images
UN
UN
အိန္ဒိယ-ပါကစ္စတန်တစ်ကျော့ပြန် စစ်
နေဇင်လတ် Friday, 03 May 2019
အိန္ဒိယ-ပါကစ္စတန် ထိပ်တိုက်တွေ့မှု သည် စစ်ပွဲငယ်တစ်ခုစီသို့ ခေါ်ဆောင် သွားပြီး ကမ္ဘာ့ထိပ်တန်းသတင်းတစ်ခုဖြစ် လာခဲ့သည်။ လောလောဆယ်ဖြစ်ရပ်ကို စတင်ခဲ့သည်က ပါကစ္စတန်နယ်မြေထဲရှိ အကြမ်းဖက်JeM၏စခန်းကို အိန္ဒိယ လေ ကြောင်း စစ်ဆင်ခဲ့ခြင်းကြောင့်၊ နယ်စပ် တစ်လျှောက် ပါကစ္စတန်ဘက်မှ အမြောက် ကြီးများဖြင့်ပြန်လည်ပစ်ခတ်ခဲ့ခြင်းမှ စတင် ခဲ့သောကြောင့်ဟုဆိုသော်လည်း..
ကက်ရ်ှမီးယား ပေါဝါမာဒေသ (Pul-wama) အိန္ဒိယ ဗဟိုရဲ့ လုံခြုံရေးတပ်ဖွဲ့ ယာဉ်တန်းကို အသေခံဗုံးခွဲတိုက်ခိုက်ခဲ့ခြင်း ကြောင့် အိန္ဒိယက လက်တုံ့ပြန်လိုက်ခြင်း ဖြစ်သည်။
နှစ်နိုင်ငံတိုက်ဆိုင်မှု အငြင်းပွားလျက် ရှိသောကန့်သတ်ထိန်းချုပ်မျဉ်း (LoC-line of Control)ကိုကျော်၍ ပါကစ္စတန်နယ်မြေ တွင်းရှိ အကြမ်းဖက်(JeM – Jaish – Mohammed)စခန်းကို အိန္ဒိယလေကြောင်း မှ 1000kgm လေဆာပဲ့ထိန်းဒုံးများဖြင့် တိုက်ခိုက်ခဲ့ရာ စခန်းလုံးဝပျက်စီးသွားပြီး အကြမ်းဖက်တို့ အထိနာခဲ့သည်။
ပါကစ္စတန်ဘက်မှ ၄င်းတို့နယ်မြေတွင် အကြမ်းဖက်စခန်း လုံးဝမရှိပါဟု ငြင်းဆို ခဲ့သည်။ သို့သော်လည်း ပါကစ္စတန်သည် အကြမ်းဖက်တို့ နားခိုရာ၊ လေ့ကျင့်ရာ၊ မွေးမြူရာ နောက်ဆုံး အကြမ်းဖက်များကို ထိန်းချုပ် စေခိုင်း အမိန့်ပေးရာ နယ်မြေ ဖြစ်သည်ကို တစ်ကမ္ဘာလုံးကသိထားခဲ့ကြ ပါသည်။
အမေရိကန်နှင့်ဆက်ဆံရေးကောင်းမွန် ခဲ့သော ပါကစ္စတန်သည် နောက်ဆုံး အမေ ရိကန်မှ ကူညီငွေ ဘီလီယံများစွာကိုရယူပြီး အကြမ်းဖက်ပပျောက်ရေးမလုပ်ဆောင်ခဲ့ဟု ဆိုကာ အမေရိကန်၏အပြစ်တင်ခြင်းကိုပင် ခံခဲ့ရသည့် နိုင်ငံဖြစ်ပါ၏။

သမိုင်းကြောင်းမကောင်းခဲ့သော အတိတ်
ဒုတိယကမ္ဘာစစ်အပြီး စစ်ထောင်း၍ မဖြစ်မနေ လွတ်လပ်ရေးပေးရန်အခြေအနေ တွင် အိန္ဒိယပါဝင်ခဲ့သည်။ အိန္ဒိယ လက် အောက်ခံ မြန်မာလည်း ထို့အတူ လွတ်လပ် ရေးပေးခဲ့ပါသော်လည်း အိန္ဒိယ၏ အများစု ဗုဒ္ဓဘာသာထဲမှအနည်းစုအစ္စလာမ်ဘာသာ ယုံကြည်သူများကို ခွဲထွက်ရန် ဗြိတိသျှတို့ စီစဉ်ခဲ့သည်။ထို့ကြောင့် အိန္ဒိယမှပါကစ္စတန်၊ ထိုမှ ဘင်္ဂလားဒေ့ရ်ှဟူ၍ အသီးသီး ပေါ် ပေါက်လာခဲ့၏။ ပါကစ္စတန်၊ ဘင်္ဂလား ဒေ့ရ်ှသည် အစ္စလာမ်ကိုးကွယ်သူအများစု ဖြစ်လာခဲ့သည်။
အိန္ဒိယ-ပါကစ္စတန်သည် ဘာသာရေး၊ ယုံကြည်မှုအခြေခံ ဆန့်ကျင်ဘက်ဖြစ်၍ စကတည်းက သမိုင်းကြောင်း မကောင်း ခဲ့ပါ။ စစ်ပွဲ လေးကြိမ်ဖြစ်ခဲ့သည်။
၁၉၄၇ စစ်ပွဲ
ဗြိတိသျှလက်အောက်မှ လွတ်လပ်ရေး ရသောကာလဖြစ်သည်။ ကက်ရ်ှမီးယား ဒေသ စော်ဘွားသည် အစ္စလာမ်ဘာသာ ကိုးကွယ်သူအများစုဖြစ်သော်လည်း အုပ် ချုပ်သူတို့က ဟိန္ဒူဘာသာဝင်များ ဖြစ်ကြ သဖြင့် အိန္ဒိယသို့မဟုတ် ပါကစ္စတန်နှင့် ပေါင်းစည်းရေး အခက်တွေ့ကြရသည်။ (ယနေ့မူကက်ရ်ှမီးယားကိုအိန္ဒိယကထိန်းချုပ် ထားသည်။)အုပ်ချုပ်သူသစ္စာခံတစ်ဖက်နှင့် ပါကစ္စတန် အထောက်အပံ့ခံ တော်လှန် သူတို့က တစ်ဖက် စစ်ဖြစ်ကြသည်။ ၁၉၄၉ တွင် ကုလသမဂ္ဂမှ စေ့စပ်ဖြေရှင်းပေးသည်။ ကက်ရ်ှမီးယား တောင်ကြား ဂျမ်မူနှင့် လာဒက်(စ်) အပါအဝင် ဒေသတစ်ခုလုံး၏ သုံးပုံနှစ်ပုံကို အိန္ဒိယက ထိန်းချုပ်ခွင့်ရပြီး ပါကစ္စတန်က သုံးပုံ တစ်ပုံကို ထိန်းချုပ်ခွင့် ရခဲ့သည်။
၁၉၆၅ စစ်ပွဲ
အိန္ဒိယထိန်းချုပ်ရာ နယ်မြေဖြစ်သော ဂျမ်မူနှင့်ကက်ရ်ှမီးယားတွင် ပါကစ္စတန်မှ အထူးတပ်ဖွဲ့များ ကြိုတင်စိမ့်ဝင်ထားပြီး သူပုန်ထရာမှ အစပြုသော စစ်ပွဲဖြစ်သည်။ အိန္ဒိယဘက်မှ အင်အားကြီးမားစွာဖြင့် တုံ့ပြန်ခဲ့သည်။ ဒုတိယစစ်ပွဲမှာ ၁၇ ရက် သာ ကြာမြင့်သော်လည်း နှစ်ဖက်စစ်သည် 'ထောင်ချီ' သေဆုံးခဲ့သည်။ ဒုတိယ ကက်ရ်ှမီးယားပဋိပက္ခ (စစ်ပွဲ)ဟုသမိုင်းတွင် အမည်တွင်ပြီး စစ်ပွဲကြီးတစ်ခုဖြစ်ခဲ့သည်။
(၁၉၇၁)စစ်ပွဲ
အိန္ဒိယ-ပါကစ္စတန် တတိယစစ်ပွဲဟု ဆိုရမည့် စစ်ပွဲမှာ အရှေ့ပါကစ္စတန်မှ ဘင်္ဂလားဒေ့ရှ် ခွဲထွက်ရန် ကြိုးစားမှုမှ မြစ်ဖျားခံခဲ့သည်။ ပါကစ္စတန်၏ စနစ်တကျ စီမံထားသော စစ်ဆင်ရေးဖြင့် လူမျိုး သုတ်သင် ရှင်းလင်းမှုကြောင့် ဘင်္ဂလီ ၁ဝ သန်းခန့် အိန္ဒိယနယ်သို့ စစ်ရှောင်ခိုလှုံလာ ခဲ့သည်။ ဘင်္ဂလားဒေ့ရှ် လွတ်လပ်ရေး ရနိုင်ရန် အိန္ဒိယက ကူညီခဲ့သည်ဟုဆိုကာ နှစ်နိုင်ငံကြား စစ်မက်ဖြစ်ပွားလာခဲ့သည်။
