images

BREAKING NEWS

အုတ်ဖို၌ ယာဉ်တစ်စီးလမ်းချော်ကာ လမ်းဘေးသစ်ပင်ဝင်တိုက်မှုဖြစ်ပွား           တောင်ကျရေစီးဆင်းမှုကြောင့် နေအိမ်နှစ်လုံးမျောပါခဲ့သည့်အတွက် ထောက်ပံ့ပစ္စည်းနှင့် ထောက်ပံ့ငွေများပေးအပ်           ဇွန်လကမိုးသည်းထန်စွာရွာသွန်းမှုကြောင့်ရေကြီးနစ်မြုပ်လယ်မြေများအချိန်မီ ပြန်လည်စိုက်ပျိုးနိုင်ရေး မြို့နယ်စက်မှုလယ် ယာစခန်းထွန်ယက်ရေးအဖွဲ့ ဝက်လက်မြို့နယ်သို့ထွက်ခွာ           ရေဘေးဒဏ်ကြောင့် ပြည်ပခရီးစဉ်များအား ဂျပန်ဝန်ကြီးချုပ်ပယ်ဖျက် ကယ်ဆယ်ရေးလုပ်ငန်းစဉ်များကို ဝန်ကြီးဌာနအားလုံးကူညီရန်အမိန့်ပေး           မုတ္တမဆေးရုံ ရေဝင်ရောက်မှုကြောင့် လူနာများ ဘေးလွတ်ရာအရေးပေါ်ပြောင်းရွှေ့
UN
UN
ဓနဉာဏ်ငွေစုံမက်သော်ကြောင့် ကုလားထံအဖေကိုဆက်ပါတဲ့ အနေခက်ပါလိမ့် မောင်ကြာညို
အမတ်ဒိန် Wednesday, 11 July 2018
ရခိုင်အရေးဆိုသည်က ကမ္ဘာကပင်တုန်လှုပ် ချောက်ချားစွာ ရင်ဆိုင်နေရသော အကြမ်းဖက် တိုက်ခိုက်သတ်ဖြတ်မှုအန္တရာယ်ကြီးနှင့် မြန်မာ တို့ကြုံဆုံလိုက်ရခြင်းဖြစ်သည်။ အဆိုပါအကြမ်း ဖက်အုပ်စုသည် ၂ဝ ရာစုက သူပုန်များကဲ့သို့ မဟုတ်ဘဲ စစ်ရေးတိုက်ခိုက်မှုနှင့် နည်းပညာ တိုက်ခိုက်မှုတို့ကို တစ်ပြိုင်တည်းစစ်မျက်နှာဖွင့် လာသော ရင်ဆိုင်ရန်ခဲယဉ်းသည့် ပြည်ပကျူး ကျော်ရန်သူများဖြစ်သည်။ သူတို့ကရခိုင်မြေပေါ် တွင်လက်နက်ကိုင်အဖွဲ့များ ခြေကုပ်ယူ၍ နယ်မြေ လုသတ်ဖြတ်မှုများပြုကြသည်နှင့် တစ်ချိန်တည်း ၄င်းတို့၏အကြမ်းဖက်မှုသည် လူမျိုးတုံးသတ် ဖြတ်ခံရမည့် ဘေးမှကာကွယ်ခြင်း ဖြစ်ကြောင်း ကမ္ဘာ့နားကိုပေါက်စေရန်အင်တာနက် နည်းပညာ ဖြင့်ပေါက်ပေါက်မြောက်မြောက်နားသွင်းခဲ့ကြသည်။
