images
UN
UN
ပြင်ရေးဆင်ရေး လျင်မနှေး မျှော်တွေးဆောင်ရွက် ပြည်သူ့တွက်
ဦးကျော်ကျော်(စည်းရုံးရေးရာ) Wednesday, 13 March 2019
ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ (၂ဝဝ၈ ခုနှစ်) သည် နတ်ရေကန်အတွင်း ချလိုက် သဖြင့် ချက်ချင်းပေါ်ထွန်းလာခဲ့သည့် ဥပဒေတစ်ရပ် မဟုတ်။ နိုင်ငံရေး၊ စီးပွားရေး၊လူမှုရေး၊အုပ်ချုပ်ရေး၊ ဥပဒေ ရေးရာစသည့် ကဏ္ဍဆိုင်ရာအတွေ့အကြုံ ကြွယ်ဝသည့် ကိုယ်စားလှယ်များ၊ နိုင်ငံ အဝန်းမှ တိုင်းရင်းသားကိုယ်စားလှယ် များပါဝင်သည့် အမျိုးသားညီလာခံကြီး က ပေါ်ထွန်းလာခဲ့ခြင်းဖြစ်သည်။
နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီသည် ၁၉၉၂ ခုနှစ် ကတည်းက အကြိုပြင်ဆင်မှုများ၊ တွေ့ဆုံ ညှိနှိုင်းမှုများ ပြုလုပ်ကာ ၁၉၉၃ ခုနှစ်တွင် အမျိုးသားညီလာခံခေါ်ယူ ခဲ့သည်။ အမျိုးသားညီလာခံသို့ နိုင်ငံရေး ပါတီများမှ ကိုယ်စားလှယ်များ၊ ရွေး ကောက်ခံလွှတ်တော်ကိုယ်စားလှယ်များ၊ တိုင်းရင်းသား ကိုယ်စားလှယ်များ၊ တောင်သူလယ်သမား ကိုယ်စားလှယ် များ၊ အလုပ်သမားကိုယ်စားလှယ်များ၊ နိုင်ငံ့ဝန်ထမ်းကိုယ်စားလှယ်များ၊တတ် သိပညာရှင်ကိုယ်စားလှယ်များ၊အခြား ဖိတ်ကြားသင့်သည့် ကိုယ်စားလှယ်များ စသည်ဖြင့် ကိုယ်စားလှယ်စုစုပေါင်း ၇ဝ၂ ဦးတက် ရောက်ခဲ့ပါသည်။
လူတန်းစားအလွှာအသီးသီးမှ အမျိုး သားညီလာခံကိုယ်စားလှယ်များသည် ၁၉၉၃ ခုနှစ်ဇန်နဝါရီလ မှ ၁၉၉၆ ခုနှစ် မတ်လ ၃ဝ ရက်နေ့အထိ စုံညီအစည်း အဝေးခြောက်ကြိမ်ကျင်းပခဲ့ပြီး မိမိတို့ ၏သဘောထားနှင့်အမြင်များကို ရိုးသား ပွင့်လင်းစွာ တင်ပြနိုင်ခဲ့ကြသည့် အတွက် ဖွဲ့စည်းပုံအခြေခံဥပဒေရေးဆွဲရာတွင် အခြေခံရမည့်မူများကိုလည်းကောင်း၊ ဥပဒေပြုရေး၊ အုပ်ချုပ်ရေး၊ တရား စီရင်ရေးနှင့်ပတ်သက်သည့် အခြေခံမူ များကိုလည်းကောင်း အောင်မြင်စွာ ချမှတ်နိုင်ခဲ့ပါသည်။ သို့သော် ပါတီ တစ်ခု၏နိုင်ငံရေးအစာမကြေမှုနှင့် တလွဲ မာနအာဃာတများကြောင့် အမျိုးသားညီ လာခံကို ယာယီရပ်ဆိုင်းခဲ့ရပါသည်။
နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီသည် ၂ဝဝ၃ ခုနှစ် သြဂုတ်လ ၃ဝ ရက်နေ့တွင် နိုင်ငံတော် ရှေ့ဆက်သွားမည့်မူဝါဒလမ်းစဉ်ခုနစ်ရပ် ကို ချမှတ်ခဲ့ပါသည်။ ထိုမူဝါဒလမ်းစဉ် နှင့်အညီ အမျိုးသားညီလာခံကို ၂ဝဝ၄ ခုနှစ်မေလ ၁၇ ရက်နေ့တွင် ပြန်လည် ခေါ်ယူခဲ့ရာ ညီလာခံသို့ အစုအဖွဲ့အသီး သီးမှ ကိုယ်စားလှယ် ၁ဝ၈ဝ တက် ရောက်ခဲ့ပါသည်။ ကိုယ်စားလှယ်တော် ကြီးများ၏အမြော်အမြင်ကြီးမားမှု၊ စည်း လုံးညီညွတ်မှု၊စိတ်ရှည်သည်းခံနားလည် ခွင့်လွှတ်မှု၊ စိတ်သဘောထားညွှတ် ပျောင်းမှု၊ နိုင်ငံနှင့်လူမျိုးအပေါ် သစ္စာ စောင့်သိမှု၊ ဒို့တာဝန်အရေးသုံးပါးကို ဦး ထိပ်ပန်ဆင်မှုများကြောင့် ဖွဲ့စည်းပုံ အခြေခံဥပဒေရေးဆွဲရာတွင် အခြေခံရ မည့်မူများနှင့် အသေးစိတ်အခြေခံရမည့် မူများကို ၂ဝဝ၇ ခုနှစ် စက်တင်ဘာလ ၃ ရက်နေ့တွင် ချမှတ်နိုင်ခဲ့ပါသည်။
ယင်းနောက် နိုင်ငံတော်ဖွဲ့စည်းပုံအ ခြေခံဥပဒေမူကြမ်းရေးဆွဲရေးကော်မရှင် ကို အဖွဲ့ဝင် ၅၄ဦးဖြင့် ၂ဝဝ၇ခုနှစ် ဒီဇင် ဘာလ ၃ရက်နေ့တွင် ဖွဲ့စည်းတာဝန်ပေး အပ်ခဲ့ပါသည်။ ကော်မရှင်သည် စုံညီ အစည်းအဝေး (၁၇)ကြိမ်၊ အစုအဖွဲ့အ စည်းအဝေး (၁၅၆)ကြိမ် ပြုလုပ်ပြီး နိုင်ငံ တော်၏ ရှေ့ခရီးအတွက် တွေးခေါ်မြော် မြင်ဆင်ခြင်တုံတရားများဖြင့် ဥပဒေမူ ကြမ်းကို ရေးဆွဲခဲ့ကြပါသည်။ ကော်မရှင် ၏ ကြိုးပမ်းအားထုတ်မှုကြောင့် ဥပဒေမူ ကြမ်းအပြီးသတ်ခဲ့ရာ၂ဝဝ၈ခုနှစ် ဖေဖော် ဝါရီလ ၂၈ရက်နေ့တွင် ကော်မရှင်ဥက္ကဋ္ဌ နှင့်အဖွဲ့ဝင်များ မော်ကွန်းတင်လက်မှတ် ရေးထိုးနိုင်ခဲ့ကြပါသည်။
ပြုစုပြီးသည့် ဥပဒေမူကြမ်းကို ပြည် လုံးကျွတ်ဆန္ဒခံယူပွဲဖြင့် အတည်ပြုပေး နိုင်ရန် ''ပြည်ထောင်စုသမ္မတ မြန်မာ နိုင်ငံတော် ဖွဲ့စည်းပုံ အခြေခံဥပဒေမူ ကြမ်းအတည်ပြုရေး ပြည်လုံးကျွတ်ဆန္ဒ ခံယူပွဲကျင်းပရေးကော်မရှင်''ကို ၂ဝဝ၈ ခုနှစ် ဖေဖော်ဝါရီလ ၂၆ရက်နေ့တွင် ဖွဲ့ စည်းတာဝန်ပေးအပ်ခဲ့ရာ ကော်မရှင်က ၂ဝဝ၈ခုနှစ် မေလ ၅ရက်နေ့တွင် ပြည် လုံးကျွတ်ဆန္ဒခံယူပွဲကျင်းပရန် သတ်မှတ် ပေးခဲ့ပါသည်။ သို့သော် မမျှော်လင့်သော နာဂစ်မုန်တိုင်းဘေးကြောင့် ရန်ကုန်တိုင်း တွင် မြို့နယ်လေးဆယ်နှင့် ဧရာဝတီ တိုင်းတွင် ခုနစ်မြို့နယ် ပေါင်း ၄၇မြို့ နယ်တို့တွင် ကျင်းပနိုင်ခြင်းမရှိဘဲ ကျန် တိုင်းနှင့် ပြည်နယ်များရှိ ၂၇၈မြို့နယ် တွင်သာ ကျင်းပနိုင်ခဲ့ပါသည်။ နာဂစ် မုန်တိုင်းကြောင့် မကျင်းပနိုင်သည့် ၄၇ မြို့နယ်ကို မေလ ၂၄ရက်နေ့သို့ ရွှေ့ဆိုင်း ပြီး အောင်မြင်စွာကျင်းပနိုင်ခဲ့ပါသည်။ ပြည်လုံးကျွတ် ဆန္ဒခံယူပွဲရလဒ်မှာ အောက်ပါအတိုင်းဖြစ်ပါသည်။


ဆန္ဒမဲပေးခွင့်ရှိသူဦးရေ -၂၇၂၈၈၈၂၇
ဆန္ဒမဲပေးသူဦးရေ - ၂၆၇၇၆၆၇၅ (၉၈.၁၂%)
ထောက်ခံဆန္ဒမဲ - ၂၄၇၆၄၁၂၄ (၉၂.၉၈%)
ကန့်ကွက်မဲ - ၁၆၃၁၇၁၂ (၆.၁ဝ%)
ပယ်မဲ - ၃၈ဝ၈၃၉
(၁.၄၂%)
နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီသည် ဖွဲ့စည်းပုံအခြေ ခံဥပဒေကို ဖော်ပြပါ ပြည်လုံးကျွတ်ဆန္ဒ ခံယူပွဲရလဒ်အရ အတည်ပြုပြဋ္ဌာန်း ကြောင်းကို ၂ဝဝ၈ခုနှစ် မေလ ၂၉ရက် နေ့တွင် ကြေညာပေးခဲ့သည်။ ယင်း နောက် ပါတီစုံဒီမိုကရေစီအထွေထွေရွေး ကောက်ပွဲများ ကျင်းပပေးခဲ့ပြီး လွှတ် တော် အသီးသီးပေါ်ထွန်းလာခဲ့သည် ဖြစ်ရာ အခြေခံဥပဒေသည်လည်း ပြည် ထောင်စုလွှတ်တော်ပထမအကြိမ်အစည်း အဝေး စတင်ကျင်းပသည့် ၂ဝ၁၁ ခုနှစ် ဇန်နဝါရီလ ၃၁ရက်နေ့တွင် နိုင်ငံ တစ်ဝန်းလုံး၌ အာဏာတည်ခဲ့ပါသည်။
ဖွဲ့စည်းပုံအခြေခံဥပဒေ(၂ဝဝ၈ခုနှစ်) တွင် အခန်းပေါင်း ၁၅ ခန်းနှင့် ပုဒ်မ ပေါင်း ၄၅၇ ခုပါဝင်သည်။
နိဒါန်းတွင်-
ကျွန်ုပ်တို့တိုင်းရင်းသားပြည်သူ အပေါင်း တို့သည်-
- ပြည်ထောင်စုမပြိုကွဲရေး၊ တိုင်းရင်း သားစည်းလုံးညီညွတ်မှုမပြိုကွဲရေးနှင့် အချုပ်အခြာအာဏာ တည်တံ့ခိုင်မြဲ ရေးဟူသော ဦးတည်ချက်များကို အစဉ်တစိုက် မမှိတ်မသုန်စွဲမြဲစွာခံယူ စောင့်ထိန်းသွားကြမည်ဟု သန္နိဋ္ဌာန် ချမှတ်၍လည်းကောင်း၊
