images
UN
UN
ငွေကြေးကဏ္ဍဆိုင်ရာအကျပ်အတည်း၏ ရှေ့ပြေးလက္ခဏာနှင့်အာဆီယံနိုင်ငံများ
Wednesday, 12 December 2018
ရူပီးငွေတန်ဖိုး ကျဆင်းမှုဖြစ်ပေါ်ခဲ့ ခြင်းများသည် အင်ဒိုနီးရှားနိုင်ငံအတွင်း၌ နိုင်ငံခြားရင်းနှီးမြှုပ်နှံသူများ ရင်းနှီးမြှုပ်နှံ လိုစိတ်လျော့ကျစေရန် တွန်းအားဖြစ်စေခဲ့ သည်။ မလေးရှားနှင့် စင်ကာပူသည် လည်း ဘဏ္ဍာရေးကဏ္ဍနှင့်ဆက်နွှယ်နေ သော စိန်ခေါ်မှုများကို ရင်ဆိုင်နေရပြီဖြစ် သည်။ ရင်ဆိုင်နေရသည့် စိန်ခေါ်မှုများ ထဲ၌ စီးပွားရေးကဏ္ဍ ဖွံ့ဖြိုးတိုးတက်မှု များ ပိုမိုပိုင်ဆိုင်သည့် ဈေးကွက်များဆီသို့ အရင်းအနှီးများ ပြောင်းရွှေ့သွားသည့် ဖြစ်စဉ်များပါဝင်လျက်ရှိသည်။ စီးပွား ရေးဖွံ့ဖြိုးတိုးတက်မှု ပိုင်ဆိုင်လျက်ရှိသော အခြေအနေတစ်ခုအောက်၌ တွက်ချက်ရန် လွယ်ကူသော မူဝါဒများသည် ဆန့်ကျင် ဘက်အနေအထားသို့ ရောက်ရှိသွားသည့် အပြင် အတိုးနှုန်းမြင့်တက်မှုများလည်း ဖြစ်ပေါ်ခဲ့သည်။ မလေးရှားနှင့်စင်ကာပူ ရင်ဆိုင်နေရသည့် စိန်ခေါ်မှုများထဲတွင် အမေရိကန်နှင့်တရုတ်ကြားတွင် ဖြစ်ပွား လျက်ရှိသောကုန်သွယ်ရေးစစ်ပွဲ၏ဂယက် ကြောင့် ဖြစ်ပေါ်လာသည့် အကျိုးသက် ရောက်မှုများသည် ပါဝင်လျက်ရှိသည်။ ကုန်သွယ်မှုကဏ္ဍအပေါ် မှီခိုမှုမြင့်မား သည့် မလေးရှားနှင့်စင်ကာပူသည် ကုန် သွယ်ရေးစစ်ပွဲကြောင့်ပေါ်ထွက်လာသည့် ဈေးကွက်နှင့်ဆိုင်သော အကျိုးသက် ရောက်မှုများကို ရင်ဆိုင်ရလျက်ရှိသည်။
ကမ္ဘာလုံးဆိုင်ရာ စီးပွားရေးအခြေ အနေများအပေါ်မူတည်၍ အာဆီယံအဖွဲ့ ဝင်တစ်နိုင်ငံချင်း သို့မဟုတ် အာဆီယံ အဖွဲ့တစ်ဖွဲ့လုံးအနေဖြင့် မည်သည့်ဖြစ် နိုင်ခြေများကို ရင်ဆိုင်ရဖွယ်ရှိသနည်းဟု သုံးသပ်ကြည့်မည်ဆိုပါက ငွေလဲနှုန်းနှင့် ဆိုင်သော အကြောင်းအရာများတွင် လေ ဖြတ်ခြင်းကဲ့သို့ ဖြစ်စဉ်မျိုး ကြုံတွေ့နိုင် သည်ဟု ဆိုနိုင်သည်။ လေဖြတ်သည့် ဖြစ်စဉ်သည် ဦးနှောက်သို့သွေးစီးဆင်းမှု ရပ်တန့်စေသည့် ဖြစ်စဉ်မျိုးဖြစ်ကာ မည် သူမဆို