အကြမ်းဖက်သူတို့ ကမ္ဘာကိုဝါဒဖြန့်နေသော အချက်အလက်များမှာ မှားယွင်းသောလုပ်ဇာတ် များဖြစ်နေသော်လည်းနည်းပညာလက်ဦးမှုကြောင့် အမှားကိုပင် အမှန်ထင်စရာများဖြစ်ခဲ့သည်။ တစ်ပြိုင်တည်းတွင် ဘာသာရေးယဉ်ကျေးမှုခြင်း ပွတ်တိုက်မှုအသွင်ဖန်တီးလျက် လူ့အသိုင်းအဝိုင်း တစ်ခုကို အကာအကွယ်ယူသောအခါ အဆိုပါ လူ့အသိုက်အဝန်းကြီးတစ်ခုလုံး၏ အငြိုးထားခြင်း ခံရသည်။စွက်ဖက်စော်ကားခြင်းခံရသည်။ဒေါ်လာ လက်နက်၊ သံတမန်လက်နက် လက်နက်ပေါင်းစုံ သုံးကာပြည်တွင်းတွင်သူလျှိုမွေး၊ ပြည်ပမှ ဖိအား ပေး ဗျူဟာခင်းလာကြသည်။
ရန်သူသစ်၊ စိန်ခေါ်မှုသစ်ကိုရင်ဆိုင်ရာတွင် အစိုးရကဖြစ်ရပ်မှန်၊ သတင်းမှန်များကိုကမ္ဘာ့နား ကြားအောင် သံတမန်နည်းဖြင့်ကာကွယ်ရာတွင် အားနည်းလှသည်။ တပ်မတော်က ဒေသခံတိုင်း ရင်းသားသွေးချင်းများ အသက်အိုးအိမ်စည်းစိမ် ကို စစ်ဆင်ရေးတစ်ရပ်ဖြင့် ကာကွယ်ခဲ့ရသည်။
အစိုးရ၏ပေါ်လစီဆိုင်ရာတွင် တပ်မတော် အခန်းကဏ္ဍလိုအပ်ချက်ကို ငြင်းဆို၍မရ။ သို့တိုင် တပ်မတော်နှင့်ရင်ချင်းအပ်၊ ကျောချင်းကပ်ကာ ဟန်ချက်ညီပူးပေါင်းဖြေရှင်းမှုများမတွေ့ခဲ့ရ။ တပ်မတော်နှင့် အာဏာခွဲဝေသုံးစွဲနေရသဖြင့် ရခိုင်အရေးကို ဖြေရှင်းရခက်နေကြောင်းအသံကို သာကြားရသည်။ မြန်မာအစိုးရက ကုလသမဂ္ဂ လက်အောက်ခံUNHCR, UNDP များဖြင့် နား လည်မှုစာချွန်လွှာလက်မှတ်ထိုးသည်။ မည်သည့် ကတိကဝတ်များဖြင့် လက်မှတ်ထိုးသည်ကို မသိ ရ။ ရခိုင်ပြည်နယ်တွင် အာဆာအကြမ်းဖက်မှုများ အပြီး လူ့အခွင့်အရေးချိုးဖောက်မှုများအတွက် စုံစမ်းစစ်ဆေးရေးကော်မရှင်တစ်ရပ်ကို နိုင်ငံ တကာပုဂ္ဂိုလ်ကြီးတစ်ဦး ဦးဆောင်ဖွဲ့စည်းမည်ဖြစ် ကြောင်းသတင်းထုတ်ပြန်သည်။
ကိုလိုနီလက် သစ်တို့က တပ်မတော်ကို သီးသန့်ဖဲ့ထုတ်ကာ တရားခံရှာကြတော့သည်။
