images
UN
UN
ဖွဲ့စည်းပုံအခြေခံဥပဒေကို လိုက်နာပါမည်ဟု လွှတ်တော်ကိုယ်စားလှယ်အားလုံးကတိသစ္စာပြုထားကြ ဥပဒေပြင်ဆင်ရေးကိစ္စတွင် ပြဋ္ဌာန်းထားသည့်ဖွဲ့စည်းပုံအခြေခံဥပဒေ လွှတ်တော်ဥပဒေ နည်းဥပဒေများနှင့်အညီ ဆောင်ရွက်သင့်
သာလှ(ပျဉ်းမနား) Thursday, 07 February 2019
ဖွဲ့စည်းပုံအခြေခံဥပဒေကို လေးစားလိုက်နာပါမည်ဟု လွှတ်တော်ကိုယ်စားလှယ်အားလုံး ကတိသစ္စာပြုထားကြသော်လည်း ဥပဒေပြုရေးမဏ္ဍိုင်အတွင်း ဥပဒေပြင်ဆင်ရေးကိစ္စတွင် ဖွဲ့စည်းပုံအခြေခံ ဥပဒေကိုချိုးဖောက်ပြီး လွှတ်တော်ဥပဒေ နည်းဥပဒေများကို ကျော်လွန်ဆောင်ရွက်လျက်ရှိနေကြောင်း ပျော်ဘွယ်မဲဆန္ဒနယ် ပြည်သူ့လွှတ်တော်ကိုယ်စားလှယ်ဦးသောင်းအေးက အရေးကြီးအဆိုဆွေးနွေးမှုတစ်ခု တွင် ထည့်သွင်းဆွေးနွေးခဲ့သည်။
ဖေဖော်ဝါရီလ ၅ ရက်ကပြုလုပ်သည့် ပြည်ထောင်စုလွှတ်တော်အစည်းအဝေးတွင် မကွေးတိုင်းဒေသကြီး မဲဆန္ဒနယ်အမှတ်(၄)မှ အမျိုးသားလွှတ်တော်ကိုယ်စားလှယ်ဦးအောင်ကြည်ညွန့် တင်သွင်းထားသည့် ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ(၂ဝဝ၈ ခုနှစ်) ပြင်ဆင်ရေးလုပ်ငန်းစဉ်များကို ဆောလျင်စွာဆောင်ရွက်နိုင်ရေးအတွက် ဖွဲ့စည်းပုံအခြေခံဥပဒေပြင်ဆင်ရေး ပူးပေါင်းကော်မတီတစ်ရပ်ကို သင့်လျော်သည့် ပြည်ထောင်စုလွှတ်တော်ကိုယ်စားလှယ်များနှင့်ဖွဲ့စည်းရန် ပြည်ထောင်စုလွှတ်တော်သို့တိုက်တွန်းကြောင်း အရေးကြီးအဆိုအား လွှတ်တော်ကိုယ်စားလှယ် ၃ဝ တို့က ဝိုင်းဝန်းဆွေးနွေးခဲ့ရာ၌ ပျော်ဘွယ်မဲဆန္ဒနယ် ပြည်သူ့လွှတ်တော်ကိုယ်စားလှယ်ဦးသောင်းအေး ပါဝင်ဆွေးနွေးခဲ့ပြီး လက်ရှိတွင် ဖွဲ့စည်းပုံအခြေခံဥပဒေ(၂ဝဝ၈ ခုနှစ်) ပြင်ဆင်ရေးလုပ်ငန်းစဉ်အတွက် ကော်မတီဖွဲ့စည်းလိုခြင်းကိစ္စမှာ ဥပဒေ နည်းဥပဒေများနှင့် ညီညွတ်မှုမရှိကြောင်း အောက်ပါအတိုင်းဆွေးနွေးထောက်ပြခဲ့သည်။

နာယကကြီးနဲ့ အားလုံးနှလုံးစိတ်ဝမ်း အေးချမ်းကြပါစေ။
