images
UN
UN
ရှုံးသလား မြတ်သလား
မောင်သောင်းဝင်း(တမန်ဟောင်း) Sunday, 30 December 2018
အနောက်နိုင်ငံများတွင် တစ်နှစ် အတွင်းနာမည် အကျော်ကြားဆုံးပုဂ္ဂိုလ် များ၏အမည် (Year of the Man) စာရင်းထုတ်ပြန်နေပြီဖြစ်သည်။ လူ တစ်ဦးသည် ကောင်းသောပြုမူလုပ် ဆောင်ချက်များအတွက် နာမည်ကျော် ကြားမည်ဆိုလျှင်တော့ အတိုင်းထက် အလွန်ပင်ဖြစ်သည်။ နှစ်ကုန်ခါနီးမှာ မကောင်းသတင်းဖြင့်သာ စာရင်းပိတ် လိုက်ရမည်ဆိုလျှင်တော့ လူတစ်ဦး အတွက် ထိုနှစ်သည်အရှုံးပေါ်သော နှစ် ပင်ဖြစ်သည်။ တချို့သောသူများသည် ငွေကြေးပိုမိုကြွယ်ဝလာကြသော်လည်း စာရိတ္တပိုင်းတွင်မူ တဖြည်းဖြည်းဆင်းရဲ လာကြသည်။ ထို့အတူ တချို့သောသူ များသည် ရာထူး၊ အဆင့်အတန်းပိုမိုမြင့် မားလာကြသော်လည်း ပြုမူလုပ်ဆောင် ချက်များတွင်မူ ကိုယ်ချင်းစာတရား၊ မေတ္တာတရား၊ ကရုဏာတရား စိုးစဉ်းမျှ မတွေ့ရချေ။ ထိုသို့အကျင့်စရိုက်ရှိသည့် သူများသည် ရုပ်ဝတ္ထုပစ္စည်းပိုင်ဆိုင်မှု အရ အမြတ်ထွက်နေသည်ဟုဆိုနိုင်သော် လည်း လူသားတစ်ဦးရှိသင့်ရှိထိုက်သည့် လူ့ကျင့်ဝတ်စံနှုန်းပြည့်မီခြင်းမရှိဘူးဆို လျှင် အရှုံးပေါ်နေသည်ဟု ဆိုနိုင်ပေ သည်။
ဝမ်းမြောက်မုဒိတာပွားမိ
စာရေးသူ၏ မိတ်ဆွေတချို့သည် ၂ဝ၁၈ ခုနှစ်အတွင်းဆောင်ရွက်ခဲ့သည့် နှစ်ချုပ်များကို လူမှုကွန်ရက်ပေါ်တွင် တင်ထားကြသည်။ တချို့သည် စာပေ ဆုများရခဲ့သည်။ တချို့သည် နေ့စဉ် ထုတ်သတင်းစာများတွင် သတင်း ဆောင်းပါးသုံးပုဒ်ခန့် ရေးသားခဲ့သည်။ တချို့သည် တစ်လလျှင် ဆောင်းပါး ၁ဝ ပုဒ်ခန့်ရေးနိုင်ခဲ့သည်။ တချို့သည် စာပေ ဟောပြောပွဲများလိုက်ခဲ့ကြသည်။ တချို့ သည်လုပ်ငန်းတာဝန်ဖြင့် ပြည်ပသို့ခရီး ထွက်ခွင့်ရခဲ့ကြသည်။ တချို့သည် မိဘမဲ့ ဂေဟာများသို့ အလှူအတန်းများပြုလုပ် ခဲ့ကြသည်။ တချို့သည် မိဘများကို အလုပ်အကျွေးပြုခဲ့သည်။ တချို့သည် ညီအစ်ကိုမောင်နှမများအပေါ် အလုပ် အကျွေးပြုခဲ့သည်။ တချို့သည် လူ့ အသိုက်အဝန်းကို အကျိုးပြုသည့်ပရ ဟိတလုပ်ငန်းများလုပ်ခဲ့ကြသည်။ တချို့ သည် တရားရိပ်သာများဝင်ခဲ့ကြသည်။ ဆိုရလျှင် အချိန်ကိုအကျိုးရှိစွာအသုံးချ ပြီးတစိုက်မတ်မတ်ကြိုးပမ်းခဲ့ကြသော ကြောင့်မတူညီသော အောင်မြင်မှုများ ရရှိခဲ့ကြခြင်းဖြစ်ပေမည်။ မည်သို့ပင်ဆို စေကာမူမိတ်ဆွေများ၏ အောင်မြင်မှု များအပေါ် ဝမ်းမြောက်မုဒိတာအကြိမ် ကြိမ်ပွားမိသည်။
