images
UN
UN
မမေ့နိုင်သောပြိုင်ပွဲများ
ကို(တက္ကသိုလ်) Monday, 13 August 2018
တစ်နေ့တွင် စာရေးစားပွဲပေါ်ရှိ စာအုပ်နှင့် ဖိုင်တွေရှင်းရင်း ဂုဏ်ပြုမှတ်တမ်းလွှာတစ်ခုကို တွေ့မိသည်။ မြန်မာစာပေနှင့် မြန်မာရိုးရာဂန္ထဝင် ကဗျာများ ရှင်သန်ဖွံ့ဖြိုးရေးကို ဦးတည်လျက် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက ကြီးမှူးကျင်းပသည့် စိမ်းလန်းရွှေပြည်စာပေပြိုင် ပွဲအဖွဲ့ဝင် ပါဝင်ကူညီပေးခဲ့သဖြင့် ဂုဏ်ပြုမှတ် တမ်းတင်သော မှတ်တမ်းလွှာဖြစ်သည်။ အမျိုး သားယဉ်ကျေးမှုနှင့် စာပေကိုချစ်မြတ်နိုးသူပီပီ၊ ဂန္ထဝင်ကဗျာအတွက်ဆိုပါလျှင် မည်သည့်အဖွဲ့ မည်သည့်ပုဂ္ဂိုလ်က ကမ်းလှမ်းလာပါစေ ကျွန် တော်ကား ကူညီရန်အဆင်သင့်ရှိနေပါ၏။
စိမ်းလန်းရွှေပြည်မတိုင်မီက တပ်မတော်နေ့ အထိမ်းအမှတ်စာပေနှင့် အနုပညာပြိုင်ပွဲများတွင် ကျွန်တော်သည် ထဲထဲဝင်ဝင်ပါဝင်ကူညီပေးခဲ့ဖူး ၏။ သက္ကရာဇ် ၂ဝဝဝခန့်ကဖြစ်၍ ကြာတော့ကြာ ခဲ့ပါပြီ။ ပြိုင်ပွဲပမာဏမှာ ကြီးမားကျယ်ပြောလှ သည်။ နှစ်တွေကြာညောင်းသော်လည်း မေ့မရ နိုင်။ အကြောင်းတိုက်ဆိုင်လာတိုင်း ပြန်ပြောင်း အောက်မေ့မိစမြဲ။ ယခုလည်း စိမ်းလန်းရွှေပြည် ဂုဏ်ပြုမှတ်တမ်းလွှာကိုကြည့်ရင်း ကျွန်တော့် စိတ်အစဉ်သည် အတိတ်ခွင်ကို ရိပ်ခနဲမြင်ယောင် မိပါတော့သည်။
ထိုစဉ်က တပ်မတော်နေ့အထိမ်းအမှတ်အဖြစ် မြန်မာ့ယဉ်ကျေးမှုနွယ်သည့် အနုပညာပြိုင်ပွဲ အမျိုးမျိုးကို နှစ်စဉ်ကျင်းပခဲ့သည်။ ပြိုင်ပွဲကျင်းပ ရေးအမြင့်ဆုံးအဖွဲ့မှာ စာပေနှင့် အနုပညာပြိုင်ပွဲ ကော်မတီဖြစ်သည်။ ကော်မတီအောက်တွင် လုပ် ငန်းကော်မတီသုံးခုဖွဲ့ထား၏။
ပန်းချီနှင့် စာစီစာကုံးလုပ်ငန်းကော်မတီက အလယ်တန်း၊ အထက်တန်း၊ တက္ကသိုလ်နှင့် ကောလိပ်အဆင့် ပန်းချီပြိုင်ပွဲနှင့် စာစီစာကုံးပြိုင် ပွဲတွေပြုလုပ်ပေးသည်။ လုပ်ငန်းကော်မတီဥက္ကဋ္ဌ မှာ ဒုတိယဝန်ကြီး၊ ပညာရေးဝန်ကြီးဌာနဖြစ် သည်။ ပညာရေးဝန်ထမ်းဆရာ ဆရာမတွေလုပ် ငန်းကော်မတီတွင် ပါဝင်ကြသည်။