ကျွန်တော်ကတော့ ပျော်ဘွယ်မဲဆန္ဒ နယ်ပြည်သူ့လွှတ်တော်ကိုယ်စားလှယ် ဦးသောင်းအေးပါ။ Power Point ဖြင့် ရှင်းလင်းခွင့်ပြု။
ဦးအောင်ကြည်ညွန့်ရဲ့ အရေးကြီး အဆိုကို-
(၁) အရေးကြီးအဆို စည်းကမ်း ချက်နဲ့ညီညွတ်မှုမရှိခြင်း။
(၂) ဖွဲ့စည်းပုံအခြေခံဥပဒေ၊ ပြည် ထောင်စု လွှတ်တော်ဆိုင်ရာ ဥပဒေ၊ နည်းဥပဒေပါ ပြဋ္ဌာန်း ချက်နှင့် မကိုက်ညီခြင်း နှစ် ချက်နဲ့ဆွေးနွေးပါမယ်။
နာယကကြီးခင်ဗျား
ပြည်ထောင်စုလွှတ်တော်မှာ အရေး ကြီးအဆိုဆိုင်ရာ စည်းကမ်းချက်များကို နည်းဥပဒေပုဒ်မ၆၆(က)မှာ စာပိုဒ်ခွဲ ငါးခု နှင့်ဖော်ပြထားပါတယ်။ အဓိက အပိုဒ်ခွဲ (၂)မှာ အချက်သုံးချက်ပါပါတယ်။
(၁) လောလောဆယ် ပေါ်ပေါက် လာသောကိစ္စ ဖြစ်ရပါမယ်။ ယင်းကိစ္စကို သုံးသပ်ကြည့်လျှင် ဖွဲ့စည်းပုံအခြေခံဥပဒေသည် (၂ဝဝ၈ခုနှစ်)ကတည်းက ပေါ် ပေါက်ခဲ့တာဖြစ်ပြီး လက်ရှိ အာဏာရပါတီအနေဖြင့် ဒီ ဥပဒေပြင်ဆင်ရေးကို ထိုအချိန် ကတည်းက အမျိုးမျိုးလုပ် ဆောင်လာခဲ့တာဖြစ်၍ လော လောဆယ်ပေါ်ပေါက်လာသော ကိစ္စမဟုတ်ဘူးဆိုတာ ထင်ရှား ပါတယ်။
(၂) အများပြည်သူနှင့်အရေးတကြီး သက်ဆိုင်သောကိစ္စဖြစ်ရပါ မယ်။ တချို့သောသူတစ်စုက Sticker Campaign ဆိုပြီး နေရာအချို့မှာ လုပ်ဆောင် ကြတာပဲရှိပါတယ်။ ပြည်သူ များက ဥပဒေမှာ ဘာတွေပါ ပြီး၊ ဘာတွေပြင်ရမယ်။ ပြင် ချင်တယ်လို့ တောင်းဆိုမှုရှိတာ မတွေ့ရပါ။နိုင်ငံရေးသမားတချို့ နှင့် နိုင်ငံရေးလုပ်သူတချို့က ပြောင်းလဲချင်တယ်လို့ မြင် ပါတယ်။ အဆိုရှင်က အခြေခံ ဥပဒေပြင်ရန် ပြည်သူလူထု ရဲ့ဆန္ဒသဘောထား ရယူခဲ့တာ ရာခိုင်နှုန်းဘယ်လောက်ရခဲ့တယ် ဆိုတာလည်း တရားနည်းလမ်း ကျ/မကျ၊ မှန်/မမှန် ဆန်းစစ် ရန်လိုပါသည်။ဤဖြစ်စဉ်သည် (၂ဝ၁၃ ခုနှစ်)ကဖြစ်ပြီး ယခင် အစိုးရသက်တမ်းကကိစ္စဖြစ်ပါ တယ်။ဒါကြောင့် အရေးတကြီး သက်ဆိုင်တယ်ဆိုတဲ့စည်းကမ်း နဲ့လည်း မကိုက်ညီပါဘူး။
(၃) လွှတ်တော်အဆုံးအဖြတ် ရယူ ရန် လိုအပ်သောကိစ္စဖြစ်ရပါ မယ်။ ဤအချက်သည် ပြည် ထောင်စုလွှတ်တော် ဆိုင်ရာ ဥပဒေ၊ နည်းဥပဒေများမှာ လွှတ်တော်၏ အဆုံးအဖြတ်ရ ယူရန်လိုအပ်သောကိစ္စများကို သီးခြားသတ်မှတ်ဖော်ပြထား ခြင်းမရှိတဲ့အတွက် ယူဆချင် သလို ယူဆနိုင်ပါတယ်။