'မြန်မာအစိုးရက ကုလသမဂ္ဂအဖွဲ့အစည်း များဖြင့် နားလည်မှုစာချွန်လွှာထိုးခဲ့ခြင်းနှင့် ရခိုင်ပြည်နယ်မြောက်ပိုင်း လူ့အခွင့်အရေးချိုး ဖောက်မှုများအတွက် စုံစမ်းစစ်ဆေးရေးကော်မ ရှင်ဖွဲ့လိုက်ခြင်းအပေါ် ဥရောပသမဂ္ဂEU သံ အမတ်ကြီးများက ကြိုဆိုကြောင်း၊ ရခိုင်ပြည်နယ် မြောက်ပိုင်းမှာ ကုလသမဂ္ဂနှင့် အခြားမိတ်ဖက် အဖွဲ့အစည်းများအား အကန့်အသတ်မရှိဝင် ရောက်ခွင့်ပေးဖို့လည်း မြန်မာနိုင်ငံအစိုးရကို တောင်းဆိုကြောင်း၊EUအနေဖြင့်ကိုဖီအာနန် ဦးဆောင်သော ရခိုင်အကြံပေးကော်မရှင်၏ အကြံ ပြုချက်များကို အပြည့်အဝအကောင်အထည်ဖော် ရေးများအားထောက်ခံကြောင်းEUအဖွဲ့ရန်ကုန် အခြေစိုက်သံအမတ်ကြီးများက ရန်ကုန်တွင် ထုတ်ပြန်သည်။ လက်တွေ့တွင်လည်း တပ်မ တော်ခေါင်းဆောင်အချို့ကို ဆန်ရှင်လုပ်သည်။
ဇွန်လ ၁၂ ရက်နေ့က ဗြိတိန်လွှတ်တော်မှာ လစ်ဘာပူးအမတ်ကမြန်မာနိုင်ငံအရေးမှာလူ့အခွင့် အရေးချိုးဖောက်မှုများအပေါ်ICC တင်ပြီး အရေး ယူရန်မေးခွန်းထုတ်လိုက်ပြီး 'အစိုးရကိုယ်တိုင် ဖွဲ့စည်းမယ့် စုံစမ်းရေးကော်မရှင်အနေနဲ့ မဖြစ် မနေဆောင်ရွက်ရမယ်။
အကယ်၍ ကိုယ်တိုင် မလုပ်နိုင်ဘူးဆိုလျှင် နိုင်ငံတကာအသိုင်းအဝိုင်း၏ အကူအညီကို မြန်မာအစိုးရအနေနှင့် စဉ်းစားရပါ လိမ့်မယ်'ဟုဆိုသည်။ ဗြိတိသျှ နိုင်ငံခြားရေး ဝန်ကြီးဘောရစ်ဂျွန်ဆင်(Boris Johnson) က မြန်မာနိုင်ငံနိုင်ငံခြားရေးဝန်ကြီး ဒေါ်အောင်ဆန်း စုကြည်ကို တယ်လီဖုန်းနှင့်ဆက်သွယ်စကားပြော ရာတွင်မြန်မာအစိုးရနှင့် ကုလသမဂ္ဂအေဂျင်စီများ ကြား နားလည်မှုစာချွန်လွှာရေးထိုးခဲ့ခြင်းအား ဗြိတိန်နိုင်ငံအနေနှင့်ကြိုဆိုကြောင်း၊ ရခိုင်နှင့် ကချင်ပြည်နယ်များမှ ဒုက္ခသည်အားလုံးနေရပ်သို့ ပြန်နိုင်ရေးသေချာအောင်ဆောင်ရွက်ရန် တိုက် တွန်းကြောင်းပြောကြားသည်။
'ရခိုင်ပြည်နယ်တွင်ဖြစ်ပွားခဲ့သော လူ့အခွင့် အရေးချိုးဖောက်မှုများနှင့် ပတ်သက်၍ တာဝန် ရှိသည့်တပ်မတော်ကာကွယ်ရေးဦးစီးချုပ် ဗိုလ်ချုပ် မှူးကြီးမင်းအောင်လှိုင်အပါအဝင် ထိပ်တန်း အရာရှိ ၁၃ ဦးကိုအရေးယူရန်' တိုက် တွန်းထား သည့်အစီရင်ခံစာတစ်စောင်ကို AI ခေါ် နိုင်ငံ တကာ လွတ်ငြိမ်းချမ်းသာခွင့်အဖွဲ့က ဇွန်လ ၂၇ ရက်နေ့မှာ ထုတ်ပြန်သည်။ အစီရင်ခံစာကို ''We will hold the military responsible for crimes against humanity in Rakhine State, Myanmar'' 'အရာ အားလုံးကို ငါတို့ဖျက်ဆီး မယ်'(ရခိုင်ပြည်နယ်မှာ လူသားဖြစ် တည်မှုဆန့် ကျင်တဲ့ ရာဇဝတ်မှုတွေဖြစ်ပွားခဲ့တာနဲ့ စပ်လျဉ်း ပြီး တာဝန်ရှိတဲ့တပ်မတော်)ဟု အမည်ပေးထား ပြီး မြန်မာပြည်၏ လက်ရှိအခြေအနေတွေကို စုံစမ်းစစ်ဆေးအပြစ်ပေးနိုင်ရေးအတွက်ICC နိုင်ငံတကာရာဇဝတ်မှုဆိုင်ရာတရားရုံးကိုလွှဲပြောင်း ပေးတောင်းဆိုသည်။ ဤသည်တို့က လူတွင်ပါ၍ နွားကျားကိုက်ခြင်းဖြစ်သည်။
သည်အချိန်တွင် ရယ်ဒီကယ်သူငယ်နာမစင် သောမီဒီယာသမားတချို့က 'တစ်ခါဖြင့် အကွက် ကောင်းရပြီ'ဟု တပ်မတော်ကမလျော်အင်အား သုံးနေဟန်၊ ငြိမ်းချမ်းရေးကို ဟန့်တားနေဟန် ပါဖောမန့်များ၊ သတင်းများ ဖန်တီးလျက်ကိုလိုနီ လက်သစ်တို့အား လက်ထောက်ချမှုများတွေ့ လာရပြန်သည်။ ထိုလက်ထောက်ချမှုများမှာ ပုဂ္ဂိုလ်တစ်ဦးတစ်ယောက်အတွက် အကျိုးစီးပွား ရှိလျှင်ရှိနိုင်သော်လည်း နိုင်ငံသွေးချောင်းစီးမည့် လမ်းကိုခင်းနေခြင်းဖြစ်သည်။
သို့အတွက် 'ဓနဥာဏ် ငွေစုံမက်သော်ကြောင့် ကုလားထံအဖေကိုဆက်ပါတဲ့ အနေခက်ပါလိမ့် မောင်ကြာညို'ဆိုသည့် စာချိုးလေးကိုပြေး၍သတိ ရမိသည်။ ထိုစာချိုးလေးကိုရေးခဲ့သူမှာ မြန်မာ့ ဦးစွန်းအနောက်ယွန်းချိန် သူ့ကျွန်မခံလို၍ ရရာ လက်နက်စွဲကိုင်တော်လှန်ခဲ့ကြသည့် သူရဲကောင်း များအနက်မှ 'ဆင်ဖြူကျွန်းမှ ဗိုလ်ဥတ္တမ'ဟုထင် ရှားသည့် တော်လှန်ရေးသမားကြီးဖြစ်သည် ။
ဗိုလ်ဥတ္တမ၏ တော်လှန်ရေးတိုက်ပွဲများမှာ သုံးနှစ်တိုင်ပင်ကြာညောင်းလာခဲ့သော် စစ်ပန်း သည်ဖြစ်၍ သူ၏တော်လှန်ရေးအင်အားများ မှာလည်း တစ်စတစ်စလျော့နည်းလာခဲ့သည်။ သူက ပွင့်ဖြူမြို့နယ် အနောက်ဘက်သနဝရွာ အနီးရွှေစက်တော်တောင်ခြေက ခင်တန်းကြီး တောင်စွယ်ခံတပ်ချောင်ခေါ် 'မင်းကြီးချောင်' သို့ ပြန်လာခဲ့ကာ တပ်ကိုအင်အားပြန်စုစည်းခဲ့သည်။ အင်္ဂလိပ်ကလည်းဗိုလ်ဥတ္တမတပ်များကိုထက်ကြပ် မကွာခြေရာ ခံလျက်ရှိသည်။
