images
UN
UN
မြန်မာ့စီးပွားရေး အန္တရာယ်စက်ကွင်းထဲ ရောက်နေပြီလော
နေဇင်လတ် Thursday, 10 January 2019
''ပြည်တွင်းဘဏ်များမှ ငွေချေးယူ ပြီး ပြန်မဆပ်နိုင်သူများပြားနေသော ချေးငွေပြန်လည်ရရှိရေးအတွက် ညှိနှိုင်း ဆောင်ရွက်နေပြီး အရင်းပြန်လည်ရရှိ ရေးဆောင်ရွက်နေရမှုများရှိနေကြောင်း မြန်မာနိုင်ငံကုန်သည်များနှင့် စက်မှု လက်မှုလုပ်ငန်းရှင်များအသင်းချုပ် (U-MFCCI)မှ ဒုတိယဥက္ကဋ္ဌ ဒေါက်တာ မောင်မောင်လေးက ပြောသည်။''
အထက်ပါသတင်းကို ခေတ်သစ် မီဒီယာတွင် ဖတ်လိုက်ရသည်။
၈-၁၁-၂ဝ၁၈ နေ့စွဲဖြင့် နိုင်ငံခြား ဘဏ်များကို ပြည်တွင်းဘဏ်များနည်း တူ ပြည်တွင်းစီးပွားရေးလုပ်ငန်းများသို့ မည်သည့်ချေးငွေဖြည့်ဆည်းမှုကိုမဆို ဆောင်ရွက်ခြင်း၊ အခြားဘဏ်လုပ်ငန်း ဝန်ဆောင်မှုများကိုလည်း ခွင့်ပြုကြောင်း ညွှန်ကြားချက်ထုတ်ပြန်ခဲ့သည်။
သာမန်ဖတ်ရှုလျှင် သတင်းကောင်း ဖြစ်ပါ၏။
ပြည်တွင်းဘဏ်များ၏ ယနေ့အခြေ အနေနှင့် အကျပ်အတည်းဘက်ကကြည့် လျှင် မိုးကြိုးပစ်ခံလိုက်ရသကဲ့သို့ ရှိချေ ပါမည်။ြေ<ွကးများသော လုပ်ငန်းရှင်များ ဘက်ကကြည့်လျှင် သဘောကျနိုင်ပါ လိမ့်မည်။ အကြောင်းတွေက ရှိနေပါ သည်။
ပြည်တွင်း/ပြည်ပဘဏ်အခြေအနေ
ယှဉ်ပြိုင်မှုသည် ကောင်းသောအရာ ဖြစ်ပါ၏။ ယှဉ်ပြိုင်မှုမရှိဘဲ မတိုးတက် နိုင်ပါ။ ဆိုရှယ်လစ်ခေတ်ကျဆုံးရခြင်း၏ အဓိကအကျဆုံးအချက်တစ်ခုမှာ ယှဉ် ပြိုင်မှုဆိတ်သုဉ်းခြင်းဟု ဆိုနိုင်ပါ၏။
ပြည်တွင်းဘဏ်များ၏အခြေအနေကို ခပ်ကြမ်းကြမ်းသုံးသပ်ရလျှင်-
- ပြည်တွင်းအဆင့်သာ ရှိသည်။
- နည်းပညာ/သုတေသန မယှဉ် နိုင်သေး။
- အတိုး/အရင်းမဆပ်နိုင်သော ပမာဏ ကြီးမားစွာရှိနေသည်။
- ချေးငွေ၊ ဆပ်ငွေ၊ အတိုး ပုံမှန် မလည်ပတ်နိုင်တော့။
- ယဲ့သဲ့သဲ့ အတော်တောင့်ခံနေရ သော အခြေအနေဖြစ်သည်။
- နိုင်ငံတကာဘဏ်များ၏ စံသတ် မှတ်ချက်နှင့်စစ်ဆေးပါကအတော် အရုပ်ဆိုးမှုများ တွေ့ရပါမည်။