နာယကကြီးခင်ဗျား
နည်းဥပဒေပုဒ်မ၆၆(က)ရဲ့ အပိုဒ်ခွဲ (၃)မှာတော့ စည်းကမ်းတစ်ချက်သာ ပါ ပါတယ်။ လွှတ်တော်တွင် သာမန်နည်း လမ်းအားဖြင့် တင်ပြဆွေးနွေးရန် မဖြစ် နိုင်သော ကိစ္စဖြစ်ရပါမယ်။
ဆန်းစစ်ကြည့်လျှင် ယနေ့ အင်အား အများစုရှိနေတဲ့ပါတီသည် လွှတ်တော် မှာ ဘယ်အချိန်အဆိုတင်တင် မေးခွန်း မေးမေး၊ အခြားနည်းလမ်းတွေနဲ့ တင်ပြ ဆွေးနွေးနိုင်တဲ့ ကိစ္စဖြစ်ပါတယ်။ဒါ့အပြင် ပြင်ဆင်နိုင်ဖို့အတွက် ဥပဒေတွေပြဋ္ဌာန်း ပြီး နည်းလမ်းတွေလည်း ပေးထားတာ ဖြစ်လို့ ဒီစည်းကမ်းလည်း ညီညွတ်မှုမရှိပါ ကြောင်း တင်ပြအပ်ပါတယ်။

ဒီစည်းကမ်းချက်တွေနဲ့ ညီညွတ်မှုမရှိ ရင် အရေးကြီးအဆိုအဖြစ် နာယက က ခွင့်ပြုလို့မရပါဘူး။ နည်းဥပဒေပုဒ်မ ၆၂(က)မှာ နာယကသည် ဤနည်းဥပဒေ များနှင့် ညီညွတ်ခြင်းမရှိလျှင် အဆို တစ်ရပ်လုံးသော်လည်းကောင်း၊ အစိတ် အပိုင်းကိုသော်လည်းကောင်း ခွင့်မပြု ရဟုပါရှိပါတယ်။
ဒါပေမဲ့ ဥပဒေနဲ့ညီညွတ်မှုမရှိ ကြောင်း တပ်မတော်သားကိုယ်စားလှယ် များကအကျိုးအကြောင်းရှင်းလင်းတင်ပြ တာကို ငြင်းပယ်ခြင်းက ဒီမိုကရေစီ လမ်းကြောင်းအတွက် အခက်အခဲဖြစ်စေ နိုင်ပါတယ်။
နာယကကြီးခင်ဗျား
ဒုတိယအချက်တင်ပြပါမယ်။ဖွဲ့စည်း ပုံအခြေခံဥပဒေပြင်ဆင်ရေးအတွက်ဖွဲ့ စည်းပုံအခြေခံဥပဒေ(၂ဝဝ၈)အခန်း(၁၂) ဖွဲ့စည်းပုံအခြေခံဥပဒေပြင်ဆင်ခြင်းကိစ္စ များ ဖော်ပြထားပါတယ်။ ပုဒ်မ(၄၃၃) ပြင်ဆင်ရန်တင်သော အဆိုကို ဥပဒေ မူကြမ်းအဖြစ် တင်ရမည်။ ဥပဒေမူကြမ်း တွင်အခြားအဆိုများမပါရှိစေရလို့ ဖော်ပြ ထားပါတယ်။ ပုဒ်မ(၄၃၄)မှာလည်း ဒီလို ပြင်ဆင်မည့်ဥပဒေမူကြမ်းကို ပြည် ထောင်စုလွှတ်တော်မှာ တင်သွင်းရမယ်။ ပုဒ်မ(၄၃၅) ဒီဥပဒေမူကြမ်းကို ပြည် ထောင်စုလွှတ်တော်ရှိ ကိုယ်စားလှယ် စုစုပေါင်း၏ ရာခိုင်နှုန်း ၂ဝ က တင်ပြ လာလျှင် အဆိုပါပြင်ဆင်ချက် ဥပဒေ မူကြမ်းကို ပြည်ထောင်စုလွှတ်တော်က လက်ခံဆွေးနွေးရမည်လို့ ပြဋ္ဌာန်းထားပါ တယ်။ ပုဒ်မ(၄၃၆) ကတော့ ကိုယ်စား လှယ် ၇၅ ရာခိုင်နှုန်းကျော် သဘော တူညီပြီးရင် ပြည်လုံးကျွတ်ဆန္ဒခံယူပွဲနဲ့ ပြင်ဆင်ရမည့်ပုဒ်မ၊ ပြည်လုံးကျွတ်ဆန္ဒ ခံယူပွဲမလုပ်ဘဲ ပြင်လို့ရမယ့် ပုဒ်မ ဒါတွေကိုဖော်ပြထားပါတယ်။
ဒီလိုပါပဲ ပြည်ထောင်စုလွှတ်တော် ဆိုင်ရာဥပဒေ အခန်း(၁၁)မှာ ပုဒ်မ (၆၇) မှ (၇၁) ထိနည်းဥပဒေ အခန်း(၁၈) မှာ ပုဒ်မ(၁၃၃)မှ(၁၄၃)ထိ လုပ်ရမည့် လုပ်ငန်းစဉ်တွေ ပြဋ္ဌာန်းထားပါတယ်။ (ပုဒ်မတစ်ပိုဒ်ခြင်းပြပေးပါ)
ဒီဥပဒေတွေသည် ဖွဲ့စည်းပုံအခြေခံ ဥပဒေပါ ပြဋ္ဌာန်းချက်တစ်ရပ်ရပ်ကို ပြင်ဆင်လိုလျှင် လုပ်ရမည့်လုပ်ငန်းစဉ် အတွက် ပြဋ္ဌာန်းထားတဲ့ဖွဲ့စည်းပုံအခြေ ခံဥပဒေနဲ့ ပြည်ထောင်စုလွှတ်တော်ဥပဒေ၊ နည်းဥပဒေများဖြစ်ပါတယ်။ ဒီဥပဒေများ ထဲမှာ ဖွဲ့စည်းပုံအခြေခံဥပဒေပြင်ဆင်ရန် ပြင်ဆင်ရေး၊ ပူးပေါင်းကော်မတီဖွဲ့ရမယ် ဆိုတဲ့ပုဒ်မများပါရှိတာမတွေ့ရပါဘူး။
အဆိုရှင်ရဲ့အဆိုမှာ ဖွဲ့စည်းပုံအခြေခံ ဥပဒေပြင်ဆင်ရေးလုပ်ငန်းများကို ဆော လျင်စွာဆောင်ရွက်နိုင်ရေးဟုပါပြီး ဒီကိစ္စ အတွက် ဖွဲ့စည်းပုံအခြေခံဥပဒေပြင်ဆင် ရေးပူးပေါင်းကော်မတီတစ်ရပ်ဖွဲ့စည်းပေး ဖို့တင်သွင်းတာဖြစ်လို့ ပြင်ဆင်ရန် ဆောင် ရွက်ခြင်းဖြစ်သည်ဆိုတာကို ငြင်းပယ်လို့ မရပါဘူး။ ဒါကို အဆိုရှင်ဘက်က ဝင် ရောက်ဆွေးနွေးသူက ဒီအဆိုဟာ ပြင် ဆင်တဲ့ ဥပဒေကြမ်းတင်သွင်းနေတာ မဟုတ်ပါဘူးလို့ ဆွေးနွေးသွားတာ မှတ် သားဖွယ်ရာဖြစ်ပါတယ်။ သဘောက ဘာနဲ့တူသလဲဆိုရင် ဓာတ်ဆီပုံးနဲ့ မီး တုတ်ကိုင်ပြီး နေအိမ်မီးရှို့ဖို့လုပ်နေသူကို မီးမလောင်သေးတာနဲ့ မီးရှို့ဖို့လုပ်နေတာ မဟုတ်ဘူးလို့ငြင်းပယ်သလိုဖြစ်ပါတယ်။
