images
UN
UN
သန်းကြွယ်သူဌေးဖြစ်ဖို့ ကြိုးစားကြပါစို့
မြင်းခြံကျော်အောင် Wednesday, 10 July 2019
''ဆရာဝန်ဖြစ်ဖို့ ကျွန်တော်ကြိုးစား မည်...လူရည်ချွန်ဖြစ်ဖို့ ကျွန်တော်ကြိုးစား မည်...စစ်သားကြီးကို ကျွန်တော်ရည်မှန်း သည်''ဟူသောအဆိုတော်သန်းထွန်းလေး ၏ သီချင်းကို ကြားယောင်မိပါသည်။ ယနေ့ခေတ် လူငယ်အများစုကလည်း ဆရာဝန်ဖြစ်ဖို့ ရည်မှန်းကြပါသည်။ အင် ဂျင်နီယာဖြစ်ဖို့ ရည်မှန်းကြပါသည်။ မိဘ အများစုကလည်း မိမိတို့သားသမီးများ အား ဆရာဝန်၊ အင်ဂျင်နီယာဖြစ်စေချင် ကြပါသည်။ သို့သော် သန်းကြွယ်သူဌေး ဖြစ်ဖို့ကျ မည်သူမျှမရည်မှန်းကြပါ။ အမှန်မှာ ယခု ၂၁ရာစုခေတ်ကြီးတွင် သာမန်ဆရာဝန်၊ အင်ဂျင်နီယာ ဖြစ်ရုံ မျှသာ မရည်မှန်းသင့်တော့ပါ။ သန်း ကြွယ်သူဌေးဖြစ်ဖို့ ရည်မှန်းကြရမည့် ကာလဖြစ်နေပါပြီ။ ခေတ်စနစ်ကြီး ကလည်း တောင်းဆိုနေပါပြီ။ အခြေ အနေအရပ်ရပ်ကလည်း ပေးနေပါပြီ။
သန်းကြွယ်သူဌေးဖြစ်ရန်မှာ ဆရာ ဝန်၊ အင်ဂျင်နီယာဖြစ်ဖို့ထက် ပို၍မခက်ခဲ ပါ။ တက္ကသိုလ်ဝင်တန်းပင် အောင်ရန် မလိုပါ။ စာတတ်ရန်သာ လိုပါသည်။ စာဖတ်ရန်သာလိုပါသည်။ တစ်နေ့လျှင် လူတိုင်း ၂၄ နာရီ အညီအမျှရရှိကြပါ သည်။ ရရှိသည့်အချိန်အတွင်း ကြိုးစား သူက ကြိုးစားသလောက် တိုးပွားပြီး မကြိုးစားသူက မကြိုးစားသလောက် ဆုတ်ယုတ်နေပါသည်။
အချို့လူငယ်များကလည်း ပြောပါ မည်။ ''ထမင်းမှ မနည်းရှာစားနေရတာ သန်းကြွယ်သူဌေးက ဘယ်လိုဖြစ်နိုင်မှာ လဲ''ဟု၊ ယခု ထမင်းမနည်းရှာစားရ အောင် ကြိုးပမ်းရခြင်းထက် သန်းကြွယ် သူဌေးဖြစ်ဖို့ လုပ်ရခြင်းက ပိုပြီး မခက်ခဲ ပါ။ 'ခက်နေသည်'ဟု ထင်နေခြင်းသာ ဖြစ်ပါသည်။ ခြတောင်ပို့ကို မြင်းမိုရ် တောင် ထင်နေသကဲ့သို့ ဖြစ်ပါသည်။ သို့သော် အမူအကျင့်များကိုမူ ပြင်ကြရပါ မည်။ အလုပ်အကိုင်များကိုမူ ပြောင်းကြ ရပါမည်။ ယနေ့ခေတ် လူငယ်များသည် တော်ကြပါသည်။ တတ်ကြပါသည်။ ဤစာဖတ်ပြီး စီးပွားရေးကိစ္စတွင် မြင့်မြင့် မားမား ရည်မှန်းချက်ထားဆောင်ရွက် ကြသည်နှင့် သန်ြး<ွကယ်သူဌေးကြီးများ မကြာမီ ဖြစ်လာကြမည်ကို မြင်ယောင်မိ ပါသည်။ ဤသည်ကား စာရေးသူ၏ ဖြစ်စေချင်သည့်ဆန္ဒ။
