images
UN
UN
လွမ်းဆွတ်တမ်းတမိပါသည်
မောင်သောင်းဝင်း(တမန်ဟောင်း) Thursday, 11 July 2019

၂ဝ၁၉ ခုနှစ် ဇူလိုင်လ ၁၉ ရက်နေ့ သည် ဗိုလ်ချုပ်နှင့်တကွ အာဇာနည် ခေါင်းဆောင်ကြီးများ ကျဆုံးခဲ့သည့် (၇၂)နှစ်မြောက် ''အာဇာနည်နေ့''ပင် ဖြစ်သည်။ အာဇာနည်နေ့ရောက်ရှိလျှင် အာဇာနည် ခေါင်းဆောင်ကြီးများကို အောက်မေ့ သတိရပြီး မျက်ရည်စို့ခဲ့ရ သည်မှာ အကြိမ်ကြိမ်အခါအခါပင် ဖြစ် သည်။ ထိုဖြစ်စဉ်ကို တွေးမိပြီး ယူကျုံး မရလည်း ဖြစ်ရသည်။ အထူးသဖြင့် တပ်မတော်၏ ဖခင်၊ လွတ်လပ်ရေး ဗိသုကာ၊ အမျိုးသား ခေါင်းဆောင်ကြီး ဗိုလ်ချုပ်အောင်ဆန်း လုပ်ကြံခံရမှုအပေါ် မချိတင်ကဲ ဖြစ်ရသည်။ ဖခင်ဗိုလ်ချုပ် သည် နိုင်ငံရေး၊ စစ်ရေး၊ စီးပွားရေးနှင့် လူမှုရေး နယ်ပယ်တွင်သာမက စာရေး စာဖတ်လည်း ဝါသနာထုံခဲ့သည်။
ကျဆုံးခဲ့ရ
နှစ်စဉ် ဇူလိုင်လရောက်လျှင် မိုးသည် တဖွဲဖွဲဖြင့် စွေလေ့ရှိသည်။ လွန်ခဲ့သော (၇၂)နှစ် ဇူလိုင်လ ၁၉ ရက်နေ့တွင် လည်း ထိုကဲ့သို့ မိုးတဖွဲဖွဲရွာသွန်းခဲ့သည်။ ထိုနေ့က လွတ်လပ်ရေး ဗိသုကာကြီး ဗိုလ်ချုပ်အောင်ဆန်းနှင့်အတူ အာဇာနည် ခေါင်းဆောင်ကြီးများသည် ရန်ကုန်မြို့ရှိ အတွင်းဝန်များရုံး၌ တိုင်းပြည် လွတ်လပ် ရေးအတွက် ဆွေးနွေးတိုင်ပင်နေစဉ် နံနက် ၁ဝ နာရီ ၃၇ မိနစ်ခန့်တွင် နယ်ချဲ့ လက်ပါးစေ အကြံပက်စက်သူ လူတစ်စု ၏ လက်ချက်ကြောင့် မြန်မာနိုင်ငံ၏ အာဇာနည် ကြယ်ပွင့်များြေ<ွကလွင့်ခဲ့ရ သည်။
ထိုစဉ်က တိုင်းပြည် လွတ်လပ်ရေး အတွက် တိုက်ပွဲဝင်နေသူ အာဇာနည် ခေါင်းဆောင်ကြီးများ ကျဆုံးခဲ့ရသဖြင့် တိုင်းပြည်တစ်ခုလုံးအုန်းအုန်းကျွက်ကျွက် ဖြစ်ခဲ့ရသည်။ ပြည်သူတို့၏မျှော်လင့်ချက် မှေးမှိန်ခဲ့ရသည်။ သို့သော် ထိုအာဇာနည် ခေါင်းဆောင်ကြီးများ၏ လမ်းစဉ်အတိုင်း ဆက်လက်အကောင်အထည်ဖော်ခဲ့သဖြင့် ၁၉၄၈ ခုနှစ် ဇန်နဝါရီလ ၄ ရက်နေ့တွင် လွတ်လပ်ရေးရရှိခဲ့ပါသည်။ လွတ်လပ် ရေး ဗိသုကာကြီး ဗိုလ်ချုပ်အောင်ဆန်းနှင့် အတူ တိုင်းပြည်လွတ်လပ်ရေးအတွက် တိုက်ပွဲဝင်နေသူ အောက်ဖော်ပြပါ အာဇာ နည် ခေါင်းဆောင်ကြီးများလည်း ကျဆုံး ခဲ့ရသည်-
( က ) သခင်မြ (၁၈၉၇-၁၉၄၇)
( ခ ) ဦးဘချို (၁၈၉၃-၁၉၄၇)
( ဂ ) ဦးရာဇတ် (၁၈၉၈-၁၉၄၇)
( ဃ ) ဦးဘဝင်း (၁၉ဝ၁-၁၉၄၇)
