images
UN
UN
လူကြီးဖြစ်ချင်ပါသနော် အဂတိနဲ့လောဘရှင်းခဲ့
ခြိမ့်နိုင် Friday, 12 October 2018
ယနေ့ အများစိတ်ဆန္ဒအရ ရွေးချယ် ခြင်းဖြင့်လူကြီးဖြစ်ကြရသည့်ယဉ်ကျေးမှု ကျင့်ထုံးသည် ဒီမိုကရေစီစံနှုန်းအောက် မှာ တော်ဝင်နန်းတင့်ပန်းတစ်ပွင့်ဖြစ်ပေ သည်။ ထိုအခြေမှာ လူကြီးဖြစ်လိုသူ (အရွေးချယ်ခံ)မည့်သူနှင့် ရွေးချယ်ပေး ရမည့်သူ(ပြည်သူ)တို့သည် အဂတိတရား လေးပါး ကင်းရပါမည်။
မိတ်ဆွေစိတ်ထဲ မရှင်းမလင်းဖြစ် သွားပေလိမ့်မည်။
ဟာ ဘယ်လိုလဲ လူကြီးဖြစ်ချင်သူ ကတော့ လောဘနဲ့အဂတိကင်းမှဖြစ် နိုင်မယ်ဆိုတာထားပါတော့။ သူက ပတ် သက်ရာဌာနတာဝန်နေရာရ၊ ကုလား ထိုင်နေရာရ ဆုံးဖြတ်ပိုင်ခွင့်ရှိ၊ လုပ်ပိုင်ခွင့် တွေရှိလာမှာဆိုတော့။ သို့သော် ရွေး ချယ်ပေးရသည့်(ပြည်သူ)က ဘာကြောင့် လောဘနဲ့အဂတိပတ်သက်ရသနည်း။
ရှင်းပါမည်။ ငါရွေးချယ်လိုက်သော သူ လူကြီးဖြစ်ရင် ငါအခွင့်အရေးတွေ ရမယ်။ ငါနဲ့ရင်းနှီးတော့ ငါပြောသမျှ အောင်မြင်မယ်ဆိုတဲ့ မတော်လောဘ ကင်းရပါမည်။ သူ မကောင်းတာလည်း သိ။ ထိုသူညံ့တာလည်းသိ။ ထိုသူအရည် အချင်းမရှိ သာကူးအကျင့်လည်းသိပါ လျက် အဂတိတရားလေးပါးနှင့် မလွတ် မရှောင်နိုင်ဘဲ ပြည်သူတွေ(ဝါ) မဲဆန္ဒ ပေးသူတွေက မိမိရွေးချယ်ပေးမည့် လူကြီးလောင်းလျာကို မရွေးမိဖို့ဆိုလို ခြင်းဖြစ်ပါသည်။ မိမိ မဲဆန္ဒပေးရွေး ချယ်မည့် ပြည်သူ့ကိုယ်စားလှယ်သည် အဘယ်မျှအရည်အချင်းရှိသနည်း။ ပေး အပ်လာမည့်တာဝန်အပေါ် ဘယ်လောက် ရိုးသား နိုးကြားကြိုးစားနိုင်ပါမည်လဲ။
လုပ်ငန်းတိုင်းမှာ ရှိနေတတ်သော အခက်အခဲများကို မည်မျှတည်ငြိမ်စွာ ဖြေရှင်းရပ်တည်နိုင်မည်လဲ။ လူရိုသေ ရှင်လေးစားသိက္ခာကိုယ်ကျင့်တရားရှိ မရှိ။ ဘာပဲဖြစ်ဖြစ် အကောင်းဆုံးတော့ လုပ်နေပါတယ်။ အထက်တင်ပြသဘော ထားအပေါ် အမြန်ဆုံးအမှန်ဆုံးဖြစ်အောင် လုပ်နေပါတယ်ဟု ကိုယ့်စွမ်းရည်မပါ အရည်အချင်းမပါ ညွှန်ကြားချက်ရမှလုပ် တတ်သောသူလား စသည် စသည်ဖြင့် စိစစ်ရွေးချယ်ပေးကြမှတာဝန်ကျေပါမည်။ရွေးပြီး ပြီးရော ဘာမှလည်းမလေ့လာ၊ ဘာမှလည်းမသိ အများညီ ဤကို ကျွဲ ဖတ် ရွေးချယ်လိုက်ပါက မသိမှုတွေနှင့် ရွေးသည်မို့ အဂတိမကင်းဟုဆိုရပေမည်။ (ဆန္ဒာဒေါသ ဘယာမောဟ အပါယ် ကျသား ဓမ္မလေးလီ)ဟူသော ကန်တော် မင်းကျောင်း ဆုံးမစာအရ နှစ်ဖြာဘဝ အကျိုးမလှဖြစ်ပေမည်။
လူကြီးတာဝန် လူကြီးနေရာ မှန်း ထားသူကလည်း သက်ဆိုင်ရာနေရာ တာဝန်အတွက် မြင့်မြင့်မားမား ရည်မှန်း ထားပါကလည်း မိမိကိုယ်ပိုင်အရည် အချင်းကိုသိသင့်ပါသည်။
ကိုယ်ရည်မှန်း မျှော်မှန်းသည့်နေရာအဆင့်တာဝန်ကိုသိရ မည်။ သိသည့်အလျောက် မိမိမှာထိုတာ ဝန်ကို ထမ်းဆောင်နိုင်စွမ်းရှိမရှိ ဆန်းစစ် သင့်ပါသည်။ ဥပမာ- နှစ်လုံး၊ သုံးလုံး ချဲဒိုင်ကိုင်စားသူက လောင်းကစားမှု ပပျောက်ရေးအသင်းမှာ လူကြီးဖြစ်ချင်၊ အရက်ဆိုင်ဖွင့် အရက်ရောင်းသူက မူး ယစ်အန္တရာယ်ကာကွယ်တိုက်ဖျက်ရေးအဖွဲ့ လူကြီးဖြစ်ချင်၊ ကိုယ်ကျိုးစီးပွားအတွက် ဆိုလျှင် ဘာမဆိုကလိမ်ကကျစ်လုပ်တတ် ပြီး စာနာစိတ်မရှိ၊ ကိုယ်ချင်းစာတရားမရှိ သူရဖို့ စားရဖို့ဆိုလျှင် ဘာစည်းမှမထား ကွက်ကျော်ရိုက် လုပ်စားတတ်သူက စာရိတ္တမောင်မယ်အသင်းကြီးမှာလူကြီး ဖြစ်ချင်၊ စီးပွားရေးအမြင်မရှိ အထက်ဖား အောက်ဖိစိတ်ရှိပြီး လုပ်ပိုင်ခွင့်မူဘောင် ထဲကနေ ပူးသင့်တဲ့လူပူး၊ ပေါင်းသင့်တဲ့ လူပေါင်းပြီးသားဝမယားဝရုံမက ရေရှည် အကျိုးစီးပွားတွက်ကိန်းဖြင့်ဘဝလှအောင်၊ အမြင်ကောင်းအောင် လုပ်တတ်သူက အများအကျိုးအတွက် ကိုယ်ကျိုးမဖက် ပရအကျိုးစီးပွားဖြစ်ထွန်းရေးမူဖြစ်တဲ့ သမဝါယမစိတ်၊ သမဝါယမအမြင် သမ ဝါယမစီးပွားဖော်ဆောင်ရေး လုပ်ငန်း မသိဘဲ သမဝါယမမှာတော့ စားပေါက် ချောင်မှာပဲအမြင်နဲ့ လူကြီးဖြစ်ချင်၊ နိုင်ငံ ရေးခံယူချက်မသိ အမျိုးသားအကျိုး စီးပွားအမြင်မရှိ ပြည်သူ့ဘဝအတွက်၊ တိုင်းပြည်အတွက် ဘာရည်ရွယ်ချက် ဘာခံယူချက်မှမထား အရေခြုံနိုင်ငံရေး သမားစိတ်နှင့်အများကြိုက်ဆောင်အများ အကျိုး ဟန်ဆောင်လုပ်ပြီး နိုင်ငံရေး စာ မျက်နှာမှာဝင်ရွေးခံလိုက်မည်၊ ရလည်း အမြတ်၊မရလည်းအရင်း စိတ်နဲ့ဈေးတွက် တွက်၊ ခွင်သင့်မယ့်ပါတီကိုကြည့်ပြီး