images
UN
UN
လူသားနှင့်သဘာဝဘေးအန္တရာယ်
မောင်သောင်းဝင်း (တမန်ဟောင်း) Thursday, 11 October 2018
စက်တင်ဘာလ ၂၈ရက်က အင်ဒို နီးရှားနိုင်ငံ ဆူလာဝေစီပြည်နယ်၌ အင် အားရစ်ခ်ျတာစကေး ၇ ဒသမ ၅ အဆင့် ရှိ ငလျင်တစ်ခုလှုပ်ခတ်သွားခဲ့သည်။ ငလျင်နောက်ဆက်တွဲအဖြစ် ပင်လယ် အတွင်းမှ အမြင့်ပေ ၂ဝခန့်ရှိ ဆူနာမီ လှိုင်းလုံးကြီးများတက်လာပြီး လူနေအိမ် နှင့်အဆောက်အအုံများစွာကို ဝါးမျိုသွား ခဲ့သည်။ လက်ရှိအချိန်အထိ လူပေါင်း သေဆုံးသူ ၂ဝဝဝ ကျော်သွားပြီး ၅ဝဝဝ ကျော်မှာပျောက်ဆုံးနေဆဲဖြစ်သည်။ ကျန် ရစ်ခဲ့သည့်မိသားစုများသည် သောက ပင်လယ်ဝေရလျက်ရှိသည်။ သဘာဝ ဘေးအန္တရာယ်များအနက်ငလျင်အန္တရာယ် သည် ကြိုတင်မျှော်တွေးနိုင်စွမ်းမရှိသဖြင့် ထိခိုက်သေကျေ ပျက်စီးဆုံးရှုံးမှုများပြား လှပေသည်။
သဘာဝဘေးအန္တရာယ်ဆိုသည်မှာ
သက်ရှိများ မှီတင်းနေထိုင်လျက် ရှိသည့် ကမ္ဘာမြေကြီးတွင်သဘာဝ အလျောက် ရုတ်တရက်ပြောင်းလဲဖြစ်ပေါ် လာသည့်ဖြစ်စဉ်တစ်ရပ်ကို သဘာဝဘေး အန္တရာယ်ဟုခေါ်ဆိုကြသည်။ သာဓက အနေဖြင့် မြေငလျင်လှုပ်ခတ်ခြင်း၊ လေ မုန်တိုင်းတိုက်ခတ်ခြင်း၊ မိုးကြီးခြင်း၊ ရေ လျှံခြင်း၊ မြေပြိုခြင်း၊ မီးတောင်ပေါက်ကွဲ ခြင်း၊ ဆူနာမီလှိုင်းများမြင့်တက်လာခြင်း၊ မိုးခေါင်ရေရှားခြင်း၊ရောဂါအသစ်အဆန်း များ ကျရောက်ခြင်းစသည့် အန္တရာယ် များပင်ဖြစ်သည်။ ထိုအန္တရာယ်ကြောင့် သေကျေထိခိုက်ပျက်စီးဆုံးရှုံးမှုများ ဖြစ် ပွားနိုင်ပါသည်။ သဘာဝဘေးအန္တရာယ် မည်မျှကြီးမားသည်ကိုသေကျေထိခိုက်မှု၊ ပျက်စီးဆုံးရှုံးမှုများနှင့် တိုင်းတာနိုင်ပါ သည်။
ကမ္ဘာတစ်ဝန်းတွင် သဘာဝဘေး အန္တရာယ်ကျရောက်မှုသည် တစ်နှစ် ထက်တစ်နှစ် ပိုမိုပြင်းထန်များပြားလာခဲ့ သည်။ လွန်ခဲ့သောဆယ်စုနှစ်အတွင်း မြေ ငလျင်လှုပ်ခတ်မှုများ၊ အင်အားပြင်းထန် သောလေမုန်တိုင်းကြီးများ တိုက်ခတ်မှု များနှင့်အပူလှိုင်းဖြတ်မှုများသည် အကြိမ် ရေပိုမိုများပြားလာခဲ့သည်။ ထိုသဘာဝ ဘေးအန္တရာယ်များကြောင့် ထိခိုက်သေ ကျေ ပျက်စီးဆုံးရှုံးမှုများလည်း များပြားခဲ့ သည်။ တချို့သောဒေသများတွင် မုန် တိုင်းဒဏ်ခံသောအဆောက်အအုံများ ကြို တင်ဆောက်လုပ်ထားသော်လည်း ဆုံးရှုံး မှုများရှိနေဆဲပင် ဖြစ်သည်။