အချိန်တိုင်းရင်ဆိုင်ကြုံတွေ့နိုင် သည့် ဖြစ်စဉ်မျိုးလည်းဖြစ်သည်။ ထို့ကြောင့် အာဆီယံနိုင်ငံများအနေဖြင့် အချိန်မရွေးကြုံတွေ့နိုင်သည့် ငွေလဲနှုန်း နှင့်ဆိုင်သော လေဖြတ်ခြင်းကဲ့သို့ ဝေဒနာ မျိုး ဖြစ်ပေါ်လာခဲ့လျှင် မည်သည့်ကုထုံး မျိုးဖြင့် ကုစားမည်၊ ဖြစ်မလာစေရန် အတွက် မည်သည့်ကာကွယ်တားဆီးမှု မျိုး ပြုလုပ်မည်ဆိုသော မေးခွန်းများ အတွက် အဖြေရှာထားရန်လိုအပ်မည်ဖြစ် သည်။ အားကောင်းမောင်းသန်အခြေ အနေမျိုးမရှိသည့် စီးပွားရေးမျိုးပိုင်ဆိုင် ထားပါက အရေးကြီးသည့်အနေအထား တစ်ရပ်သို့ ရောက်ရှိနေသည်ကို သတိပြု ရမည်ဖြစ်သည်။ ငွေကြေးနှင့်ဆိုင်သော အကျပ်အတည်းများသည် လျင်မြန်စွာ ကူးစက်ပျံ့နှံ့တတ်သောသဘောမျိုးရှိသည် ကို ၁၉၉၇ ခုနှစ်က ဖြစ်ပွားခဲ့သည့် အာရှ ဘဏ္ဍာရေးအကျပ်အတည်းနှင့် ၂ဝဝ၇ နှင့် ၂ဝဝ၈ ခုနှစ်များတွင်ဖြစ်ပွားခဲ့သော ကမ္ဘာလုံးဆိုင်ရာ ဘဏ္ဍာရေးအကျပ် အတည်းဖြစ်စဉ်များကို ကြည့်ရှုပါက ထင်ထင်ရှားရှားမြင်တွေ့ရမည်ဖြစ်သည်။
၁၉၉၇ ခုနှစ်က ဖြစ်ပွားခဲ့သော ဘဏ္ဍာရေးအကျပ်အတည်းအပြီးတွင် အာဆီယံနိုင်ငံများ၌ ထင်သာမြင်သာရှိ သော ပြောင်းလဲတိုးတက်မှုနှစ်ခု ဖြစ်ပေါ် ခဲ့ကြောင်း မြင်တွေ့နိုင်သည်။ ပထမ တစ်ခုမှာ အာဆီယံနိုင်ငံများသည် အဖွဲ့ ဝင်နိုင်ငံများကြား၌ စီးပွားရေးကဏ္ဍပူး ပေါင်းဆောင်ရွက်မှုများ သို့မဟုတ်ပေါင်း စည်းမှုများ ပိုမိုလုပ်ဆောင်လာခြင်းနှင့် အဓိကကျသည့် ကုန်သွယ်ဖက်နိုင်ငံများ နှင့် ကုန်သွယ်မှုတိုးမြှင့်လာခြင်းများဖြစ် သည်။ ဒုတိယအချက်မှာ ဒေသတွင်း၌ သာမက တစ်ကမ္ဘာလုံးတွင်ပါ လူမှုနိုင်ငံ ရေးနှင့်ဆိုင်သော အပြောင်းအလဲများဖြစ် ပေါ်လာခြင်းဖြစ်သည်။ ထို့ကြောင့် ကုန် သွယ်ရေးကဏ္ဍနှင့် လုံခြုံရေးကဏ္ဍများ တွင်ကြီးမားသည့်စိန်ခေါ်မှုများပေါ်ထွက် လာခဲ့သည်။ အထူးသဖြင့် ဘာသာရေး၊ အမျိုးသားရေးကဲ့သို့ အကြောင်းအရာများ ၏မောင်းနှင်မှုကြောင့် ဘက်တစ်ဖက် တည်းကိုဦးတည်သည့် လှုပ်ရှားမှုများနှင့် အစွန်းရောက်သည်ဟုဆိုနိုင်သော လုပ် ဆောင်ချက်များ ပေါ်ထွက်လာခဲ့ကြောင်း မြင်တွေ့ရသည်။
