images
UN
UN
တက္ကသိုလ်ဝင်တန်းအောင် ပါတီဝင်များ၏ မိသားစုဝင်များအား စဉ့်ကိုင်မြို့နယ်ပြည်ခိုင်ဖြိုးပါတီမှ ဂုဏ်ပြု
သုတ(မန္တလေး) Thursday, 12 July 2018
စဥ့်ကိုင်မြို့နယ် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ မြို့နယ်အတွင်းရှိ ပါတီဝင်များ၏ မိသားစုဝင်များအနက် တက္ကသိုလ် ဝင်တန်းစာမေးပွဲ အောင်မြင်ခဲ့သူ များနှင့် ထူးချွန်စွာအောင်မြင်ခဲ့သူ များအား ဂုဏ်ပြုပွဲအခမ်းအနားနှင့် ပါတီရပ်/ကျေး ပုံမှန်အစည်းအဝေး ကို ယမန်နေ့ နံနက်၉နာရီခွဲက မြို့နယ်ပါတီရုံးခန်းမတွင် ကျင်းပ ခဲ့သည်။
ရှေးဦးစွာ မန္တလေးတိုင်းဒေသ ကြီး ပြည်ခိုင်ဖြိုးပါတီ တိုင်းဒေသ ကြီး ပါတီကော်မတီဝင် ဒေါ်သိင်္ဂီ အောင်က အဖွင့်အမှာစကားပြော ကြားခဲ့ပြီး တက္ကသိုလ်ဝင်စာမေးပွဲ တွင် လေးဘာသာဂုဏ်ထူးရှင် တစ်ဦး၊ တစ်ဘာသာဂုဏ်ထူးရှင် နှင့် ရိုးရိုးအောင်ငါးဦးအား ဂုဏ်ပြု မှတ်တမ်းလွှာနှင့်အတူ ဂုဏ်ပြုဆု ငွေများကို ပေးအပ်ချီးမြှင့်ခဲ့သည်။ထို့နောက် ပါတီရပ်/ကျေး ပုံမှန် အစည်းအဝေးအစီအစဉ်များအတိုင်း ဆက်လက်ကျင်းပခဲ့သည်။