သိပ္ပံပညာရှင်များ၊ ဘူမိဗေဒပညာရှင် များ၊ မိုးလေဝသပညာရှင်များနှင့်မုန်တိုင်း စောင့်ကြည့်လေ့လာသူများသည် ကြီးမား သော သဘာဝဘေးအန္တရာယ်များကို ကြို တင်ခန့်မှန်းရန် အခက်တွေ့လျက်ရှိကြ သည်။ ခေတ်မီနည်းပညာများဖြင့် မုန် တိုင်းများ၊ နှင်းမုန်တိုင်းများ၊ ဆိုင်ကလုန်း မုန်တိုင်းများနှင့် မိုးလေဝသနှင့်ဆက်စပ် သောအခြားသဘာဝဘေးများကိုသာ ကြို တင်ခန့်မှန်း တွက်ချက်နိုင်ကြပါသည်။ မည်သို့ပင်ဆိုစေကာမူ မမျှော်လင့်သည့် အချိန်တွင်ဖြစ်ပေါ်လာနိုင်သည့် မြေ ငလျင်လှုပ်ခတ်မှုများ၊ တောမီးလောင်မှု များ၊ မြေပြိုမှုများနှင့် မီးတောင်ပေါက်ကွဲ မှုများသည် လူသားတို့ကိုပျက်စီးဆုံးရှုံးမှု ကြီးမားစေသော သဘာဝဘေးအန္တရာယ် များအဖြစ် ဆက်လက်ခြိမ်းခြောက်လျက် ရှိသည်။
အပြည်ပြည်ဆိုင်ရာ သဘာဝဘေးလျော့ ပါးရေးနေ့
ထို့ကြောင့် ကမ္ဘာ့ကုလသမဂ္ဂအဖွဲ့ ကြီးသည် သဘာဝဘေးအန္တရာယ် လျှော့ ချရေးအတွက် နှစ်စဉ် အောက်တိုဘာလ ၁၃ရက်နေ့ကိုအပြည်ပြည်ဆိုင်ရာသဘာဝ ဘေးလျော့ပါးရေးနေ့အဖြစ် သတ်မှတ် ထားရှိသည်။ သဘာဝဘေးအန္တရာယ် လျော့ပါး သက်သာရေး လုပ်ငန်းစဉ်များ ကို ပြည်သူများ ပိုမိုသိရှိ ပူးပေါင်းပါဝင် ဆောင်ရွက်နိုင်စေရန် ရည်ရွယ်ကျင်းပနေ ခြင်းဖြစ်သည်။ ၂ဝ၁၈ခုနှစ်အတွက် ဆောင်ပုဒ်သည် ''Reducing Economic Losses From Disasters Has The Power To Transform Lives'' ''ပြည်သူ့ဘဝတိုးတက်ပြောင်းလဲဖို့၊ ဘေး ဒဏ်ကြောင့် စီးပွားဆုံးရှုံးမှုလျှော့ချစို့'' ဖြစ်သည်။ တချို့သောကမ္ဘာ့ဒေသများ သည်စဉ်ဆက်မပြတ် ဖြစ်ပေါ်နေသော သဘာဝဘေးအန္တရာယ်ကြောင့် ခေါင်း ထောင်နိုင်စွမ်းမရှိဘဲဆင်းရဲတွင်းနက်လျက် ရှိသည်။ စိတ်မကောင်းစရာပင်ဖြစ်သည်။
အမျိုးမျိုးသောသဘာဝဘေးအန္တရာယ်များ
