images
UN
UN
ခရီးမဝေးအနီးလေးဖြစ်လာတော့မည့် မျက်ခမ်းစပ်ရောဂါ ပပျောက်ရေးသို့
လင်းသစ္စာ Wednesday, 30 January 2019
ကျွန်ုပ်တို့နိုင်ငံသည် ဒီမိုကရေစီ အသွင်သစ်ဖြင့် ဖွံ့ဖြိုးတိုးတက်မှုသို့ ရှေးရှုနေသည့်အချိန် ဖြစ်ပါသည်။ နိုင်ငံ တစ်နိုင်ငံ၏ ဖွံ့ဖြိုးတိုးတက်မှုသည် ပြည်သူလူထု၏ ကျန်းမာကြံ့ခိုင်မှု၊ ဥာဏ် အမြော်အမြင်ပြည့်ဝမှုတို့အပေါ် တည်မှီ နေသည်ဖြစ်ပေရာ နိုင်ငံသားတိုင်း ရောဂါ ဘယကင်းစွာဖြင့် ကျန်းမာစေရန်အတွက် ကျန်းမာရေးအသိပညာ မြင့်မားစွာရှိနေ ရန် အရေးကြီးပါသည်။ ကျန်းမာရေး အသိပညာ မြင့်မားတိုးတက်လာသည်နှင့် အမျှ လူတစ်ဦးချင်းစီက မိမိကိုယ်တိုင် ကျန်းမာစေရန် အသိတရားဖြင့် ထိန်း သိမ်းလာနိုင်မည်ဖြစ်ပြီး မိသားစုနှင့် ပတ်ဝန်းကျင်တို့ကိုလည်း ကျန်းမာသော လူနေမှုဘဝသို့ တွန်းအားပေး ပံ့ပိုးသွား နိုင်မည်ဖြစ်ပါသည်။ ထို့အပြင် မျိုးဆက် သစ်တို့အတွက် ကျန်းမာသော လူနေမှု ဘဝ ပတ်ဝန်းကျင်ကို ကောင်းမွေအဖြစ် ချန်ရစ်နိုင်မည်ဖြစ်ပါသည်။
ကျန်းမာခြင်းဆိုသည်မှာ ခန္ဓာကိုယ် ချို့ယွင်းမှုကင်း၍ ရောဂါဘယကင်းရှင်း ရုံသာမက ကိုယ်၏ ကျန်းမာခြင်း၊ စိတ် ၏ချမ်းသာခြင်း၊ လူမှုရေးသုခနှင့် ပြည့် စုံခြင်းတို့ကို ဆိုလိုပါသည်။ ကျန်းမာရေး နှင့် အားကစားဝန်ကြီးဌာန၏ ရည်မှန်း ချက်ဖြစ်သော လူတိုင်းသက်တမ်းစေ့ အသက်ရှည်စွာနေနိုင်ရေးနှင့် လူတိုင်း ရောဂါဘယ ကင်းဝေးနိုင်ရေးအတွက် ပြည်သူ့ကျန်းမာရေး စောင့်ရှောက်မှုလုပ် ငန်းနှင့် ကုသရေးလုပ်ငန်းတို့ကိုပါ အရှိန် အဟုန်နှင့် ဟန်ချက်ညီညီ တိုးတက် ကောင်းမွန်စေရန် ဆောင်ရွက်နေသည့် အချိန်လည်း ဖြစ်ပေသည်။
ကူးစက်မျက်စိရောဂါဖြစ်သော မျက် ခမ်းစပ်ရောဂါ(Trachoma) သည် ယခင် က မျက်စိကွယ်ခြင်းကို အဓိကဖြစ်စေ သော အကြောင်းတစ်ရပ်အဖြစ် ရပ်တည် ခဲ့သော်လည်း ယခုအခါ ဖြစ်ပွားမှုအနည်း ဆုံးသို့ ရောက်ရှိလာပြီဖြစ်၍Trachoma Elimination အဆင့်သို့ ရောက်ရှိရန် အတွက် ရောဂါသစ်ဖြစ်ပွားမှုနှင့် ယင်း ၏နောက်ဆက်တွဲဖြစ်သော မျက်တောင် စိုက်မျက်မွေးစူးရောဂါ ဖြစ်ပွားမှုကိုပါ ထိန်းချုပ်နိုင်သောအဆင့်သို့ ရောက်ရှိနေပြီ ဖြစ်သောကြောင့် ယခုနှစ် ဇန်နဝါရီလ ၂၃ ရက်နေ့တွင် နေပြည်တော်၊ ရွှေပြည် တော်ဟိုတယ်၌ Pre-Survey Workshop For Trachoma Elimination အလုပ်ရုံဆွေးနွေးပွဲကို ကျင်းပခဲ့ပေသည်။