ပျက်ပြားနေသောအကျင့်စရိုက်များ
ယနေ့ခေတ်လူအချို့သည် ထမင်း စားဖို့အတွက် ခါးပိုက်နှိုက်၊အလစ်သုတ်၊ ခိုးဝှက်လုယက်ဓားပြတိုက်နေကြပါသည်။ စာရေးသူနေထိုင်သော ရန်ကုန်တိုင်းဒေသ ကြီး ရွှေပြည်သာမြို့နယ် အမှတ်(၂) ရပ်ကွက်သည် မသမာသူများ၏ စား ကျက်နယ်မြေဟုပင် ပြောရပါမည်။ ယခု ၂ဝ၁၈-၂ဝ၁၉ ခုနှစ်အတွင်းတွင် ရပ် ကွက်အတွင်း ဆွဲကြိုးအဖြတ်ခံရမှု၊ စလင်းဘက်အိတ်လုယူခံရမှု၊ အိမ်အပြင် တွင် လှန်းထားသောအထည်ကောင်းများ ပျောက်နေမှုသည် နေ့ခင်းကြောင်တောင် ဖြစ်နေသည်။ ရွှေပြည်သာ၊ လှိုင်သာယာ မြို့နယ်များသည် နာမည်ဆိုးဖြင့် ကျော် ကြားနေပါသည်။ လုံခြုံရေး တာဝန်ရှိသူ များအနေဖြင့် စီမံချက်ချ နှိမ်နင်းသင့်ပါ သည်။ ထမင်းစားရန် ခိုးဝှက်လုယက်စား နေမှုများ အနယ်နယ်တွင်လည်းရှိပါသည်။
ထို့ပြင် ငွေကျပ်သိန်းပေါင်းများစွာ တန်သော လက်ဝတ်ရတနာများအား ဓားပြတိုက်ခံရမှု၊ ခိုးဝှက်ခံရမှု၊ သတင်း များလည်း သတင်းစာများတွင် စာရေးသူ ဖတ်ရသည်။ ထမင်းစားရန် လုပ်နေကြ ခြင်းဖြစ်သည်။သူဌေးလည်းမဖြစ်ကြပါ။ ဂုဏ်သိက္ခာရှိသူလည်း ဖြစ်မလာကြပါ။ ဖမ်းဆီးရမိလျှင် ထောင်နန်းစံရမှာက သေချာသည်။
အရပ်ထဲကလူများ ဤသို့ဆောင်ရွက် နေသကဲ့သို့ ဝန်ထမ်းလောကတွင်လည်း တရားမဲ့ငွေရရှိရေးဆောင်ရွက်နေသည်ကို တွေ့ရပါသည်။ အသေးအဖွဲကိစ္စမှစပြီး ကြီးမားသောအမှုကြီးများလည်းဖြစ်ပွား နေပါသည်။ ဝန်ထမ်းအကြီးအကဲအချို့ သည် ဘောက်ချာပြပြီးအမှန်တကယ်သုံး ရမည့်ငွေအားမသုံးဘဲ မိမိအိတ်ကပ်ထဲ ထည့်နေကြသည်။နာရေးအတွက်ကောက် ခံရရှိငွေကိုပင် ရငွေအားလုံး သက်ဆိုင်ရာ ကာယကံရှင်ထံမပေးဘဲ တစ်ဝက်သာ ပေးပြီး တစ်ဝက်မိမိအိတ်ထဲထည့်သည့် အကြီးအကဲလည်း ရှိနေသည်။