- နိုင်ငံတော်၌ တရားမျှတခြင်း၊ လွတ် လပ်ခြင်းနှင့် ညီမျှခြင်းတည်းဟူ သော လောကပါလတရားများ ထွန်း ကားစေလျက် တိုင်းရင်းသားပြည်သူ အများ ငြိမ်းချမ်းသာယာဝပြောရေး ကို တည်တံ့ခိုင်မြဲအောင် စဉ်ဆက် မပြတ် ဆောင်ရွက်ထိန်းသိမ်းသွား မည်ဟု သန္နိဋ္ဌာန်ချမှတ်၍လည်း ကောင်း၊
- နိုင်ငံတော်အတွင်း လူမျိုးရေးတန်းတူ မှုဖြင့် စစ်မှန်သောမျိုးချစ်စိတ်ဓာတ် ဖြစ်သည့် ပြည်ထောင်စုစိတ်ဓာတ်ကို ခိုင်မြဲစွာ မွေးမြူလျက် ထာဝစဉ် စည်းလုံးညီညွတ်စွာ အတူတကွ လက်တွဲနေထိုင်ကြမည်ဟု သန္နိဋ္ဌာန် ချမှတ်၍လည်းကောင်း၊
- ကမ္ဘာ့ငြိမ်းချမ်းရေးနှင့် နိုင်ငံအချင်း ချင်း မိတ်ဝတ်မပျက်ပေါင်းသင်း ဆက်ဆံရေးကိုရှေးရှုလျက် ငြိမ်းချမ်း စွာ အတူယှဉ်တွဲနေထိုင်ရေးမူများကို စောင့်ထိန်းရန် အစဉ်ကြိုးပမ်းကြမည် ဟု သန္နိဋ္ဌာန်ချမှတ်၍လည်းကောင်း ပြည်လုံးကျွတ် ဆန္ဒခံယူပွဲကြီးဖြင့် အတည်ပြုပြဋ္ဌာန်းလိုက်ခြင်းဖြစ်ကြောင်း
ကို ဖော်ပြထားသည်။ အခန်းစဉ်အလိုက် ခေါင်းစဉ်နှင့် ပုဒ်မအရေအတွက်များမှာ အောက်ပါအတိုင်းဖြစ်ပါသည်-
အခန်း (၁) နိုင်ငံတော်အခြေခံမူများ တွင် ပုဒ်မ-၁မှပုဒ်မ-၄၈ အထိ ပုဒ်မပေါင်း (၄၈)ခု၊
အခန်း (၂) နိုင်ငံတော် ဖွဲ့စည်းတည် ဆောက်ပုံတွင် ပုဒ်မ-၄၉မှ ပုဒ်မ - ၅၆ အထိ ပုဒ်မ ပေါင်း ရှစ်ခု၊
အခန်း (၃) နိုင်ငံတော်အကြီးအကဲတွင် ပုဒ်မ-၅၇ မှ ပုဒ်မ-၇၃ အထိ ပုဒ်မပေါင်း (၁၇)ခု၊
အခန်း (၄) ဥပဒေပြုရေးတွင် ပုဒ်မ-၇၄မှ ပုဒ်မ-၁၉၈အထိ ပုဒ်မပေါင်း (၁၂၅)ခု၊
အခန်း (၅) အုပ်ချုပ်ရေးတွင် ပုဒ်မ- ၁၉၉မှ ပုဒ်မ -၂၉၂အထိ ပုဒ်မပေါင်း (၉၄)ခု၊
အခန်း (၆) တရားစီရင်ရေးတွင် ပုဒ်မ- ၂၉၃မှ ပုဒ်မ-၃၃၆အထိ ပုဒ်မပေါင်း (၄၄)ခု၊
အခန်း (၇) တပ်မတော်တွင် ပုဒ်မ-၃၃၇မှ ပုဒ်မ -၃၄၄အထိ ပုဒ်မပေါင်း ရှစ်ခု၊