မြန်မာနိုင်ငံသည် ကမ္ဘာ့ကျန်းမာရေး အဖွဲ့ကြီး (WHO) မှ ချမှတ်ထားသော Vision 2020 စီမံချက်၏ အဓိကရည်မှန်း ချက်ဖြစ်သော သက္ကရာဇ် ၂ဝ၂ဝ တွင်Elimination of Avoidable Blindness ရရှိရန်အတွက် မျက်ခမ်းစပ်နှင့်မျက်မမြင် ကာကွယ်ရေးစီမံကိန်းသည် အဓိက အခန်းကဏ္ဍမှ ပါဝင်ဆောင်ရွက်လျက်ရှိ သည်။
မျက်ခမ်းစပ်နှင့် မျက်မမြင်ကာကွယ် ရေးစီမံကိန်းကို ၁၉၆၄ ခုနှစ်တွင် စတင် ဖွဲ့စည်းခဲ့ပြီး ဤစီမံကိန်းသည် မြန်မာ နိုင်ငံ၌ မျက်စိရောဂါနှင့်ပတ်သက်ပြီး စီမံကိန်းချဆောင်ရွက်ခဲ့သော ပထမဆုံး သော လုပ်ငန်းတစ်ခုဖြစ်ခဲ့ပါသည်။
ကူးစက်မှုကြောင့် မျက်စိကွယ်မှုကို အဓိကဖြစ်စေသော ဇာတ်ကောင်ဖြစ် သည့် မျက်ခမ်းစပ်ရောဂါ (Trachoma) အကြောင်းကို အလျဉ်းသင့်၍ ဦးစွာတင် ပြလိုပါသည်။


ကမ္ဘာတစ်ဝန်းတွင် မျက်ခမ်းစပ်ရော ဂါဖြစ်ပွားလျက်ရှိသော နိုင်ငံပေါင်း ၅၇ နိုင်ငံရှိပြီး၊ မြန်မာနိုင်ငံသည်လည်း တစ်ခု အပါအဝင်ဖြစ်ခဲ့ပါသည်။
သန်းပေါင်းများစွာသော လူသားများ သည် မျက်ခမ်းစပ်ရောဂါကြောင့်လည်း ကောင်း၊ နောက်ဆက်တွဲဖြစ်လေ့ရှိသော မျက်တောင်စိုက် မျက်စိမွေးစူး (Emtro-pion and Trichiasis) ကြောင့် မျက်စိ မှုန်၊ မျက်စိကွယ် (Irreversible Visual Impairment & Blindness) ဖြစ်ပေါ်ခံ စားနေရပေသည်။
မြန်မာနိုင်ငံတွင်လည်း ၁၉၆၄ ခုနှစ် ဝန်းကျင်က မြန်မာနိုင်ငံအလယ်ပိုင်း ဒေသသည် မိုးခေါင်ဖုန်ထူဒေသဖြစ်သော ကြောင့် ချောက်၊ မြင်းခြံ၊ ပခုက္ကူ၊ ကျောက်ပန်းတောင်း၊ မိတ္ထီလာ၊ မန္တလေး၊ မင်းဘူး၊ မကွေး အစရှိသော ဒေသများ တွင် ကူးစက်နိုင်သော မျက်ခမ်းစပ်ဖြစ် ပွားမှု (Active Trachoma) (၄၃)ရာခိုင် နှုန်းခန့်ရှိခဲ့ပြီး မျက်ခမ်းစပ်ရောဂါသည် မျက်မမြင်ဖြစ်ခြင်းကို ဖြစ်စေခဲ့သော အဓိကမျက်စိကူးစက်ရောဂါတစ်ခုဖြစ်ခဲ့ ပါသည်။