(NPL သည် နိုင်ငံတကာစံနှုန်းနှင့် ယှဉ်လျှင် လွန်စွာမြင့်မား၍ အန္တရာယ်ရှိ အခြေအနေဖြစ်သည်။)
ပြည်ပဘဏ်များကို လေ့လာလျှင်
- သူတို့၏ပြည်တွင်းအဆင့်ကို ကျော်၍ နိုင်ငံတကာဘဏ်လုပ်ငန်းကို ဆောင်ရွက်နေကြသူများ ဖြစ်သည်။
- နိုင်ငံတကာတွင် ယှဉ်ပြိုင်မှု အဆင့် အကျွမ်းဝင်နေပြီး အတွေ့အကြုံ ကြီးမားစွာ ရှိပြီးနေကြသူများ။
- ဈေးကွက်အသစ်ကို ထပ်မံရယူ ရန်ကာလဖြစ်၍ ငွေကြေးအရင်းအနှီး အပြည့် ဖြစ်သည်။
- အားလုံး တောင့်တင်းသောအခြေ အနေဖြစ်ပြီး နည်းပညာ၊ သုတေသန လုပ်ငန်း ကောင်းစွာလုပ်ကိုင်ထားနိုင် ကြရာ သူတို့၏ပစ်မှတ် သီးခြားစီရှိနေ ကြသည်။
- ဦးဆောင်သူတို့သည် မြန်မာ နိုင်ငံအကြောင်း၊ ပြိုင်ဘက်ဘဏ်များ အကြောင်း အသေးစိတ်လေ့လာထား ကြပြီး မည်သို့ဗျူဟာခင်းကျင်းရမည် ကို ပြတ်သားစွာ ချမှတ်ထားကြပြီး။
- အဆင့်ဆင့်သော ဘဏ်ဝန်ထမ်း များမှာ ကောင်းစွာလေ့ကျင့်၊ အတွေ့ အကြုံရှိထားပြီးသူများ ဖြစ်သည်။

အကျဉ်းချုပ်ရလျှင် ပြည်တွင်းဘဏ် များသည် ပြည်ပဘဏ်များကို မယှဉ်နိုင် သေးပါ။
သို့သော်လည်း မယှဉ်နိုင်သော ကြောင့် ယှဉ်ခွင့်မပေးလျှင်လည်း မမှန် ကန်ပါ။ တစ်ဆင့်ချင်း၊ နည်းနည်းချင်း ယှဉ်ပြိုင်မှုကို လွှတ်ပေးသည့်စနစ်ကိုသာ ကျင့်သုံးရပါလိမ့်မည်။
အချိန်မှန်လား/ မှားယွင်းသောအချိန်လား
ကမ္ဘာကြီးသည် Comparative to Competitive Advantage ဟူသော ''နှိုင်းရမှယှဉ်ပြိုင် အသာစီးခေတ်''သို့ တရွေ့ရွေ့ ပြောင်းလဲနေသည်ဖြစ်ရာ ယှဉ်ပြိုင်မှုသည် နေရာတိုင်း၌ တစ်နေ့နေ့ တစ်ချိန်ချိန် မလွဲမသွေ တွေ့ရမည့် အရေးသာဖြစ်သည်။ သို့သော်လည်း ''မည်သည့်အချိန်တွင် မည်သည့် အဆင့်''မှစ၍ ယှဉ်ပြိုင်မှုဖန်တီးရမည် ဟူသော အဆုံးအဖြတ်သည် တာဝန်ရှိသူ တို့၏အလုပ်ဖြစ်လာပြီး အဆုံးအဖြတ်ပေး သူ၏ပညာ၊ အတွေ့အကြုံပေါ် များစွာ မူတည်လာပါ၏။