အခန်း (၈) နိုင်ငံသား၊နိုင်ငံသားများ ၏ မူလအခွင့်အရေးနှင့်တာဝန် များတွင် ပုဒ်မ -၃၄၅မှ ပုဒ်မ-၃၉ဝ အထိ ပုဒ်မ ပေါင်း (၄၆)ခု၊
အခန်း (၉) ရွေးကောက်တင်မြှောက် ခြင်းတွင် ပုဒ်မ-၃၉၁ မှ ပုဒ်မ-၄ဝ၃အထိ ပုဒ်မ ပေါင်း ၁၃ခု၊အခန်း(၁ဝ) နိုင်ငံရေးပါတီများတွင် ပုဒ်မ ၄ဝ၄မှ ပုဒ်မ ၄ဝ၉အထိ ပုဒ်မပေါင်း ခြောက်ခု၊
အခန်း(၁၁) အရေးပေါ်ကာလဆိုင်ရာ ပြဋ္ဌာန်းချက်များတွင် ပုဒ်မ ၄၁ဝမှ ပုဒ်မ ၄၃၂အထိ ပုဒ်မပေါင်း ၂၃ခု၊
အခန်း(၁၂) ဖွဲ့စည်းပုံအခြေခံဥပဒေပြင် ဆင်ခြင်းတွင် ပုဒ်မ ၄၃၃မှ ပုဒ်မ၄၃၆အထိပုဒ်မပေါင်း လေးခု၊
အခန်း(၁၃) နိုင်ငံတော်အလံ၊ အထိမ်း အမှတ်တံဆိပ်၊ သီချင်းနှင့် မြို့တော်တွင် ပုဒ်မ ၄၃၇မှ ပုဒ်မ၄၄ဝအထိ ပုဒ်မပေါင်း လေးခု၊
အခန်း(၁၄) ကူးပြောင်းရေးကာလပြဋ္ဌာန်း ချက်များတွင် ပုဒ်မ ၄၄၁မှ ပုဒ်မ ၄၄၈ အထိ ပုဒ်မ ပေါင်း ရှစ်ခု၊
အခန်း(၁၅) အထွေထွေပြဋ္ဌာန်းချက်များ တွင်ပုဒ်မ၄၄၉မှပုဒ်မ ၄၅၇ အထိ ပုဒ်မပေါင်း ကိုးခု တို့ပါဝင်ပါသည်။
၂ဝဝ၈ခုနှစ် ဖွဲ့စည်းပုံအခြေခံဥပဒေ ရေးဆွဲရာတွင်လည်းကောင်း၊ အတည်ပြု ပြဋ္ဌာန်းနိုင်အောင်ကြိုးပမ်းရာတွင်လည်း ကောင်းပြည်ထောင်စုကြံ့ခိုင်ရေးနှင့် ဖွံ့ဖြိုး ရေးအသင်းအနေဖြင့် တာဝန်ယူဆောင် ရွက်ခဲ့ရသည်။ ပါတီဖြစ်လာသည့်အခါ လည်း မိမိတို့တာဝန်ပြီးဆုံးသွားပြီဟု မခံယူ။ဖြတ်သန်းလာခဲ့သည့်အတွေ့အကြုံ များအရဖွဲ့စည်းပုံအခြေခံဥပဒေကိုပြန်လည် လေ့လာဆန်းစစ်သုံးသပ်ပြင်ဆင်ဖြည့် စွက်ရန်မှာ ဆောင်ရွက်သင့် ဆောင်ရွက် ထိုက်သောလုပ်ငန်းတစ်ခုအဖြစ်ဆက် လက်ခံယူခဲ့ပါသည်။ ထို့ကြောင့် ပထမ အကြိမ်လွှတ်တော်သက်တမ်းတွင် ဖွဲ့ စည်းပုံပြင်ဆင်ရေးလုပ်ငန်းများကိုသတ် မှတ်ပြဋ္ဌာန်းထားသည့် ပြည်ထောင်စု လွှတ်တော်ဆိုင်ရာဥပဒေ၊ နည်းဥပဒေများ နှင့်အညီဆောင်ရွက်ခဲ့ရာ တိုင်းဒေသကြီး သို့မဟုတ် ပြည်နယ်ဥပဒေပြုစာရင်း၊ ဇယား(၂)တွင် ဖြည့်စွက်ချက်(၃၄)၊ တိုင်း