မျက်ခမ်းစပ်ရောဂါသည် အသက် (၁ဝ)နှစ်အောက် ကလေးများတွင် အဖြစ် များပြီး၊ တစ်ဦးမှတစ်ဦးသို့ ကူးစက်မှု ဖြစ်တတ်ပါသည်။ ယင်းရောဂါပိုး၏ နောက်ဆက်တွဲဖြစ်သော မျက်ခွံအတွင်း သို့ ကုပ်ဝင်၍ မျက်တောင်စိုက်ခြင်း (Trichiasis) နှင့် မျက်ကြည်လွှာပေါ်တွင် အပြင်တိမ်ဖြစ်သည်တို့ကိုတွေ့ရပါသည်။ အမျိုးသမီးများသည် အမျိုးသားများ ထက် ပိုမိုဖြစ်ပွားသည်ကို လေ့လာတွေ့ရှိ ရသည်။
မျက်ခမ်းစပ်ရောဂါသည် မျက်ခမ်း စပ်ရောဂါပိုး (Clamydiae အနွယ်ဝင်Trachomatis ပိုး) ကြောင့်ဖြစ်သည်။ ယင်းပိုးများ မျက်စိ၏ မျက်မြှေးပါး အတွင်းသို့ ဝင်ရောက်ခြင်းမှ စတင်ဖြစ် ပေါ်ခြင်းဖြစ်သည်။ မျက်မြှေးပါး မျက် ရည်ကြည်များ ရောင်ရမ်းခြင်း၊ အထက် မျက်ခွံအတွင်းပိုင်း မျက်မြှေးပါးနှင့် မျက်ဝန်း အပေါ်ပိုင်းတို့တွင် ကြာဆူး ကလေးများ ပေါ်ပေါက်ပြီး နောက်ပိုင်း တွင် ကြာဆူးနေရာ၌ အမာရွတ်များ ဖြစ်ပေါ်လာသည်။ ရောဂါ လက္ခဏာများ မှာ ရောဂါသက်တမ်းနှင့် ရောဂါပြင်း ထန်မှု အခြေအနေများပေါ်တွင် မူတည် ပြီး အနုအရင့်ကိုလိုက်၍ အဆင့်များ ခွဲထားပါသည်။ များသောအားဖြင့် မျက်စိယားယံခြင်း၊ မျက်ဝတ်ထွက်ခြင်း၊ မျက်ရည်ယိုခြင်း၊ ခိုးလို့ခုလုခံစားရခြင်း စသောလက္ခဏာများကို ခံစားရပါသည်။ ၄င်းမျက်စိကိုစစ်ဆေးကြည့်လျှင် အောက် ပါ လက္ခဏာများကိုတွေ့ရှိရသည်။
(၁)Trachoma Follicle (TF) - အပေါ်မျက်ခွံအတွင်းမျက်မြှေးပေါ်တွင် သာကူစေ့သဏ္ဌာန် ကြာဆူးများ ရှိသည်။
(၂)Trachomatous Inflammation (TI) - မျက်မြှေးအတွင်းရှိ သွေး ကြောများ ကြီးထွားပြီး ကတ္တီပါစ သဏ္ဌာန် နီမြန်းဖောင်းကြွရောင်ရမ်း လာမည်။
(၃)Trachomatous Conjumctival Scarring (TS) - မျက်မြှေးပေါ်ရှိ ကြာဆူးကလေးများ ပျောက်သွား သောအခါ ယင်းတို့နေရာတွင် အမာရွတ်များပေါ်လာမည်။
(၄)Trachomatous Trichiasis (TT)- မျက်ခွံအတွင်းသို့ ကုပ်ဝင်၍ မျက်တောင်စိုက်နေသည်ကို တွေ့ရ မည်။
(၅) Corneal Opacity (CO) - မျက် ခမ်းစပ်ကြောင့် မျက်ကြည်ပေါ်တွင် အပြင်တိမ်ဖြစ်သည်ကို တွေ့ရမည်။