ခြံ ခုန်ကူး၊တိုင်းပြည်အတွက်၊လူမျိုးအတွက် ဘေးချိတ် ကိုယ့်ဒေသ ကိုယ့်မြို့နယ် ပြည်သူ့ဘဝကိုပင်အကျိုးမပြုသောသူက ပြည်သူ့ကိုယ်စားလှယ်လုပ်ချင် စသည် စသည်ဖြစ်ချင် အရွေးခံချင်နေကြပါလျှင် သင့်ပါ့မလားဟု မေးချင်သည်။ ကိုယ့် အရည်အချင်းတော့ ကိုယ်တိုင်သိမည်ဖြစ် ၍ မိမိကိုယ်ကို ဝေဖန်ရေးဖြင့်သင့်မည် တာဝန်နှင့်အညီလုပ်နိုင်မည် စိတ်စေတနာ ရှိမည်။ ကိုယ်ကျိုးမဖက် အများကျိုးတွက် ရည်မှန်းချက်ရှိမည်ဆိုလျှင်တော့ ဝင် ရောက်ယှဉ်ပြိုင်သင့်သည်။ သို့မဟုတ်ပါ လျှင်ပြည်သူကNO လက္ခဏာမပြခင် ကိုယ့်အကြောင်းကိုယ်သိသင့်သည်။(ဒါအကြံပြုချက်ပါ)ယခုအကြံပြုချက်၏ အခြေခံအကြောင်းတရားမှာ ၁၉၄၈ ခုနှစ် ဇန်နဝါရီလ ၄ ရက်နေ့ (လွတ်လပ်ရေးရ သောနေ့)ထုတ်မြန်မာ့အလင်းသတင်းစာ ပါ ဆရာကြီးဒဂုန်ဦးလှဘေ၏(လောက နိဗ္ဗာန် အခြေခံဆောင်းပါးကို ဖတ်ရှုကိုး ကားတွေးဆရေးသားခြင်းဖြစ်ပါသည်။ ဆရာကြီး၏ ဆောင်းပါးပါ ကုလားထိုင် လိုချင်သူများ မိမိကိုယ်ကိုမိမိဝေဖန်နိုင် ရန် ကောက်နုတ်အကျဉ်းချုပ်တင်ပြချင် ပါသေးသည်။
၁။ လူတို့သည် မိမိမှာရှိသော(လော ဘ)ကို စက်ကုန်ဖွင့်ပြီး(ဒေါသစွမ်း)ရှိ သမျှ(မောဟ)အားရှိသလောက် ပြုကျင့် ကြမည်ဆိုလျှင် သတ္တဝါဂိုဏ်းဝင်ချင်းဖြစ် သောလူတို့သည် တိရစ္ဆန်သတ္တဝါနှင့် မခြားဖြစ်တန်ရာ၏။

၂။ လူတိုင်း သူလိုငါလိုအခွင့်အရေး ရှိကြပါသည်။ နိုင်ငံတော်သားကောင်း (Good Citizenship) များအဖြစ် ရောက် အောင်ကြိုးစားပြီး လွတ်လပ်ရေးအမြင် မျက်စိပွင့်လင်းလာစေရမည်။ လွတ်လပ် ရေးအမြင်မပွင့်သမျှ မရိုးဖြောင့်သူတို့၏ မွှေနှောက်သမျှတွင် ဝဲလည်၍နစ်မြုပ် နေကြလျက် လောကနိဗ္ဗာန်နှင့်မတွေ့နိုင်။
၃။ နိုင်ငံသားကောင်းအရည်အချင်း မှာIntelligence သိနားလည်တတ် မှုရှိခြင်း။ Conscience ဟီရိသြတ္တပ္ပ စိတ်ရှိခြင်း။Self-controlမိမိကိုယ်ကို ထိန်းသိမ်းနိုင်ခွင့်ရှိခြင်း။Co-Orgnization ပူးပေါင်းဆောင်ရွက်နိုင်စိတ်ရှိခြင်း။
