images
UN
UN
၅၉ (စ) ကို ပြင်မည်ဆိုလျှင် အနာဂတ်ပြည်ထောင်စုအရေး အရှည်မျှော်တွေးဆောင်ရွက်ကြ
မျိုးဇာနည် Friday, 05 April 2019
'ဖွဲ့စည်းပုံအခြေခံဥပဒေဟာ စက္ကူတစ် ခုပဲဖြစ်တယ်' 'ပုဒ်မ ၅၉ (စ)ကို ခေတ္တရပ် ဆိုင်းထားရန်' 'ပုဒ်မ၅၉(စ)သည် တစ်ဦး တစ်ယောက်ကို ဦးတည်ပြီးရေးဆွဲထားတာ လည်း ဒီနိုင်ငံမှာပဲရှိတယ်။' ဤအပြော၊ ဤစကားများသည် ထင်ရာမြင်ရာ စိတ်ထဲ ရှိရာကို အသားလွတ်ပြောခြင်းသာ ဖြစ်ပါ သည်။ ပြောသူ၏အရည်အချင်းနှင့် စိတ်နေ စိတ်ထားကို ခန့်မှန်းနိုင်ပါသည်။
ဖွဲ့စည်းပုံအခြေခံဥပဒေသည် စက္ကူ တစ်ခုသာဖြစ်သည်ဆိုခြင်းသည် စက္ကူနှင့် မလုပ်လျှင် ဘာနှင့်လုပ်ပါမည်နည်း။ စက္ကူ တစ်ခုဟုဆိုခြင်းသည် မနာလိုစိတ်ခံစား ချက်ဖြင့်ပြောဆိုသည်ဟု ဆိုရပါမည်။ ပုဒ်မ ၅၉ (စ) ကိုခေတ္တရပ်ဆိုင်းထားရန်ဆိုသည် အဓိပ္ပာယ်မဲ့လှသည်။
ဤသည်ကို အနည်းငယ်ဆိုရပါမည်။ ပြည်ထောင်စုသမ္မတ မြန်မာနိုင်ငံတော်တွင် ဧရာဝတီ၊ ချင်းတွင်း၊ သံလွင်၊ စစ်တောင်း စသည့် မြစ်ကြီးများရှိသည်။ ယင်းမြစ်ကြီး များက တိုင်းရင်းသားပြည်သူများကို အေး ချမ်းအောင် စီးပွားရေးလုပ်ငန်းများ အဆင် ပြေအောင် ကူးသန်းသွားလာရေး လွယ်ကူ ချောမွေ့အောင် တိုင်းရင်းသားအချင်းချင်း ဆက်ဆံရေးကောင်းမွန်အောင် ဆောင်ကြဉ်း ပေးလျက်ရှိသည်။ တစ်နည်းဆိုရသော် မြစ်ကြီးများသည် တိုင်းရင်းသားပြည်သူ များ၏ အကျိုးစီးပွားကို ဖြစ်ထွန်းစေပါ သည်။ အချင်းချင်းရိုင်းပင်းမှု၊ ချစ်ခင်မှုများ ကိုလည်း ပြုလျက်ရှိသည်။
မြစ်ကြီးများတွင် ဧရာဝတီမြစ်ကြီးကို ဖြစ်စေ၊ ချင်းတွင်းမြစ်ကိုဖြစ်စေ၊ သံလွင် မြစ်ကိုဖြစ်စေ၊ စစ်တောင်းမြစ်ကိုဖြစ်စေ ခေတ္တရပ်ဆိုင်းထားမည် သို့တည်းမဟုတ် ပိုင်းဖြတ်ပြီး ကာထားမည်ဆိုလျှင် တိုင်း ရင်းသားပြည်သူတွေ၊ တိုင်းရင်းသားပြည် သူများသာမက မြန်မာတစ်ပြည်လုံးရှိ တိုင်းရင်းသား ပြည်သူတွေအားလုံး၏ အသက်အိုးအိမ်များ၊ စိုက်ခင်းများ၊ ပျက်စီး ပြီးတစ်နေရာနှင့် တစ်နေရာကူးလူးဆက်ဆံ မှုများလည်း ပျက်ပြားသွားမည်ဖြစ်သည်။
