images
UN
UN
အမှန်တရားဆိုတာ ကြိုက်နေရုံနဲ့မပြီးဘူး
မင်းလွင်(ကျောက်ဆည်) Sunday, 17 February 2019
၂ဝဝ၈ဖွဲ့စည်းပုံအခြေခံဥပဒေဆိုလျှင် စပြီး ရေးဆွဲကတည်းက ကန့်ကွက်သူ တွေရှိသည်။ အတည်ပြုတော့လည်း ကန့်ကွက်သူတွေရှိသည်။ လက်ရှိတွင် တချို့က ဖျက်သိမ်းသင့်သည်ဟု ပြော ကြသည်။ တချို့က ပြင်ဆင်သင့်သည် ဟုပြောကြသည်။ တချို့ကတော့ ပရော် ဖက်ရှင်နယ်ဆန်ဆန် သုံးသပ်သူတွေ လည်းရှိသည်။ မည်သို့ပင် ဖြစ်စေကာမူ ၂ဝဝ၈ ဖွဲ့စည်းပုံအခြေခံဥပဒေပြင်ဆင် ရေးနှင့်ပတ်သက်လို့ တပ်မတော်၊ နိုင်ငံ ရေးပါတီများနှင့် ပြည်သူလူထုကြား တွင် လှုပ်လှုပ်ရှားရှား ဖြစ်စေခဲ့သည်။ ပြည် ထောင်စု လွှတ်တော်အတွင်းထိ အငြင်း ပွားမှုများ အမြင်သဘောထားမတူညီမှုများ လည်း ရှိသည်။ ၂ဝဝ၈ ဖွဲ့စည်းပုံအခြေခံ ဥပဒေကို ပြင်ဆင်သင့် ပြင်ဆင်ထိုက် သည့် ပုဒ်မများကို ပြင်ဆင်သင့်သည့် အချိန်တွင် ပြင်ဆင်ရန် တပ်မတော် ကာကွယ်ရေး ဦးစီးချုပ်ဗိုလ်ချုပ်မှူးကြီး မင်းအောင်လှိုင်က ဇန်နဝါရီ ၃၁ ရက်နေ့ မန္တလေးတိုင်းဒေသကြီး၊ မိတ္ထီလာတပ် နယ် (မုန်တိုင်) မှာဘုရင့်နောင် ပူးပေါင်း စစ်ရေးလေ့ကျင့်ပွဲအပြီးတွင် ပြောကြားခဲ့ သည်။ သို့သော် ၂ဝဝ၈ ဖွဲ့စည်းပုံအခြေခံ ဥပဒေပြင်ဆင်ရာတွင် စနစ်တကျဆောင် ရွက်ရန် ပြောကြားထားသည်ကိုလည်း သတိမူရမည်ဖြစ်သည်။ ဖွဲ့စည်းပုံပြင်ဆင် ရာတွင် နည်းလမ်းနှစ်လမ်းရှိသည်။ပထမ တစ်ခုက ၂ဝဝ၈ ဖွဲ့စည်းပုံအခြေခံ ဥပဒေ ပါ အခန်း (၁၂) ပုဒ်မ- ၄၃၃၊ ၄၃၄၊ ၄၃၅၊ ၄၃၆ တို့ဖြစ်ပြီး ကျန်သည့်နည်း လမ်းတစ်ခုကတော့ တစ်နိုင်ငံလုံး အပစ်အခတ်ရပ်စဲရေးသဘောတူစာချုပ် (NCA) ပါ ပုဒ်မ- ၂၂ (ဃ)အရ ပြည် ထောင်စုညီလာခံမှ ထွက်ပေါ်လာသော ဆုံးဖြတ်ချက်များအပေါ် အခြေခံ၍ ဖွဲ့ စည်းပုံ အခြေခံဥပဒေအပါအဝင်ဥပဒေ များကိုလိုအပ်သလိုပြင်ဆင်ခြင်း၊ ဖြည့် စွက်ခြင်းနှင့် ပယ်ဖျက်ခြင်းများကို သက် ဆိုင်ရာဥပဒေ လုပ်ထုံးလုပ်နည်းနှင့်အညီ ပြုလုပ်ရန် သဘောတူညီသည်ဟု ပါရှိ သည့်အတိုင်း ငြိမ်းချမ်းရေးညီလာခံက ထွက်ပေါ်လာသည့် ပြည်ထောင်စုဖက် ဒရယ်ဆိုင်ရာ အခြေခံမူများဖြင့်လည်း ပြင်ဆင်နိုင်သည်။