မည်မျှ အကျင့်ပျက်နေသည်မှာ ဤအမှုကိစ္စများ က ဖော်ပြနေပေသည်။
ကြီးကြီးမားမား အဂတိလိုက်စားမှု များလည်း ဖြစ်ခဲ့သည်။ ၂ဝ၁၉ ခုနှစ် မေလနှင့် ဇွန်လအတွင်းထုတ် မြန်မာ့ အလင်းနှင့် ကြေးမုံသတင်းစာများတွင် အဂတိလိုက်စားမှု သတင်းများ စာရေးသူ ဖတ်ရသည်။ အထွေထွေ အုပ်ချုပ်ရေး ဦးစီးဌာန၊ မြန်မာနိုင်ငံရဲတပ်ဖွဲ့၊ တရား ရေးဝန်ထမ်း၊ မြေစာရင်းဦးစီးဌာနနှင့် လူဝင်မှုကြီးကြပ်ရေးဦးစီးဌာနမှ မြို့နယ် အဆင့်ရှိအရာရှိနှင့် လက်အောက်ဝန်ထမ်း များ၏ အဂတိလိုက်စားမှုများ၊ ကျပ်ငွေ သိန်း ဆယ်ဂဏန်းမှ ရာဂဏန်းအထိ အဂတိလိုက်စားမှုများ၊ ပေါ်ပေါက်ခဲ့ သည်။ ထပ်မံ၍လည်း ပေါ်ပေါက်ပါဦး မည်။
ဤသည်တို့ကလည်း စားဝတ်နေမှု အတွက် ဆောင်ရွက်ကြခြင်းဖြစ်သည်။ကျူးလွန်သူများ အရေးယူခံကြရသည်။ ပြစ်မှုဖော်ထုတ်သူများ အလုပ်ရှုပ်ကုန် သည်။ ပြည်သူတို့ ကြီးစွာနစ်နာဆုံးရှုံး ကြရပေသည်။ ဌာနကြီးများ သိက္ခာကျ ရသည်။ သန်းကြွယ်သူဌေးဖြစ်ရန် ကြိုး ပမ်းသူများ မရှိမဟုတ်ပါ။ ရှိပါသည်။ သို့သော် တရားဝင်ရိုးသားစွာ လုပ်ကိုင် ကြသူများ မဟုတ်ပါ။ မူးယစ်ဆေးဝါး ထုတ်လုပ်သယ်ဆောင်သည့်လုပ်ငန်း၊ ကျောက်စိမ်း ကျောက်မျက်နှင့် သစ်များ တရားမဝင် ရောင်းဝယ်သယ်ဆောင်မှု များ၊နိုင်ငံခြားသို့ ပြည်တွင်းထွက်ကုန်များ တရားမဝင်တင်ပို့မှုများနှင့် တရားမဝင် နိုင်ငံခြားကုန်ပစ္စည်းများ ပြည်တွင်းသို့ ခိုးသွင်းသည့်လုပ်ငန်းများ လုပ်ကိုင်နေကြ သည်။ မကြာခဏ ဖမ်းဆီးရမိမှုများ ရှိခဲ့ သည်။ ဤလုပ်ငန်းများမှာ ကျပ်ငွေသိန်း ပေါင်း သန်းပေါင်းများစွာ တန်သည့် လုပ်ငန်းများ ဖြစ်ကြသည်။ ဖမ်းဆီးခံရ သည့်အခါ စီးပွားပျက်၊ ထောင်ကျ၊ ဒုက္ခ လှလှကြီးရောက်တော့သည်။ မိမိပတ်ဝန်း ကျင်တွင် ဂုဏ်ကျက်သရေ ရှိရှိမနေနိုင်၊ အကျိုးဆက်မှာ တိုင်းပြည်ကြီးစွာ နစ်နာ ရသည်။