စိတ်မကောင်းဖြစ်မိ
သို့သော် တချို့သောသူများကမူ တိုင်းပြည်တာဝန်ထမ်းဆောင်ရင်း မွန် မြတ်စွာ အသက်ပေးလှူသွားကြသည်။ တချို့ကမူမတော်တဆဖြစ်စဉ်များကြောင့် မမျှော်လင့်ဘဲ သေဆုံးခဲ့ကြရသည်။ တချို့ကမူကျန်းမာရေးနှင့် ညီညွတ်စွာ နေထိုင်ခြင်းမရှိသဖြင့် သက်တမ်းစေ့မနေ ရဘဲ လောကကြီးမှ ထွက်ခွာသွားကြရ သည်။ တချို့ကမူ မူးယစ်ဆေးဝါးတရား မဝင်ရောင်းဝယ်ဖောက်ကားအသုံးပြုကြ သဖြင့်ထောင်နန်းစံသွားကြသည်။ တချို့ ကမူ လောင်းကစားလုပ်သောကြောင့် မွဲ ပြာကျသွားသည်။ တချို့ကမူ လူမှုရေး ဖောက်ပြန်ကြသောကြောင့် အိမ်ထောင် ရေးပြိုကွဲသွားကြသည်။ စိတ်မကောင်း ဖြစ်ရပါသည်။

ဆိုရလျှင် ဘယ်သူမပြုမိမိအမှုပင် ဖြစ်သည်။ 'ကံ' 'ကံ၏အကျိုး'ကိုခံစား ကြရသည်မဟုတ်ပါလား။ မည်သို့ပင်ဆို စေကာမူ လူတစ်ဦးတည်း အရှုံးပေါ်နေရုံ မျှဖြင့် သိသိသာသာထူးခြားမှုမရှိသော် လည်း နိုင်ငံတစ်နိုင်ငံအတွင်း မှီတင်း နေထိုင်သောနိုင်ငံသားအားလုံးသာ အရှုံး ပေါ်နေမည်ဆိုလျှင်တော့ ထိုနိုင်ငံသည် တိုးတက်မှုနှင့် အလှမ်းဝေးနေဦးမည် သာဖြစ်သည်။
တိုင်းပြည်တိုးတက်ခဲ့ပါသလား
စာရေးသူတို့နိုင်ငံသည် လွတ်လပ် ရေးနှင့်အတူပေါက်ဖွားလာသော တိုင်း ရင်းသားလက်နက်ကိုင် ပဋိပက္ခချုပ် ငြိမ်းရေးနှင့်တိုင်းပြည်အတွင်း ထာဝရ ငြိမ်းချမ်းရေးဖော်ဆောင်နိုင်ရေးတို့အတွက် အစိုးရအဆက်ဆက် စဉ်ဆက်မပြတ်ကြိုး ပမ်းအကောင်အထည်ဖော်လျက် ရှိပေ သည်။ ဆိုရလျှင် ငြိမ်းချမ်းရေးလုပ်ငန်း စဉ်သည် ၂ဝ၁၈ ခုနှစ်အတွင်း၌ တိုး တက်မှုရရှိခဲ့သည်။ ပြည်ထောင်စုငြိမ်း ချမ်းရေးညီလာခံ (၂၁)ရာစုပင်လုံ တတိယအစည်းအဝေးကြီး ကျင်းပနိုင် ခဲ့သည်။ သဘောတူညီချက်များထုတ် ပြန်နိုင်ခဲ့သည်။ ထို့ပြင် မွန်ပြည်သစ် ပါတီနှင့် လားဟူဒီမိုကရက်တစ်အစည်း အရုံးတို့သည် NCA ၌ပါဝင်လက်မှတ် ရေးထိုးခဲ့သောကြောင့် လက်ရှိအချိန်တွင် NCA လက်မှတ်ရေးထိုးထားသည့်တိုင်း ရင်းသားလက်နက်ကိုင်အဖွဲ့ ၁ဝ ဖွဲ့ အထိ ရှိလာပြီဖြစ်သည်။
