images
UN
UN
ဗိုလ်ချုပ်ထံမှမောင့်ဘက်တန်သို့ပေးစာ
တက္ကသိုလ်သင်္ခ Monday, 08 July 2019
အမျိုးသားခေါင်းဆောင်ကြီးဗိုလ်ချုပ် အောင်ဆန်းနှင့် ခေါင်းဆောင်ကြီးများ ကျဆုံးခဲ့သည်မှာ ယခုနှစ်ဇူလိုင်လ ၁၉ ရက်နေ့တွင် (၇၂)နှစ်ပြည့်ပေပြီ။
(၇၂)နှစ်ဆိုသောကာလမှာ လူ့သက် တမ်းအရ နှစ်ပေါင်းကြာညောင်းခဲ့ပြီ ဟုဆိုနိုင်သော်လည်း ဗိုလ်ချုပ်တို့ကျဆုံး ခဲ့သည့်ဖြစ်ရပ်ကို ပြန်လည်စဉ်းစားကြည့် သောအခါ ပူပူနွေးနွေးရှိနေသေးသည်ဟု ထင်ရ၏။ အထူးသဖြင့် ဗိုလ်ချုပ်အောင် ဆန်း၏ ပုံရိပ်သွင်သည် ပြည်သူတို့၏ နှလုံးသားကြေးမုံပြင်တွင် အစဉ်အမြဲပေါ် လွင်နေဆဲပင်။
ဗိုလ်ချုပ်ကဲ့သို့တော်တည့်ဖြောင့်မတ် မှန်ကန်သူ၊ တိုင်းပြည်နှင့် လူမျိုးအပေါ် သစ္စာရှိသူ၊ မျိုးချစ်စိတ်ဓာတ်ပြင်းထန်သူ၊ ဇွဲလုံ့လရှိ၍ အဆင်းရဲအပင်ပန်းခံနိုင်သူ၊ အနစ်နာခံနိုင်သူ၊ သူလိုလူဇမ္ဗူတွင်မရှိဟု ဆိုလောက်သည်။ ဗိုလ်ချုပ်၏ ထူးခြား သောသတ္တိစွမ်းရည်တို့ကို မြန်မာပြည်သူ တို့အနေဖြင့် ချီးကျူး၍မကုန်၊ ဂုဏ်ယူလို့ မဆုံးရှိချေသည်။
ဗိုလ်ချုပ်၏ ကိုယ်ကျိုးမဖက် တိုင်း ပြည်အကျိုးအတွက် အနစ်နာခံဆောင် ရွက်ပုံကို ဖော်ပြလိုပါ၏။
ဖက်ဆစ်တော်လှန်ရေးကြီးပြီးသည့် နောက် မြန်မာတစ်မျိုးသားလုံးသည် တော်လှန်ရေးအလံတော်အောက်တွင် စုစည်းမိခဲ့ကြ၏။တော်လှန်ရေး၏အဓိက ပန်းတိုင်သည် ဖက်ဆစ်ကိုတိုက်ခိုက်ရန် မျှမဟုတ်၊ တစ်မျိုးသားလုံးစည်းလုံး၍ လွတ်လပ်ရေးအောင်ပန်းကို ဆင်မြန်းရ သည်အထိ ဆက်လက်ချီတက်သွားရန် ဖြစ်သည်။
ထိုစဉ်က ဖက်ဆစ်တော်လှန်ရေးကို အောင်မြင်စွာ ခေါင်းဆောင်ခဲ့သော ဗိုလ် ချုပ်အောင်ဆန်းအမှူးပြုသည့် ဖဆပလ အဖွဲ့ ကိုယ်စားလှယ်များနှင့် လူဝီမောင့် ဘက်တန်အမှူးပြုသော ဗြိတိသျှစစ်ဗိုလ် ချုပ်များ၏ ဆွေးနွေးပွဲကို ၁၉၄၅ ခုနှစ် စက်တင်ဘာလတွင် ကန္ဒီမြို့၌ကျင်းပ ၍ မြန်မာ့မျိုးချစ်တပ်မတော်ကို မြန်မာ ပြည်ထာဝရ တပ်မတော်အဖြစ် ပြန်လည် ဖွဲ့စည်းရေးကို ညှိနှိုင်းခဲ့ကြ၏။