ဒုတိယဝန်ကြီး ပြန်ကြားရေးဝန်ကြီးဌာန ဥက္ကဋ္ဌအဖြစ် ဆောင်ရွက်သော စာပေနှင့်ဓာတ်ပုံ ပြိုင်ပွဲလုပ်ငန်းကော်မတီက အလွတ်တန်းဝတ္ထု၊ ဆောင်းပါးပြိုင်ပွဲများနှင့် အဖြူအမည်း/ရောင်စုံ ဓာတ်ပုံပြိုင်ပွဲများကို ပြုလုပ်ပေးသည်။ စာပေနှင့် ဓာတ်ပုံပညာရှင်တွေပါဝင်ကြသည်။
အလုပ်အများဆုံးလုပ်ငန်းကော်မတီမှာ ကဗျာ နှင့် အနုပညာပြိုင်ပွဲလုပ်ငန်းကော်မတီဖြစ်၍ ယဉ်ကျေးမှုဝန်ကြီးဌာနဒုတိယဝန်ကြီးက ဥက္ကဋ္ဌ အဖြစ် ဆောင်ရွက်သည်။ ထိုအချိန်က ကျွန်တော် သည် လေတပ်မှ တပ်မတော်လေ့ကျင့်ရေးအရာ ရှိချုပ်ရုံးသို့ ပြောင်းရွှေ့တာဝန်ထမ်းဆောင်နေချိန် ဖြစ်၏။ ကဗျာဆရာတွေအပေါ် သံယောဇဉ်အလွန် ကြီးမားသော ဒုတိယဝန်ကြီး ဆရာထီလာစစ်သူ က ခေါ်သောကြောင့် သူ၏လုပ်ငန်းကော်မတီတွင် ကျွန်တော်ရောက်သွား၏။ ဤလုပ်ငန်းကော်မတီ သည် ပြိုင်ပွဲအမျိုးအစားအလိုက် ဆပ်ကော်မတီ တွေခွဲပြီး အလုပ်လုပ်ကြောင်း တွေ့ရှိရသည်။
ရောက်ရောက်ချင်း ကဗျာဆပ်ကော်မတီအဖွဲ့ ဝင်အဖြစ် ပြိုင်ပွဲဝင် ကဗျာတွေကို ဖတ်ရှုရသည်။ ဆပ်ကော်မတီခေါင်းဆောင်မှာ ဆရာနောင် (ဂီတ စာဆို မောင်မောင်လတ်)ဖြစ်သည်။ ဆရာနောင် အနားယူသွားတော့ ကျွန်တော်ကတာဝန်လွှဲယူရ သည်။ ကဗျာဆပ်ကော်မတီတွင် ပါဝင်ခဲ့ကြသော လုပ်ဖော်ကိုင်ဖက်များမှ ညွန့်ဝေ(ကသာ)၊ မြင်းမူ မောင်နိုင်မိုး၊ မောင်သော်မော်၊ မောင်ကြင်နွယ်၊ ချိုမြနွယ်စသူတို့ (မှတ်မိသရွေ့)ဖြစ်သည်။ ကဗျာ ပြိုင်ပွဲကို အဆင့် (၁)နှင့် အဆင့် (၂)ဟု ခွဲလုပ် ပေးသည်။ အဆင့်တိုင်းတွင် ကဗျာတို၊ ကဗျာ ရှည်ပြိုင်ပွဲနှစ်မျိုးစီပါဝင်ရာ စုစုပေါင်းပြိုင်ပွဲ လေးမျိုးဖြစ်သွားသည်။ ယေဘုယျအားဖြင့် အဆင့် (၁)မှာ ဆုရဖူးသူတွေဖြစ်ပြီး၊ အဆင့် (၂) မှာ လူသစ်တန်းနှင့် ဆုမရဖူးသေးသော လူဟောင်းတွေအတွက် ဖြစ်သည်။