နောက်တစ်ချက်က ဖွဲ့စည်းပုံအခြေခံ ဥပဒေပုဒ်မ ၅၉ (စ) သည် တစ်ဦးတစ် ယောက်ကို ဦးတည်ပြီး ရေးဆွဲထားခြင်း မဟုတ်။ ပြည်ထောင်စု၏ ပစ္စုပ္ပန်ကာလ၊ အနာဂတ်ကာလများအတွက် အရှည်မျှော် တွေးပြီး ရေးဆွဲထားခြင်းသာဖြစ်သည်။ လူတစ်ဦးတစ်ယောက် ပါတီတစ်ဖွဲ့ အဖွဲ့ အစည်းတစ်ခုက ရေးဆွဲထားခြင်းမဟုတ်။ တစ်ဦးတစ်ယောက်ကို ဦးတည်ပြီးရေးဆွဲ ခြင်းလည်းမဟုတ်။ မြန်မာနိုင်ငံတိုင်းရင်း သားပြည်သူအားလုံး၏ဘဝဖြစ်သည့် ပစ္စုပ္ပန် နှင့် အနာဂတ်အရေးအရှည်မျှော်မှန်းပြီး ရေးဆွဲထားခြင်းသာဖြစ်သည်။ သူ့ကျွန်ဘဝ သို့ ပြန်မရောက်အောင် ရေးဆွဲပြဋ္ဌာန်းထား ခြင်းသာဖြစ်သည်။
မူလကတည်းက ခိုင်မာသည့် ဖွဲ့စည်း ပုံအခြေခံဥပဒေ ပေါ်ပေါက်ရေး လူမျိုး ပေါင်းစုံ၊ ပါတီပေါင်းစုံ၊ တိုင်းရင်းသား ပေါင်းစုံ၊ ပညာရှင်ပေါင်းစုံတို့သည် အချိန် ပေါင်းများစွာယူပြီး အဖွဲ့များဖွဲ့ ဆွေးနွေး ကြ၊ ညှိနှိုင်းကြ၊ အရှည်မျှော်တွေးကြ၊ အမြင် ချင်းညှိကြ ဖလှယ်ကြနှင့် ပေါ်ထွက်လာ သည့်ဖွဲ့စည်းပုံအခြေခံဥပဒေဖြစ်သည်။ အတိတ်ကိုရှု၊ ပစ္စုပ္ပန်မှာစဉ်းစား အနာဂတ် အတွက်အရှည်မျှော်မှန်းပြီး ရေးဆွဲခဲ့ကြ သည်။ မြန်မာနိုင်ငံသူ့ကျွန်ဘဝ မရောက်ရ လေအောင် မျှော်မှန်းပေါ်ပေါက်လာသည့် အခြေခံဥပဒေ (၂ဝဝ၈ ခုနှစ်)ဖြစ်သည်။ မည်သူတစ်ဦး တစ်ယောက်ကိုမျှ ဦးမတည် ဘဲ ရေးဆွဲပေါ်ပေါက်လာသည့် ခိုင်မာသည့် အခြေခံဥပဒေဖြစ်သည်။
ဆိုရရင် ဖွဲ့စည်းပုံအခြေခံဥပဒေသည် နိုင်ငံ၏ ပကတိဘဝအခြေအနေ၊ အတိတ် ကာလသမိုင်းနှင့် အနာဂတ်မှာ ဖြစ်ပေါ်လာ နိုင်သည့် အနေအထားအားလုံးကို ခြုံငုံပြီး စဉ်းစားကာ ပြည်ထောင်စုအရေးအရှည် မျှော်တွေးပေါ်ပေါက်လာခြင်းပင် ဖြစ်သည်။
တိုင်းရင်းသားပြည်သူတစ်ရပ်လုံး ဒီမိုကရေစီအခွင့်အရေးများ ပြည့်ပြည့်ဝဝ ရနိုင်ပြီး နိုင်ငံတော်နှင့် ပြည်သူများ သူတစ်ပါးလက်အောက်ပြန်မကျရောက်ရ လေအောင် ဆိုရရင် ပြည်ထောင်စုကြီး မပြိုကွဲအောင်၊ တိုင်းရင်းသားစည်းလုံး ညီညွတ်ရေးမပြိုကွဲအောင်၊ အချုပ်အခြာ အာဏာတည်တံ့ခိုင်မြဲအောင် ကာကွယ်သင့် သည်များ အကာအကွယ်ပေးထားသည့် ဥပဒေဖြစ်သည်ဟု ခံယူပါသည်။