ဗိုလ်ဥတ္တမကသူ၏တပ်များကို မင်းဘူးမြို့ မြောက်ဘက်ငါးမိုင်အကွာအောက်ကြောင်း ကြာခံ ရွာမှ ဧရာဝတီမြစ်ကိုဖြတ်ကူးရန် ကြံစည်သည်။ ရိက္ခာ၊ လက်နက်စုဆောင်းခြင်းများကို ဂရုတစိုက် လုပ်သည်။ တပ်များကိုလူစုခွဲစေလျက် သူကိုယ် တိုင်မူလယ်ကိုင်းကျောင်းတော်ရာ စေတီအနောက် ဘက်မုန်းတော်ကြီးတန်ဆောင်းသို့ ရှောင်တိမ်းခဲ့ပြီး ဥပုသ်ရက်ရှည်စောင့်လျက်တော်လှန်ရေးကို မည် သို့ဆက်ရမည်ဟု ကြံစည်နေခဲ့သည်။
အင်္ဂလိပ် အလိုတော်ရိများက ဗိုလ်ဥတ္တမပုန်းအောင်းနေရာ ကိုပြနိုင်သူအားဆုတော်ငွေ ၃ဝဝ ကျပ်ပေးမည့် အကြောင်းရွာစဉ်လှည့်၍ကြော်ငြာသည်။ ထိုခေတ် က နွားတစ်ကောင် ၁ ကျပ် ၈ ပဲမျှရှိ နေချိန်ဖြစ် သဖြင့်ထိုဆုတော်ငွေမှာ မက်မောစရာကောင်း သည့် အတိုင်းအတာဖြစ်သည်။ ထိုသတင်းကို ဗိုလ်ဥတ္တမထံနေ့စဉ်ထမင်းပို့ပေးနေသောဗိုလ်ဥတ္တမ ၏ မွေးစားသားမောင်ကြာညိုကြားလေရာ ဆုငွေ ကို မက်မောစိတ်ဖြစ်သည်။ မွေးစားအဖေကို ခိုး ကြောင်ခိုးဝှက်ထမင်းပို့နေသည်ထက် အင်္ဂလိပ်ကို သတင်းပေးလိုက်သည်ကမှ ဆုတော်ငွေ ၃ဝဝ ဖြင့် တောသူဌေးဖြစ်နိုင်သည်။ ယခင်ကသူလေး စားအားကျခဲ့ရသည့်ဖခင်ဖြစ်သူ၏ ဇာတိမာန် စိတ်၊ သူရဲကောင်းတစ်ဦး၏ သတ္တိ၊ တိုင်းတစ်ပါး လက်အောက်ဒူးမထောက်သည့် မျိုးချစ်စိတ်ဓာတ် တို့ကိုဆုငွေ ၃ဝဝ နှင့် လဲရန်ဆုံးဖြတ်လိုက်သည်။ သို့အတွက် ဖခင်ဗိုလ်ဥတ္တမပုန်းခိုသည့်နေရာအား အင်္ဂလိပ်စစ်တပ်ကိုသတင်းပေးလိုက်သည်။