မည်မျှနစ်နာသည်ကို ဖော်ပြပါဦး မည်။ ၂ဝ၁၉ ခုနှစ် မေလအထိ တရား မဝင် ကုန်သွယ်မှုအပေါ် ဖမ်းဆီးအရေး ယူမှု ၅၉၄ ကြိမ်ပြုလုပ်ခဲ့ကြောင်း၊ ငွေ ကြေးပမာဏအားဖြင့် ငွေကျပ် ၁ဝ ဒသမ ၃၇၁ ဘီလီယံဖမ်းဆီးနိုင်ခဲ့သည် ဟု ဒုတိယသမ္မတ ဦးမြင့်ဆွေက ၂ဝ၁၉ ခုနှစ် ဇွန်လ ၂၉ ရက်နေ့တွင် ရန်ကုန်မြို့၌ ကျင်းပသည့် ကုန်သည်ကြီးများနှင့်တွေ့ဆုံ ပွဲတွင် ပြောကြားခဲ့သည်။
ကုန်သည်အချို့ ဖမ်းဆီးခံရ၍ နစ်နာ ဆုံးရှုံးခြင်းမှာ တိုင်းပြည်နစ်နာခြင်းသာ ဖြစ်ပေသည်။ ဖော်ပြပါအတိုင်း ဥပဒေ ပြင်ပမှ ကြီးပွားရေး၊ ချမ်းသာရေး လုပ် နေသူများမှာလည်း အများအပြားပင် ရှိပေသည်။ ဖမ်းဆီးမရမိဘဲ လာဘ်ပေး ပြီးလွတ်ကင်းနေသောသူများလည်း အများ အပြား ရှိမည်ပင်။
ဤသည်တို့ကား ပျက်ပြားနေသော မြန်မာ့လူ့ဘောင်မှ အကျင့်စရိုက်အချို့သာ ဖြစ်ပေသည်။
အထက်ဖော်ပြပါ အကျင့်ပျက်မှုများ သာမရှိပါက တိုင်းပြည်သည် ယခုထက် များစွာတိုးတက်နိုင်ပေသည်။ ယခုမူ ရိုး သားစွာလုပ်ကိုင်ဆောင်ရွက်သူများက ဆောင်ရွက်၊ ရိုးသားစွာရောင်းဝယ်သူများ က ရောင်းဝယ်နေကြသော်လည်း တရား မဝင် လုပ်နေသူများကလည်း လုပ်နေရာ ရေဝင်နေသော လှေဖြင့် မြစ်ဖြတ်ကူးရ သကဲ့သို့ ဖြစ်နေပေသည်။
အကျင့်ပျက်ပြည်သူ၊ အကျင့်ပျက် ဝန်ထမ်း၊ အကျင့်ပျက်ကုန်သည်များအား ထိရောက်စွာ နှိမ်နင်းနိုင်မှသာ၊ အကျင့် ပျက်သူများကိုယ်တိုင်က အသိစိတ်ဖြင့် မိမိကိုယ်ကို မိမိပြုပြင်ကြမှသာ မြန်မာ့ လူ့ဘောင်နှင့်တိုင်းပြည်မှာချမ်းသာပါမည်။ ရိုးသားစွာဖြင့် သန်းကြွယ်သူဌေးဖြစ်အောင် ကြိုးပမ်းသူများမှတိုင်းပြည်ချမ်းသာပါမည်။
အကျင့်ပျက်သူများနှင့် ရိုးသားစွာ လုပ်ကိုင်နေကြသောသူများ အားလုံး ထားရှိရမည့် စိတ်ဓာတ်မှာ ရိုးသားစွာဖြင့် မိမိ၏လုပ်ငန်းအား အောင်မြင်ပေါက် မြောက်အောင် ဆောင်ရွက်ကြရန် ဖြစ်ပေ သည်။ ထူးထူးခြားခြား ကြိုးစားကြရ ပါမည်။ သို့ ကြိုးစားလျှင် စားစရာမရှိရာ မှ သန်းကြွယ်သူဌေး ဖြစ်လာပါမည်။ ''ပြောတော့လွယ်လိုက်တာ''ဟု ဆိုကောင်း ဆိုပါမည်။ သာဓက တင်ပြပါမည်။