မှန်ကန်သောအဆုံးအဖြတ်ကို ပေး နိုင်လျှင် ပြည်တွင်းဘဏ်များသည် အနည်းအကျဉ်းသောအနာတရမှလွဲ၍ ယှဉ်ပြိုင်စွမ်းရည်များတိုးတက်လာပြီး ဆုံးဖြတ်ချက်မှားယွင်းပါက ပြည်တွင်း ဘဏ်များ ကောင်းစွာဒဏ်ရာဒဏ်ချက် ပြင်းပြင်းဖြင့် အနာတရ ဖြစ်နိုင်သည်။ နောက်ဆုံး အချို့ပြိုလဲသွားနိုင်သည်။
စစ်ရေး၊ နိုင်ငံရေး၊ စီးပွားရေး အရာ အားလုံးတွင် Timing ဟူသော ချိန်သား ကိုက်မှုသည် များစွာအရေးပါလာပါ၏။ မှန်ကန်သောအချိန်ဖြင့်ကိုက်ညီလျှင် ရလဒ်ကောင်းရနိုင်ပြီး မှားယွင်းသော အချိန်ဖြစ်ခဲ့လျှင် နောက်ဆုံးပျက်စီးခြင်း သို့ပင် ရောက်သွားနိုင်ရာ လွန်စွာအရေး ပါသည်ဟု ဆိုချင်ပါသည်။
ဘဏ်လုပ်ငန်းရှင်များ၊ ဘဏ်နှင့် နီးစပ်သူများ၊ ကိုယ်တိုင်စီးပွားလုပ်ငန်း ရှင်များ ကိုယ်တိုင် ယနေ့ မြန်မာ့စီးပွား ရေးအခြေအနေ၊ ဘဏ်များ၏အခြေအနေ ကို သိကြပြီးဖြစ်ပါ၏။ လှုပ်ခါမှုအဆင့် ထက်ပင် ကျော်လွန်ဖြစ်သွားနိုင်သည် ဖြစ်၍ စာရင်းဇယားအတိအကျဖြင့် မရေးလိုတော့ပါ။ ယေဘုယျအားဖြင့် ဘဏ်အတော်များများမှာ ပိုက်ဘောမိ ပြီး ဟန်ကိုယ့်ဖို့နှင့် မရှူနိုင်၊ မကယ်နိုင် အခြေအနေဖြစ်နေပါ၏။ စည်းမျဉ်း စည်းကမ်းများဟူသော ပေတံဖြင့် တိုင်း တာပါက၊ စစ်ဆေးပါက၊ အတော် ကြီးမားသောငလျင်တစ်ခုကဲ့သို့ လှုပ်ခါ သွားနိုင်ပါသည်။
Non-performing loan ဟူသော အတိုးအရင်းမပေးနိုင်သောလုပ်ငန်းရှင် ကြီးအများအပြားဖြစ်ပါသည်။ အချို့ အင်တာဗျူးများတွင် လုပ်ငန်းရှင်ကြီး များကိုယ်တိုင် သူတို့၏အခြေအနေကို ဖော်ပြပြီးဖြစ်သည်။ သက်ဆိုင်ရာတာဝန် ရှိသူများနှင့် အတိုင်ပင်ခံဆွေးနွေးပွဲတွင် ထိပ်သီးလုပ်ငန်းရှင်များ၏ကြီးမားသော အခက်အခဲများကို တင်ပြပြီးဖြစ်သည်။