သီဟိုဠ်နိုင်ငံ ကန္ဒီမြို့၌ ပြုလုပ်သော ထိုဆွေးနွေးပွဲသည် ဗိုလ်ချုပ်အောင်ဆန်း နှင့် လူဝီမောင့်ဘက်တန်တို့နောက်ဆုံး တွေ့ဆုံသော ဆွေးနွေးပွဲပင်ဖြစ်ပါ၏။ ထို့ ကြောင့် ဗိုလ်ချုပ်အောင်ဆန်းသည် ကန္ဒီ မှ ပြန်ရောက်လာပြီးနောက် လူဝီမောင့် ဘက်တန်ထံသို့ နောက်ဆုံးနှုတ်ဆက် သည့်အနေဖြင့် စာတစ်စောင်ရေးသားပေး ပို့ခဲ့၏။ စာ၏မိတ္တူတစ်စောင်ကိုလည်း ဘုရင်ခံဆာဒေါ်မန်စမစ်ထံပေးပို့ခဲ့သည်။
ဗိုလ်ချုပ်အောင်ဆန်း၏ ပေးစာကို(Maurice Collis)မောရစ်ကောလစ်က မြန်မာ့သမိုင်းတွင် စိတ်ဝင်စားဖွယ် ကောင်းသောအကြောင်းအရာတစ်ခုအဖြစ် ဝေဖန်သုံးသပ်ချက်များနှင့် တင်ပြထား လေသည်။ ဗိုလ်ချုပ်၏ သမိုင်းဝင်ပေးစာ သည် တစ်ဖက်တွင် ပွင့်လင်းမှုအပြည့် အဝရှိသကဲ့သို့ အခြားတစ်ဖက်တွင် လျှို့ ဝှက်ထိမ်ချန်မှုရှိသော စကားများဖြစ် သည်။ တစ်ဖက်တွင် ချစ်ခင်လေးစားမှု ကို ဖော်ပြသကဲ့သို့ အခြားတစ်ဖက်တွင် ခြိမ်းခြောက်မှုပြုနေသော စာလည်းဖြစ် သည်ဟု မောရစ်ကောလစ်က ဆိုသည်။
ဗြိတိသျှတို့ မြန်မာပြည်၌ ဖွဲ့စည်း သောတပ်တွင် ဗိုလ်ချုပ်ဝင်ရောက် အမှု ထမ်းလိုပါက ဒုတိယဗိုလ်ချုပ်ကြီးအဆင့်(Deputy Inspector General)ရာထူးနှင့် ဝင်ရောက်အမှုထမ်းနိုင်ကြောင်းကမ်းလှမ်း ချက်ကို ဗိုလ်ချုပ်က ငြင်းပယ်လိုက်လေ သည်။


ဗိုလ်ချုပ်က လူဝီမောင့်ဘက်တန်သို့ ပေးပို့သောစာတွင် မိမိ၏ငြင်းပယ်ချက်ကို အမြင်လှအောင် ရှင်းပြထားသည်။
''စစ်တပ်တွင် ဆက်လက်၍ အမှု မထမ်းနိုင်သည့်အတွက် ကျွန်ုပ်လည်း စိတ်မကောင်းဖြစ်ရပါသည်။ အမျိုးမျိုး သော အသက်မွေးဝမ်းကျောင်း အလုပ် အကိုင်များအနက် ကျွန်ုပ်၏ပုဂ္ဂလိက ဝါသနာမှာ စစ်ဘက်တွင်သာ အမှုထမ်း လိုခြင်းဖြစ်ပါသည်။ နောင်လာမည့် အနာ ဂတ်နိုင်ငံရေးနယ်ပယ်တွင် မြန်မာနှင့် ဗြိတိန်နှစ်နိုင်ငံအကြား၌ နိမ့်တုံမြင့်တုံ လောကဓံတရားအားလုံးကို ကျွန်ုပ်တို့ ရင်ဆိုင်ဖြေရှင်းရမည့်အလားအလာများ ရှိ နေငြားသော်လည်း ကျွန်ုပ်တို့မြန်မာများ ကို နည်းအမျိုးမျိုးနှင့် စိတ်ရောကိုယ်ပါ အဘက်ဘက်မှ ရိုင်းပင်းကူညီခဲ့သော ပုဂ္ဂိုလ်တစ်ဦးဖြစ်သည့် မိတ်ဆွေကြီးလူဝီ သည် ကျွန်ုပ်တို့၏နှလုံးသားတစ်နေရာ တွင် ချစ်ခင်လေးစားမှုနှင့် ထာဝရရှိနေ မည်ပင်ဖြစ်ပါသည်။
''ထို့ကြောင့်လည်း မိတ်ဆွေကြီး အကြံပေးသည့်အတိုင်း ကျွန်တော်တပ်မ တော်တွင် ဝင်ရောက်အမှုထမ်းသင့်ခြင်း ဖြစ်ပါသည်။ သို့ပါသော်လည်း ဖဆပလ အဖွဲ့ချုပ်မှ မိမိ၏ရဲဘော်ရဲဘက် လုပ်ဖော် ကိုင်ဖက်များကတပ်မတော်တွင်ဝင်ရောက် အမှုထမ်းရန် မိမိအားခွင့်မပြုကြပါ။ သို့ ပါ၍ ၄င်းတို့၏ဆုံးဖြတ်ချက်ကို နာခံ သည်မှလွဲ၍ အခြားတစ်ပါးသောရွေးချယ် ဆုံးဖြတ်ပိုင်ခွင့် မိမိတွင်မရှိတော့ပါ''
အထက်ပါဗိုလ်ချုပ်အောင်ဆန်း၏ စာသည် ခံစားမှုအပြည့်ရှိသကဲ့သို့ ထူး ခြားဆန်းပြားမှုလည်းရှိသော စာဖြစ် သည်ဟု မောရစ်ကောလစ်က မှတ်ချက် ပြုထားသည်။ ထို့နောက်ဗိုလ်ချုပ်အောင် ဆန်းက စာကိုဆက်လက်ရေးသားထား သည်မှာ ''တပ်မတော်မှမထွက်ခွာမီ ကျွန်တော်မိတ်ဆွေကြီးကိုနှုတ်ခွန်းဆက်သ ခဲ့ပါတယ်။ တပ်မတော်မှထွက်ခွာပြီး နောက် ကြမ်းတမ်းတဲ့အနာဂတ်ကိုရင်ဆိုင် ရဖို့အလားအလာတွေရှိနေတဲ့နိုင်ငံရေး လောကကို ကျွန်တော်ဝင်ရောက်ရပါ တော့မယ်။ မည်ကဲ့သို့သော အနာဂတ် ကို ရင်ဆိုင်ရသည်ဖြစ်စေ ကျွန်တော်တို့ အတွက် အမှန်တကယ်ကျရောက်လာ မည့် နိုင်ငံရေးဘဝမုန်တိုင်းသည် ယခု လက်ရှိ ပေါ်လွင်နေသော အရိပ်အယောင် များကဲ့သို့ ပြင်းထန်လိမ့်မည်မဟုတ်ဟု သာ ကျွန်တော်မျှော်လင့်နေရပါတော့ သည်။ ယခုမျက်မှောက်ကာလတွင် မိတ်ဆွေကြီးနှင့် ကျွန်တော်တို့တစ်တွေကို နှောင်ဖွဲ့ထားသည့် ချစ်ကြည်ခင်မင်မှု ပြည့်ဝသည့် ဆက်ဆံရေးကို ကျွန်တော် တို့ ထာဝရထိန်းသိမ်းထားနိုင်မည်ဟု ကျွန်တော် မျှော်လင့်ပါတယ်။ အရှေ့ တောင်အာရှတွင် ယခုပင် ပြီးဆုံးသွား သော စစ်ကြီးအတွင်းက ကျွန်တော်တို့ မြန်မာများအပေါ်၌ မိတ်ဆွေကြီးပြုခဲ့ သည့် ကျေးဇူးတရားများကို ကျွန်တော် လေးစားတန်ဖိုးထားမှု၏ အမှတ်တရ ပစ္စည်းအဖြစ် ကျွန်တော်ယခုလက်ဆောင် အဖြစ်ပေးသည့် ဤဂျပန်ဆာမူရိုင်းဓား ရှည်ကို လက်ခံ၍ ထာဝရထိန်းသိမ်းထား ရန် ကျွန်တော်မေတ္တာရပ်ခံပါသည်။''
ခင်မင်လေးစားမှုနှင့်ရိုးသားစွာဖြင့်
အောင်ဆန်း
[မှတ်ချက်။ ။ဗိုလ်ချုပ်အောင်ဆန်း၏ လူဝီမောင့်ဘက်တန်ထံသို့ ပေးပို့သောစာ ကို အင်္ဂလိပ်ဘာသာဖြင့်ရေးသားထား ခြင်းဖြစ်ပြီး ''ဗိုလ်ချုပ်အောင်ဆန်းအား လုပ်ကြံမှုနောက်ကွယ်မှ လူထုမသိသေး သော နှစ်ဖက်ချွန်လောက်ကောင်များ'' စာအုပ်ရေးသားသူစာရေးဆရာဒေါက်တာ သိန်းထွန်းက မြန်မာဘာသာပြန်ဆိုထား ခြင်းဖြစ်သည်။]
အသက် ၂ဝ ကျော်အရွယ် ဗိုလ်ချုပ် အောင်ဆန်းက အရှေ့တောင်အာရှဒေသ တစ်ခုလုံးမှ မဟာမိတ်တပ်များ၏ မဟာ သေနာပတိချုပ်ကို တန်းတူရည်တူတစ် ယောက်အဖြစ်သဘောထား၍စာရေးသား ဆက်ဆံနိုင်သူပင်ဖြစ်သည်ဟု မောရစ် ကောလစ်က မှတ်ချက်ချ၍ ဗိုလ်ချုပ် အောင်ဆန်းကို ချီးကျူးခဲ့ပါ၏။
အလျဉ်းသင့်၍ လူဝီမောင့်ဘက်တန် ၏ မြန်မာပြည်လူထုအပေါ်ထားရှိသည့် ၄င်း၏မူဝါဒသဘောထားကို ဖော်ပြလိုပါ ၏။ မောင့်ဘက်တန်သည် ဘီအိုင်အေ ခေတ်မှစခဲ့သောမြန်မာတပ်များသည် ဗြိတိသျှအစိုးရကို တော်လှန်သူများဖြစ် သော်လည်း ၄င်းတို့၏အပြုအမူများကို ရာဇဝတ်မှုများဟု မသတ်မှတ်ဘဲ အမျိုး သားလွတ်မြောက်ရေးလှုပ်ရှားမှုများ အဖြစ်သာ နားလည်လက်ခံခဲ့သည်။
ထိုမျှမကသေးပါ။ နိုင်ငံရေးနှင့်ပတ် သက်၍ တရားစွဲဆိုမှု၊ပြစ်ဒဏ်ပေးမှုဟူ သမျှကို သူ့အားချက်ချင်းအစီရင်ခံရန်နှင့် သေဒဏ်ချမှတ်မှုများရှိခဲ့လျှင်လည်း သေဒဏ်မပေးမီ သူ့အားအစီရင်ခံရန် ကိုလည်း မောင့်ဘက်တန်က အမိန့်ထုတ် ပြန်ခဲ့သည်။ ဤကဲ့သို့သောမူဝါဒသည် ဓမ္မဓိဋ္ဌာန်ကျသောမူဝါဒလည်းဖြစ်သည်။ မြန်မာတို့နှင့်ပြေချောအောင် ဆက်ဆံရေး ကိုဖြစ်ထွန်းစေမည့်မူဝါဒလည်းဖြစ်သည်။