ထို့ပြင် တပ်မတော်ကလည်းNCA လက်မှတ်ရေးထိုးရန် ကျန်ရှိနေသည့်တိုင်း ရင်းသား လက်နက်ကိုင်အဖွဲ့အစည်းများ အားလုံးနှင့် ငြိမ်းချမ်းရေးဆွေးနွေးရန် အတွက် စစ်တိုင်းနယ်မြေငါးခုတွင် စစ် ရေးဆိုင်ရာ လှုပ်ရှားမှုများကို ၂ဝ၁၈ခုနှစ် ဒီဇင်ဘာလ ၂၁ရက်မှ ၂ဝ၁၉ခုနှစ် ဧပြီ လ ၃ဝရက်အထိ စစ်ရပ်ဆိုင်းထားမည် ဖြစ်ကြောင်း သတင်းထုတ်ပြန်ခဲ့သည်။ ထိုသို့ နှစ်ဖက်အဖွဲ့အစည်းများ၏ အပြု သဘောဆောင်သော လှုပ်ရှားမှုများသည် ငြိမ်းချမ်းရေးအတွက် အလားအလာ ကောင်းသော တိုးတက်မှုပြယုဂ်များပင် ဖြစ်သည်။
သို့သော် တိုင်းပြည်စီးပွားရေးသည် ထင်သလောက် မတိုးတက်ခဲ့ပေ။ကိန်း ဂဏန်းအချက်အလက်တွေအရ ၂ဝ၁၈ ခုနှစ်အတွင်းမှာ တိုးတက်မှုရရှိခဲ့သည်ဟု ဆိုသော်လည်း လက်တွေ့တွင်မူ ဆင်းရဲ သားလူတန်းစား ပိုမိုများပြားလာခဲ့ သည်။ အမေရိကန်ဒေါ်လာ၊ ရွှေ၊ စက် သုံးဆီနှင့် အခြေခံစားကုန်အားလုံး ဈေး နှုန်းတက်ခဲ့သည်။ ဆင်းရဲ၊ ချမ်းသာ ကွာဟမှုပိုမိုမြင့်မားလာခဲ့သည်။ အောက် ခြေလူတန်းစားများသည် နေ့စဉ်စားဝတ် နေရေးအတွက် ပင်ပန်းကြီးစွာရုန်းကန်ခဲ့ ကြရသည်။ ထို့ပြင် ရခိုင်အရေးကို အကြောင်းပြု၍ နိုင်ငံတကာ၏ ဖိအား ပေးမှုများခံခဲ့ရသည်။
ဆက်လက်၍လည်း ဖိအားပေးလျက်ရှိကြသည်။တိုင်းပြည်၏ လုံခြုံရေးကို ခြိမ်းခြောက်လျက်ရှိသည်။ ယေဘုယျခြုံကြည့်လျှင် တိုင်းပြည်သည် ထင်သလောက် မတိုးတက်ခဲ့ပေ။ထို့ ကြောင့် နိုင်ငံသားတစ်ဦးတစ်ယောက် ချင်းစီအနေဖြင့် ၂ဝ၁၉ ခုနှစ်အတွင်းမှာ ပိုမို ကြိုးပမ်းသွားဖို့လိုပါသည်။
အမြတ်ထွက်သည်ဟုဆိုချင်
မြန်မာနိုင်ငံသားတစ်ဦးဖြစ်သည့် စာရေးသူအနေဖြင့်လည်း ၂ဝ၁၈ ခုနှစ်၏ အရှုံး၊အမြတ်ကို တွက်ကြည့်မိပါသည်။အောက်ခြေဝန်ထမ်းတစ်ဦးဖြစ်သည့် စာရေးသူသည် တရိပ်ရိပ်မြင့်တက်လာ သော ကုန်ဈေးနှုန်းကို အမီလိုက်နိုင်ရန်၊ သမီးနှစ်ဦး၏ပညာရေးအတွက် ကိုယ်ပိုင် အချိန်များတွင် အင်္ဂလိပ်မှမြန်မာ၊ မြန်မာမှ အင်္ဂလိပ်သို့ဘာသာပြန်သည့် အလုပ်လုပ် ၍ တစ်ဖက်တစ်လမ်းမှ အပိုဝင်ငွေရရှိ အောင်ရှာနေရသည်။ ထို့ပြင် အခြား တစ်ဖက်ကလည်း နေ့စဉ်ထုတ်သတင်း စာများနှင့် ဂျာနယ်တို့တွင် သုတ၊ရသ အကျိုးပြုဆောင်းပါးများရေးနေရသည်။