ရာသီဥတုဖောက်ပြန်မှုကြောင့်နှစ်စဉ် ကမ္ဘာတစ်ဝန်းတွင်သဘာဝဘေးအန္တရာယ် မျိုးစုံ ကျရောက်လျက်ရှိသည်။ ထိုဘေး အန္တရာယ်များတွင် လူသားတို့ အန်တုနိုင် စွမ်းမရှိသော မိုးကြီးခြင်း၊ ရေလျှံခြင်း၊ မုန်တိုင်းကျရောက်ခြင်း၊ ငလျင်လှုပ်ခတ် ခြင်းနှင့်ဆူနာမီရိုက်ခတ်ခြင်း၊ မိုးခေါင် ရေရှားခြင်းအပါအဝင် ဆေးမတိုးနိုင် သည့် ရောဂါမျိုးစုံသည်လည်း ထူပြော စွာဖြစ်ပွားလာလျက်ရှိသည်။ ထိုဆိုးကျိုး များသည်အသိဥာဏ်ရှိသော လူသားများ ၏ လုပ်ရပ်ကြောင့်ပင်ဖြစ်သည်။
သဘာဝဘေးအန္တရာယ်များအနက် မြေငလျင်သည် ကြိုတင်ခန့်မှန်းရ ခက်ခဲ သည်။ မြေငလျင်ဗဟိုချက်သည် ကမ္ဘာ့ အပေါ်ယံမျက်နှာပြင်တွင် နီးကပ်စွာတည် ရှိနေမည်ဆိုလျှင် ထိခိုက်ပျက်စီးဆုံးရှုံးမှု ပိုမိုများပြားနိုင်သည်။ တချို့သောငလျင် များသည် ပမာဏကြီးမားသော်လည်း နက်ရှိုင်းသောမြေအောက်တွင် ဗဟိုပြု သောကြောင့် ထိခိုက်ပျက်စီးဆုံးရှုံးမှု ကြီး ကြီးမားမား မဖြစ်ပွားချေ။ ထို့ကြောင့် သဘာဝဘေးအန္တရာယ်များအနက် ငလျင် အန္တရာယ်သည် ရှောင်တိမ်းရန် အခက် အခဲဆုံး အန္တရာယ်ပင်ဖြစ်သည်။
ဆူနာမီလှိုင်းလုံးများကြောင့် ဆားငန် ရေဖုံးလွှမ်းခံရသည့် လယ်ကွင်းများကို ကာလအတန်ကြာပြုပြင်ပြီးမှသာ ပြန် လည်စိုက်ပျိုးနိုင်သည်။ ထိုနည်းတူစွာ ငလျင်ဒဏ်ကြောင့် ပြိုလဲခဲ့သော လူနေ အိမ်ရာများနှင့်အခြေခံအဆောက်အအုံများ ကိုလည်း အချိန်နှင့်ငွေကြေးများစွာအကုန် အကျခံပြီးမှသာ ပြန်လည်တည်ဆောက် နိုင်မည်ဖြစ်သည်။ အထူးသဖြင့် သဘာဝ ဘေးအန္တရာယ်လွန်ကာလများတွင် လမ်း ပန်းဆက်သွယ်ရေး ပြတ်တောက်သွား သောကြောင့် နေ့စဉ်လူနေမှုဘဝသည် များစွာ ခက်ခဲကြမ်းတမ်းလှပေသည်။ ဘေးအန္တရာယ်၏ နောက်ဆက်တွဲရောဂါ များကိုလည်း ခံစားကြရသည်။
