images
UN
UN
စာပေထဲမှ ပညာများ
အောင်ကြည်ညွန့်(တက္ကသိုလ်) Thursday, 13 December 2018
ဆရာကြီးတစ်ဦးက ''စာဆိုသည်မှာ ပညာကိုများများနှင့် မြန်မြန်ရယူသော ကိရိယာတစ်ခု''ဟု တင်စားခဲ့ပါသည်။ ဆရာကြီး၏အဆိုသည် မှန်ကန်လှပါ သည်။ စာထဲတွင် ပညာများရှိပါသည်။ ပညာရရန် စာပေလေ့လာဖတ်ရှုရသည်။ သို့အတွက် ဆရာသမား၊ လူကြီးသူမတို့ က ''စာဖတ်ပါ၊ စာဖတ်ပါ''ဟု တိုက် တွန်းနှိုးဆော်နေကြခြင်းဖြစ်ပါသည်။
မြန်မာ့ပညာရေးအစမှာ ဘုန်းတော် ကြီးကျောင်းပညာရေးက စခဲ့သည်ဟု ဆို ရပါမည်။ ဘုန်းတော်ကြီးကျောင်းပညာ ရေးစနစ်၊ပညာရေးသင်ရိုးများကိုသင်ကြား ရင်း မြန်မာနိုင်ငံ၏မင်းကောင်းမင်းမြတ် များ၊ ရဟန်းပညာရှိ၊ လူပညာရှိများကို မွေးထုတ်ပေးနိုင်ခဲ့သည်ကိုတွေ့ရပါသည်။
ရဟန်းပညာရှိစာဆိုတော်များသည် ဗုဒ္ဓဝင်စာပေကျမ်းဂန်တို့ကိုလေ့လာဆည်း ပူးကာ မြန်မာလူငယ်လူရွယ် ကျောင်း သားလူမမယ်တို့ကို အကျင့်စာရိတ္တ ကောင်းမွန်အောင်၊ ကဗျာလင်္ကာများဖြင့် လည်းကောင်း၊ စကားပြေများဖြင့်လည်း ကောင်းရေးသား၍ ပညာပေးခဲ့ကြသည်။ ရဟန်းပညာရှိ၊ လူပညာရှိ ကဝိအကျော် အမော်တို့သည် လူငယ်ပြုစုပျိုးထောင် ရေး၊ စာရိတ္တဖွံ့ဖြိုးရေးအတွက် ဆုံးမစာ များကိုသီကုံးရေးသားဖွဲ့ဆိုခဲ့ကြပါသည်။ အဆိုပါရေးသားဖွဲ့ဆိုမှုများကို ယဉ်ကျေး မှုအရာရှိဆရာကြီးနန်းညွန့်ဆွေက ''ဆုံးမ စာပေါင်းချုပ်''ဟူသော အမည်နာမဖြင့် တည်းဖြတ်ထုတ်ဝေခဲ့ပါသည်။
အဆိုပါ ဆုံးမစာပေါင်းချုပ်စာအုပ် တွင် ခေတ်အဆက်ဆက်က ရဟန်းပညာ ရှိ၊ လူပညာရှိတို့ ရေးသားသီကုံးသော ဆုံးမစာများကို လေ့လာဖတ်ရှုရပါသည်။ ဆုံးမစာများမှာ အများအားဖြင့် ကဗျာပုံစံ အမျိုးမျိုးဖြင့် စပ်ဆိုထားသည်ကိုတွေ့ရ သည်။
ဆုံးမစာပေါင်းချုပ်ထဲမှ ပထမဦးဆုံး ရွေးချယ်ထုတ်နုတ်တင်ပြလိုသည်မှာ ဆရာတော်ခင်ကြီးဖျော်ဖြစ်သည်။ ဆရာ တော်၏ပုတ္တောဝါဒဆုံးမစာမှာထင်ပေါ် ကျော်ကြားသည်။ ဆရာတော်သည်ကျမ်း ပေါင်း ၂၇ကျမ်းရေးခဲ့ပြီး ပုတ္တောဝါဒ ကျမ်းသည် ၂၇ကျမ်းမြောက်ဖြစ်သည်။ ဆရာတော်သည် ပုတ္တောဝါဒဆုံးမစာတွင် သင်ရိုးနှင့် စာသင်ပုံစာသင်နည်းများကို အသေးစိတ်ထုတ်ဖော်ရေးသားထားသည် ကို တွေ့ရသည်။
ပုတ္တောဝါဒဆုံးမစာ အပိုဒ် ၁ဝ တွင်-
''မမေ့လျော့နှင့်မပေါ့နှင့်သား၊မိစကား ကို၊ ငါ့သားမောင်ပု၊ ငယ်ရွယ်နုက၊ ဗဟု သိပ္ပ၊ ဟူသမျှကို၊ တတ်လှ လျှင်အောင်၊ မောင်ငယ်ပျိုထွား၊ ကျောင်းသို့သွား၍''
စသည်ဖြင့် အမိဖြစ်သူက မိမိသား ကလေးကျောင်းသို့သွား၍ ပညာသင်ချင် အောင် ချော့မော့သွေးဆောင်ပုံကို ဖော်ပြ ထားသည်။
လူတစ်လုံး သူတစ်လုံးဖြစ်ရန် အဋ္ဌာ ရသ ၁၈ ရပ်အနက် တစ်ခုခု တတ်သင့် ကြောင်း၊ အကယ်၍ မတတ်လျှင် စီးပွား ရေးမကောင်းဘဲ၊ ချမ်းသာမှုမရှိနိုင်ဆို သောအချက်ကို အပိုဒ် ၁၂ တွင် လေ့လာ မိပါသည်။
