images
UN
UN
ပြည်ထောင်စုမြန်မာနိုင်ငံတွင် ဗုဒ္ဓသာသနံစိရံတိဋ္ဌတု
တက္ကသိုလ်မြတ်သူ Friday, 04 January 2019
(ယမန်နေ့မှအဆက်)
ကွန်မြူနစ်အစိုးရ အုပ်စိုးနေသော တရုတ်နိုင်ငံက ပိုမိုဆင်းရဲငတ်ပြတ်နေရမည့် အစား ဆိုရှယ်လစ်ဈေးကွက်စီးပွားရေးစနစ် ချမှတ်၊ တည်ငြိမ်၊ ထက်မြက်သော တရုတ် ကွန်မြူနစ်ပါတီအစိုးရက တိကျပြတ်သား စွာဦးဆောင်၊ပြည်သူများက ဝိဝါဒမကွဲမပြား၊ အယူအဆ၊ ဂိုဏ်းဂဏ၊ ပါတီစုံ၊ ဝါဒစုံ မထွေပြားဘဲ တညီတညွတ်တစ်သားတည်း ကြိုးစားအားထုတ်နိုင်၍ ယနေ့ကမ္ဘာပေါ် တွင် စီးပွားရေးတိုးတက်ဖွံ့ဖြိုးမှုတွင် ဒုတိယ စီးပွားရေးအင်အားအကြီးဆုံးနိုင်ငံ ဖြစ်လာ သည်။ တရုတ်သည် အမေရိကန်ဒေါ်လာ အပါအဝင် နိုင်ငံတကာသုံးငွေကြေးများ၊ အစုရှယ်ယာများ၊ ငွေချေးစာချုပ်များစွာကို ပါ ပိုင်ဆိုင်ထားသည်။အမေရိကန်က စစ်ရေး နယ်ချဲ့ခြင်း၊ စီးပွားရေးပိတ်ဆို့ခြင်း၊ နိုင်ငံ တကာနှင့် ရန်ပွားခြင်းဖြင့် စီးပွားရှာသည်။တရုတ်က တစ်သွေး၊တစ်သံ၊တညီတညွတ် ကြိုးပမ်းခြင်း၊ နိုင်ငံတကာနှင့် အကျိုးတူ ပူးပေါင်းဆောင်ရွက်ခြင်း၊စစ်ရေးခြိမ်းခြောက် မှုမပြုဘဲ ချစ်ကြည်ရေးဗျူဟာဖြင့် ကမ္ဘာနှင့် အဆင်ပြေအောင် ဆက်ဆံလာခဲ့သည်။
နောက်ဆုံး တရုတ်နှင့်ကုန်သွယ်ရာ၌ အမေရိကန်နိုင်ငံက ကုန်သွယ်ရေးလိုငွေပြမှု အလွန့်အလွန်မြင့်မားလာသည်။ အမေရိ ကန်၊ ဥရောပအပါအဝင် ကမ္ဘာ့ဈေးကွက်၌ တရုတ်က ကုန်သွယ်ရေးအပေါင်းလက္ခဏာ များဝေဝေစည်လာခဲ့သည်။ အမေရိကန် စက်မှုလုပ်ငန်းများစွာသည်ပင် အမေရိကန် မှစက်ရုံများကို တရုတ်နိုင်ငံရှိ အထူး စီးပွားရေးဇုန်များသို့ ပြောင်းရွှေ့အခြေစိုက် လာခဲ့ကြသည်။ အမေရိကန်သည် ဤသို့ ဖြစ်ရသည်ကို နောင်တရပြုပြင်ရမည့်အစား ရှိရင်းစွဲ ဓနလောဘ၊ စစ်ရေးဒေါသ၊ နိုင်ငံ ရေးမောဟ၊ ဓနမာနတို့ဖြင့် ရန်လို၊ ရန်လုပ်၊ ရန်ပွားရန်စကားပြောလာသည်။ ခြိမ်း ခြောက်ခြင်း၊ ပိတ်ဆို့နှောင့်ယှက်ခြင်း လုပ်လာသည်။ နယ်ချဲ့ပုံစံသစ်၊ စစ်ရေးဗိုလ် ကျမှု၊ ကုန်သွယ်ရေးလက်ဝါးကြီးအုပ်မှုတို့ ဖြင့်နိုင်ငံတကာမှ သယံဇာတဓနဥစ္စာမှန် သမျှ အမေရိကန်ပိုင်ဖြစ်ရေး လုပ်လာခဲ့ သည်။ နောက်ဆုံးတော့ ကမ္ဘာ့ပထမနေရာ လူချမ်းသာကြီးအမေရိကန်သည် ပြည်ပြေ<ွကးမြီဒေါ်လာ ၁၈ ထရီလီယံ သန်း ပေါင်း ၁၈ သန်းတင်လာခဲ့သည်။