ထို့ကြောင့် ၂ဝ၁၈ ခုနှစ်အတွက် စာရင်းချုပ်ကြည့်ရာတွင် ဆောင်းပါး ပေါင်းချုပ် နှစ်အုပ်ထုတ်နိုင်ခဲ့သည်။ ကြေးမုံ၊ မြန်မာ့အလင်း၊ မြဝတီ၊ ပြည်ထောင်စုနေ့စဉ်သတင်းစာများနှင့် သုတကမ္ဘာဂျာနယ်တို့တွင် ဆောင်းပါး ပုဒ်ရေ ၁၆ဝ ခန့်ဖော်ပြခံရသဖြင့် တစ်လ လျှင် ၁၃ ပုဒ်နှုန်းခန့်လောက်တော့ရေး နိုင်ခဲ့သည်။ မည်မျှပင်ရေးသားနိုင်စေ ကာမူဖော်ပြပေးသူမရှိလျှင် စာရေးသူ၏ ဆောင်းပါးများသည် စာမျက်နှာပေါ်သို့ ရောက်လာခွင့်ရရှိမည်မဟုတ်ချေ။ အထူး သဖြင့်စိစစ်တည်းဖြတ်၍နေရာပေးသည့် သက်ဆိုင်ရာသတင်းစာတိုက်များမှ စာ တည်းအဖွဲ့များကို ကျေးဇူး အကြိမ်ကြိမ် တင်မိပါသည်။ မည်သို့ပင်ဆိုစေကာမူ မူလလုပ်ငန်းတာဝန်မပျက် အကျိုးပြု ဆောင်းပါးများရေးသားနိုင်ခဲ့သောကြောင့် အမြတ်ထွက်သည်ဟုဆိုချင်ပါသည်။
ရှုံးသလား မြတ်သလား
အဆွေစာရှုသူလည်း ၂ဝ၁၈ ခုနှစ် အတွင်း အတက်၊ အကျကြမ်းခဲ့မည်ဟု ထင်မြင်မိပါသည်။ ပညာရေး၊ လူမှုရေး၊ စီးပွားရေး စသည့်နယ်ပယ်တစ်ခုခုမှာ သိသာထင်ရှားသော မှတ်တိုင်တစ်ခု လောက်စိုက်ခဲ့မိလျှင်တော့ အမြတ်ပေါ် သည်ဟုဆိုနိုင်ပေသည်။ မည်သည့်အရာမျှ မည်မည်ရမလုပ်နိုင်ဘဲ တစ်နှစ်ကုန်သွား ခဲ့လျှင်တော့ ထိုနှစ်သည် အရှုံးပေါ်သော နှစ်ပင်ဖြစ်သည်။ လူ့သက်တမ်းသည် တဖြည်းဖြည်းတိုတောင်းလာပြီဖြစ်သည်။ ရခဲလှသော လူ့ဘဝတွင် အရှုံးမပေါ် အောင် ဆောင်ရွက်သွားသင့်ပေသည်။
ဆိုရလျှင် ကျွန်ုပ်တို့ချစ်ခင်မြတ်နိုး တွယ်တာနေသောဇနီး၊ ခင်ပွန်း၊ သား သမီးများ၊ ဆွေမျိုးများနှင့် မိတ်ဆွေ များသည် ကျွန်ုပ်တို့ကွယ်လွန်သည့်အချိန် တွင် သင်္ချိုင်းကုန်းဟိုဘက်ထိ လိုက်ပို့ နိုင်ကြမည်မဟုတ်ချေ။ စင်စစ် အားဖြင့် ဒါန၊ သီလ၊ ဘာဝနာ ဆိုသော ကောင်းမှု များကသာလျှင် ကျွန်တော်တို့ကို နောက်ဘဝ၊ ဘဝများစွာအထိ လိုက်ပါပို့ ဆောင်နိုင်မည်ဖြစ်သည်။ ထို့ကြောင့် ၂ဝ၁၈ ခုနှစ်အတွင်းမှာ တန်ဖိုးမဖြတ်နိုင် သောစက္ကန့်တိုင်းကို အဓိပ္ပာယ်ရှိသော ကျင့်ကြံ၊ ပြောဆို၊ ပြုမူမှုများဖြင့်သာဖြတ် သန်းခဲ့မည်ဆိုလျှင်ဖြင့် ဘာသာရေး၊ ကျန်းမာရေး၊ ပညာရေး၊ စီးပွားရေး၊ လူမှုရေးစသည့်နယ်ပယ်ပေါင်းစုံမှာ တန် ဖိုးမဖြတ်နိုင်သော အမြတ်များထွက်ရှိခဲ့ လိမ့်မည်ဟု ခိုင်မာစွာယုံကြည်မိပါသည်။