မည်သို့ပင်ဆိုစေကာမူ အချို့သော သဘာဝဘေးအန္တရာယ်များသည် လူတို့ ၏ပယောဂနှင့်မကင်းချေ။ မျက်မှောက် ကာလတွင်ကမ္ဘာတစ်ဝန်း၌ စက်မှုလုပ် ငန်းများ၊ သိပ္ပံနှင့်နည်းပညာများ အရှိန် အဟုန်ဖြင့် ပြောင်းလဲဖွံ့ဖြိုးတိုးတက်လာ မှုတို့ကြောင့် အကျိုးဖြစ်ထွန်းမှုများစွာရှိ စေသလို အခြားတစ်ဖက်တွင်လည်းဆုတ် ယုတ်မှုများရှိလာစေပါသည်။ ထိုဆုတ် ယုတ်မှုများတွင် သစ်တောသယံဇာတ များပြုန်းတီးလာခြင်း၊ စားကျက်မြေများ၊ မြစ်၊ ချောင်း၊ အင်း၊ အိုင်များ တိမ်ကော ပျက်စီးလာမှုတို့အပါအဝင် သဘာဝပတ် ဝန်းကျင် ထိခိုက်ဆုံးရှုံးမှုများဖြစ်ပွားလာ ခြင်းနှင့် ရှားပါးမျိုးစိတ်များမျိုးသုဉ်း ပျောက်ကွယ်လာခြင်းတို့ပင် ဖြစ်သည်။ ထိုသို့ သဘာဝပတ်ဝန်းကျင်ထိခိုက်ပျက် စီးမှုများ၏ဆင့်ကဲအကျိုးဆက်များကြောင့် ကမ္ဘာကြီးပူနွေးလာမှု၊ ရာသီဥတုဖောက် ပြန်လာမှုနှင့် သဘာဝဘေးအန္တရာယ်များ ဖြစ်ပေါ်လာရပါသည်။

လူသားတို့၏ အတောမသတ်သော လောဘကြောင့် ကမ္ဘာကြီးသည်တဖြည်း ဖြည်းကျန်းမာရေးချို့ယွင်းလာနေပြီဖြစ် သည်။ သစ်တောသစ်ပင်များကို လွန်ကဲ စွာခုတ်လှဲရောင်းချလာခြင်း၊ စက်မှုလုပ် ငန်းများနှင့် လျှပ်စစ်ဓာတ်အား ထုတ်လုပ် သည့်နေရာများတွင် ရေသယံဇာတများ ကို အကန့်အသတ်မဲ့ထုတ်ယူ သုံးစွဲလာ ခြင်း၊ မြေအောက်နှင့်ရေအောက်သယံ ဇာတများကို အပြိုင်အဆိုင်ထုတ်လုပ် ရောင်းချလာခြင်းနှင့် သိုလှောင်လာခြင်း၊ စက်မှုလုပ်ငန်းများမှစွန့်ပစ်ဓာတုဆေးရည် များကို မြစ်ချောင်း၊ အင်း၊ အိုင်၊ ပင် လယ်၊ သမုဒ္ဒရာများအတွင်းသို့ တာဝန်မဲ့ စွာစွန့်လွှတ်ပစ်ခြင်း၊ လေထုအတွင်းသို့ ကာဗွန်ဒိုင်အောက်ဆိုက်ဓာတ်ငွေ့များ လွန်ကဲစွာထုတ်လွှတ်သည့် စက်ရုံ၊အလုပ် ရုံများ အပြိုင်အဆိုင်တည်ဆောက်လာ ခြင်းနှင့် ဖျက်စွမ်းအားပြင်း လက်နက်များ အားပင်လယ်သမုဒ္ဒရာများအပါအဝင် မြေ ပေါ်၊ မြေအောက်နေရာပေါင်းစုံတွင် စမ်း သပ်ပစ်ခတ်လာခြင်းတို့ကြောင့် ကမ္ဘာ မြေကြီးအပေါ် ဆိုးကျိုးများဖြစ်ပေါ်စေ လျက်ရှိပါသည်။