ဒေါ်နယ်ထရန့်သည် သူကိုယ်တိုင်က ဝါရင့်နိုင်ငံရေးသမားမဟုတ်သော်လည်း စီး ပွားရေးသမားဖြစ်၍ စီးပွားရေးအမြင်တစ်ခု တည်းဖြင့် သမ္မတအာဏာမှန်သမျှ အသုံးချ ကာ ပွဲကြမ်းလာခဲ့သည်။ တရုတ်ကို ကုန် သွယ်ရေးပိတ်ဆို့မှုအတန်တန်ချရင်း နှစ်နိုင်ငံ ကုန်သွယ်ရေးတင်းမာလာရာမှ ကုန်သွယ် ရေးစစ်ပွဲသို့တိုင်ရောက်လာခဲ့သည်။ တရုတ် တို့အဖို့ ထိတန်သရွေ့ ထိပေလိမ့်မည်။ တရုတ်က ယခုစီးပွားရေးအမြင်၊ နိုင်ငံရေး အမြင်၊ စစ်ရေးအမြင် ပိုမိုထက်မြက်လာရာ ဆင်ပိန်သော်လည်း ကျွဲထက်တော့ ကြီးနေ သေးသည်။ ထရန့်၏ ယူကရိန်းအရေး အသုံးချကာ ရုရှားအပေါ် စီးပွားရေး၊ နိုင်ငံ ရေးထိုးစစ်များမှသည် စစ်ရေးထိုးစစ်အထိ ဦးတည်လာနေသည်။ မြောက်ကိုရီးယား၊ အီရန်၊ ရုရှား၊ တရုတ်နှင့် အစွန်းရောက် အစ္စလာမ္မစ်ဝါဒီတို့ကို ရန်စ၊ ရန်လုပ်ခြင်း တို့ဖြင့် တတိယကမ္ဘာစစ်သို့ပင် ဦးတည်စ ပြုလာနေပေသည်။

ယူကရိန်းသည် တစ်ချိန်က ဆိုဗီယက် ပြည်ထောင်စု၏ အမာခံကွန်မြူနစ်နယ်မြေ ဖြစ်ခဲ့သည်။ ဆိုဗီယက်သမ္မတ ဂေါ်ဘာ ချော့ဗ်လက်ထက် ဆိုဗီယက်ပြည်ထောင်စု ကို ဂေါ်ဘာချော့ဗ်ကိုယ်တိုင် ဖြိုချပစ်ခဲ့ သည့်တိုင် ယူကရိန်းသီးခြားနိုင်ငံ၏ သမ္မတ များသည် ရုရှားနှင့် မဟာမိတ်များဖြစ်ခဲ့ သည်။ ဤတွင်အမေရိကန်က ရုရှားနှင့် အဆင်ပြေသော ယူကရိန်းသမ္မတမှန်သမျှ ပြုတ်ကျစေရန် အရောင်ခြယ်တော်လှန်ရေး Colour Revolution ဆိုသည်များဖြင့် အတိုက်အခံများကို သွေးထိုးမြှောက်ပင့်ပေး ခဲ့သည်။ ပံ့ပိုးပေးခဲ့သည်။ ယခုယူကရိန်း သည် ရုရှားဆန့်ကျင်ရေးနှင့် အနောက် အားကိုးအစိုးရဖြစ်လာသည်။ ဤတွင် ရုရှားကို ပထဝီဝင်နိုင်ငံရေးဖြင့် ဆန့်ကျင် လာခဲ့သည်။ တင်းမာလာခဲ့သည်။ ယူကရိန်း စစ်သင်္ဘောများကို ရေပိုင်နက်ကျူးကျော် စေလွှတ်သဖြင့် ရုရှားက ဖမ်းဆီးထားခဲ့ သည်။ ဤကိစ္စဖြင့် ရုရှား-ယူကရိန်းအား စစ်မီးတောက်စေရန် အကွက်ဆင်သည်။ ထို မှတစ်ဆင့် ကမ္ဘာကုန်ကျယ်သရွေ့ စစ်ငွေ့ စစ်မီးလျှံတောက်လောင်ကာ ကမ္ဘာစစ်ဖြစ် စေရန်အကွက်ဆင်သည်။ မြောက်ကိုရီး ယား