သို့သော် ဇန်နဝါရီ ၂၉ ရက်က ပြု လုပ်သော ဒုတိယအကြိမ်ပြည်ထောင်စု လွှတ်တော်အစည်းအဝေးတွင် မကွေး တိုင်းဒေသကြီး မဲဆန္ဒနယ်အမှတ်(၄) အမျိုးသားလွှတ်တော် ကိုယ်စားလှယ်က ၂ဝဝ၈ ဖွဲ့စည်းပုံအခြေခံဥပဒေ ပြင်ဆင် ရေးလုပ်ငန်းများကို ဆောလျင်စွာဆောင် ရွက်နိုင်ရန်အတွက်ဖွဲ့စည်းပုံအခြေခံဥပဒေ ပြင်ဆင်ရေး ပူးပေါင်းကော်မတီတစ်ရပ် ကိုဖွဲ့စည်းရန် ပြည်ထောင်စုလွှတ်တော်သို့ တိုက်တွန်းကြောင်း အရေးကြီးအဆိုကို တင်သွင်းခဲ့ခြင်းသည် အခြေခံဥပဒေ ပြင် ဆင်ရေးနည်လမ်းနှစ်ခုနှင့် သွေဖည်နေ သည်ဟု ယူဆမိပါသည်။အဘယ်ကြောင့် ဆိုသော် ပြည်ထောင်စုလွှတ်တော်တွင် အရေးကြီးအဆိုတင်သွင်းလျှင် ပြည် ထောင်စုလွှတ်တော်ဆိုင်ရာ နည်းဥပဒေ ပုဒ်မ ၆၆ (က) တွင် စာပိုဒ်ခွဲငါးခု ဖြင့်ဖော်ပြထားသည့်အနက် အဓိကပိုဒ်ခွဲ (၂)တွင် ယင်းအဆိုသည် လောလောဆယ် ပေါ်ပေါက်လာသော ကိစ္စဖြစ်၍ အများ ပြည်သူနှင့် အရေးတကြီးသက်ဆိုင်သော ကိစ္စလည်း ဖြစ်ပြီးလျှင် လွှတ်တော်၏ ဆုံးဖြတ်ချက်ကို ရယူရန် လိုအပ်သော ကိစ္စဖြစ်ရမည်ဆိုသည့် အချက်များဖြင့် ကိုက်ညီမှုမရှိခြင်းကြောင့်ပင် ဖြစ်သည်။ ပထမအကြိမ် လွှတ်တော်တွင် ပြင်ဆင်ခဲ့ သည့် ဖွဲ့စည်းပုံအခြေခံဥပဒေကို ပြည် နယ်နှင့် တိုင်းဒေသကြီး အစိုးရများပီပြင် စွာအသုံးမချနိုင်သေးကြောင်း တပ်မတော် သားလွှတ်တော်ကိုယ်စားလှယ် ဗိုလ်မှူး ချုပ်မောင်မောင်က ဖေဖော်ဝါရီ ၆ ရက် နေ့ ဒုတိယအကြိမ် ပြည်ထောင်စုလွှတ် တော် (၁၁) ကြိမ်မြောက်ပုံမှန်အစည်း အဝေး ဆဋ္ဌမနေ့တွင်ပြောသည်။ 'ဖွဲ့စည်း ပုံပြင်ဆင်ရေးကတော့ အရင်သက်တမ်း တုန်းကလည်း လုပ်ခဲ့ဖူးတယ်။ ဖက် ဒရယ်ရဲ့သဘောတရားတွေ ဇယား(၂) မှာအများကြီးပါတယ်။ ပြည်နယ်နဲ့တိုင်း တွေကိုလုပ်ပိုင်ခွင့် အများကြီးပေးထား တယ်။ ဒါတွေကို သက်ဆိုင်ရာပြည်နယ် နဲ့ တိုင်းအစိုးရတွေက ပီပြင်အောင် သိပ်မလုပ်နိုင်သေးတာကြောင့်မို့လို့ပါ။နည်းနည်းလေး