၎။ သိနားလည်မှုရှိခြင်းမှာ အသိ အလိမ္မာဥာဏ်အမြော်အမြင်ရှိခြင်း၊ လူ့ လောကကြီးတွင် မထိခိုက်မနစ်နာအောင် သိနားလည်တတ်မှု ယဉ်ကျေးခြင်းပညာ ဥာဏ်ရှိခြင်း။ ဟီရိသြတ္တပ္ပစိတ်ရှိခြင်းဆို ရာမှာ မိမိအခွင့်အရေးရလျှင်ရသလို ခိုး ခွင့်ဆိုးခွင့်ရသမျှ ခိုးဆိုးခြင်းညစ်ပတ်ခြင်း အနိုင်ယူလိုခြင်းမရှိကြရ။ အများအပေါ်၊ အချင်းချင်းအပေါ်မကောင်းမှု ပြုလုပ်ဝံ့ ခြင်းမှ ရှက်တတ်ခြင်း ကြောက်တတ် ခြင်းစိတ်ရှိမှသာ လူ့ကျင့်ဝတ်ကိုယ်စောင့် တရားဖြစ်သည်။
ထို့ကြောင့်မိမိစိတ်ကိုထိန်းသိမ်းခြင်း ဆိုင်ရာကိုယ်ကျင့်တရားစိတ်နေမြင့်မြတ် ရပါမည်။ မိမိမှာရှိသော လောဘ ဒေါသ မောဟတရားကို ချုပ်တည်းနိုင်ရပါမည်။ ငါပညာတတ်၊ငါဓနရှင်၊ငါလူစွာဟူသော ငါတံခွန်ထူခြင်းကိုထိန်းသိမ်းစောင့်ရှောက် စေခြင်း၊ ဒီမိုကရေစီသဘောမှန်နှင့် ဆန့် ကျင်သော(ကြောင်လိမ္မာ ကြောင်စား၊ ခွေးလိမ္မာခွေးစား )အဓမ္မခေတ်မဟုတ်၍ တစ်ဦး၏ အကျိုးရှိမှုသည် အများအကျိုး ကို ပိတ်ပင်တားဆီးမှု မဖြစ်စေရ။ အများ အကျိုးပိတ်မှရမည့်အဖြစ်မျိုးလုပ်ရမည်ဆို လျှင်လည်း အတ္တပရမျှအောင်ဆင်ခြင် ထိန်းသိမ်းစေရန်ဖြစ်ပါသည်။
ပူးပေါင်းဆောင်ရွက်ခြင်းဆိုရာ ဒီမို ကရေစီ၏ များရာဆန္ဒအတိုင်းဖြစ်၍ အများကဆုံးဖြတ်နိုင် စီမံနိုင်ကြရာ မှန် သည်ဟူသောခံယူမှုဖြင့်ပါဝင်ရန် တာဝန် ရှိသည်။ ထို့အတွက် အကျိုးအပြစ်တွင် လည်းတာဝန်ရှိပါသည်။ အမှန်ကိုစည်းရုံး ရမည်။အမှန်ကိုတာဝန်ယူရမည်။အချောင် သမားမဖြစ်စေရေးအတွက်သတိပြုရမည်။ တရားမျှတမှုအတွက်အားလုံးဆောင်ရွက် ကြရပါမည်။ ဤကား ဆရာကြီးဒဂုန် ဦးလှဘေ၏ လောကနိဗ္ဗာန်ဆောင်းပါးမှ ကောက်နုတ်တင်ပြချက်ဖြစ်ပါသည်။
မိတ်ဆွေသင်လူကြီး ဖြစ်ချင်သလား။ မိမိကိုယ်ကိုအရင်စဉ်းစားပါ။ မိမိမတိုင် ခင်က ဟိုလူမကောင်းလို့ ဒီလူမကောင်း လို့ အပြစ်ပြောလွှဲချသလို မိမိလွန်သော် ကိုယ့်မကောင်းကြောင်းကို သူများတွေ က ပြန်အပြောမခံရအောင် မိမိတာဝန်ယူ အချိန်ရောက်ပါလျှင်နိုင်ငံတော်နှင့်ပြည်သူ့ အကျိုးကို ဦးထိပ်ထားကာရိုးသားနိုးကြား စွာ ဆောင်ရွက်နိုင်ပါစေကြောင်း တင်ပြ လိုက်ပါသည်။