သို့မဟုတ် အီရန်တို့ကို တတိယကမ္ဘာ စစ်စနက်တံအဖြစ်သုံးရန်အကွက်ဆင်နေပေ သည်။ လစ်ဗျား၊ ဆီးရီးယား၊ အီရတ်၊ အာဖဂန်၊ ယီမင်၊ တူနီးရှား၊ အယ်လ်ဂျီးရီး ယား၊ ပါလက်စတိုင်း၊ လက်ဘနွန်စသည့် အာရပ်(ရေနံ)မွတ်စလင်နိုင်ငံတို့နှင့်လည်း စစ်ရေးအမျှင်တန်းကာ ကမ္ဘာစစ်မီးမွှေးနေ ပေသည်။
အမေရိကန်တွင် နျူကလီးယားဗုံး မျိုးစုံ၊ ဒုံးမျိုးစုံ၊ သူတစ်ပါးဒုံးကို ကြားဖြတ် ဖျက်ဆီးနိုင်သော ဒုံးခွင်းဒုံးများအပါအဝင် စစ်လက်နက်အသစ်အဆန်းတစ်ပြုံတစ်ခေါင်း ရှိနေပေသည်။ ထိုလက်နက်မာန၊ လူသား ချင်းစာနာစိတ်အသိခေါင်းပါးလာမှုမောဟ၊ ပင်တဂွန်၏စစ်ရေးဒေါသ၊ တစ်ကမ္ဘာလုံး တွင်ရှိသမျှ ဓနဥစ္စာတို့၏ တစ်ဝက်ကျော်ပိုင် ဆိုင်ထားသည့်ငွေမာနတို့ဖြင့် ဒေါ်နယ်ထရန့် ကဲ့သို့ ဘယ်သူ့မှဂရုမစိုက်၊ ဗိုလ်မထားသူ လက်ထက် တတိယကမ္ဘာစစ် ဖန်တီးနိုင် ခြေရှိပေသည်။ တရုတ်နှင့်ကုန်သွယ်ရေး စစ်ဖန်တီးခြင်း၊ မဟာမိတ်ဥရောပနိုင်ငံများ အပါအဝင် တစ်ကမ္ဘာလုံးကို စီးပွားရေးပိတ် ဆို့ထားခြင်းဖြင့် ယခုလတ်တလော အမေ ရိကန်ဒေါ်လာတန်ဖိုး မြင့်တက်နေသည်။ အမေရိကန်စီးပွားရေးတွင် တိုးတက်နေ သည်။ ထို့ကြောင့်လည်း ထရန့်လုပ်သမျှ မှန်ပါပေသည်၊ တော်ပါပေသည်ဟု ချီးကျူး သူများရှိလာနေသည်။

''ရုရှားနှင့်အမေရိကန်ကြားတွင်စစ် ဖြစ်ပွားပါက လူသားမျိုးနွယ်တည်တံ့ရေး အတွက် အန္တရာယ်ကြီးလာသည်ဟု သတိ ပေးခေါင်းစဉ်ပါသတင်းကို ဤဆောင်းပါး အရှေ့ပိုင်း၌ နိဒါန်းချီဖော်ပြခဲ့ပါသည်။ ယင်း ရိုက်တာကြေးနန်းသတင်းတွင် ရုရှားနိုင်ငံ ခြားရေးဝန်ကြီးဆာဂျီလာဘရော့ဗ်က ဤသို့ သတိပေးပြောကြားကြောင်း ဆက်လက် ဖော်ပြထားပါသည်။
''နျူကလီးယားလက်နက်တွေကို ပိုင် ဆိုင်ထားသလို ခေတ်မီစစ်လက်နက်တွေပါ အသုံးပြုနိုင်စွမ်းရှိတဲ့ ရုရှားနဲ့အမေရိကန် ကြားမှာလက်နက်ကိုင်ပဋိပက္ခတွေဖြစ်လာ ခဲ့မယ်ဆိုရင် လူသားမျိုးနွယ်တည်တံ့ရေး အတွက် အန္တရာယ်ကြီးတဲ့ခြိမ်းခြောက်မှုတွေ ပေါ်လာမယ်ဆိုတာ ဘယ်သူမဆို သဘော ပေါက်ထားပြီးဖြစ်မှာပါ။ နှစ်နိုင်ငံလုံးအနေ နဲ့ ဘယ်လိုအကြောင်းအရာမျိုးမှာမဆို အမြော်အမြင်ကြီးကြီးထားပြီး လုပ်ဆောင်ဖို့ လိုပါလိမ့်မယ်။ ကိုယ်ပိုင်ရည်မှန်းချက်တွေ အတွက် တစ်ဖက်ကို ထိခိုက်မှာ မဖြစ် အောင်ရှောင်ရှားဖို့လည်း လိုအပ်ပါတယ်''
