images
UN
UN
အထည်ချုပ်စက်ရုံများကြောင့် ဘင်္ဂလားဒေ့ရ်ှနိုင်ငံအတွင်းရှိ မြစ်ကြီးများ ညစ်ညမ်းမှုမြင့်တက်လာ
Monday, 01 July 2019
ဘင်္ဂလားဒေ့ရ်ှနိုင်ငံအတွင်းရှိ အရေအတွက်များပြားသော အထည် ချုပ်စက်ရုံများကြောင့် မြစ်ကြီးများတွင် ညစ်ညမ်းမှုအခြေအနေဆိုးရွား မှုနှုန်း မြင့်တက်လာကြောင်း အယ်လ်ဂျာဇီးယားသတင်းဌာနက ဖော် ပြသည်။
ဘင်္ဂလားဒေ့ရ်ှနိုင်ငံသည် ကမ္ဘာပေါ်တွင် အထည်ချုပ်လုပ်ငန်းများ မှ ထွက်ရှိသောထုတ်ကုန်အများဆုံးတင်ပို့သည့် နိုင်ငံများစာရင်းတွင် ပါဝင်နေသောနိုင်ငံဖြစ်သည်။ အထည်ချုပ်လုပ်ငန်းများသည် ဘင်္ဂလား ဒေ့ရ်ှနိုင်ငံ၏ ပို့ကုန်ကဏ္ဍအတွက် အဓိကကျသောလုပ်ငန်းများဖြစ်သည့် အပြင် အလုပ်အကိုင်အခွင့်အလမ်း သန်းနှင့်ချီ၍ ဖန်တီးပေးထားသော ကြောင့် အရေးပါသောအနေအထားတွင် ရှိနေသည်။ သို့သော် အထည် ချုပ်စက်ရုံများတွင် အသုံးပြုသော ဆိုးဆေးများနှင့်ဓာတုပစ္စည်းများ ပါဝင်သောရေများကို မြစ်များအတွင်းသို့ စည်းကမ်းမဲ့စွန့်ပစ်ခြင်းကြောင့် မြစ်များတွင် ရေထုညစ်ညမ်းမှုများဖြစ်ပေါ်ခဲ့သည်။ လက်ရှိအချိန်၌ ဘင်္ဂလားဒေ့ရ်ှနိုင်ငံအတွင်းရှိ မြစ်သုံးစင်းတွင် အထည်ချုပ်စက်ရုံများမှ စွန့်ပစ်သောရေဆိုးများကြောင့် မြစ်အတွင်းရှိ ရေနေသတ္တဝါများနှင့် မြစ်ရေအား မှီခိုနေသောသက်ရှိများ သေဆုံးနိုင်သည့်ရေထုညစ်ညမ်းမှု များ ဖြစ်ပေါ်နေကြောင်း တွေ့ရှိထားသည်။ NG(Ref; Aljazeera)