images
UN
UN
ဦးနှောက်သုံးဖြေရှင်းပါ
Wednesday, 10 October 2018
ဤလောက၌ ''ရန်တုံ့မူခြင်းဖြင့် ရန်တို့သည် မပြေငြိမ်း၊ ရန်တုံ့မူ ခြင်းမရှိမှသာ ရန်ပြေငြိမ်းနိုင်ကုန်၏''ဟု ဓမ္မပဒ၌ ဗုဒ္ဓဟောကြားခဲ့သည်။
ဤသူသည် ငါ့ကိုဆဲဖူးပြီ၊ ငါ့ကိုညှဉ်းဆဲဖူးပြီ၊ ငါ့ကိုအောင်နိုင်ဖူးပြီ၊ ငါ့ဥစ္စာကိုယူသွားဖူးပြီဟု ရန်ငြိုးဖွဲ့ထားသမျှ ရန်များမငြိမ်းအေးနိုင်ဟုလည်း ဟောခဲ့ပါသည်။
ထို့ကြောင့်လည်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ သည် အခါအားလျော်စွာ မိမိအနေဖြင့် အတိုက်အခံဟူသော စကားလုံး ထက် ပြိုင်ဘက် လုပ်ဖော်ကိုင်ဖက်ဟုသာ သဘောထားရှိကြောင်း ပြောပြ တတ်သည်။ နိုင်ငံရေးပါတီများ တွေ့ဆုံဆွေးနွေးပွဲမျိုး၊ လူထုနှင့် တွေ့ဆုံ ပွဲမျိုးများတွင် ပြောရုံမက ပါတီတွင်းဆွေးနွေးပွဲများတွင်လည်း ပြောလေ့ ရှိပါသည်။
တစ်ခါမှာ သတင်းစာဆရာ နိုင်ငံရေးဘောဂဗေဒပညာရှင်တစ်ဦးက အဝေးပြေးကားကြီးပေါ်မှ ပဲခူးရိုးမတစ်နေရာကို လက်ညှိုးထိုး၍ ''အဲဒီမှာ ဗဟိုကော်မတီစည်းဝေးပွဲထိုင်ဖူးတယ်''ဟု ပြောပြလေသည်။ ထိုအခါ ကားပေါ်အတူထိုင်နေသောနိုင်ငံရေးစာပေပညာရှင်စာရေးဆရာက ''အဲဒီ အကြောင်းရေးပါလားဆရာ''ဟု တိုက်တွန်းသည်။ သတင်းစာဆရာကြီးက ''မရေးပါဘူး။ အနာဂတ်ခရီးကိုသွားရာမှာ အတိတ်ဟာသုံးမရပါဘူး''ဟု ပြောလိုက်၏။
ကွန်မြူနစ်ဝါဒနှင့်ဗကပသမိုင်းကို စိတ်ခံစားမှုနှင့် မကိုင်တွယ်တော့ ဘူး။ တစ်နည်းအားဖြင့် အသိÓဏ် ဦးနှောက်သုံးပြီး ပိုင်းပိုင်းခြားခြား ထားခဲ့မည်ဟု သဘောထွက်ပါသည်။ အချင်းချင်းဖြုတ်၊ ထုတ်၊ သတ်လုပ် သော နိုင်ငံရေး၊ ဟင်္သာကိုးသောင်းပျက်သောနိုင်ငံရေးကို သတင်းစာဆရာ ကြီးက ရင်ဘတ်နှင့်မသုံးသပ်ဘဲ ဦးနှောက်သုံး၍ ရှေ့ခရီးကိုသာ အာရုံပြု ခြင်းဟု အဓိပ္ပာယ်ကောက်လို့ရပါသည်။

နိုင်ငံရေးသမိုင်းနှင့် နိုင်ငံရေးလုပ်ဖော်ကိုင်ဖက်များအပေါ် သဘောထား အမြင်များ ကွဲပြားမှုရှိတတ်သည်မှာမဆန်းပါ။ သို့နှင့်တိုင် လက်တွေ့ကျကျ ညီညွတ်မျှတသော သဟဇာတအမြင်မျိုးက တိုင်းပြည်အတွက် အကျိုး ရှိပေသည်။
ပါမောက္ခချုပ်ဆရာတော်ကြီး၏ တရားတစ်ပုဒ်၌လည်း ''ရင်ထဲကိလေ သာဖြစ်ရင် အဲဒီကိလေသာနောက်မလိုက်နဲ့။ လောဘဖြစ်ရင် လောဘနောက် မလိုက်နဲ့။ ဒေါသဖြစ်ရင် ဒေါသနောက်မလိုက်နဲ့။ ကိလေသာကို အကောင် အထည်မဖော်နဲ့၊ လက်မခံနဲ့မတွေးနဲ့။ တွေးလိုက်တာနဲ့ ကိလေသာကို မနိုင်ဘဲ အရှုံးပေးရလိမ့်မယ်''ဟု ဆုံးမဖူးပါသည်။
၂ဝ၁၈ စက်တင်ဘာ ၃ဝ ရက် ရန်ကုန်မြို့ Meliaဟိုတယ်တွင် ကျင်းပသော မဟာပညာကျော်စကားဝိုင်းတွင် ''ရခိုင်နိုင်ငံရေးက ထိလွယ် ရှလွယ်အရမ်းများနေကြောင်း အပြစ်ရှာ အပြစ်ပြောနေခြင်းမဟုတ်ကြောင်း ကမ္ဘာ့သမိုင်းကို နားလည်သူများ၊ နိုင်ငံရေးကို နားလည်သူများက အလွန်စိုး ရိမ်နေကြကြောင်း၊ ရခိုင်အရေးကို မနက်ဖြန်၊ သန်ဘက်ခါအတွက် မစဉ်း စားဘဲ နောင်နှစ်ပေါင်း ၅ဝ အတွက် ကြိုစဉ်းစားကြဖို့လိုကြောင်း၊ ရခိုင် အရေးအား ခံစားချက်ဖြင့် မစဉ်းစားစေချင်ကြောင်း ဒေါသနဲ့ မစဉ်းစားဖို့ မဆုံးဖြတ်ဖို့ မလုပ်ကိုင်ဖို့'' နိုင်ငံရေးဆောင်ရွက်သူ တိုင်းရင်းသား ခေါင်းဆောင်တစ်ဦးက ဆွေးနွေးပါသည်။
နိုင်ငံရေးဆောင်ရွက်ခြင်းကို နိုင်ငံ့အရေးပေါက်နှင့်ကျေး၊ ကြက်ဥ အရောင် တိမ်တောင်သဖွယ် မင်းရေးကျယ်ဟု ဆိုကြပါသည်။ အလွန် ခန့်မှန်းရခက်သော နိုင်ငံ့အရေး နိုင်ငံရေးဟု ဆိုကြပါသည်။
မည်သို့ပင်ဆိုကြပါစေ အမျိုးသားပြန်လည်သင့်မြတ်ရေး ဝန်းကျင်သစ် တွင် အမျိုးသားရေးစိတ်ဓာတ်သန့်သန့်ရှင်းရှင်းဖြင့် ဒီမိုကရေစီရေး၊ ဖွံ့ဖြိုး ရေး၊ တည်ငြိမ်ရေး၊ စည်းကမ်းပြည့်ဝရေး ကြိုးပမ်းဆောင်ရွက်ကြပြီး နိုင်ငံတော်သစ်ဆီသို့ မမှိတ်မသုန်ချီတက်ကြပါစို့ဟု ရေးသားလိုက်ရပါ သည်။ ။