အထက်ဖော်ပြပါသတင်းသည် သာမန် နိုင်ငံခြားသတင်းတစ်ပုဒ်မဟုတ်ဘဲ တတိယ ကမ္ဘာစစ်မဖြစ်ပွားရေးကြိုတင်သတိပေးနေရ သည့်အချိန်အခါရောက်နေသည်ကို ထောက် ပြသည့်သတင်းဖြစ်သည်။ ဒုတိယကမ္ဘာစစ် ကို ဖန်တီးခဲ့သည်မှာ အားလုံးသိကြသည့် အတိုင်း ကိုလိုနီ(ကျွန်နိုင်ငံ)ဝေစုမရလိုက် သည့် ဂျာမနီမှ အဒေါ့လ်ဖ်ဟစ်တလာ ဦးဆောင်သော အီတလီမှ ဖက်ဆစ်ခေါင်း ဆောင်မူဆိုလီနီ၊ ဂျပန်ဖက်ဆစ်ခေါင်းဆောင် ဗိုလ်ချုပ်ကြီးယာမာမိုတို တိုကျိုတို့ဖက်ဆစ် ဝင်ရိုးတန်းသုံးနိုင်ငံအုပ်စု ဖြစ်လေသည်။ ဖက်ဆစ်အုပ်စုက ကြမ်းကြုတ်ရက်စက်၊ လူမဆန်စွာ အကြမ်းဖက်ကျူးကျော်တိုက် ခိုက်သောကြောင့် ဒုတိယကမ္ဘာစစ် ဖြစ်ခဲ့ရ သည်။ ပထမကမ္ဘာစစ်နယ်ချဲ့ချင်း၊ စား ကျက်လုပွဲ၌ ကမ္ဘာသူကမ္ဘာသား ၁ဝ သန်း သေခဲ့ရပြီး ဒုတိယကမ္ဘာစစ်တွင် သန်း ၇ဝ သေရသည်။ ထို့ကြောင့် အမေရိကန်၊ အင်္ဂလိပ်၊ ပြင်သစ်စသည့်အရင်းရှင်(နယ်ချဲ့) များသည် သူတို့နှင့်ဝါဒချင်း ရန်ဘက်ဆို ရှယ်လစ်ကွန်မြူနစ်ဆိုဗီယက်ကို မဟာမိတ် ပြုလက်တွဲကာ ဖက်ဆစ်တို့အား ဝိုင်းတိုက် ဖြိုခွင်းခဲ့ရသည်။
လက်နက်အားကိုး စစ်အင်အား အား ကိုးဖြင့် တစ်ကမ္ဘာလုံးကို အုပ်စိုးနိုင်ရန် စကြဝတေးမင်း စိတ်ကူးယဉ်ခဲ့သော ဖက် ဆစ် နာဇီကမ္ဘာ့လူဆိုးဗိုလ်ကြီးဟစ်တလာကို အားလုံးဝိုင်းတိုက်ခဲ့ကြရသည့် ဒုတိယ ကမ္ဘာစစ်ပွဲကို မမေ့သင့်ကြပေ။ ယနေ့ ဟစ် တလာ၏ နေရာသို့မည်သူ ဝင်လာနေသည် ကို နိုင်ငံတကာသတင်းများ မပြတ်လေ့လာ သုံးသပ်နေသူတိုင်း သိကြသည်။ ယနေ့ ၂၁ ရာစု ဟစ်တလာလက်သစ်ကိုကား ၂ဝ ရာစု ဟစ်တလာအား ဝိုင်းတိုက်သလို ဝိုင်း တိုက်ခြင်း မပြုကြချေ။ ဤသည်မှာ ကမ္ဘာ့ နိုင်ငံများက တတိယကမ္ဘာစစ် သို့မဟုတ် ကမ္ဘာ့နိဂုံး၊ ကမ္ပတ်အဆုံးသတ်စစ်ပွဲအဖြစ် ရှုမြင်ထားသောကြောင့် ဖြစ်ပေသည်။