ဤအဆင့်(၄)တွင် ရောဂါ ဆက် လက် ဖြစ်ပွားမှုမရှိဘဲနေလျှင် အခြား သူတို့လည်း မကူးစက်နိုင်တော့ပါ။ သို့ရာ တွင် ယခင်ရောဂါဖြစ်ပွားခြင်း၊ ပြင်းထန် မှု အခြေအနေ၊ အခြားရောဂါပိုးများ ဝင် ရောက်ခြင်းနှင့် ဆေးဝါးကုသမှု ခံယူခြင်း အခြေအနေပေါ်တွင်မူတည်ပြီး အနာရွတ် အနည်းငယ်သာရှိသူ၊ မျက်ခွံကုပ်သူ၊ မျက်တောင်စိုက်သူ၊ မျက်ကြောသေသူ၊ အပြင်တိမ်ဖြစ်သူ စသည်ဖြင့် အမျိုးမျိုး သော နောက်ဆက်တွဲဒဏ်ရာဒဏ်ချက် များ ရရှိနိုင်ပါသည်။ အကယ်၍ အချိန် မီစနစ်တကျ ကုသမှုမခံယူလျှင် မျက်စိ ကွယ်နိုင်သည်။
၁၉၉၈ခုနှစ် ကမ္ဘာ့ကျန်းမာရေးအဖွဲ့ ညီလာခံမှ သက္ကရာဇ် ၂ဝ၂ဝ တွင် ကမ္ဘာ ပေါ်မှ မျက်စိကွယ်စေသော မျက်ခမ်းစပ် ရောဂါ ပပျောက်ရန်အလို့ငှာ (Global Elimination of Trachoma)G.E.T 2020 ကိုချမှတ်ပြီး ကုသရေးနည်းဗျူဟာ အဖြစ်SAFE Strategy ကို ချမှတ်ခဲ့ပါ သည်။
S= Surgery for Trichiasis မျက် တောင်စိုက် ဝေဒနာခွဲစိတ် ကုသခြင်း။
A= Antibiotic to treat မျက်စဉ်း ဆေးဝါးဖြင့်ကူးစက်မျက်ခမ်း စပ်ကို ကုသခြင်း။
F = Facial Cleanliness မျက်စိ နှင့် မျက်နှာအားသန့်ရှင်းပေး ခြင်း (မျက်နှာသစ်ခြင်း)။
E = Enviromental Improvement ပတ်ဝန်းကျင် သန့်ရှင်း ရေးလုပ်ငန်းတိုးမြှင့်ပေးခြင်း (ရေကောင်းရေသန့်ရရှိရေး၊ ယင်လုံအိမ်သာတည်ဆောက် ရေး၊ အမှိုက်စနစ်တကျစွန့်ပစ် ခြင်း)။
မြန်မာနိုင်ငံအနေဖြင့် SAFE နည်း ဗျူဟာကို ပဏာမကျန်းမာရေးစောင့် ရှောက်မှုလုပ်ငန်းဆောင်ရွက်ချက် (Primary Health Care Approach) P.H.C နှင့် ထည့်သွင်းဆောင်ရွက်လျက်ရှိသည်။
၁၉၈၄ခုနှစ်တွင် မျက်ခမ်းစပ်ရောဂါ သာမကဘဲ အခြားကာကွယ်ကုသလို့ ရသည့်မျက်စိရောဂါများကိုပါ ကာကွယ် ကုသပေးနိုင်ရန် စီမံကိန်းဌာနများကို တိုးချဲ့ပြီး မျက်ခမ်းစပ်နှင့် မျက်မမြင် ကာကွယ်ရေးစီမံကိန်းအဖြစ် စတင် အကောင်အထည်ဖော် ဆောင်ရွက်ခဲ့ပါ သည်။ မျက်မမြင်ကာကွယ်ရေး လုပ်ငန်း များကို အရှိန်အဟုန်ဖြင့် ဆောင်ရွက် နိုင်ရန်အတွက် ၂ဝ၁၇ မှ ၂ဝ၂၁ အထိ အမျိုးသားအဆင့် ငါးနှစ်စီမံကိန်းကို ရေး ဆွဲပြီး အကောင်အထည်ဖော် ဆောင်ရွက် လျက်ရှိပါသည်။