မိမိတို့ နိုင်ငံသမိုင်းတစ်လျှောက် မည်သည့်ကာလမှ မပေးခဲ့သည့် ဒီမိုကရေ စီအခွင့်အရေးများ ပြည့်ပြည့်ဝဝပါနေ သည်။ အသေးစိတ်တော့ မဖော်ပြတော့ပါ။ ယင်းကိုစဉ်းစဉ်းစားစားနှင့် လေ့လာဖတ်ရှု ပြီး အမျိုးသားရေးစိတ်ဓာတ်နှင့် ချိန်ထိုး ပြီး နှိုင်းယှဉ်သုံးသပ်ပါက တွေ့နိုင်မြင်နိုင် ပါမည်။ တစ်ဦးတစ်ယောက်အကျိုး၊ အဖွဲ့အစည်းတစ်ဖွဲ့၏အကျိုး၊ ပါတီတစ် ရပ်အကျိုးကိုသာ အလေးထားကြည့်ပြီး နိုင်ငံတော်နှင့် တိုင်းရင်းသားပြည်သူများ၏ အမျိုးသားရေးအကျိုးကိုမကြည့်၊ မမြင်ကြ လျှင် မြန်မာနိုင်ငံ၏ အနာဂတ်သည် ရင် လေးဖွယ်ရာ ဖြစ်ပါသည်။ နိုင်ငံနှင့် ပြည်သူ လူထု၏ ရင်လေးဖွယ်ရာ အခြေအနေကို အမွေပေးခဲ့ကြမှာလားလို့ ဆိုချင်ပါသည်။
ဆိုရရင် နိုင်ငံတော်ဖွဲ့စည်းပုံ အခြေခံ ဥပဒေ (၂ဝဝ၈ ခုနှစ်) သည် အမျိုးသား ခေါင်းဆောင်ကြီး ဗိုလ်ချုပ်အောင်ဆန်း သတိပေးခဲ့သည့် မိန့်ခွန်းကို လိုက်နာပြီး ရေးဆွဲထားခြင်းလည်း ဖြစ်ပါသည်။ ဗိုလ် ချုပ်က-
''အခြေခံဥပဒေကြမ်းရေးဆွဲရာ၌ မြန်မာနိုင်ငံတွင် ဖြစ်နေသော ပကတိ အခြေအနေများကို ထည့်သွင်းစဉ်းစားရန် လိုသည်။ အခြားနိုင်ငံများ အခြေအနေ အတိုင်း မျက်စိမှိတ်ပြီး လိုက်လုပ်လို့မဖြစ် ဘူး''ဟူ၍ သတိပေးခဲ့သည်။
ဗိုလ်ချုပ်အောင်ဆန်း
(၁၉၄၇- ခုနှစ် ဇူလိုင်လ ၄ ရက်နေ့၊ ဆပ်ကော်မတီအစည်းအဝေး)
ဖွဲ့စည်းပုံအခြေခံဥပဒေတစ်ရပ်၏ ရည် ရွယ်ချက်သည် အစိုးရက ပြည်သူလူထု အခွင့်အရေးကို မချိုးဖောက်နိုင်ရန်အတွက် ကာကွယ်ရန်ဖြစ်သည်။ ဖွဲ့စည်းပုံအခြေခံ ဥပဒေမှာ ပြုပြင်ပြောင်းလဲရန် လွယ်ကူသော အခြေခံဥပဒေ(Flexible Constitution) နှင့် ပြုပြင်ပြောင်းလဲရန်ခက်ခဲသောအခြေခံ ဥပဒေ(Right Constitution) ဟူ၍ နှစ်မျိုး ရှိပါသည်။