အရှေ့အလယ်ပိုင်းဒေသ တွင် အကြမ်းဖက်မှုများစွာကျူးလွန်ခဲ့ သည့်ISအဖွဲ့ပေါ်ထွက်လာခဲ့ခြင်းမှာ အကောင်းဆုံးနမူနာဖြစ်ပြီး အဆိုပါအဖွဲ့ သည် အရှေ့အလယ်ပိုင်းဒေသတွင် ထိန်း ချုပ်နယ်မြေများကို စွန့်လွှတ်ခဲ့ရပြီးဖြစ် သော်လည်း အာဆီယံနိုင်ငံများ၌ အဆိုပါ အဖွဲ့၏ တိုက်ခိုက်ရေးသမားများ အခြေ ချလှုပ်ရှားနေသည်ကို သတိပြုရမည်ဖြစ် သည်။ အကယ်၍ ငွေကြေးအကျပ် အတည်း သို့မဟုတ် စီးပွားရေးနှင့်ဆိုင် သော မူမှန်မဟုတ်သည့်ဖြစ်စဉ်များဖြစ် ပေါ်လာခဲ့ပါက အစွန်းရောက်များကို အားပေးထောက်ခံသည့်ဖြစ်စဉ်များ သို့မဟုတ် သက်ဆိုင်ရာလူမှုအဖွဲ့အစည်း အလိုက် အစွန်းရောက်သည့်လုပ်ဆောင် ချက်များကိုအားပေးသည့် ဖြစ်စဉ်များ ပေါ်ထွက်လာလေ့ရှိသည်။လူမှုစီးပွားရေး ကဏ္ဍနှင့်ဆိုင်သောအကြောင်းအရာများ တွင် ကျဆင်းမှုများဖြစ်ပေါ်လာပါက လက်ရှိတာဝန်ယူနေသော အစိုးရ အတွက် ဖိစီးမှုကြီးမားသောအရာများကို ရင်ဆိုင်ရလေ့ရှိသည်။ အမေရိကန်နှင့် တရုတ်ကြား၌ ဖြစ်ပွားလျက်ရှိသော ကုန် သွယ်ရေးစစ်ပွဲ ရပ်တန့်ခြင်းမရှိပါက အာ ဆီယံနိုင်ငံများအပေါ် အကျိုးသက်ရောက် မှု ပိုများလာမည်ဖြစ်သည်။ ငွေကြေးခိုင် မာမှုနည်းပါးသည့် နိုင်ငံများအနေဖြင့် ကြီးမားသည့်အကျပ်အတည်းများရင်ဆိုင် ရမည့်လမ်းကြောင်းပေါ်သို့ ရောက်ရှိဖွယ် လည်းရှိနေသည်။ အာဆီယံအဖွဲ့နှင့် မိတ် ဖက်နိုင်ငံများအနေဖြင့် လက်ရှိအခြေအနေ များအပေါ် မှန်မှန်ကန်ကန်သုံးသပ်ကာ ငွေကြေးတန်ဖိုးခိုင်မာမှုအား အလေးပေး သည့်လုပ်ဆောင်ချက်မျိုး ဖော်ဆောင်နိုင် ခြင်းမရှိပါကကြီးမားသည့်အကျပ်အတည်း များ ရင်ဆိုင်ရဖွယ်ရှိနေသည်။ ထို့ကြောင့် ငွေကြေးအကျပ်အတည်းတစ်ရပ်ဖြစ်လာ နိုင်သည်ကို ကျော်လွှားရန်အတွက် အာဆီ ယံအဖွဲ့ဝင်နိုင်ငံများ ပူးပေါင်းဆောင်ရွက် ရန်အချိန်သင့်နေပြီဖြစ်သည်။ (Ref; Is An ASEAN Currency Crisis Looming? By Christopher H Lim And Tan Ming Hui )