ဤလုပ်ငန်းကော်မတီ၏နောက်ဆပ်ကော်မတီ တစ်ခုမှာ ပန်းချီပန်းပုဆပ်ကော်မတီဖြစ်၍ ယဉ် ကျေးမှုတက္ကသိုလ်(ရန်ကုန်)ပါမောက္ခချုပ်ဦးတင်စိုး ကခေါင်းဆောင်သည်။ဆပ်ကော်မတီကို ပန်းချီနှင့် ပန်းပုနှစ်ဖွဲ့ခွဲထားပြီး တက္ကသိုလ်မှ နည်းပြတွေနှင့် ပန်းချီပန်းပုပညာရှင်တွေပါဝင်သည်။ မြန်မာနိုင်ငံ ပန်းပညာရှင်များအစည်းအရုံးနှင့် နီးကပ်စွာ ညှိနှိုင်းလုပ်ဆောင်ရသည်။ လုပ်ငန်းကော်မတီ သည် ပန်းပုမြို့တော်ဟု တင်စားခေါ်ဆိုရလောက် သော ဒါးပိန်မြို့အထိ သွားရောက်ကာ ပန်းပုထု ဆစ်နေသူများကို ကြည့်ရှုအားပေးရသည်။ သစ် ရရှိရေးဆောင်ရွက်ပေးရသည်။ သစ်ထွင်းပန်းပု၊ ပလတ်စတာဖို့ပန်းပု နှစ်မျိုးလုံးယှဉ်ပြိုင်နိုင်သည်။ ပြိုင်ပွဲဝင်ပန်းပုများသာမက ပြပွဲတင်ပန်းပုများကို လည်း ပြသခွင့်ပြုသည်။ ပန်းချီမှာလည်း ပြိုင် ပွဲဝင်ပန်းချီအပြင် ပြပွဲတင်ပန်းချီကားချပ်ကြီး တွေကိုလည်း ချိတ်ဆွဲပြသခွင့်ပြုထားသည်။ ပုံတူဆီဆေးပန်းချီကားကြီးများပင်ပါဝင်သည်။
တစ်ဖန်စစ်ချီစစ်ရေးတေး ဆပ်ကော်မတီဟူ၍ ရှိပြန်ပါသည်။ဆပ်ကော်မတီခေါင်းဆောင်မှာ မြန်မာ့အသံနှင့်ရုပ်မြင်သံကြားဌာန (ရေဒီယို)မှ ညွှန်ကြားရေးမှူး ဦးကိုကိုထွေးဖြစ်၏။သူကစစ် ချီတေးနှင့်စစ်ရေးတေးပြိုင်ပွဲတွေကိုတာဝန်ယူရသည်။ စစ်ချီတေးကို တစ်ဆင့်တည်း ထားပြီး စစ်ရေး တေးကို ကဗျာကဲ့သို့ စစ်ရေး(၁)ပညာရှင်အဆင့်၊ စစ်ရေး(၂)ဝါသနာရှင်အဆင့်နှစ်ဆင့်ခွဲပြုလုပ်ပေး သည်။ မြန်မာနိုင်ငံဂီတအစည်းအရုံးအပြင် သီးခြားရပ်တည်နေသောဂီတပညာရှင်ကြီးများ၊ တပ်မတော်စစ်တီးဝိုင်းအဖွဲ့များနှင့် ပေါင်းစပ် ညှိနှိုင်းလုပ်ဆောင်ရသည်။
အထက်ပါဆပ်ကော်မတီသုံးခု၏တာဝန်များ ကို ပေါင်းစုလိုက်ပါက တက္ကသိုလ်၊ ကောလိပ် နှင့် ကျောင်းအဆင့်ပန်းချီ၊ စာစီစာကုံးပြိုင်ပွဲ၊ အလွတ်တန်းဝတ္ထု၊ဆောင်းပါး၊ ဓာတ်ပုံပြိုင်ပွဲ၊ အလွတ်တန်းကဗျာ၊ ပန်းချီ၊ ပန်းပု၊ စစ်ချီတေး၊ စစ်ရေးတေးပြိုင်ပွဲများဟူ၍ တွေ့ရှိရသည်။ ဤပြိုင်ပွဲများ၏ ဆုရအနုပညာပစ္စည်းတွေကို မတ်လ ၂၇ ရက်မတိုင်မီ ဦးစီးကော်မတီက သတ်မှတ်ပေးသောရက်၌ တပ်မတော်ကပွဲ ရုံတွင် ခင်းကျင်းဖွင့်လှစ်ပေးရမည်ဖြစ်သည်။ ထို့ကြောင့် လုပ်ငန်းကော်မတီအလိုက်အချိန်မီအောင်ပြင်ဆင် ခင်းကျင်းကြသည်။ ကျွန်တော်ပါဝင်သောကဗျာ နှင့်အနုပညာပြိုင်ပွဲလုပ်ငန်းကော်မတီကလည်း၊ ဆုရကဗျာ၊ တေး၊ ပန်းချီ၊ ပန်းပုတို့အပြင် ပြပွဲတင်ပန်းချီ၊ ပန်းပုများကို စိတ်ဝင်စားဖွယ် ကောင်းအောင်ခင်းကျင်းပြသနိုင်ရေးအတွက် ပြပွဲခင်းကျင်းပြသရေးဆပ်ကော်မတီကို ဖွဲ့စည်း ထားသည်။ ဤတာဝန်ကို အမျိုးသားပြတိုက် ညွှန်ကြားရေးမှူးချုပ်ဗိုလ်မှူးကြီး မြင့်သိမ်းဆွေ (ငြိမ်း)က ထမ်းဆောင်ပေးပါသည်။
ယခုအထိ တင်ပြခဲ့သည်မှာ ပြိုင်ပွဲများဖြစ် ၏။ ပြိုင်ပွဲမဟုတ်သောသီးသန့်လုပ်ငန်းတာဝန် အချို့ရှိပါသေးသည်။ ၄င်းတို့မှာ (၁)ဂုဏ်ပြု စစ်ချီတေး စစ်ရေးတေးများ ရေးဖွဲ့ထုတ်လွှင့်ခြင်း၊ (၂) ဃနညအမန ဏငနခန ပန်းချီကားကြီးရေးဆွဲခြင်း၊ (၃) စာအုပ်ထုတ်ဝေခြင်းတို့ဖြစ်သည်။
ဂီတပညာရှင်ကြီးများထံမှ ဂုဏ်ပြုစစ်ချီတေး၊ ဂုဏ်ပြုစစ်ရေးတေးများကို စုဆောင်းရယူကာ မြန်မာ့အသံနှင့်ရုပ်မြင်သံကြားမှ ထုတ်လွှင့်ပေးရန် စစ်ချီစစ်ရေးတေးဆပ်ကော်မတီက တာဝန်ယူရ သည်။ထိုပညာရှင်ကြီးများကို မှတ်မိသရွေ့ ဖော်ပြရပါလျှင်...
ဗိုလ်ကလေးတင့်အောင်၊ အကယ်ဒမီ ဂီတလုလင် မောင်ကိုကို၊ အေဝမ်း စိုးမြင့်၊ အကော်ဒီယံအုန်းကျော်၊ ဟင်္သာတမြင့်ငွေ၊ မောင်မောင်လတ်၊ စန္ဒရားချစ်ဆွေ၊ ကိုလေးညွန့်၊ ဝဏ္ဏကျော်ထင် စိန်မြမောင်၊ ကိုလှမိုး၊ စန္ဒရား ချစ်မောင်၊ ပန်တျာချစ်လှိုင်၊ မောင်ဥက္ကာ၊ ကိုမြတ် လင်း၊ ပျဉ်းမနားမြင့်လှိုင်၊ ကိုညွန့်ဝေ၊ ဂီတစာဆို မောင်ကြေးမုံ၊ ဗိုလ်ကြီးသက်တင်အောင်၊ ကေတု ဝင်းထွဋ်၊ ရေနံ့သာဝင်းမောင်၊ စန္ဒရားတင်ဝင်း လှိုင်တို့ဖြစ်သည်။ ဂီတပညာရှင်များသည် ဘယ် သူက စစ်ချီတေးရေးမည်၊ ဘယ်ဝါက စစ်ရေး တေးရေးမည်ကို ညှိနှိုင်းခွဲဝေရေးစပ်ကြပါသည်။ (မှတ်ချက်။ ယခုအခါတွင်မူ စစ်ရေးတေးကို စစ် သည်တေးဟုပြောင်းခေါ်ပါသည်။)
တပ်မတော်ခန်းမဝင်ပေါက်နှင့်တည့်တည့် တစ်ဖက်နံရံ၌ ၁၂ဒ x ၆ဒ ဆီဆေးပန်းချီကားချပ် ကြီးကို ချိတ်ဆွဲရန် ပန်းချီပန်းပုဆပ်ကော်မတီက တာဝန်ယူရသည်။ ရေးဆွဲရမည့်အကြောင်းအရာ ကို ဦးစီးကော်မတီ အစည်းအဝေးကချပေးသည်။ သမိုင်းဝင်တိုက်ပွဲကြီးများ၊ တည်ဆောက်ရေးလုပ် ငန်းကြီးများထဲမှ ရွေးချယ်ပေးလေ့ရှိသည်။ ပါဝင် ရေးဆွဲကြသော ပန်းချီပညာရှင်များအနက် မှတ်မိ သမျှမှာ ဦးသောင်းဟန်၊ ဦးစောလှိုင်၊ ဦးသန့်ဇင် တို့ဖြစ်သည်။