ပြုပြင်ပြောင်းလဲရန်လွယ်ကူသည့် အခြေခံဥပဒေဆိုသည့်ဥပဒေတစ်ရပ်ကို ပြုပြင်ရန်အတွက် အထူးအဖွဲ့အစည်းများဖွဲ့ စည်းရန် မလို၊ သာမန်ရိုးရိုးဥပဒေကို ပြုပြင် နိုင်ခြင်းဖြစ်သည်။ တစ်နည်းဆိုရရင် လွှတ်တော်အမတ်အများစု၏သဘောတူညီ ချက်ဖြင့် လွယ်ကူစွာပြုပြင်နိုင်ခြင်းဖြစ် သည်။ ဥပမာဗြိတိန်ဖွဲ့စည်းပုံအခြေခံဥပဒေ သည်ပြုပြင်ပြောင်းလဲရန် လွယ်ကူသည့် အမျိုးအစားတွင်ပါဝင်သည်။
ဆိုရရင် ဖွဲ့စည်းပုံအခြေခံဥပဒေတစ်ရပ် သည် ပြုပြင်ပြောင်းလဲရလွယ်ကူလျှင် ကောင်းသည့်အချက်များရှိသလို မကောင်း သည့်အချက်များလည်းရှိသည်။
ဥပဒေတစ်ရပ်သည် ခေတ်နှင့်လျော်ညီ စွာပြုပြင်ပြောင်းလဲရန် လိုအပ်ပါသည်။ ထို့ ပြင်ခေတ်စနစ်နှင့်မလျော်ညီတော့သည့် ဥပဒေဟောင်းများကိုလည်းပြုပြင်ပြောင်းလဲ ရန်လိုအပ်ပါက အမြန်ဆုံးပြုပြင်ပြောင်းလဲ ရန်လိုအပ်ပါသည်။ ဤသို့ပြောင်းလဲရာတွင် အမျိုးသားခေါင်းဆောင်ကြီးဗိုလ်ချုပ်အောင် ဆန်းမိန့်ကြားချက်၊ သတိပေးချက်ကို မမေ့ရန်လိုပါသည်။
ပြည်သူတို့အသိတရားမြင့်မားသည့်နိုင်ငံ များတွင်အခြေခံဥပဒေကိုပြုပြင်ပြောင်းလဲရန် လွယ်ကူစေခြင်းသည် အစိုးရတစ်ရပ်၏ မလိုလားအပ်သောဖောက် ပြန်မှုများကို ကင်းစင်စေရန် တိုင်းပြည်ကို လျင်မြန်စွာ တိုးတက်စေရန်ဖြစ်သည်။ ပြုပြင် ပြောင်းလဲ ရန် ခက်သည့်ဖွဲ့စည်းပုံအခြေခံဥပဒေတွင် သာမန်ဥပဒေများကဲ့သို့ ပြင်ဆင်ချင်သလို မျိုးလုပ်၍မရ။ ပြင်ဆင်ရေးကော်မတီတစ် ရပ်ရှိရန်လိုအပ်ပါသည်။
ဖွဲ့စည်းပုံအခြေခံဥပဒေတစ်ရပ်သည် ပြင်ဆင်ပြောင်းလဲနိုင်ရန်အတွက် ကန့်သတ် ချက်၊ ပြဋ္ဌာန်းချက်များရှိနေလျှင် ထိုအခြေခံ ဥပဒေကိုပြင်ဆင်ပြောင်းလဲရခက်ခဲသောဖွဲ့ စည်းပုံအခြေခံဥပဒေဟုခေါ်သည်။ အမေရိ ကန်နိုင်ငံဖွဲ့စည်းပုံအခြေခံဥပဒေသည် ပြု ပြင်ရန်အခက်ခဲဆုံးအဆင့်တွင်ရှိသည်။ အဘယ်ကြောင့်ဆိုသော် ၁၇၈၉ ခုနှစ်မှ ၁၉၇၂ ခုနှစ်အထိ နှစ်ပေါင်း ၁၈၃ နှစ် အတွင်း ပြင်ဆင်ချက် ၂၆ ချက်သာရှိခဲ့ သောကြောင့်ဖြစ်သည်။
အမေရိကန်ပြည်ထောင်စုတွင် ဖွဲ့စည်း အုပ်ချုပ်ပုံအခြေခံဥပဒေကိုပြင်ဆင်လိုလျှင် ကွန်ဂရက်လွှတ်တ်ာအမတ်ဦးရေ၏အနည်း ဆုံးသုံးပုံနှစ်ပုံကဖြစ်စေ၊ ပြည်နယ်များ၏ သုံးပုံနှစ်ပုံကဖြစ်စေ ပြင်ဆင်ချက်အဆိုကို တင်သွင်းရန်နှင့် ပါလီမန်ကိုခေါ်ပေးရန် တောင်းဆိုခွင့်ရှိသည်။ ထိုအထူးပါလီမန် တွင် တင်သွင်းသည့်ပြင်ဆင်ချက်အဆိုကို ကွန်ဂရက်အမတ်ဦးရေ၏အနည်းဆုံးလေးပုံ သုံးပုံ(၇၅ရာခိုင်နှုန်း)က ထောက်ခံမှသာ အတည်ဖြစ်သည်။
ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ(၂ဝဝ၈ခုနှစ်) ပုဒ်မ ၄၃၆(က)တွင်-
''ဤဖွဲ့စည်းပုံအခြေခံဥပဒေ၏အခန်း(၁) ပုဒ်မ ၁ မှ ၄၈ အထိ၊ အခန်း(၂) ပုဒ်မ ၄၉ မှ ၅၆ ထိ၊ အခန်း(၃)ပုဒ်မ ၅၉၊ ၆ဝ၊ အခန်း(၄) ပုဒ်မ ၇၄၊၁ဝ၉၊၁၄၁၊၁၆၁၊ အခန်း(၅)ပုဒ်မ၂ဝဝ၊၂ဝ၁၊၂၄၈၊၂၇၆၊ အခန်း (၆)ပုဒ်မ၂၉၃၊၂၉၄၊၃ဝ၅၊၃၁၄၊၃၂ဝ၊အခန်း (၁၁)ပုဒ်မ ၄၁ဝ မှ ၄၃၂ ထိ၊ အခန်း(၁၂) ပုဒ်မ ၄၃၆ တို့ရှိပြဋ္ဌာန်းချက်များကို ပြင် ဆင်လိုလျှင်ပြည်ထောင်စုလွှတ်တော်ကိုယ်စား လှယ်အားလုံး၏ ၇၅ ရာခိုင်နှုန်းကျော်က ပြင်ဆင်ရန်သဘောတူလက်ခံပြီးနောက် ပြည်လုံးကျွတ်ဆန္ဒခံယူပွဲကျင်းပ၍ ဆန္ဒမဲ ပေးပိုင်ခွင့်ရှိသူအားလုံး၏ထက်ဝက်ကျော် ဆန္ဒမဲဖြင့် သာပြင်ဆင်ရမည်''ဟုရှိသည်။

ထို့ပြင် ပုဒ်မ ၄၃၆(ခ)တွင်-
''ပုဒ်မခွဲ(က)တွင်ဖော်ပြထားသည့် ပြဋ္ဌာန်းချက်များမှ အပ အခြားပြဋ္ဌာန်းချက် များကို ပြည်ထောင်စုလွှတ်တော်ကိုယ်စား လှယ်အားလုံး ၇၅ ရာခိုင်နှုန်းကျော်ထောက် ခံဆန္ဒမဲဖြင့်သာပြင်ဆင်ရမည်''ဟု ဆိုထား ပါသည်။
မည်သို့ပြုပြင်ပြောင်းလဲရန် လွယ်ကူ သည့် ဖွဲ့စည်းပုံအခြေခံဥပဒေဖြစ်စေ၊ ပြုပြင်ပြောင်းလဲရန်ခက်သည့်ဖွဲ့စည်းပုံ အခြေခံဥပဒေဖြစ်စေ နိုင်ငံ၏သမိုင်း ကြောင်း၊ လူမျိုးများ၏ ဘဝအခြေအနေ၊ ခေတ်စနစ်နှင့် မလျော်ညီတော့သည့်အခြေအ နေတို့ကို ကြည့်ကြရန် လိုအပ်ပါသည်။ လူပုဂ္ဂိုလ်၊ အဖွဲ့အစည်း၊ ပါတီတစ်ရပ်အ တွက် စဉ်းစားတွေးခေါ်ပြီး ပြင်ဆင်သည့် အခြေခံဥပဒေကို မပြင်သင့်ပါ။
ဖွဲ့စည်းပုံအခြေခံဥပဒေ(၂ဝဝ၈ခုနှစ်)ပုဒ်မ ၅၉(စ)တွင်-
