images
UN
UN
ဘာကီနာဖာဆိုတွင် မည်သူမည်ဝါမှန်းမသိသည့် ရန်ပြုသူများတိုက်ခိုက်မှုကြောင့် လူ ၁၉ ဦးသေဆုံး
KK(IR) Wednesday, 12 June 2019
အနောက်အာဖရိကရှိ ကုန်း ပိတ်နိုင်ငံတစ်ခုဖြစ်သည့် ဘာကီ နာဖာဆိုမြောက်ပိုင်းရှိ အာဘင်ဒါ မြို့တွင် ယခုလ၉ရက်က မည်သူ မည်ဝါမှန်းမသိသည့် ရန်ပြုသူများ ၏တိုက်ခိုက်မှုကြောင့် လူ ၁၉ဦး သေဆုံးခဲ့ရပြီး ၁၃ ဦးဒဏ်ရာရရှိ ခဲ့ရကြောင်း အစိုးရမှထုတ်ပြန် ကြေညာခဲ့သည်။
ဘာကီနာဖာဆိုတွင် ပြီးခဲ့သည့် လများအတွင်း ဖြစ်ပွားခဲ့သည့် အကြမ်းဖက်တိုက်ခိုက်မှုကြောင့် လူပေါင်းရာနှင့်ချီ သေဆုံးခဲ့ရပြီး မိုးခေါင်ခြောက်သွေ့သည့် ဆာဟဲ ဒေသတစ်ဝန်းတွင်လည်းလက်နက် ကိုင်အုပ်စုများက လွှမ်းမိုးသောင်း ကျန်းနေမှုကြောင့်ဒေသခံ၁၅ဝဝဝဝ ကျော်တို့သည် မဖြစ်မနေ နေရပ်စွန့် ကာထွက်ပြေးခဲ့ကြရသည်။ ဘာ ကီနာဖာဆိုသည် အိမ်နီးချင်း မာလီ နိုင်ငံမှ အကြမ်းဖက်တိုက်ခိုက်မှု များ ကူးစက်သည့်ဒဏ်ကို ခံစား နေရခြင်းဖြစ်သည်။
လုံခြုံရေးအခြေအနေ ယိုယွင်း ပျက်စီးနေမှုကြောင့် အစိုးရက ပြီးခဲ့ သည့်ဒီဇင်ဘာလတွင် မာလီနှင့် နယ်နိမိတ်ထိစပ်နေသည့် မြောက် ပိုင်းရှိ ပြည်နယ်များစွာတို့ကို နိုင်ငံ တော်အရေးပေါ်အခြေအနေအဖြစ် ကြေညာခဲ့ပြီး လက်နက်ကိုင်တိုက် ခိုက်သူများကArbinda's Soum ပြည်နယ်ရှိ အရပ်သားများကို တိုက်ခိုက်မှုကြောင့် နိုင်ငံတော် အရေးပေါ်အခြေအနေကြေညာမှု ကို နောက်ထပ်ခြောက်လတိုးမြှင့် ခဲ့ရသည်။
ဘာကီနာဖာဆို စစ်တပ်ဖွဲ့များ သည် အခင်းဖြစ်ပွားရာနေရာ တစ်ဝိုက်တွင် ရှာဖွေမှုစစ်ဆင်ရေး များကို လုပ်ဆောင်နေပြီဖြစ် ကြောင်း အစိုးရက ယခုလ ၁ဝ ရက်တွင်ကြေညာခဲ့သည်။ ဘာကီ နာဖာဆိုတွင် နိုင်ငံလူဦးရေ၏ ရာခိုင်နှုန်း ၆ဝ သည် မူဆလင်များ ဖြစ်ကြပြီး ခရစ်ယာန်ဘာသာဝင် ၂၅ ရာခိုင်နှုန်းနှင့် အခြားသော ဘာသာများကိုးကွယ်သူ ၁၅ ရာခိုင်နှုန်းရှိသည်ဟု သိရသည်။
Ref: Aljazeera