ဒါကြောင့် ဒီအဆိုဟာ ဖွဲ့စည်းပုံ အခြေခံဥပဒေကို ပြင်ဆင်ဖို့ဆောင်ရွက်တဲ့ အဆိုဖြစ်တဲ့အတွက် ဥပဒေကို ပြင်ဆင် မယ်ဆိုရင် ပြင်ဆင်ရန် ပြဋ္ဌာန်းထားတဲ့ ဖွဲ့စည်းပုံအခြေခံဥပဒေ၊ ပြည်ထောင်စု လွှတ်တော်ဥပဒေ၊ နည်းဥပဒေများနှင့် အညီ ဆောင်ရွက်သင့်ပါတယ်။ ဒီလို ဆောင်ရွက်ခြင်းမရှိလျှင် ယခုအဆိုတင်မှု လုပ်ဆောင်မှုဟာ ဥပဒေနှင့်ညီညွတ်မှုမရှိ ဘူးဆိုတာ ထင်ရှားတွေ့မြင်နိုင်ပါတယ်။
နာယကကြီးခင်ဗျား
ကျွန်တော်တို့သည် ဖွဲ့စည်းပုံအခြေခံ ဥပဒေပြင်ဆင်ရေးကို မကန့်ကွက်ပါဘူး။ နိုင်ငံတော်ရဲ့ အမျိုးသား အကျိုးစီးပွား အတွက် ပြင်ဆင်သင့်တဲ့ အချက်တွေကို ပြင်သင့်တဲ့ အချိန်ကာလမှာ ပြင်ဆင်ရန် သဘောထားရှိပြီးဖြစ်ပါတယ်။ ဥပဒေ နဲ့အညီ လုပ်စေချင်ပါတယ်။ ရှေ့က လုပ် သွားလို့ ကိုယ်လည်းလုပ်ရမယ်ဆိုတာ အကြောင်းပြသင့်တဲ့အရာ မဟုတ်ပါ။ ပြည်ထောင်စုလွှတ်တော်အနေဖြင့် ဥပဒေ နှင့်ညီမညီဆိုတာကိုပဲ ဂရုပြုရမှာဖြစ်ပါ တယ်။ အမျိုးသားရင်ကြားစေ့ရေးလို့ြေ<ွကးကြော်နေတဲ့ အစိုးရအနေဖြင့် ဖွဲ့စည်းပုံအခြေခံဥပဒေပြင်ဆင်ရေးကို ပြဋ္ဌာန်းထားတဲ့ ဥပဒေများနှင့်အညီ တည် ငြိမ်အေးချမ်းစွာ အားလုံးနှင့်ပူးပေါင်း ညှိနှိုင်းဆောင်ရွက်သွားခြင်းသည်သာ အကောင်းဆုံးဖြစ်ပါတယ်။ နာယယကြီး အပါအဝင် ကျွန်တော်တို့ဟာ ဖွဲ့စည်းပုံ အခြေခံဥပဒေ ပုဒ်မ(၁၂၅)ပါ ဇယား (၄)နှင့်အညီ ကတိသစ္စာပြုထားသူများ ဖြစ်ပါတယ်။ ''နိုင်ငံတော်ဖွဲ့စည်းပုံ အခြေခံဥပဒေကို ထိန်းသိမ်းကာကွယ် စောင့်ရှောက်ပြီး နိုင်ငံတော်၏ ဥပဒေ များကိုလည်း လိုက်နာပါမည်''လို့ ပါပါ တယ်။ ဒီကတိသစ္စာတည်ဖို့လိုပါတယ်။
နိဂုံးချုပ်တင်ပြလိုတာကတော့
ကျွန်တော်နှင့် ကိုယ်စားလှယ်အချို့၏ ဆွေးနွေးချက်က ဦးအောင်ကြည်ညွန့်ရဲ့ အဆိုသည် ဖွဲ့စည်းပုံအခြေခံဥပဒေ၊ ပြည်ထောင်စုလွှတ်တော်ဆိုင်ရာ ဥပဒေ၊ နည်းဥပဒေများနှင့် ညီညွတ်မှုမရှိကြောင်း တင်ပြဆွေးနွေးခဲ့တာ ဖြစ်လို့ လက်ခံနိုင် ခြင်းမရှိပါက ဖွဲ့စည်းပုံအခြေခံဥပဒေအရ ဖွဲ့စည်းထားသော နိုင်ငံတော်ဖွဲ့စည်းပုံ အခြေခံဥပဒေဆိုင်ရာ ခုံရုံး၏ ဆုံးဖြတ် ချက်နှင့် သဘောထားရယူပေးနိုင်ပါရန် နာယကကြီးအား လေးစားစွာ တင်ပြ လျက် နိဂုံးချုပ်အပ်ပါတယ်။