သီးသန့်နောက်ဆုံးလုပ်ငန်းမှာ စာအုပ်ထုတ် ဝေရေးဖြစ်၏။ ဆုရကဗျာ၊ ဝတ္ထု၊ ဆောင်းပါး၊ စာစီစာကုံး၊ တေးသီချင်း(စာသား)တို့အပြင် ပန်းချီ၊ ပန်းပုပုံများကို စာအုပ်ထုတ်ပေးရသည်။ အင်္ဂလိပ်ဘာသာပြန်စာအုပ်လည်းပါသည်။ ကဗျာ၊ တေးသီချင်းစာအုပ်၊ ကဗျာ-စာစီစာကုံးစာအုပ်၊ ပန်းချီ၊ပန်းပုစာအုပ်နှင့်ဘာသာပြန်စာအုပ်တို့ဖြစ်၏။
ဒီအလုပ်ကိုတော့ လုပ်ငန်းကော်မတီဥက္ကဋ္ဌက မည်သည့်ဆပ်ကော်မတီကိုမှ တာဝန်မပေးချေ။ ဆပ်ကော်မတီတွေက ပြိုင်ပွဲရာသီ (စက်တင်ဘာ ခန့်တွင် စည်းကမ်းချက်ထုတ်ပြန်၍ ပြိုင်ပွဲဝင်တွေ ဖိတ်ခေါ်၊ ဖေဖော်ဝါရီမှာ စိစစ်အကဲဖြတ်၊ မတ်လ ပထမပတ်မှာဆုရသူတွေကြေညာ)မှာသာ အလုပ် ရှိပြီး ပြခန်းပြီးသည်နှင့် သူတို့အလုပ်ပြီးပြီ။ မူလ တာဝန်တွေထဲ ပြန်ရောက်သွားကြသည်။ စာအုပ် ထုတ်ဝေရေးလုပ်ငန်းက တစ်နှစ်စာ၊ တစ်နှစ်စာ ကို တိခနဲဖြတ်ချလို့မရ။ စာအုပ်အြေ<ွကးကျန်တွေ ရှိမည်။ အလုပ်အသစ်ကို မဆိုင်းမတွလက်ခံရ မည်။ ဥပမာ (၅၇)နှစ်မြောက်အတွက် စာအုပ် တွေကျန်နေ၍ ငွေစာရင်းမချုပ်နိုင်သေးမီ (၅၈)နှစ် မြောက်အတွက် စက်တင်ပုံနှိပ်နေပြီး (၅၉)နှစ် မြောက်အတွက် ပြင်ဆင်နေရတာမျိုးရှိခဲ့ပါသည်။ ဆိုလိုသည်မှာ နှစ်လုံးပေါက်လုပ်နေရသော လုပ် ငန်းတာဝန် ဖြစ်လေသည်။ ထို့ကြောင့် လုပ်ငန်း ကော်မတီ ဒုတိယဥက္ကဋ္ဌကိုသာ တာဝန်ပေးလေ တော့သည်။
ဖြစ်ချင်တော့ လုပ်ငန်းကော်မတီ ဒုတိယ ဥက္ကဋ္ဌက ကျွန်တော်ဖြစ်နေပါသည်။ ကျွန်တော် သည် ကဗျာဆပ်ကော်မတီတာဝန်အပြင် လုပ်ငန်း ကော်မတီဒုတိယဥက္ကဋ္ဌနေရာကိုပါ ပူးတွဲထမ်း ဆောင်ရသည်။ ဆန်ရင်းနာနာဖွပ်သည်ဟုသာ ခံယူလိုက်ပါတော့သည်။ သို့ဖြင့် ပြိုင်ပွဲရာသီ မဟုတ်သော်လည်း စာအုပ်တွေအဆင်ပြေပြေ ထွက်ရှိနိုင်အောင် သက်ဆိုင်ရာပုဂ္ဂိုလ်တွေနှင့် ညှိနှိုင်းတိုင်ပင် လုပ်ဆောင်ခဲ့ရပါသည်။ အဓိက လက်တွဲခဲ့ရသူတွေကို မှတ်မိသမျှ မှတ်တမ်းတင် ရပါလျှင် PPE မှ အစ်မကြီးဒေါ်မြမြ၊ စာပေဗိမာန် မှ စီမံရေးရာဌာနမှူး ဒေါ်ချိုချိုသန်း(ချိုမြနွယ်)၊ တက္ကသိုလ်ပုံနှိပ်တိုက် UP မှ ကိုကြည်ဝင်း၊ ပန်းချီ ဆရာကြီးဦးစံတိုးတို့ဖြစ်ကြပါ၏။