အိန္ဒိယ အနောက်ပိုင်း ပါကစ္စတန်က ထိုးဖောက်စစ်ဆင်ခဲ့သော်လည်း နယ်ခြား စောင့် အိန္ဒိယတပ်များက ကြံ့ကြံ့ခံ တော် လှန်ရင်း ပြည်ပမှစစ်ကူများဖြင့် ပါကစ္စတန် နယ်မြေအတွင်း အိန္ဒိယပြန်လည်ထိုးဖောက် သိမ်းယူနိုင်ခဲ့သည်။ ၁၉၇၂ တွင် အိန္ဒိယက သဘောထားကြီးကြောင်း ပြသပြီး တပ်များ ပြန်လည် နောက်ဆုတ်ပေးကာ နိုင်ငံရေး အမြတ်ကြီးကြီး ရသွားခဲ့သည်။ ဤ တတိယစစ်ပွဲသည် ပါကစ္စတန်တို့ အထိ နာခဲ့ပြီး စစ်သည် အရပ်သား စုစုပေါင်း ၉ဝဝဝဝ ကျော် သုံ့ပန်းအဖြစ်ရောက်ရှိခဲ့ သည်။ပါကစ္စတန်ဘက်မှ သွေးမြေအကျဆုံး၊ ဆုံးရှုံးမှု အကြီးမားဆုံး စစ်ပွဲအဖြစ် မှတ် တမ်းဝင်ခဲ့ပြီး ပါကစ္စတန်၏ ရေတပ် ၅ဝ ရာခိုင်နှုန်း၊ လေတပ် ၂၅ ရာခိုင်နှုန်း၊ ကြည်း တပ် ၃၃ ရာခိုင်နှုန်း စစ်ပွဲအတွင်း ပျက်စီး ဆုံးရှုံးခဲ့သည်။

၁၉၉၉ စစ်ပွဲ
ကာဂီလ်စစ်ပွဲဟု လူသိများသော အိန္ဒိယ-ပါကစ္စတန် မကြေစစ်ပွဲသည် (၁၉၉၉)တွင် စတုတ္ထအကြိမ်ဖြစ်ပွားခဲ့သည်။ပါကစ္စတန်တပ်များက နယ်ခြားစည်းကို ကျော်ဖြတ်ကာ ကက်ရ်ှမီးယားဒေသ၊ကာဂီလ် ခရိုင်ကို စတင်သိမ်းပိုက်ခဲ့သည်။ အိန္ဒိယ ဘက်မှ ကြီးမားသော စစ်အင်အားဖြင့် စေ လွှတ် တိုက်ခိုက်ခဲ့သည်။ နယ်မြေအများစု ကို အိန္ဒိယ ပြန်လည်သိမ်းပိုက်နိုင်ခဲ့သည်။စစ်ပွဲမှာ နှစ်လခန့်ကြာမြင့်ခဲ့ပြီး အမေရိကန် ဦးဆောင်သော ကမ္ဘာ့မိသားစုက ကျူးကျော် သူ ပါကစ္စတန်ကို ဖိအားပေးခဲ့သည်။
နောက်ဆုံးပြည်တွင်းစီးပွားရေးကျဆင်း မှုနှင့်လည်း ကြုံကြိုက်လာရာ ပါကစ္စတန်တို့ ပြန်၍ စစ်ဆုတ်ပေးခဲ့သည်။ ဤစစ်ပွဲတွင် လည်း ပါကစ္စတန် ခြေလျင်တပ်ဖွဲ့ဝင် အများအပြား အသက်ဆုံးရှုံးခဲ့သည်။
၂ဝ၁၉ မှာ ပဉ္စမစစ်ပွဲဖြစ်နိုင်သလား
စတုတ္ထစစ်ပွဲဖြစ်ခဲ့သည်မှာ နှစ်၂ဝ ကြာ လွန်ခဲ့ပါပြီ။ (၁၉၄၇-၁၉၉၉) ဟူသော ၅၂နှစ်အတွင်း အိန္ဒိယ-ပါကစ္စတန်စစ်ပွဲ လေးကြိမ် ဖြစ်ခဲ့သည်။ လေးကြိမ်လုံး ပါကစ္စတန်ဘက်မှသာ အရှုံးနှင့် ရင်ဆိုင် ခဲ့ရ၏။ ပျမ်းမျှစစ်ပွဲတစ်ပွဲကြား ၁၃နှစ်ကြာ ခြားသည်။ ယခုနှစ် ၂ဝ အတွင်း နှစ်ဖက် တိုက်ခိုက်မှုစတင်ခဲ့သည်။စစ်ဖြစ်မလားဟု စိုးရိမ်ကြ၏။