နှစ်စဉ်ကမ္ဘာတစ်ဝန်းတွင် ကျရောက် လျက်ရှိသည့် သဘာဝဘေးအန္တရာယ် များကြောင့် ဖြစ်ပွားခဲ့သော သေကျေဆုံး ရှုံးမှုများနှင့် ပျက်စီးဆုံးရှုံးမှုတန်ဖိုးတို့ သည်လွန်စွာပင် များပြားလျက်ရှိသည်။ ထိုဆုံးရှုံးမှုများတွင် မိဘဆုံးရှုံးကြရသူ များ၊ သားသမီးဆုံးရှုံးကြရသူများနှင့်ဆွေး မျိုးသားချင်းဆုံးရှုံးကြရသူများအတွက် များစွာပင် စိတ်မကောင်းဖြစ်ရပါသည်။ ပစ္စည်းဆုံးရှုံးမှုကိုအစားထိုး၍ ရနိုင်သော် လည်း လူ့အသက်တစ်ချောင်းကိုမူ မည် သည့်အရာနှင့်မျှ တန်ဖိုးဖြတ်၍မရနိုင် ချေ။ ထို့ကြောင့် ကျွန်ုပ်တို့သည် ကမ္ဘာ ကြီးကိုဆိုးရွားစွာထိခိုက်စေနိုင်မည့် လုပ် ရပ်မှန်သမျှကို ဆင်ခြင်ပြီးအချိန်မီပြုပြင် ထိန်းသိမ်းစောင့်ရှောက်သွားရန် အရေး တကြီးလိုအပ်နေပြီဖြစ်သည်။ ထိုသို့ ကမ္ဘာကြီးကို ချစ်ခင်စွာအချိန်မီစောင့် ရှောက်ပြုပြင်ထိန်းသိမ်းမှုမရှိလျှင် အနာ ဂတ်တွင်လူသားများသည် အမျိုးမျိုး သော သဘာဝဘေးအန္တရာယ်များနှင့် မလွဲမသွေရင်ဆိုင်ကြရမည်မှာ ဧကန်မုချ ပင်ဖြစ်သည်။
သဘာဝဘေးအန္တရာယ်လျော့ပါးသက် သာစေရေးလုပ်ငန်းများ
မြန်မာနိုင်ငံသည်လည်း ကမ္ဘာ့နိုင်ငံ တစ်နိုင်ငံဖြစ်သည့်အားလျော်စွာ ရာသီ ဥတုဖောက်ပြန်မှုနှင့် သဘာဝဘေး အန္တရာယ်ကိုနှစ်စဉ်ခါးစည်းခံစားရလျက် ရှိပါသည်။
ထို့ကြောင့် သဘာဝပတ်ဝန်းကျင်ထိန်း သိမ်းစောင့်ရှောက်ရေးနှင့် ရာသီဥတု ဖောက်ပြန်မှုကြိုတင်ကာကွယ်ရေးလုပ် ငန်းများကို အမျိုးသားရေးအသွင်ဖြင့် ပုံဖော်ဆောင်ရွက်လျက်ရှိသည်။ သဘာဝ ဘေး အန္တရာယ်များကျရောက်ပါက ရှာ ဖွေရေး၊ ကယ်ဆယ်ရေးနှင့် ပြန်လည် ထူထောင်ရေးအတွက်အရေးပေါ် စီမံချက် များရေးဆွဲထားရန်လိုအပ်သည်။ ကြီး မားသောဘေးအန္တရာယ်နှင့် နောက်ဆက် တွဲကပ်ရောဂါဆိုးများဖြစ်ပေါ်လာပါက နိုင်ငံတော်အစိုးရ၊ တပ်မတော်၊ မြန်မာ နိုင်ငံရဲတပ်ဖွဲ့နှင့် မီးသတ်တပ်ဖွဲ့ဝင်များ ပူးပေါင်းကာ ကယ်ဆယ်ရေးလုပ်ငန်း များဆောင်ရွက်ရန် လိုအပ်ပါသည်။ ထို့ ကြောင့် အရေးပေါ်စီမံချက်တွင်ပါဝင် သည့်ပြင်ဆင်ခြင်း(Preparedness)၊ တုံ့ ပြန်ခြင်း(Response)၊ပြန်လည်ထူထောင် ခြင်း(Recovery)နှင့်လျော့နည်းသက်သာ စေခြင်း(Mitigation) လုပ်ငန်းများကို ဆောင်ရွက်နိုင်ရန် ပြင်ဆင်ထားသင့်ပေ သည်။