''မိမိကိုယ်တိုင်သော်လည်းကောင်း၊ မိမိ၏ မိဘတစ်ပါးပါးသော်လည်းကောင်း၊ မိမိ၏ဇနီး သို့မဟုတ် ခင်ပွန်းသော်လည်း ကောင်း၊ မိမိ၏တရားဝင်သားသမီးတစ်ဦး ဦးသော်လည်းကောင်း၊ ထိုတရားဝင် သားသမီးတစ်ဦးဦး၏ဇနီးသို့မဟုတ် ခင်ပွန်း သော်လည်းကောင်း၊ နိုင်ငံခြားအစိုးရ၏ ကျေးဇူးသစ္စာတော်ကို ခံယူစောင့်ရှောက် ရို သေသူ သို့မဟုတ် နိုင်ငံခြားအစိုးရ ၏လက်အောက်ခံဖြစ်သူ သို့မဟုတ် တိုင်း တစ်ပါး၏နိုင်ငံသားဖြစ်သူများ မဖြစ်စေရ၊ ထိုသူများသည် နိုင်ငံခြားအစိုးရ၏လက် အောက်ခံဖြစ်သူသော်လည်းကောင်း၊ တိုင်းတစ်ပါး၏နိုင်ငံသားသော်လည်းကောင်း ခံစားရသောအခွင့်အရေးများနှင့် ကျေးဇူး ခံစားခွင့်များကို ခံစားနိုင်ခွင့်ရှိသူများ မဖြစ်စေရ''ဟူ၍ပြဋ္ဌာန်းထားပါသည်။ဖွဲ့စည်းပုံအခြေခံဥပဒေ(၂ဝဝ၈ခုနှစ်) ကို ပြင်ဆင်ခြင်း၏ အဓိကရည်ရွယ်ချက်၊ အဓိကဦးတည်ချက်က ဘာလဲ။ ပြည်သူ့ အတွက်လား။ ပုဂ္ဂိုလ်တစ်ဦးတစ်ယောက် အတွက်လား။ ပုဂ္ဂိုလ်တစ်ဦးတစ်ယောက် သမ္မတဖြစ်ရေးဦးတည်ပြီး ပုဒ်မ ၅၉(စ)ကို ပြင်မည်ဆိုပါလျှင် နိုင်ငံတော်ကို သူ့ကျွန် ဘဝပြန်ရောက်အောင် လုပ်ဆောင်သည့် တရားခံသာဖြစ်သည်။
မြန်မာနိုင်ငံသည် နယ်ချဲ့နိုင်ငံကြီးအချို့ တို့၏ ပျိုတိုင်းကြိုက်သည့်နှင်းဆီခိုင်ဖြစ်နေ သည်။ သယံဇာတပေါကြွယ်ဝသည့် မြန်မာ နိုင်ငံ၊ စစ်ရေးအရ ပထဝီအနေအထားအရ ရှိနေသည့် မြန်မာနိုင်ငံဖြစ်သည်။ ဆိုရရင် မြန်မာနိုင်ငံသည် ပထဝီအနေအထားအရ မဟာဗျူဟာကျနေသည့်နိုင်ငံဖြစ်သည်။ ပြည်ထောင်စုမြန်မာနိုင်ငံသည် အရှေ့တောင် အာရှတွင်တည်ရှိသည်။ နယ်နိမိတ်သတ် မှတ်ချက်အရ တောင်နှင့်မြောက် ရှည်လျား သည်။ တောတောင်ထူထပ်သည်။ ကျွန်း ပေါင်းများစွာရှိသည်။ သယံဇာတပေါကြွယ် ဝသည်။ သဘာဝသစ်တောများဖြင့် ဖုံးလွှမ်း နေသည်။ မြောက်ဘက်နှင့် အရှေ့ဘက်တွင် ကမ္ဘာမှာ လူဦးရေအများဆုံးဖြစ်သည့် တရုတ်ပြည်သူ့သမ္မတနိုင်ငံ၊ လူဦးရေသန်း ပေါင်း ၁၃ဝဝ ခန့်ရှိသည်။
အနောက်ဘက်တွင်လူဦးရေသန်းပေါင်း ၁ဝဝဝ ကျော်ခန့်ရှိသည့် အိန္ဒိယနိုင်ငံရှိ သည်။ ၄င်း၏အောက်ဘက်တွင် မြန်မာ နိုင်ငံထက်အကျယ်အဝန်း ငါးဆမျှငယ်ပြီး လူဦးရေသန်း ၁၂ဝ ရှိသည့် ဘင်္ဂလား ဒေ့ရ်ှနိုင်ငံရှိသည်။ မြန်မာနိုင်ငံ၏ လူဦးရေ ထက် နှစ်ဆခွဲခန့်ရှိသည်။ ယခုသည်ပင် လျှင် ဘင်္ဂလားဒေ့ရ်ှနှင့် မြန်မာနယ်စပ်ဒေသ များတွင် AA သောင်းကျန်းသူအဖွဲ့၏ စခန်း များရှိနေသည်။ မြှောက်ပင့်ပေးသူကပေး နေသည်။ အားပေးသူကပေးနေသည်။ အမှိုက်ကစမီးလောင်မည်ကို သတိထားကြ ရမည်ဖြစ်သည်။