( င ) မန်းဘခိုင် (၁၉ဝ၃-၁၉၄၇)
( စ ) မိုင်းပွန်စော်ဘွားစဝ်စံထွန်း
(၁၉ဝ၇-၁၉၄၇)
( ဆ ) ဦးအုန်းမောင် (၁၉၁၃-၁၉၄၇)
( ဇ ) ရဲဘော်ကိုထွေး (၁၉၂၉-၁၉၄၇)
အတုယူသင့်သောစိတ်ဓာတ်
စင်စစ်အားဖြင့် အာဇာနည် ခေါင်း ဆောင်ကြီး ဗိုလ်ချုပ်အောင်ဆန်းသည် ငယ်စဉ်ကတည်းက အများနှင့်မတူ တစ်မူ ထူးခြားစွာ နေထိုင်လေ့ရှိသည်။ မိဘများ၊ ဆရာသမားများအပေါ်တွင် မုသားစကား ပြောဆိုလေ့မရှိဘဲ ကလေးသဘာဝ မိမိ၏ စိတ်ထဲတွင်ဖြစ်ချင်သော ဆန္ဒအမှန်ကို ထုတ်ဖော် ပြောကြားဝံ့သောသတ္တိ ရှိခဲ့ သည်။ ထို့ပြင် ကလေးဘဝတွင် ပြုမူ ခဲ့သည့် အမှားများကိုလည်း ရဲဝံ့စွာ ဝန်ခံ ရဲသော ရိုးသားဖြောင့်မတ်သည့် စိတ် ထားကို ပိုင်ဆိုင်ထားရှိပြန်သည်။ ထို စိတ်နေ စိတ်ထားများသည် အနာဂတ်ကို စီမံခန့်ခွဲမည့် မျိုးဆက်သစ် လူငယ်များ အတွက် အတုယူသင့်သော မွန်မြတ် တည်ကြည်သည့်စိတ်ဓာတ်ပင်ဖြစ်သည်။
အာဇာနည် သူရဲကောင်း ဗိုလ်ချုပ် အောင်ဆန်းသည် တက္ကသိုလ် ကျောင်း သား ဘဝတွင်လည်းြ<ွကားဝါ ထောင် လွှားမှုမရှိဘဲ ကျောင်းစာကိုသာ အပတ် တကုတ် ကြိုးစားခဲ့သည်။ ထို့ပြင် သူတစ်ပါးအကြိုက် အားနာပြီး လိုက်ပါ ပြောဆိုပြုမူလေ့မရှိဘဲ အရှိကို အရှိတိုင်း ပြောဆိုဆက်ဆံပြုမူခဲ့သဖြင့် ကျောင်း သားများအကြားတွင် ပေါင်းသင်း ဆက် ဆံရ ခက်ခဲသည့်လူတစ်ဦးဟု ရှုမြင်ခံခဲ့ရ သည်။ တခြားသူများ မည်ကဲ့သို့ပင် လက်ညှိုး ထိုးနေစေကာမူ ဖြောင့်မတ်စွာ ရပ်တည်ကြိုးစားခဲ့သဖြင့် တက္ကသိုလ် ကျောင်းသားခေါင်းဆောင်အဖြစ်ရွေးချယ် ခံခဲ့ရသည်။

စွန့်လွှတ်အနစ်နာခံခဲ့
သူ့ကျွန်ဘဝ ကျရောက်နေသော တိုင်းပြည်ကို နယ်ချဲ့တို့၏လက်အောက်မှ လွတ်မြောက်ရေးအတွက် ကြိုးပမ်းမည် ဆိုသော ခိုင်မာပြတ်သားသည့် သန္နိဋ္ဌာန် ဖြင့် တက္ကသိုလ်မှ ထွက်ကာ လွတ်လပ် ရေး ကြိုးပမ်းမှုများကို ဦးဆောင်ခဲ့သည်။ ထိုသို့ ကိုယ်ကျိုးမဖက်သည့် စိတ်ဓာတ် ဖြင့် ဆောင်ရွက်ခဲ့မှုများသည် သာမန် လူတို့ ဆောင်ရွက်နိုင်ခဲသော စွန့်လွှတ် အနစ်နာခံမှုပင်ဖြစ်သည်။ လွတ်လပ်ရေး အတွက် နယ်ချဲ့ကို တိုက်ထုတ်ရန်သည် ခိုင်မာတောင့်တင်းပြီး စနစ်တကျဖွဲ့စည်း ထားသည့် လက်နက်ကိုင် အဖွဲ့အစည်း တစ်ရပ် ရှိရမည်ဆိုသော တွေးခေါ် မြော်မြင် ဆုံးဖြတ် ဆောင်ရွက်နိုင်စွမ်း ကလည်း အသက်အရွယ်နှင့် မလိုက် သော ရင့်ကျက်မှုကို ပြသခဲ့ခြင်းပင် ဖြစ် သည်။