မျက်မှောက်နိုင်ငံရေးအခြေအနေ၊ စီးပွား ရေး အခြေအနေများအရ စစ်ပွဲကြီးတစ်ခု အထိ မရောက်ရှိနိုင်ပါဟုသာ သုံးသပ် နိုင်ပါ၏။ နှစ်ပေါင်း ၂ဝ ကျော်အတွင်း ပါကစ္စတန်သည် ကြီးကြီးမားမား တိုး တက်မှု မရှိသေးသော်လည်း အိန္ဒိယသည် ၂ဝ၃ဝ ပြည့်နှစ်တွင် အမေရိကန်ကိုပင် ကျော်ဖြတ်ရန် တာစူနေသော အခြေအနေ အထိ တိုးတက်ပြောင်းလဲလာခဲ့ပြီဖြစ်၍ ပါကစ္စတန် ဝန်ကြီးချုပ် 'ခန်း' အနေဖြင့် အားမတန် မာန်လျှော့ရပါလိမ့်မည်။
မာန်မလျှော့ဘဲ ကြည်း၊ရေ၊လေ ပါဝင် သော စစ်ပွဲတစ်ခုသို့ ရောက်ရှိလာပါက အချိန်တိုအတွင်း ပါကစ္စတန်သည် သမိုင်း ဝင် စစ်ပွဲတစ်ခု အထိနာသွားနိုင်ပါသည်။ ဝန်ကြီးချုပ် 'ခန်း' အနေဖြင့် ထိုမျှလောက် မိုက်မဲလိမ့်မည်မထင်ပါ။
စစ်ရေး၊ မဟာမိတ် နှိုင်းယှဉ်ချက်
ယနေ့ခေတ်သစ်စစ်ပွဲတွင် ထိုနိုင်ငံပိုင် စစ်အင်အားတစ်ခုတည်းဖြင့် အကဲဖြတ်ရန် မလုံလောက်တော့ပါ။ အရေအတွက်ထက် မည်မျှ ခေတ်မီအစွမ်းထက်သော စစ်ရေး ပစ္စည်းများအသုံးချနိုင်မှု၊ ခေါင်းဆောင်၏ အရည်အချင်းအပြင် မဟာမိတ်နိုင်ငံများနှင့် ကမ္ဘာ့အခြေအနေကိုပါ ထည့်သွင်း တွက် ချက်နိုင်ပါမှ တော်ရုံကျပေလိမ့်မည်။
အသေးစိတ် မဖော်ပြတော့ပါသော် လည်း အိန္ဒိယ၊ ပါကစ္စတန် Military Power နှိုင်းယှဉ်ချက်ကို-
Man Power
Air – craft
Helicopter
Tank
Naval
Nuclear
စသော အခြေခံအင်အားဖြင့် နှိုင်းယှဉ် လျှင်ပင် အိန္ဒိယက ပါကစ္စတန်ထက် များစွာ သာလွန်နေသည်ကိုတွေ့ရသည်။ နိုင်ငံ၏ စီးပွားရေးကိုလေ့လာလျှင်လည်း အိန္ဒိယစီး ပွားရေးက ကောင်းမွန်လျက်ရှိပြီး စစ်အသုံး စရိတ်ကိုခံနိုင်သည့် အခြေအနေတွင် ရှိနေ သည်။ ခေါင်းဆောင်ပိုင်း၏ ရပ်တည်ချက် နှင့် ပြတ်သားမှုကို လေ့လာလျှင်လည်း မိုဒီ သည် နာမည်တစ်လုံးနှင့် ကျော်ကြားခဲ့သူ ဖြစ်သည်။ ဂူဂျာရတ်ပြည်နယ်ဝန်ကြီးချုပ် ဘဝက သူ့လက်သံကို အစ္စလာမ္မစ်များ မြည်းစမ်းခဲ့ဖူးပြီးဖြစ်သည်။
