images
UN
UN
မြန်မာ့မီးရထား အပြည့်အဝ ဝန်ဆောင်မှုပေးနိုင်သည့် အဖွဲ့အစည်းဖြစ်ရန် အချိန်ယူပြုပြင်ရန်လိုအပ်ဟု ADB သုံးသပ်ထား
ကိုကိုလွင် Friday, 21 December 2018
မော်တော်ယာဉ်ပို့ဆောင်ရေး၏ အားသာချက်များအား ယှဉ်ပြိုင်နိုင် စွမ်းမရှိသဖြင့်အစိုးရ၏ ဌာနတစ်ခုအဖြစ်ဆောင်ရွက်နေရာမှ ဈေးကွက် အပေါ် အပြည့်အဝတာဝန်ယူနိုင်ပြီး ဝန်ဆောင်မှုကောင်းစွာပေးနိုင်သည့် အဖွဲ့အစည်းဖြစ်လာရန် မြန်မာ့ရထားပို့ဆောင်ရေးကဏ္ဍ၏ စွမ်းဆောင်နိုင်မှု အား အချိန်ယူ၍ ပြုပြင်ရန်လိုအပ်သည်ဟု အာရှဖွံ့ဖြိုးရေးဘဏ်က သုံးသပ် ထားသည်။
ယမန်နေ့ပြုလုပ်သည့် အမျိုးသားလွှတ်တော်အစည်းအဝေး၌ မွန်ပြည် နယ်မဲဆန္ဒနယ်အမှတ် ၆ မှ ဦးဖေတင်မေးမြန်းခဲ့သည့် မြန်မာ့မီးရထား ကဏ္ဍ အောင်မြင်စွာဦးမော့လာစေရန် လက်ရှိရင်ဆိုင်နေရသည့်အရှုံးများ နှင့် ကျဆုံးနေမှုတို့ကို ရပ်တန့်ကျော်လွှားပြီး ရှေးယခင်က အစဉ်အလာ ကောင်းများရရှိခဲ့သည့် မြန်မာ့မီးရထားကို ပြည်သူများ နှစ်ခြိုက်ချမ်းမြေ့စွာ ပြန်လည်အားပေးလာစေရန်အတွက် အစီအစဉ်ကောင်းများဆောင်ရွက်ပေး ရန် စီမံကိန်းများရှိမရှိသိလိုသည့်မေးခွန်းအပေါ် ပို့ဆောင်ရေးနှင့် ဆက် သွယ်ရေးဝန်ကြီးဌာန ပြည်ထောင်စုဝန်ကြီး၏ ဖြေကြားမှုအရ သိရသည်။
ဆက်လက်၍ အာရှဖွံ့ဖြိုးရေးဘဏ်၏ သုံးသပ်မှုတွင် သယ်ယူပို့ ဆောင်မှု စနစ်များအနေဖြင့် အာဆီယံအဖွဲ့ဝင်နိုင်ငံများအကြား များစွာ နောက်ကျနေသဖြင့် နိုင်ငံအတွင်းရှိ ရထားလမ်းအားလုံးအား အမြန် ပြန်လည်ပြုပြင်ရန်လိုအပ်သည်ဟုပါရှိခဲ့ပြီး မြန်မာ့သယ်ယူပို့ဆောင်ရေး မူဝါဒကို ရေးသားပြုစု၍ လုပ်ငန်းစဉ် ငါးရပ်ပါဝင်သည့် လမ်းမကြီးများ မဟုတ်သည့်လမ်းပိုင်းများတွင် ပြေးဆွဲနေသည့်အခြေအနေတို့အား စိစစ် တွက်ချက်ရန်၊ အကျိုးရှိသည့်ရင်းနှီးမြှုပ်နှံမှုများတိုးမြှင့်ရန်၊ စီမံခန့်ခွဲမှု များလုပ်ဆောင်ရာ၌IT နည်းပညာကိုတိုးမြှင့်၍ အသုံးပြုရန်၊ ဘဏ္ဍာရေး အစီအမံများပြုပြင်သွားရန် ၂ဝ၁၅-၂ဝ၂၅ မဟာဗျူဟာလုပ်ငန်းစဉ်ဖြင့် အချိန်ယူပြုပြင်သွားရန် အာရှဖွံ့ဖြိုးရေးဘဏ်က အကြံပြုခဲ့သည်။