ဘဏ်၏အခြေခံအကျဆုံးအလုပ်မှာ အပ်နှံသူ၏ငွေကိုချေးငှားသူထံပေး၍ 'ခြားနားသောအတိုးဖြင့်'ရှင်သန်ကြရ ပါ၏။ (အခြားဝန်ဆောင်မှုများလည်း ရှိပါသေးသည်)။ ချေးငှားသူအများစုမှာ ထုထည်ပမာဏကြီးမားသောငွေများကို အရင်းပြန်မဆပ်နိုင်ရုံသာမက အတိုးပင် မှန်မှန်မပေးနိုင်တော့သည့် အခြေအနေ သို့ ရောက်နေကြပါပြီ။
သာမန်အားဖြင့် အပေါင်ပစ္စည်းကို ထုခွဲရောင်းချ၍ ဖြေရှင်းကြပါသော် လည်း၊ ယနေ့မြန်မာ့ဘဏ်များအခြေ အနေမှာ ဆုပ်စူး၊ စားရူး အခြေအနေ ဖြစ်နေသည်။ ဥပမာအားဖြင့် သိန်း ၁ဝဝဝဝ တန်ကို မူလကပင် တန်ဖိုး ပိုဖြတ်ခဲ့ကြသည်။ ၁ဝဝဝဝ ကို ၂ဝဝဝဝ ဖြတ်၍ ရာခိုင်နှုန်း ၄ဝ ဖြစ်သော သိန်း ၈ဝဝဝ ကို ရယူခဲ့ကြ၏။ နောက် တစ်နှစ်တွင် ၃ဝဝဝဝ ဖြတ်၍ ၁၂ဝဝဝ အဖြစ် တိုးတက်ရယူကြသည်။ စီးပွား မကောင်း၍ တန်ဖိုးကျသောအခါ မူလ ၁ဝဝဝဝ တန်သည် ၆ဝဝဝ မျှသာ ပေါက်ဈေးအရတန်တော့ရာ ဘဏ်ဘက် က ထုခွဲရောင်းချလျှင်ပင် ၆ဝဝဝ+ အတိုးရှုံးနေပြန်ပါသေးသည်။ ကျပ် ဘီလီယံရာနှင့်ချီ၍ ထိပ်သီးလုပ်ငန်းရှင် များအြေ<ွကးရှိ၏။ ကျပ် ဘီလီယံ ၁ဝဝ သည် (၁ဝဝx၁ဝဝဝဝ)= သိန်းပေါင်း တစ်သန်းဖြစ်သည်။ သို့မဟုတ် ကျပ် သန်းပေါင်းတစ်သိန်း ဖြစ်သည်။
မြန်မာနိုင်ငံ၏ စီးပွားရေးကျဆင်း နေချိန်ဖြစ်ပြီး တာဝန်ရှိသူတချို့၏ မူဝါဒမှားယွင်းမှုနှင့်တိုက်ဆိုင်သောအခါ ထိပ်သီးလုပ်ငန်းရှင်များ မရှူနိုင်၊ မကယ် နိုင်ဖြစ်ကြရတော့သည်။ ထိုလုပ်ငန်းရှင် များနှင့်ဆက်စပ်နေသောဘဏ်များ၏ အခြေအနေမည်သို့ရှိမည်ကို မြင်တွေး ချိန်ဆနိုင်ကြပါလိမ့်မည်။
ဆိုရလျှင် ပြည်တွင်းဘဏ်အများစု သည် NPL% အနည်းအများသာ ကွာ ခြားပြီး ကြီးမားသောအချိုးအစားနှင့် အန္တရာယ်ရှိအခြေအနေသို့ရောက်နေပြီ ဟု ယေဘုယျဆိုရပါလိမ့်မည်။ အင်အား အင်မတန်နည်းပါးပြီး လူမမာတစ်ဦး ပမာ ကိုယ့်ခြေပေါ်ကိုယ်ရပ်နိုင်ရန် အနိုင်နိုင် အခြေအနေဖြစ်ပါ၏။
ထိုသို့ပြည်တွင်းဘဏ်များ အင်အား အနည်းဆုံးအခြေအနေမျိုးတွင် ပြည်ပ ဘဏ်များကို ယှဉ်ပြိုင်စေလိုက်သည်မှာ လွန်စွာမှားယွင်းသောအချိန်(The worst timing) ဟုရှုမြင်ပါသည်။ အင်အားတူ ဖြစ်ခဲ့လျှင်ပင်၊ နည်းပညာ၊ အတွေ့ အကြုံ၊ စီမံခန့်ခွဲမှု စသည့်မျက်နှာစာ များတွင် ပြည်တွင်းဘဏ်များ ကောင်း စွာ မယှဉ်နိုင်သေးပါ။
