧပြီ ၁၃ရက်ထုတ် မြန်မာ့ အလင်းသတင်းစာတွင် သင်္ကြန်ဓာတ်ပုံ နှင့်ယှဉ်တွဲပြီး ထူးထူးခြားခြားအမှတ်တရ ဖော်ပြခဲ့ပါသည်။
ထိုနောက်ပိုင်းတွင် မြန်မာ့အလင်း၊ ဟံသာဝတီသတင်းစာတို့တွင် ရာသီဖွဲ့ ကဗျာများပေးပို့ခဲ့ရာမှ မကြာခဏဖော်ပြ ခံခဲ့ရသည်။