အရှေ့တောင်ဘက်တွင် ထိုင်းနိုင်ငံရှိ သည်။ လူဦးရေသန်းပေါင်း ၁ဝဝ ခန့်ရှိ သည်။ မြန်မာနိုင်ငံ၏လူဦးရေက သန်း ၅ဝ ကျော်ခန့်သာရှိသည်။ ယင်းအခြေအနေများ ကို နိုင်ငံရေးရှုထောင့်၊ စီးပွားရေးရှုထောင့်၊ လူမျိုးရေးရှုထောင့်တို့မှနေပြီး စဉ်းစားကြရန် လိုပါသည်။
''တိုင်းပြည်နှင့် လူမျိုးကိုချစ်လျှင် နိုင်ငံ ပိုင်နက်နယ်မြေတည်တံ့ခိုင်မြဲရေး၊ အမျိုးဘာ သာသာသနာကြီးပွားတိုးတက်ရေးကို ဦး ထိပ်ထားရမည်''
''ပါတီဝင်များ ပြည်သူတစ်ဦးချင်းစီ က ကိုယ်နှင့်မဆိုင်သလိုနေကြလျှင်-
-ပိုင်နက်နယ်မြေအမှတ်မဲ့ ဆုံးရှုံးသွားနိုင်
အချုပ်အခြာအာဏာနှင့် စီမံခန့်ခွဲမှုနိုင်ငံ ခြားသားများလက်တွင်း ရောက်သွားနိုင် (လက်ရှိအခြေအနေကို မှန်မှန်ကန်ကန် သုံးသပ်)
ဦးသန်းဌေး
ဥက္ကဋ္ဌ၊ ပြည်ခိုင်ဖြိုးပါတီ
(၄-၅-၂ဝ၁၇ရက်နေ့ (၂/၂ဝ၁၇) ဗဟို အလုပ်အမှုဆောင်ကော်မတီလုပ်ငန်းအစည်း အဝေး)
ပါတီခေါင်းဆောင်တစ်ဦးက ''ရပ် ကွက်၊ ကျေးရွာကမနေချင်လို့ ပြောင်းရွှေ့ နေမည်ဆိုက ပြောင်းရွှေ့နေနိုင်သည်။ မိမိ နိုင်ငံကတော့ ပြောင်းနေလို့မရဘူး''ဟူ၍ ပြောဖူးပါသည်။
နောက်စဉ်းစားစရာတွင် တစ်ချိန်က တရုတ်ပြည်သူ့သမ္မတနိုင်ငံဥက္ကဋ္ဌကြီး မော်စီ တုံး၏ အတွေးအခေါ် အယူအဆသည် စတာလင်ထက်ပင် ပြင်းထန်သည်ဟု အမေရိကန်ကဆိုသည်။ အမေရိကန်က စိုး ရိမ်သည်မှာ တရုတ်တို့၏ မျိုးချစ်စိတ်ဓာတ် ဖြစ်သည်။ တရုတ်တို့၏ ညီညွတ်မှုဖြစ် သည်။ တရုတ်တို့သည် အကြီးအကဲခေါင်း ဆောင်အပေါ် ရှေးထုံးစဉ်လာအရ ရိုသေ ကျိုးနွံကြသည်။
ထိုစဉ်က တရုတ်ပြည်သူ့သမ္မတနိုင်ငံ သည် ယနေ့ကဲ့သို့ တိုးတက်မှုမရှိ၊ ဆင်းရဲ သည်ဆိုပေမယ့် စိတ်ဓာတ်ပြင်းထန်သည်။ အဏုမြူစစ်ပွဲကိုပင် ကြောက်သည်မဟုတ် တရုတ်ပြည်တစ်ဝန်းမြေအောက်ဗုံးခိုကျင်း များတူးပြီး အဏုမြူစစ်ပွဲကို အန်တုခဲ့ သည်။ တရုတ်တိ