ဤလုပ်ငန်းအချိန်မီပြီးစီးရေးအတွက် နောက် ထပ်အဓိကကျသူတွေ ရှိပါသေးသည်။ ဘာသာ ပြန်စာအုပ်အတွက် ကဗျာ၊ ဝတ္ထု၊ ဆောင်းပါး စသည့် စာမူတို့ကို အင်္ဂလိပ်ဘာသာသို့ ပြန်ဆိုပေး ကြသော ပညာရှင်တွေဖြစ်ကြပါသည်။ ဆရာကြီး ဦးဘသန်း၊ ဦးဝင်းဖေ(မြဇင်)၊ ဦးမျိုးမြင့်သောင်း၊ ဦးမောင်လှိုင်၊ ဦးစိုးမြင့်၊ ဦးသန်းလှိုင်သစ်၊ ဦးခင်စိုး၊ ကဲဆုသာ(မျိုးချစ်)နှင့် ဝိဇ္ဇာသိပံ္ပပညာရှင် အဖွဲ့မှ ဆရာဆရာမတွေ၊ မြန်မာ့ရုပ်သံနှင့်သတင်း နှင့်စာနယ်ဇင်းမှပညာရှင်တွေက သိုင်းဝိုင်းကူညီ ကြပါသည်။ ဤသို့ဖြင့် စာအုပ်ထုတ်ဝေရေးလုပ် ငန်းကို အစိုးရဝန်ကြီးဌာနတွေ နေပြည်တော် ပြောင်းချိန်အထိ အလျင်မီအောင် ဆောင်ရွက်နိုင်ခဲ့ ပြီး (က ကရေး)မှထုတ်ပေးသော ကြိုတင်ငွေကို လည်းပြန်လည်ပေးသွင်းစာရင်းရှင်းနိုင်ခဲ့ပါသည်။
ကျွန်တော်ပြန်လည်အောက်မေ့မိသော စာပေ နှင့်အနုပညာပြိုင်ပွဲများသည် ရိုးရာယဉ်ကျေးမှု အမွေအနှစ်ကို ထိန်းသိမ်းပေးကြသည်။ အထူး သဖြင့် ဂန္ထဝင်ကဗျာကို အားပေးချီးမြှောက်သည်။ ၂ဝ၁၇ ခုနှစ်အတွက် အမျိုးသားစာပေဆုတွင် ဂန္ထဝင်ကဗျာသည် ခေတ်ပေါ်နှင့် ယှဉ်ရသဖြင့် ဆုမရခဲ့ချေ။ ဒီနှစ်၊ နောင်နှစ်တွေမှာလည်း မသေ ချာပေ။ ထို့ကြောင့် မြန်မာ့ရိုးရာ ဂန္ထဝင်ကဗျာ ရှင်သန်ဖွံ့ဖြိုးရေးအတွက် စိမ်းလန်းရွှေပြည်စာပေ ဆု ဖြစ်ပေါ်လာရသည်။ စင်စစ်ဂန္ထဝင်ကဗျာ အပါ အဝင် အမျိုးသားယဉ်ကျေးမှု အမွေအနှစ်အားလုံး ကို ထိန်းသိမ်းစောင့်ရှောက် မြှင့်တင်ပေးရာတွင် အစိုးရကဦးဆောင်မှ ထိရောက်မှုရှိပေသည်။ အစိုးရ၏ဆောင်ရွက်မှု လိုအပ်နေသောနေရာတွင် မြော်မြင်တတ်သော အဖွဲ့အစည်း အင်စတီကျူး ရှင်းတွေက ဝင်ရောက်အားဖြည့်ပေးရမည်မှာ သဘာဝကျပေသည်။ နိုင်ငံရေးအစွဲ၊ ပုဂ္ဂလိကအစွဲ ကင်းသော စာပေအနုပညာပြိုင်ပွဲသန့်သန့်များ နိုင်ငံအဝန်း ပေါ်ထွန်းလာပါစေဟု ဆန္ဒပြုလိုက် ရပါသည်။