ဤအချက်ကိုထောက်ရှုခြင်းအားဖြင့် မောင့်ဘက်တန်သည် မြန်မာလူမျိုးတို့၏ ခံစားမှု၊ နားလည်မှု၊ ဗိုလ်ချုပ်အောင်ဆန်း နှင့်တကွ မြန်မာလူမျိုးတို့အတွက် တရားမျှတမှုကိုသာလိုလားသော မောင့် ဘက်တန်၏သဘောထား၊ အခြေအနေ အရ လိုအပ်လာတိုင်း မောင့်ဘက်တန် သည် ဗြိတိသျှကိုလိုနီဝါဒတို့ကို ဆန့်ကျင် ၍ မြန်မာတို့ဘက်မှ သူတတ်အားသမျှ ရပ်တည်လိုသောဆန္ဒစသည်တို့သည် ပို၍ ပင်ပေါ်လွင်လာပါသည်။
ထို့ပြင် အင်္ဂလန်နိုင်ငံတွင် ချာချီ အစိုးရပြုတ်ကျပြီးနောက် တက်လာသော အလုပ်သမားပါတီ(လေဘာပါတီ)၏ဝန် ကြီးချုပ်အက်တလီသည် ချာချီကဲ့သို့ ကိုလိုနီဝါဒကိုဆုပ်ကိုင်ထားသော နယ်ချဲ့ ဝါဒီမဟုတ်သဖြင့် လည်းကောင်း၊ မြန်မာ့ နိုင်ငံရေးအခြေအနေအရပ်ရပ်နှင့် ကမ္ဘာ့ နိုင်ငံရေးအခြေအနေအရပ်ရပ်ကိုနားလည် လက်ခံသဖြင့်လည်းကောင်း မြန်မာနိုင်ငံ အားလွတ်လပ်ရေး မပေးလျှင်လည်း မဖြစ်တော့သည့်အတွက် 'အောင်ဆန်း အက်တလီစာချုပ်'ကိုချုပ်ဆိုကာ မြန်မာ့ လွတ်လပ်ရေးကိုပေးခဲ့ရလေသည်။
သို့တစ်စေ ဗိုလ်ချုပ်အောင်ဆန်းသည် သူကြိုးပမ်းရယူပေးခဲ့သည့်မြန်မာ့လွတ် လပ်ရေးကို မမြင်တွေ့ခဲ့ရဘဲ နယ်ချဲ့ လက်ပါးစေတို့၏လုပ်ကြံမှုကြောင့် လှေ လှော်ရင်း တက်ကျိုးကာ ကျဆုံးခဲ့ရ သည်။
ဗိုလ်ချုပ်အောင်ဆန်းမရှိတော့သော် လည်း ဗိုလ်ချုပ်မျှော်မှန်းခဲ့သည့်နိုင်ငံတော် တည်ဆောက်ရေးကို ပြည်သူ့ဆန္ဒနှင့် အညီ ဖော်ဆောင်လျက်ရှိသည်ဖြစ်ရာ တိုင်းရင်းသားပြည်သူတစ်ရပ်လုံး၏စည်း လုံးညီညွတ်မှုစွမ်းပကားဖြင့် စစ်မှန်သော ဖက်ဒရယ်ဒီမိုကရေစီနိုင်ငံဖြစ်ပေါ်လာ ရေးကိုမဆုတ်မနစ်သော ဇွဲ၊ လုံ့လတို့ဖြင့် အောင်မြင်အောင် အကောင်အထည်ဖော် ဆောင်ရွက်နိုင်ကြပါစေကြောင်း ဆန္ဒပြု လိုက်ရပါ၏။