လူရေး လူရာ၊ လူချင်းရာကား
အဋ္ဌာရသ သိပ္ပံအပြား
ဆယ့်ရှစ်ပါးတွင် တအင်အင်ကို
အကြင်သသူ မတတ်မူကား
ထိုသူအားလျှင်
စီးပွားမရောက် ချမ်းသာပျောက်၍
စသည်ဖြင့် ဆုံးမထားသည်။
အစ်မကြီးဖြစ်သူကမောင်ငယ်ကလေး ကျောင်းသွားချင်အောင် ဆွဲဆောင်ပုံမှာ လည်း ဖတ်ရသူအဖို့ နှလုံးမွေ့လျော်စေ ပြီးအစ်မကြီး၏မေတ္တာစေတနာကိုတွေ့နေ ရပါသည်။ဆရာတော်ကအပိုဒ်၁၃ တွင်-
''မောင်လှအိမ်ဝယ်
လုပ်ဆောင်ဖွယ်ကို
မောင်ငယ်ဆံမျှ
မကြောင့်ကြနှင့်
နှမတို့ရေး
ရှိစေသေးလော့။
ငယ်သွေးငယ်ရွယ်
ငယ်နုနယ်က
မောင်ငယ်ပညာ
ရှိအောင်သာလျှင်
မောင်သာကြိုးစား
ကျောင်းကန်သွား၍
ရွှင်အားရရ
လှလှကွေးကွေး
စာရေးတတ်မှု
လုံ့လပြုလော့''
ဟူ၍ ဖွဲ့ဆိုဆုံးမထားသည်။

အစ်မကြီး၏ပြောဆိုဆုံးမမှုကို နာခံ၍ လည်းကောင်း၊ မိမိအပေါ်ကို ချစ်ခင်မြတ် နိုးသောအစ်မကြီးဖြစ်၍လည်းကောင်း၊ မောင်ငယ်ကျောင်းသို့သွားပါသည်။ကျောင်း တွင် စာရေး၊ စာဖတ်သင်ပါသည်။
ကျောင်းသို့ ရောက်လာသည့်တပည့် ငယ်ကို စာရေးတတ်အောင် သင်ပေးပုံ မှာ အသေးစိတ်သည်။ လက်ကိုမည်သို့ မည်ပုံထားရမည်ကို ညွှန်ပြသည်။
''ကျိုးကြောင်းမျှော်လျက်
နှိုးဆော်ကုန်မြောက်
ကျောင်းသို့ရောက်လှာ
မြတ်ဆရာလည်း
သို့မှာသို့ရေး
နှုတ်သံလေးနှင့်
ညီထွေးသည်နှယ်
လက်သြူ<ွကယ်နှင့်
လက်လယ်ကိုကား
ဤသို့ထားမှ
လက်မသိုသိပ်
လက်ညှိုးပိတ်၍
နှိပ်ခါလည်ြး<ွက
မကာလည်းရေး
နှုတ်သံလေးနှင့်
ဧဧသံရွှင်
လက်ထားသင်သည်''
ညွှန်ပြချက်အတိုင်း လက်အနေ အထားကိုတစ်သဝေမတိမ်းလိုက်နာသော အခါ 'ညီထွေး' စာရေးတတ်သွားသည်။ စာရေးတတ်ခါစ'ညီထွေး'ကို စာဖတ် စေရန်ညွှန်ပြသည်။ အရွတ် အဖတ် ကျန သေချာစေလိုသောကြောင့် ဖြစ်သည်။
ပုတ္တောဝါဒအပိုဒ် ၁၉ တွင်-
''ပြေပြစ်အက္ခရာ
အရာရာကို
သိသာစေချင်
ဖတ်ရွတ်လျှင်လည်း
သို့လျှင်သို့ဖတ်
သို့မှတ်သို့ဆို
သို့ကိုသို့အေး
သံလေးသံဖြတ်
သံလွတ်သံငေါ်
နာပျော်နာသာ
နားတန်ဆာကို
သိသာလျှင်အောင်
မီးတန်ဆောင်ကို
လောင်လတ်သောလား
တောင်ထိပ်ဖျားဝယ်
စိုက်ထားမိုးထွင်
တံခွန်တင်သို့
နာသင်ချိုအေး
နှုတ်သံလေးနှင့်
ဧဧရင့်ရင့်
လက်ဖြင့်နားတွင်း
ဆုပ်၍သွင်းသို့
မတင်းမလျှော့
မပေါ့မလေး
လူရည်သွေးသည်
စာရေးတတ်၍
စာဖတ်သူထက် စောစေသော်''
ဟူ၍ ဆုံးမသွန်သင်သည်။
အရေး၊ အဖတ်ကောင်းစွာတတ် မြောက်သွားသောအခါ သင်ပုန်းကြီးကို ကုန်အောင်သင်သည်။ ထို့နောက် မင်္ဂလ သုတ်(၁၃)ပုဒ်ကို ပါဠိလို သင်ပေးပြီး မြန်မာလိုအနက်ပြန်ဆိုရသည်။ မင်္ဂလာ တရား (၃၈)ပါးကို နားလည်ကျင့်သုံးနိုင် အောင် ဆက်လက်သင်ကြားပေးကြောင်း သိရသည်။ဤသည်မှာ ဘုန်းကြီးကျောင်း ပညာရေးသင်ရိုးပင်ဖြစ်သည်။
မြန်မာစာပေထဲတွင် ပညာရတနာ မြောက်မြားစွာရှိပါသည်။စာထဲတွင်ရှိသော ပညာများကို ဖတ်ရှုနားလည်ရယူအသုံးပြု နိုင်ပါစေကြောင်း ဆန္ဒပြုအပ်ပါသည်။