မျက်မှောက်ကာလတွင် အစွန်း ရောက်ရာသီဥတုကြောင့် ကမ္ဘာ့နိုင်ငံအား လုံးသည် သဘာဝဘေးအန္တရာယ်ပေါင်းစုံ ကို နှစ်စဉ်ကြုံတွေ့နေကြရသည်။ ထိုသို့ မြေငလျင်လှုပ်ခတ်မှုအပါအဝင် သဘာဝ ဘေးအန္တရာယ်ပေါင်းစုံကို ကိုင်တွယ်ဖြေ ရှင်းနိုင်ရန်အတွက် မဟာဗျူဟာတစ်ရပ် ချမှတ်ထားသင့်ပေသည်။ မဟာဗျူဟာ ချမှတ်ရာတွင် အောက်ဖော်ပြပါအချက် များကို ထည့်သွင်းစဉ်းစားသင့်ပေသည်-
(၁) ပြည်နယ်နှင့် တိုင်းဒေသကြီးများ အလိုက်ဖြစ်ပေါ်လာနိုင်သောသဘာဝ ဘေးအန္တရာယ်များကို ကြိုတင်ခန့် မှန်းတွက်ဆပြီးဘေးအန္တရာယ်မဖြစ် ပွားမီ စနစ်ကျနသောကြိုတင်ပြင် ဆင်ကာကွယ်မှုများပြုလုပ်စေခြင်း။
(၂) သဘာဝဘေးအန္တရာယ်ကာကွယ် စောင့်ရှောက်ရေးအဖွဲ့ ဖွဲ့စည်းထား ရှိခြင်း။
(၃) ဘေးအန္တရာယ် ဖြစ်ပွားလာချိန်တွင် ရှာဖွေကယ်ဆယ်ရေးနှင့် အကူအညီ ပေးရေးလုပ်ငန်းများကိုကယ်ဆယ် ရေးအဖွဲ့များဖြင့် အလျင်မြန်ဆုံးပြု လုပ်ပေးခြင်း။
(၄) သဘာဝဘေးဒဏ်ခံစားခဲ့ရသူများ အတွက် မည်သည့်အရာများကို အရေအတွက် မည်မျှလိုအပ်သည် ဟူသောအချက်များကို ဆန်းစစ် အကဲဖြတ်ခြင်း။
(၅) ကျန်းမာရေး စောင့်ရှောက်မှုများ ပြုလုပ်ပေးခြင်း။
(၆) စားနပ်ရိက္ခာအစရှိသည့် အခြေခံလို အပ်ချက်များ ထောက်ပံ့ဖြန့်ဖြူး ပေးခြင်း။
(၇) ဘေးအန္တရာယ်ဖြစ်ပွားပြီးနောက် ပိုင်းပြန်လည်ထူထောင်ရေးလုပ်ငန်း များကို အင်တိုက်အားတိုက် ဝိုင်း ဝန်းပါဝင်ဆောင်ရွက်စေခြင်း။
(၈) ကျား၊ မ အရေအတွက်စာရင်းပြုစု ခြင်း။
(၉) ဘေးဒဏ်ခံပြည်သူများ ဝင်ငွေရရှိ စေရေး ပံ့ပိုးကူညီပေးခြင်း။
(၁ဝ) စိတ်ဓာတ်မြှင့်တင်ပေးခြင်း။
(၁၁) ဘဏ္ဍာငွေရရှိမှုနှင့် ခွဲဝေသုံးစွဲမှု စာရင်းပြုစုခြင်း။
(၁၂) သတင်းထုတ်ပြန်မှုများပြုလုပ် ပေး ခြင်း။
(၁၃) လမ်းတံတားများ၊ လျှပ်စစ်ဓာတ် အားနှင့် တယ်လီဖုန်းကွန်ရက်များ၊ ရေပိုက်လိုင်းများနှင့် အိမ်သာစနစ် များ ပြန်လည်တည်ဆောက်ပေး ခြင်း။
ခြုံ၍တင်ပြရလျှင် ကမ္ဘာတ