စာဖတ်သူများ ဟောလိဝုဒ်ရုပ်ရှင် မင်းသား စတားလုံးကို ကြားဖူးပေမည်။ သူသည် စားစရာမရှိအောင် ဆင်းရဲသူ၊ ကျောင်းပညာအထက်တန်းအဆင့်သို့ ရောက်ဖူးရုံသာ သင်ခဲ့ရသူဖြစ်သည်။ သို့ သော် သူ့ရည်မှန်းချက်က ရုပ်ရှင်မင်း သားဖြစ်ရမည်ဟု ဖြစ်သည်။ သူ့ပါးတစ် ခြမ်းသည် အနည်းငယ်ရွဲ့နေပြီး စကား ပြောရာတွင် မရှင်းလင်း။ သို့သော် ရုပ် ရှင်မင်းသားဖြစ်ချင်လွန်းသဖြင့် အိမ်တွင် ရုပ်ရှင်သရုပ်ဆောင်လေ့ကျင့်သည်။ ကာယ ဗလတောင့်တင်းရန် အလေးမအားကစား အပြင်းအထန်လုပ်သည်။ လက်ဖက်ရည် ဆိုင်များတွင် တီဗွီကြည့်ရာတွင် ပညာ ယူသည့်အနေဖြင့် ကြည့်သည်။ သို့ဖြင့် ဇာတ်လမ်းတစ်ခုအား ကိုယ်တိုင် ဇာတ် ညွှန်းရေးသည်။ နာရီ ၂ဝ ကြာ မရပ် မနား ရေးသည်။ သုံးရက်တည်းဖြတ်ပြီး ကိုယ်တိုင်မင်းသား လုပ်ခွင့်ရသည်အထိ အလျှော့မပေးဘဲနှင့် လိုက်ရောင်းသည်။ နောက်ဆုံးထုတ်လုပ်သူတစ်ဦးနှင့် အကြိမ် ကြိမ်ညှိနှိုင်းပြီး သူသရုပ်ဆောင်ပြီး ရုပ်ရှင် ဇာတ်ကား ရိုက်ခွင့်ရခဲ့သည်။ ဤဇာတ် ကားမှာ Rocky ဖြစ်သည်။ ထိုဇာတ် ကား တစ်ကားတည်းဖြင့် သန်းကြွယ် သူဌေးဖြစ်သွားသည်။ ကမ္ဘာကျော်ရုပ်ရှင် မင်းသား ဖြစ်သွားသည်။ ထို့နောက် ရုပ်ရှင်နယ်တွင် အောင်မြင်ကာ ရုပ်ရှင် မင်းသားကြီး ဖြစ်ခဲ့သည်။ ယခု အသက် ၇ဝ ရှိသည့်တိုင် ရုပ်ရှင်လုပ်ငန်း လုပ် ကိုင်ဆဲ။
ကျွန်တော်တို့လူငယ်များတက္ကသိုလ် ဝင်တန်းတွင် ဂုဏ်ထူးတွေအများကြီးဖြင့် အောင်ကြရာ စတားလုံးထက်အများကြီး သာပါသည်။ အထက်တန်းအဆင့်ပင် ပေါက်မြောက်အောင်မသင်ခဲ့သူ၊ စားစရာ မရှိသူအဖြစ်မှ သန်းကြွယ်သူဌေးဖြစ်လာ သေးလျှင် သူ့အခြေအနေထက်များစွာ သာသူများမှာ သန်းကြွယ်သူဌေးမဖြစ် နိုင်စရာအကြောင်းမရှိပေ။ ဤတွင်အဓိက အချက်လျှို့ဝှက်ချက်မှာငွေနောက်မလိုက်ရန် ဖြစ်သည်။ ယခုမရိုးသားကြသူများမှာ ငွေနောက်လိုက်နေကြသူများဖြစ်ကြ သည်။မိမိ၏လုပ်ငန်းကိုအကောင်းဆုံး လုပ်လျှင် ငွေသည်အလိုအလျောက်သူ့ အစီအစဉ်နှင့် သူလာပါမည်။ ငွေနောက် လိုက်လွန်းလျှင် ငွေကမမိအောင်ပြေး တော့သည်။