အင်္ဂလိပ်များက ဗိုလ်ဥတ္တမရှိရာအရပ်ကိုပိတ် ဆို့ဖမ်းဆီးရာ ကျောင်းတော်ရာဘုရားအနောက် တောင်ဘက်ထောင့်တွင် ဖမ်းဆီးရမိသွားသည်။ ဖမ်းမိပြီးနောက် ဗိုလ်ဥတ္တမကိုအသနားခံစာရေး ရန်ခိုင်းစေခဲ့သည်။ 'မင်းတို့အသနားခံခိုင်းပေမယ့် ငါအသနားခံမှာမဟုတ်ဘူး။ မင်းတို့တိုင်းတစ်ပါး သားလူမျိုးခြားတွေကို ဘယ်တော့မှ ငါအောက် ကျို့မှာမဟုတ်ဘူး၊ ဗိုလ်ဥတ္တမဟာ တိုင်းတစ်ပါး သားတွေကို အောက်ကျို့တယ်လို့ ရာဇဝင်ပျက်မခံ နိုင်ဘူးကွ'ဟူ၏။ သို့အတွက် အင်္ဂလိပ်တို့က ဗြိတိသျှအင်ပါယာကို ဆန့်ကျင်တော်လှန်မှုဖြင့် ဗိုလ်ဥတ္တမကို ကြိုးမိန့်ပေးခဲ့လေသည်။
ဗိုလ်ဥတ္တမကိုကြိုးမိန့်မပေးမီ 'ဘာလုပ်ချင် သေးသလဲ' ဟုနောက်ဆုံးဆန္ဒမေးရာ 'စာရေးလို တယ်'ဟုစက္ကူနှင့်ခဲတံတောင်းသဖြင့်ပေးရသည်။ ဗိုလ်ဥတ္တမက မည်သည့်အချိန်ကစိတ်ဖြင့် ဖွဲ့စပ် ထားသည်မသိသော လေးချိုးကဗျာတစ်ပုဒ် ကို ရေးခဲ့သည်ဟူ၏ ။
'ဓနဥာဏ် ငွေစုံမက်သော်ကြောင့်၊ ကုလား ထံ အဖေကိုဆက်ပါတဲ့၊ အနေခက်ပါလိမ့် မောင် ကြာညို။
ဝမ်းနဲ့ပင် မလွယ်သော်ငြားလည်း၊ ရဟန်းရှင် နွယ်သာမဏငယ်စွချိန်ခါ၊ သူ့အိမ်မှာ ကိုယ်နေ ကြေးရယ်နဲ့၊ ပေးဆပ်ကာရှင်တော်ပြုပါလို့၊ လူမှု ကဝိန္ဒာပ၊ လိမ္မာအောင်ကောက်ယူမွေး သကွယ်၊ ကျွေးတဲ့ဖခင်ကျေးဇူးရှင်ကို။
မပြုငြားသင့်ပါဘူး ငကြာညိုရဲ့၊ ခုများကံ တော်ခေလို့၊ ငါ့အဖေလွတ်စေကြောင်းရယ်နဲ့၊ လွှတ်ရုံးတော် ရှေ့နေကောင်းတို့နှင့်၊ လွတ်ကြောင်း မူတကာပ၊သူတကာချစ်ကြည်ရေးကို၊ အသပြာငွေ တင်းခြင်၍ပေးသော်လည်း၊ သေဘေးကမလွတ် လို စနေဂြိုဟ်ရယ်က မွှေတုန်း။
စံသူခွင် စံပြုကာ မေမေခင်တို့ရဲ့၊ ကိုယ်သား ကို ယုံကြည်မှတ်ပါလို့၊ တောရပ်မှာအလံထူ၍၊ ရန်သူ မာန်မူ ဖြတ်မလို၊ တကယ့်ဟန် နှစ်ဘွဲ့ခံ အရှင်မြတ်မှာလ၊ ဗိမ္ဗိသာဇာတသတ်တို့လို အများ မှတ်ဖို့ထုံးပါပဲ (ကိုယ်တော်မှာကွယ်) သားသတ် လို့ဆုံး။'
'အများမှတ်ဖို့ထုံးပါပဲ သားသတ်လို့ဆုံး' ဟူ၍ဗိုလ်ဥတ္တမကထုံးတစ်ခုကိုပြခဲ့သည်။ ငွေကို အဖေထက်စုံမက်သော သစ္စာမဲ့မွေးစားသား ခေတ်သစ်မောင်ကြာညိုများကို သတိထားကြရန် ခေတ်သစ်မေမေ 'မေမေခင်'ကို သတိပေးခဲ့ခြင်း ဟုနားလည်ရသည်။