ပါကစ္စတန်ဝန်ကြီးချုပ် 'ခန်း'က ခရစ် ကက်သမားဘဝမှ နိုင်ငံရေးထဲ ဝင်လာသူ ဖြစ်ပြီး မိုဒီကဲ့သို့ အစဉ်လာရှိသူ၊ လက်သံ ပြောင်သူမဟုတ်ချေ။ မဟာမိတ်နောက်ခံကို လေ့လာလျှင်လည်း ပါကစ္စတန်သည်OIC ထောက်ခံမှုလောက်သာရနိုင်ပြီး အိန္ဒိယကို ယှဉ်ပြိုင်၍ မရနိုင်သေးချေ။
ဆိုရလျှင် ယနေ့ အိန္ဒိယ-ပါကစ္စတန် စစ်ရေးထိတွေ့မှုသည် စစ်ပွဲငယ်၊ တစ်ဖက် နှင့်တစ်ဖက် ကစားမှုကြား အနည်းငယ်မျှ မြင့်တက်ရုံမှတစ်ပါး နိုင်ငံအဆင့် စစ်ပွဲ အဆင့်သို့ ဖြစ်လာစရာအကြောင်းမရှိပါချေ။
ပါကစ္စတန်သည် အကြမ်းဖက်လက်ခံရာ ဌာနကြီးအဖြစ် ငြင်းမရပါ
အကြမ်းဖက်JeM၏အခြေစိုက်စခန်း မှာ ပါကစ္စတန်နယ်မြေထံတွင် မရှိပါဟု ငြင်းမဲ့သာငြင်းနေရပါသည်။ အိန္ဒိယက ဗုံးကြဲဓာတ်ပုံရိုက်ပြီး ကမ္ဘာကို လွှင့်ထုတ် ပြသခဲ့ပြီးဖြစ်ပါ၏။ ပါကစ္စတန်အနေဖြင့် အကြမ်းဖက်များကိုလက်ခံရာ၊ လေ့ကျင့်ရာ၊ မွေးမြူရာ နယ်မြေအဖြစ် တစ်နေ့ထက် တစ်နေ့ ပို၍ထင်ရှားလာခဲ့ပါပြီ။ တစ်ကမ္ဘာ လုံးနီးနီး သိထားသောအချက်ဖြစ်သည်။
အရှေ့အလယ်ပိုင်းစစ်အတွင်း ရုရှားတို့ ဝင်ရောက်လာခဲ့ရာ ခေတ်သစ် လက်နက် ဆန်းများကိုမယှဉ်နိုင်သဖြင့် ISများ အနေဖြင့် အာဖဂန်နစ္စတန်သို့ အစုအဝေး လိုက် ထွက်ပြေးခဲ့ကြသည်။ ထို့နောက် နယ်မြေချင်း ထိစပ်လျက်ရှိသော အကြမ်း ဖက် အချို့မှာ ပါကစ္စတန်တွင်းသို့ ဝင် ရောက်လာခဲ့ကြသည်။ ISတို့ကို ပင်မ ထောက်ပံ့နေသူမှာ ဆော်ဒီ ဖြစ်နေပြီး ပါကစ္စတန်အနေဖြင့် အကြမ်းဖက်တို့ကို လက်ခံခြင်းအားဖြင့် အကျိုးအမြတ်ရရှိနေခဲ့ ပါသည်။
အကြမ်းဖက်ကို စတင်သန္ဓေတည်ခဲ့သူ မှာ အမေရိကန်ဖြစ်သော်လည်း၊ များစွာ ကြီးမားလာခဲ့သော IS အကြမ်းဖက်များ ၏ အန္တရာယ်ကိုလည်း ပြန်မြင်လာခဲ့သဖြင့် အမေရိကန်တို့ မူဝါဒအပြောင်းအလဲ လုပ်ခဲ့ ရတော့သည်။ အကြမ်းဖက် ပြန်လည် နှိမ်နင်းရေးတွင် အကြမ်းဖက် လက်ခံထား သော ပါကစ္စတန်ကို အမေရိကန်က ငွေ ကြေး ဘီလီယံချီ ထောက်ပံ့ပြီး ပူးပေါင်း ဆောင်ရွက်ခဲ့ပါသော်လည်း ပါကစ္စတန် တွင် မီးစတစ်ဖက်၊ ရေမှုတ်တစ်ဖက် မူဝါဒ ကြောင့် မျှော်မှ