နောက်သာဓကတစ်ဦးမှာ လီကာ ရှင်း။ သူသည် ကမ္ဘာ့အချမ်းသာဆုံး စာရင်းဝင် ဟောင်ကောင်မှ သူဌေးကြီး။ စာတတ်ရုံသာကျောင်းနေဖူးသည်။ သို့ သော် သူသည် စာဖတ်သည်။ ပထမ ဦးစွာ ပလတ်စတစ်စက်ရုံ အလုပ်သမား အဖြစ် ဝင်လုပ်သည်။ ငွေကို ခြစ်ကုတ် စုသည်။ နောက် ပလတ်စတစ်စက်ရုံ တည်ထောင်သည်။ စာဖတ်၍ အမြင် ကျယ်လာကာ ပလတ်စတစ်ပန်း ထုတ် လုပ်သော အရောင်းရဆုံးကုမ္ပဏီ ဖြစ်ခဲ့ သည်။ နောက် ရှယ်ယာဝယ်ရောင်း၊ နေအိမ်အဆောက် အအုံဆောက်ရောင်း၊ အရှုံးပေါ်နေသည့် ကုမ္ပဏီကိုဝယ်၊ မြတ် အောင်ကြိုးပမ်း၊ သို့ဖြင့် ကမ္ဘာ့အချမ်းသာ ဆုံးစာရင်းဝင် သူဌေးကြီး ဖြစ်ခဲ့သည်။ သူ အောင်မြင်ရခြင်းမှာ စာဖတ်သည်။ ရိုးသားစွာဖြင့် မိမိ၏ လုပ်ငန်းများကို ကြီးကျယ်သထက် ကြီးကျယ်အောင် လုပ်သည်။ လုပ်ရဲကိုင်ရဲရှိသည်။ အမြော် အမြင်ရှိသည်။
အထက်ဖော်ပြပါ ပုဂ္ဂိုလ်နှစ်ဦးသာ မဟုတ်ပါ။ သန်းကြွယ်သူဌေးအများစုမှာ ဘွဲ့ဒီဂရီတွေ တသီကြီး ရရှိထားသူများ မဟုတ်ကြပါ။ မိဘအမွေရသူများလည်း မဟုတ်ကြ။
မိမိတို့၏ စိုက်ပျိုးရေး၊ မွေးမြူရေး၊ ကုန်ထုတ်လုပ်မှု၊ အနုပညာ၊ အားကစား၊ စက်မှုလက်မှုလုပ်ငန်း၊ ဟိုတယ်၊ သယ်ယူ ပို့ဆောင်ရေး၊ လျှပ်စစ်စသည့်လုပ်ငန်း များလုပ်ကြရာဝယ် ရိုးသားစွာဖြင့် ကြိုးပမ်းကြသဖြင့် မလျှော့သောဇွဲဖြင့် ဆောင်ရွက်ကြသဖြင့် သန်းကြွယ်သူဌေး များဖြစ်လာကြသူချည်းဖြစ်ကြပါသည်။
ထို့ကြောင့်ဆရာဝန်ဖြစ်ဖို့ ကျွန်တော် ကြိုးစားမည်၊ လူရည်ချွန်ဖြစ်ဖို့ ကျွန် တော် ကြိုးစားဟု ဆိုမည့်အစား ဘီလျံနာ ဖြစ်ဖို့ ကျွန်တော် ကြိုးစားမည်ဟု ဆိုကြ ပါစို့။ မသမာမှုများ ကျူးလွန်နေမည့် အစား ရိုးသားစွာ ကြိုးစားကြပါစို့။