မည်သို့သောမြင်ကွင်း ဆက်လက် ဖြစ်ပွားနိုင်သည်ကို သာမန်တစ်ဦး တစ်ယောက်ပင် မြော်တွေးနိုင်လိမ့်မည် ဟု ယူဆပါသည်။
ပြည်တွင်းဘဏ်များပြိုလဲခဲ့သော်
နိုင်ငံတစ်ခု၏စီးပွားရေးကောင်းမွန်မှု၊ တိုးတက်မှုဟုဆိုရာတွင် တော်ရုံအလုပ်ရုံ တစ်ခုတည်းပေါ်မှာ မရပ်တည်ပါ။ ဘဏ္ဍာရေးနှင့်ငွေကြေးကဏ္ဍလည်း ကျော ရိုးတမျှ အရေးကြီးပါ၏။ ဘဏ်များ သည် နိုင်ငံတစ်ခု၏ကျောရိုးဟု တင်စား လေ့ရှိကြသည်။ ၂ဝဝ၈ ခုနှစ် သမ္မတ ဂျော့ခ်ျဒဗလျူဘုရှ်(ဂျူနီယာ)သက်တမ်း အကုန်တွင် အမေရိကန်မှ စဖြစ်ခဲ့သော subprime crisis မှသည် အမေရိကန် ကိုသာမက ကမ္ဘာကြီးကိုပါ ကူးစက် သွားပြီး ကမ္ဘာ့စီးပွားရေးကျဆင်းမှု အထိ ဖြစ်ခဲ့ပါ၏။
ကမ္ဘာကျော်ဘဏ်ကြီးများ လဲပြို သွားခဲ့သလို ကုမ္ပဏီကြီးများလည်း ဒေဝါလီခံလိုက်ရသည်။ အမေရိကန် စီးပွားရေးကို ခပ်ဆတ်ဆတ်အထိနာ သွားစေခဲ့သည်။
မြန်မာနိုင်ငံသည် နိုင်ငံငယ်ဖြစ်၍ ဒေသတွင်းနိုင်ငံများကို မကူးစက်စေ နိုင်သော်လည်း ပြည်တွင်းဘဏ်များကို ကူးစက်ပါလိမ့်မည်။ မြန်မာ့စီးပွားရေး ကို ခပ်ပြင်းပြင်းထိခိုက်ပါလိမ့်မည်။ ထို ထက်လည်း ပိုပါလိမ့်မည်။ ယခု အရိပ် အြ>ွမက်လောက်ရေးကြသည်ထက် ထိချက်ပိုပြင်းစွာ ခံစားရပါလိမ့်မည်။
ဘဏ်များ ယခုထက်ပို၍ အထိနာ ခဲ့ပါသော် ဆောက်လုပ်ရေးလုပ်ငန်းရှင် များ ချက်ချင်းအကျိုးသက်ရောက်မှုကို ခံစားရကာ ဈေးကွက်ပျက်သည်အထိ သေချာပေါက်ဖြစ်သွားပါမည်။ ထိုမှ တစ်ဆင့် အခြားမျက်နှာစာ၊ ကဏ္ဍများ သို့ ကူးစက်ကာ နိုင်ငံအဆင့်စီးပွားရေး သို့ တိုင်ပါလိမ့်မည်။
သံသယတစ်စွန်းတစ်စရှိသည်ငြားမူ ဘဏ်များ၏ Annual Report ကို လူသိရှင်ကြားချပြခြင်းဖြင့် အဖြေတစ်ခု ကိုတွေ့နိုင်ပါကြောင်း။