ဒါကပျောက်နေတယ်။ဇယား(၂) ပြင်ပေးထားတဲ့ကိစ္စတွေကို ဆက်ပြီးတော့ အသက်ဝင်လာအောင်၊ ဆက်ပြီးတော့ ပီပြင်အောင် လုပ်ပေးနိုင် မယ်ဆိုရင် ဖွဲ့စည်းပုံပြင်ဆင်ရေးဟာ အကျိုးသက်ရောက်မှုအများကြီးရှိမယ်' ဟု ၄င်းကပြောသည်။ ယင်းသို့ သုံး နှစ်တာကာလအတွင်း ဖွဲ့စည်းပုံပြင်ဆင် ရေးနဲ့ပတ်သက်လို့ ဘာတစ်ခုမျှပြောဆို လှုပ်ရှားမှုမပြုလုပ်ဘဲ ယခုလိုအလျင်စလို ပြုလုပ်ရခြင်းသည် မဲဆွယ်ယုံသက်သက် ပဲလား။ တကယ်ပဲဖွဲ့စည်းပုံ ပြင်ဆင်မယ့် သဘောလားဆိုတာ မေးစရာတွေဖြစ်လာ ပါသည်။ ၂ဝ၁၅ အထွေထွေရွေးကောက် ပွဲတွင် NLD ပါတီသည် တောင်ပြိုကမ်း ပြို အနိုင်ရခဲ့သည်။ သို့သော် ဖက်ဒရယ် ပြည်ထောင်စုစနစ်ကို ကျင့်သုံးမည်ဟု ပြောနေသည့် ယင်းတို့ပါတီသည် ၂ဝဝ၈ ဖွဲ့စည်းပုံအခြေခံဥပဒေတွင်ပါရှိသော ဖက် ဒရယ်စနစ်နှင့်ညီသည့်အချက်များအားအမှန် တကယ်ကျင့်သုံးခဲ့ပါသလားဟု မေးခွန်း များမေးရန်လိုအပ်ပါသည်။ နိုင်ငံတော် အတိုင်ပင်ခံသွားချင်သော ဖက်ဒရယ် သည် ဘယ်လိုပုံစံမျိုးလဲ ဘယ်လိုစနစ် ဖြင့် သွားမလဲဆိုသည့်အချက်ကို အစိုးရ ဖြစ်သည့် အချိန်မှစ၍ ယခုအချိန်ထိပွင့် လင်းမြင်သာစွာ ချပြထားခြင်း မရှိသေး ပါ။


ဖွဲ့စည်းပုံအခြေခံဥပဒေပြင်ဆင်ရေး သည် တရားခံရှာနေ၍မရ။ ပြည်သူအား လုံး၏ အမှန်တကယ်အကျိုးရှိမည်ဆိုလျှင် နည်းမှန်လမ်းမှန်ဖြင့် စနစ်တကျစိတ်ရင်း စေတနာမှန်ဖြင့် ပြင်ဆင်သင့်ပါသည်။ဖွဲ့စည်းအုပ်ချုပ်ပုံဥပဒေဆိုသည်မှာ ပုဂ္ဂိုလ် ရေးကိုးကွယ်မှုဖြင့် ဆန့်ကျင်ဘက်ဖြစ်ရ မည့် principle လမ်းကြောင်းဖြစ်သည့် အတွက်ကြောင့် ပုဂ္ဂိုလ်ရေးကိုးကွယ်မှု ကင်းရှင်းရမည်ဖြစ်သည်။ဖွဲ့စည်းပုံအခြေခံ ဥပဒေ၏ အနှစ်သာရသည် Check and balance ဖြစ်ပြီးလူပုဂ္ဂိုလ်ပါ ဝင်မှုသည် အရေးမကြီး ဟုယူဆမိပါသည်။ ကျွန် တော်တို့ မြန်မာနိုင်ငံသည် သမိုင်း တစ်လျှောက် ပုဂ္ဂိုလ်ရေးကိုးကွယ်မှုဖြင့် အစဉ်တစိုက် သက်ဦးဆံပိုင်ဘုရင်များ အုပ်ချုပ်လာခဲ့ကြသည်။ မြန်မာနိုင်ငံ သည် ပုဂ္ဂိုလ်ရေးကိုးကွယ်မှု အရမ်းကြီး သည်။အားလုံးသိကြသည့်အတိုင်းဗိုလ်ချုပ် အောင်ဆန်းကို ပြည်သူများ သိပ်ချစ်ကြ သည်။ အခု နိုင်ငံတော်အတိုင်ပင်ခံကို လည်း ပြည်သူတချို့ အများစုချစ်နေကြ သည်။ ယင်းအတွက် ပုဂ္ဂိုလ်ရေးကိုး ကွယ်မှု သိပ်ကြီးခြင်းသည် ယနေ့မြောက် ကိုရီးယားတွင် ဖြစ်နေသကဲ့သို့ အန္တရာယ် သိပ်ကြီးသည်။ သမိုင်းပညာရှင်ဟာဘေး က ပြောသည်။ မြန်မာနိုင်ငံသည် ပုဂ္ဂိုလ် ရေးကိုးကွယ်မှုဖြင့်သွားနေသောနိုင်ငံဖြစ် သည်။ အလောင်းမင်းတရားကြီးဦးအောင် ဇေယျ လက်ထက်မှစ၍ Principle ခေတ်ကိုသွားလျှင် ကောင်းမယ်ဟု အငြိမ်း စားဗိုလ်မှူးကြီးဟောင်း ဒေါက်တာ အောင်မျိုးက ပြောခဲ့သည်။
''ပုဂ္ဂိုလ်ရေး ကိုးကွယ်မှုကြီးနေခြင်း သည် ဒီနေ့ ဘာပဲပြောပြော အရင်တပ် မတော်အစိုးရသည် ကောင်းတာရှိတယ်။ မကောင်းတာရှိတယ်။ သူတို့လည်းပုဂ္ဂိုလ် ရေး တည်ထောင်ခဲ့တာတွေ ရှိတယ်။ သို့ သော် ဘာပဲပြောပြော ပုဂ္ဂိုလ်ရေး ကိုး ကွယ်မှုရဲ့အန္တရာယ်ကိုတော့ သူတို့စိုးရိမ် မိတဲ့အတွက်ကြောင့်မို့လို့ ပုဂ္ဂိုလ်ရေးကိုး ကွယ်မှုမဖြစ်အောင်ဆိုပြီးတော့ သူတို့က တပ်ကိုနောက်ချန်အနေနှင့် Evaluation နည်းနှင့် သွားတယ်ပေါ့ဗျာ။ တရွေ့ရွေ့ ပြောင်းလဲမှုနည်းပေါ့။ တပ်မတော်သွား နေသောပုံစံသည် တရွေ့ရွေ့သွားနေသော ပုံစံဖြစ်တယ်။ တိုင်းပြည်နှင့်ပတ်သက်လို့ ချို့ယွင်းချက်တွေ ပျက်ကွက်မှုတွေက အများကြီးရှိတယ်။ ဒီလိုတွေ့ထားချက် တစ်ခုမှာ တိုင်းပြည်သည် တိုင်းရင်းသား တွေကလည်း အများကြီးဖြစ်နေတယ်။စစ်ကလည်းမပြီးသေး။ ညှိလို့မရတဲ့ဟာ တွေကလည်း အများကြီးဖြစ်နေတဲ့အခါ ကျတော့ ဒီလိုအခြေအနေမျိုးမှာ သူက တိုင်းပြည်ကို ပြိုကွဲသွားမှာကိုမမြင်ချင်တဲ့ အတွက်ကြောင့် တရားစီရင်ရေးအာဏာ မှာ ၂၅ရာခိုင်နှုန်းဆိုတဲ့ အင်အားတစ်ခုကို ချန်ထားတယ်။ အုပ်ချုပ်ရေးမှာဆိုရင် တော့ အရေးပါတဲ့ Key point သုံးခုကို ကိုင်ထားတာပေါ့။ တဖြည်းဖြည်းနှင့် ဆုတ်ရမှာ။ ဒါကြောင့်တပ်မတော်အနေနဲ့ ဒီလမ်းကြောင်းကိုရွေးပြီး တရွေ့ရွေ့ တဖြည်းဖြည်းနှင့်ပဲ သွားစေချင်လိမ့်မယ် လို့ထင်ပါတယ်'' ဟုဒေါက်တာအောင် မျိုးက ပြောသည်။၂ဝဝ၈ ဖွဲ့စည်းပုံအခြေခံဥပဒေပြင် ဆင်ရေးနှင့်ပတ်သက်လို့ ထောက်ခံပွဲတွေ မန္တလေးမြို့ မနော်ရမ္မံကွင်းမှာ လုပ်နေ တယ်လို့ သတင်းမီဒီယာတွေမှာ တက် လာတော့ ကြည့်လိုက်တယ်။
ပြည်သူ ပါဝင်မှု ဘယ်လောက်ရှိလဲဆိုတော့ လူ အင်အား တစ်ထောင်ကျော် ဖြစ်တယ်ဆို တော့ ဒီလူတစ်ထောင်ကျော် အင်အားက မြန်မာနိုင်ငံရဲ့ ပြည်သူသန်း ၅ဝကျော်ကို ကိုယ်စားပြုသလား။ ပြည်သူသန်း ၅ဝ ကျော် အမှန်တကယ်လိုအပ်နေသော အရာသည်ဖွဲ့စည်းပုံပြင်ရေးလား။ ငြိမ်း ချမ်းရေးလား၊ စားဝတ်နေရေးလား ဆို သည်ကိုသိဖို့လိုအပ်ပါသည်။ ''ပြည်သူ တစ်ယောက်အနေနဲ့ လုပ်သင့်တယ်ထင် လို့ ဒီမှာ ပူးပေါင်းပါဝင်တာပါ။ အထက် မှာလည်း ဘာမှထုတ်ပြန်ကြေညာတာ မျိုးမရှိသေးဘူး။ ဘယ်အချက်လို့ မပြော နိုင်ပေမယ့် လုပ်သင့်လုပ်ထိုက်တယ် ထင် လို့ ပါဝင်ကြတာပါ''လို့ မန္တလေးမြို့နေ အမျိုးသမီး တစ်ဦးကယင်းထောက်ခံပွဲမှာ ပြောသွားတာပါ။၂ဝဝ၈ ဖွဲ့စည်းပုံအခြေခံ ဥပဒေရဲ့ ပြင်သင့်တဲ့အချက်ဘယ်အချက် တွေဆိုသည်ကိုမသိဘဲ ထောက်ခံသည် မှာ စဉ်းစားစရာဖြစ်သည်။ လုပ်သင့်လုပ် ထိုက်တယ်ထင်လို့ဆိုသည်မှာ ၂ဝဝ၈ဖွဲ့ စည်းပုံအခြေခံဥပဒေပြင်ခြင်းသည် ထင်ရုံ နဲ့လုပ်ရမဲ့ကိစ္စမဟုတ်ကြောင်း သေသေ ချာချာလေ့လာဖို့လိုအပ်ပါသည်။''လက်ရှိ လုပ်နေတဲ့အနေအထားက ပြင်ဆင်ဖို့ကော် မတီဖွဲ့နေတာဖြစ်တဲ့အတွက် ဒီဟာဥပဒေ နဲ့ မကိုက်ညီဘူးလေ။ အဲဒီတော့ ဥပဒေနဲ့ အညီ သွားနိုင်ဖို့အတွက် ဒီဥပဒေနဲ့ညီတဲ့ လမ်းကြောင်းကနေသွားနိုင်ဖို့ ကြိုးစားနေ တာပဲဖြစ်ပါတယ်။လုပ်ရမယ်ဆိုတဲ့လုပ်ငန်း စဉ်ရှိပြီးသား၊ ဥပဒေရှိပြီးသား။ အမိန့် ရှိပြီးသား။ ဒီဥပဒေအမိန့်အတိုင်း သွားပြ ခြင်းဟာကောင်းမွန်တဲ့ ဥပဒေကျင့်သုံးမှု ကိုဖော်ဆောင်ပေးခြင်းပဲ။ ဒီအတွက် လို အပ်ရင် လုပ်သွားရမှာပဲ။ အမြန်ဆုံးလုပ် သွားမှာပါ''ဟုလက်ရှိ NLD ပါတီ၏ ဖွဲ့ စည်းပုံပြင်ရန်အတွက် ကော်မတီဖွဲ့ရန် လုပ်ဆောင်နေခြင်းအပေါ် ဥပဒေနဲ့မညီ သည့်အတွက် ကိုယ်စားလှယ် ရာခိုင်နှုန်း ၂ဝ ရဲ့လက်မှတ်ဖြင့် ၂ဝဝ၈ ဖွဲ့စည်းပုံ အခြေခံဥပဒေပြင်ဆင်ရေးဥပဒေကြမ်းကို ဥပဒေနှင့်အညီစိတ်ရင်းစေတနာအမှန်ဖြင့် တင်သွင်းရရန်လုပ်ဆောင်နေကြောင်း ပြည် ခိုင်ဖြိုးပါတီကိုယ်စားပြု ပျော်ဘွယ်ပြည် သူ့လွှတ်တော်ကိုယ်စားလှယ် ဦးသောင်း အေးက အခုလိုပြောပါသည်။ ထို့နောက် ''ဥပဒေနဲ့မညီတာကို လုပ်ခြင်းအတွက် ရှက်တတ်တဲ့လူတွေ အားလုံးက ဥပဒေနဲ့ အညီ လုပ်တဲ့လူနဲ့ လာပူးပေါင်းမှာပဲ။ ဒါပြောစရာအကြောင်းမရှိဘူး''ဟု ရာခိုင် နှုန်း ၂ဝ ရရှိရန် မည်သို့လုပ်ဆောင်မည်ဟု မေးသောမေးခွန်းအပေါ် အခုလိုတုံ့ပြန် လိုက်ပါသည်။
ယခုပြည်ထောင်စုလွှတ်တော်ဒုတိယ နာယကဦးထွန်းထွန်းဟိန် ဥက္ကဋ္ဌအဖြစ် ဆောင်ရွက်မည့် ကော်မတီတွင် လွှတ် တော်ကိုယ်စားလှယ် ၃၈၅ ဦးရှိသည့် NLD ပါတီမှ ၁၉ဦး၊ ၁၆၆ဦးရှိသည့် တပ်မတော်မှ ၈ဦး၊ ၄၁ဦးရှိသည့် ပြည် ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ နှစ်ဦး၊ ဦးရေ ၂ဝကျော်ရှိသည့် ရခိုင် အမျိုးသားပါတီမှတစ်ဦး၊ ၁၇ဦးရှိသည့် ကျားခေါင်းပါတီမှ တစ်ဦး၊ ကျန်တစ်သီး ပုဂ္ဂလကိုယ်စားပြုတစ်ဦးပါဝင်ဖို့ ပြည် ထောင်စုလွှတ်တော် နာယကဦးတီခွန် မြတ်က အဆိုပြုတင်ပြခဲ့ခြင်းပဲ ဖြစ်ပါ သည်။ ယင်းသို့ ကော်မတီဖွဲ့ရာတွင် တရားမျှတမှု ရှိမရှိ၊ ပြင်ဆင်ရန်ပုဒ်မ များသည် ပြည်သူလူထုအတွက် အကျိုး ရှိမရှိနှင့် ပုဂ္ဂိုလ်ရေးကိုးကွယ်မှုရှိမရှိ လေ့လာရမည်ဖြစ်သည်။NLD ပါတီ သည် အခြေခံဥပဒေပြင်ဆင်ရေးကို ဘာ ကြောင့် ဒီအချိန်မှာလုပ်တာလဲ။ ဘာတွေ ပြင်ဆင်မှာလဲ။Time Frame တစ်ခုအနေ နှင့် ဘယ်အချိန်ထိ သတ်မှတ်ထားသလဲ၊ တပ်မတော်နှင့် ပြည်သူလူထု၏ ယုံကြည် မှုကို ဘယ်လောက်ထိရအောင်လုပ်နိုင် မလဲ၊ စိတ်ရင်းစေတနာအမှန်နဲ့ ပြင်ဆင် တာရော ဟုတ်ရဲ့လားဆိုသည့် မေးခွန်း များအပေါ် သတိကြီးကြီးဖြင့် စောင့် ကြည့်ရန် လိုအပ်ပါသည်ဟု အကြံပြု လိုက်ရပါသည်။