မိမိတို့၏ ဓနအင်အားအပါအဝင် စစ် အင်အား၊ မဟာမိတ်နောက်လိုက်အင်အား၊ နျူကလီးယား စသည့် ကမ္ဘာဖျက်လက်နက် များ တစ်ကမ္ဘာလုံးကို သုတ်သင်နိုင်အောင် စုပြုံသိုလှောင်ပေးနိုင်သော အမေရိကန်တွင် လောဘလွန်တံခွန်စိုက် ဒေါသ၊ မောဟ၊ မာနကျွံအလွန်မိုက်သည့်လူမျိုး အာဏာရ ပါက တတိယကမ္ဘာစစ်ဖန်တီးပြီး ရန်သူ၊ ရန်ဘက်၊ သြဇာမခံ၊ လူမျိုးကွဲ၊ ဘာသာ ခြား၊ ဝါဒကွဲပြားသည့် နိုင်ငံတွေကို သုတ် သင်လိုက်ပြီးလျှင် တစ်ကမ္ဘာလုံးမှာ ငါတို့ သာပထမ၊ ငါတို့သာ ထိပ်ဆုံးက၊ ငါတို့သာ ကမ္ဘာကိုအုပ်စိုးသူ၊ ကမ္ဘာတွင်ရှိရှိသမျှ ဓန ဥစ္စာတို့၏ ပိုင်ရှင်ဖြစ်မှာပဲဟူသော လူမဆန် သည့် စိတ်ကူးစိတ်ရူးဖြင့် တတိယကမ္ဘာ စစ်ဖန်တီးလိုက်ချေသော် သူတို့လိုပဲ နျူကလီးယားပိုင်ရှင်များက ငုံ့ခံမည်မဟုတ် ချေ။ သူမသာ ကိုယ်မသာ ကမ္ဘာကြီးကို နိဂုံးချုပ်သွားပေမည်။
ကမ္ဘာတွင် ရှေးပဝေသဏီ(ကျောက် ခေတ်)က တစ်ဖက်နှင့် တစ်ဖက်ခိုက်ရန် ဖြစ်ပွား၍ တိုက်ကြပြီဆိုလျှင် ရရာကျောက် တုံး ကျောက်ခဲများဖြင့် ပစ်ခတ်တိုက်ခိုက်ခဲ့ ကြသည်။ ကျောက်ခေတ်မှ သံ၊ ကြေးတို့ ကိုတွေ့ရှိအသုံးပြုတတ်လာသော ခေတ်များ တွင်တိုက်ကြခိုက်ကြပြီဆိုလျှင် ဓား၊ လှံ၊ လေးမြားများကို အသုံးပြုလာပေပြီ။ လူတို့ ထိခိုက်သေဆုံးမှုများလာပေသည်။ ယမ်းကို လူတို့ဖော်စပ်အသုံးပြုနိုင်လာသောခေတ် (ပထမ-ကမ္ဘာစစ်) တွင် ယမ်းထိုးသေနတ် (တူမီး)စသည်တို့နှင့် တိုက်ကြသည်။ လူ အသေအပျောက် ပိုများလာသည်။ ဒုတိယ ကမ္ဘာစစ်တွင် အမြောက်ဆန်၊ မော်တာ၊ ရိုင် ဖယ်၊ စတင်းဂန်း၊ စက်သေနတ်၊ ဗုံးကြဲ လေယာဉ်၊ ရေငုပ်သင်္ဘော၊ တင့်ကားများ ပါလာသောကြောင့် လူသေဆုံးမှု အဆ မတန်မြင့်တက်လာခဲ့သည်။ ဒုတိယ ကမ္ဘာ စစ်နောက်ပိုင်းမှစ၍ ယနေ့ခေတ်အထိ နျူ ကလီးယားဗုံးမျိုးစုံ၊ ဒုံးပျံလက်နက်မျိုးစုံ၊ ဓာတုလက်နက်၊ ဇီဝပိုးမွှားလက်နက်၊ လေ ဆာလက်နက်စသည် စသည်ဖြင့် လက်နက် အမျိုးစုံလာသည်။
ကမ္ဘာကျော်သိပ္ပံပညာရှင်ကြီးပါမောက္ခ ဆရာကြီးအိုင်းစတိုင်းကို သတင်းထောက် တစ်ယောက်က ဤသို့မေးဖူး၍ အိုင်းစတိုင်း ကလည်း ထိုသို့ဖြေခဲ့ဖူးသည်။
သတင်းထောက်
ဆရာကြီးခင်ဗျာ။ တတိယကမ္ဘာစစ် ဖြစ်ရင် ဘယ်လိုလက်နက်တွေနဲ့ တိုက်ကြ မှာလဲခင်ဗျာ။
အိုင်းစတိုင်း
တတိယကမ္ဘာစစ်ဖြစ်ရင် ဘယ်လို လက်နက်တွေနဲ့ တိုက်ကြမယ်ဆိုတာ ငါ မပြောနိုင်ဘူး။ အေး ဒါပေမဲ့ စတုတ္ထ ကမ္ဘာ စစ်ဖြစ်ရင်တော့ ဟိုဘက်ဒီဘက် ကျောက် တုံးကျောက်ခဲတွေနဲ့ ပစ