ကမ္ဘာ့ကျန်းမာရေးအဖွဲ့ကြီးမှ မျက် ခမ်းစပ်ရောဂါကင်းစင်ကြောင်းကြေညာ နိုင်ရန် စံနှုန်းများသတ်မှတ်ထားပါသည်။ စံနှုန်းများမှာ တစ်နှစ်မှ ကိုးနှစ်အကြား ကလေးငယ်များ၏ မျက်ခမ်းစပ်ရောဂါ ဖြစ်ပွားမှု နှုန်း ငါးရာခိုင်နှုန်းအောက်သို့ ကျဆင်းရန်နှင့် မျက်တောင်စိုက် မျက် တောင်မွေးစူး ရောဂါဖြစ်ပွားနှုန်း သုည ဒသမ ၁ရာခိုင်နှုန်းအောက်သို့ ကျဆင်း ရန်တို့ ဖြစ်ပါသည်။
မြန်မာနိုင်ငံအနေဖြင့် ကမ္ဘာ့ကျန်းမာ ရေးအဖွဲ့ကြီး၏ လမ်းညွှန်ချက်အတိုင်း ''အမျိုးသားအမြင်သန်စွမ်းရေးမျှော်မှန်း ချက်''(National Vision 2020)အစီ အစဉ်ကို ၂ဝဝဝပြည့်နှစ် အောက်တိုဘာ လ ၁ဝရက်နေ့တွင် စတင်ချမှတ် ဆောင် ရွက်ခဲ့ပါသည်။ အဓိကရည်မှန်းချက်မှာ ၂ဝ၁၉ ခုနှစ်မှာ မျက်ခမ်းစပ်ရောဂါ အပါ အဝင် ကာကွယ်ကုသ၍ ရနိုင်သော အမြင်အာရုံ ချို့တဲ့စေနိုင်သည့် မျက်စိ ရောဂါများ၏ ၂၅ရာခိုင်နှုန်းကို လျှော့ချ ပေးနိုင်ရန်နှင့် မျက်စိကွယ်နှုန်းကို သုည ဒသမ ၅ ရာခိုင်နှုန်းအောက် လျော့ကျ သွားစေရန် ဖြစ်ပါသည်။
မျက်ခမ်းစပ်နှင့် မျက်မမြင်ကာကွယ် ရေးစီမံကိန်းအနေဖြင့် မျက်ခမ်းစပ်ရောဂါ ဖြစ်ပွားမှုနှုန်းကိုလျှော့ချနိုင်ရန်အတွက် ဆောင်ရွက်မှုများအနေဖြင့် ၂ဝဝဝပြည့်နှစ် မှ ၂ဝ၁၇ခုနှစ်အထိ Tetracycline မျက် စဉ်း(ရှစ်သိန်းခွဲခန့်)ပေးနိုင်ခဲ့ပါသည်။ ကူး စက်မျက်ခမ်းစပ်ဖြစ်ပွားသူ ၅၇၅၂ဝ အား ကုသပေးနိုင်ခဲ့ပြီး မျက်တောင်စိုက် မျက် မွေးစူး လူနာပေါင်း ၃ဝ၆၄၄ ဦးအား ခွဲစိတ်ကုသပေးနိုင်ခဲ့ပါသည်။
သို့ဖြစ်ပါ၍ မျက်မမြင်မှုကို အဓိက ဖြစ်စေခဲ့သည့် ကူးစက်မျက်ခမ်းစပ်နှင့် ယင်းကြောင့်နောက်ဆက်တွဲဖြစ်ပေါ်သည့် မျက်တောင်စိုက်မျက်မွေးစူးရောဂါများကို နိုင်ငံတော်အစိုးရကျန်းမာရေးနှင့် အား ကစားဝန်ကြီးဌာန၊ မျက်စိအထူးကု ဆရာဝန်များ၊ ကျန်းမာရေးဝန်ထမ်းများ၊ ပညာရေးဝန်ကြီးဌာန၊ ကမ္ဘာ့ကျန်းမာရေး အဖွဲ့အပါအဝင် နိုင်ငံတကာ (INGO) အပြင် မြန်မာနိုင်ငံအတွင်းမှ အစိုးရ မဟုတ်သောလူမှုရေးအသင်းအဖွဲ့ (NGO) များနှင့် ပြည်သူတစ်ရပ်လုံး ပူးပေါင်း ပါဝင် ဆောင်ရွက်ကြမည်ဆိုပါက များ မကြာမီ ကာလအတွင်း စက္ခုအလင်း ဆုံးရှုံးမှုကို ဖြစ်စေခဲ့သော မျက်ခမ်းစပ် ရောဂါ (Trachoma) ကို အမိမြေပေါ်မှ ပပျောက် ကင်းစင်သွားစေရန်အတွက် ဝိုင်းဝန်းကူညီဆောင်ရွက်နိုင်ရန် တိုက်တွန်း နှိုးဆော်အပ်ပါသည်။