ဒေသကြီးသို့မဟုတ် ပြည်နယ်များက ကောက်ခံရမည့်အခွန်အခများ၊ ဇယား(၅) တွင် ဖြည့်စွက်ချက်(၂ဝ)တို့ကို ပြင်ဆင် ပြဋ္ဌာန်းပေးနိုင်ခဲ့ပါသည်။ တာဝန်ရှိ၍ တာဝန်သိကာဆောင်ရွက်ခဲ့သည့်အစဉ် အလာရှိခဲ့သည့်နည်းတူ ဒုတိယအကြိမ် လွှတ်တော်သက်တမ်းတွင်လည်း ဆက် လက်ဆောင်ရွက်သွားရန်ရည်ရွယ်ရင်းရှိ ခဲ့ပါသည်။ သို့သော်အကြံတူနောက်လူ အသံကောင်းဟစ်ခြင်းနှင့်ကြုံတွေ့နေရသည်။
ဥပဒေဟူသည် လူအများလေးစား လိုက်နာရန်ရည်ရွယ်သည်ဖြစ်ရာ ဥပဒေ ပြုစုသူကိုယ်တိုင်က ဥပဒေစည်းကမ်းကို လိုက်နာရပေမည်။ ဥပဒေပြုခြင်းကို အကြောင်းပြ၍ သတ်မှတ်ပြဋ္ဌာန်းချက် များကိုကိုယ်လိုသလိုအဓိပ္ပာယ်ဖွင့်ဆိုခြင်း၊ အတ္တမာန်စွဲဖြင့် ကိုယ်ကြိုက်သလိုစီစဉ် ခြင်း၊ ကိုယ်ပြောတာအမှန်ကိုယ်ကြံတာ အဟုတ် ကိုယ်လုပ်တာလိုက်နာဟု အတ္တ နောမတိမကင်းမှုများ၊ အဂတိမရှင်းမှုများ ရှိနေပြန်လျှင်လည်း ဖွဲ့စည်းပုံပြင်ဆင်ရေး တွင် အဟန့်အတားများနှင့် ကြုံတွေ့နိုင် ပေသည်။ ထို့အတူပြင်လိုသည့်ပုဒ်မကို သာပြင်မည်၊မပြင်လိုသည့်ပုဒ်မကိုပေယျာ လကန်ထားမည်ဟု သတ်မှတ်ပြန်လျှင် လည်းပြည်သူတို့လိုလားချက်နှင့်သွေဖည် သွားပေမည်။ ထို့ကြောင့် မိမိတို့ပါတီ အနေဖြင့်ဒီမိုကရေစီနှင့်ဖက်ဒရယ်စနစ်ကို အခြေခံသော ပြည်ထောင်စုကြီးပေါ်ထွန်း လာစေရေးအတွက် ကိုယ်ဦးဆောင်ရေးဆွဲ ပြဋ္ဌာန်းခဲ့သော ဖွဲ့စည်းပုံအခြေခံဥပဒေကို ခေတ်ကာလအခြေအနေနှင့် လိုက်လျော ညီထွေအောင်ပြည်သူ့အကျိုးအတွက် ပြင် ဆင်ဖြည့်စွက်ရမည်ဟုခံယူထားပါသည်။
သို့ပါ၍ မရွဲ့မစောင်းကိုယ့်လမ်း ကြောင်းကို စိတ်ကောင်းနှင့်ယှဉ်ကာ ပြည်သူ့အရေးမျှော်တွေးဆောင်ရွက်နေသူ တို့မှာ မိမိတို့ပြည်ခိုင်ဖြိုးပါတီဝင်ထုသာ ဖြစ်ကြောင်း အောက်ပါအချိုးကဗျာလေး ဖြင့်ထုတ်ဖော်ကြေညာလိုက်ပါသည်။
မဲဇလီပင်အိုအောက်
ပေါက်လာတဲ့ ရွက်တမာ
ခါးချက်ကနာ၊
ရေစီးရယ်တစ်ခါ
ရေသာရယ်တစ်လှည့်
သူများလို တို့မရိုင်းတယ်
တိုင်းသိပါရဲ့။