တပ်မတော် ဖွဲ့စည်းရေးအတွက် လိုအပ်လျက်ရှိသည့် နိုင်ငံခြား အကူအညီ ရရှိရေး ပြည်ပသို့ တိတ်တဆိတ်ထွက်ခွာ ခဲ့ရာတွင်လည်း အခက်အခဲ ပေါင်းစုံ ကြုံတွေ့ခဲ့ရပြန်သည်။ သို့သော် ခိုင်မာ ပြတ်သားသည့် သန္နိဋ္ဌာန်ကြောင့် ရည်မှန်း ချက် ပြီးမြောက်အောင် ဆောင်ရွက်နိုင် သဖြင့် ရဲဘော်သုံးကျိပ်နှင့်အတူ စစ်ပညာ သင်ယူ ဆည်းပူးနိုင်ခဲ့သည်။ ထို့နောက် လွတ်လပ်ရေးအတွက် အသက်ပေးသွား မည်ဟု သစ္စာဆိုကာ လက်မောင်းသွေး ဖောက်သောက်ပြီး ဗမာ့လွတ်လပ်ရေး တပ်မတော်ကြီးကို ဖွဲ့စည်းနိုင်ခဲ့သည်။
ဗိုလ်ချုပ်အောင်ဆန်းသည် ဘီအိုင် အေ၊ ဘီဒီအေ၊ ပီဘီအက်(ဖ်) တပ်မတော် များနှင့်အတူ နယ်ချဲ့နှင့် ဖက်ဆစ်ဂျပန် တို့ကို မြန်မာ့မြေပေါ်မှ အမြစ်ပြတ် ချေမှုန်းတိုက်ထုတ်နိုင်ခဲ့သည်။ ထို့ပြင် မြန်မာ့လွတ်လပ်ရေးအတွက်လည်း နယ်ချဲ့ တို့ထံ တည်တံ့စွာ ပြောဆို တောင်းဆို နိုင်ခဲ့သည်။ နယ်ချဲ့တို့ထံ လွတ်လပ်ရေး တောင်းဆိုရေးအတွက် တိုင်းပြည်အတွင်း တရားမျှတသော ရွေးကောက်ပွဲကြီး ကျင်းပကာ တိုင်းပြုပြည်ပြု လွှတ်တော် ကြီး ကျင်းပနိုင်ခဲ့သည်။ ထိုလွှတ်တော် ကြီးမှ တိုင်းပြည်အတွက် အရေးပါသော ဆုံးဖြတ်ချက်များ ချမှတ်နိုင်ခဲ့သည်။ ထို့နောက် လွတ်လပ်သော အချုပ်အခြာ အာဏာပိုင် သမ္မတနိုင်ငံဖွဲ့စည်းထူထောင် ရန် အရေးကြီးအဆိုကို တင်သွင်းနိုင်ခဲ့ သည်။
ဗိုလ်ချုပ်၏အမြော်အမြင်ကြီးမားမှု ကြောင့် တစ်နှစ်အကြာတွင် ကျွန်တော်တို့ နိုင်ငံနှင့် လူမျိုးအတွက် အသက်တမျှ အရေးပါသော လွတ်လပ်ရေးကြီးကို ၁၉၄၈ ခုနှစ် ဇန်နဝါရီလ ၄ ရက်နေ့တွင် လက်ဝယ်ပိုင်ပိုင်ရယူနိုင်ခဲ့ပါသည်။
ဗိုလ်ချုပ်၏ မျှော်မှန်းချက်
အာဇာနည် ခေါင်းဆောင်ကြီးသည် တိုတောင်းလှသော သက်တမ်းကာလ အတွင်း တိုင်းပြည်နှင့် လူမျိုးအတွက် မတူညီသော တာဝန်အမျိုးမျိုးကို အသက် ပေး ထမ်းဆောင်ခဲ့သည်။ နိုင်ငံသားများ၊ အထူးသဖြင့် မျိုးဆက်သစ်များအနေဖြင့် ဗိုလ်ချုပ်၏ ပြောဆို၊ ပြုမူမှုပုံစံများကိုသာ သတိရတမ်းတနေခြင်းမျိုး၊ အချိုးအစား မညီသော ဗိုလ်ချုပ်ပုံစံတူ ရုပ်တုများကို သာ ထုဆစ်နေခြင်းမျိုး၊ မိမိတို့ နာမည် ကျော်ကြားရေးအတွက် ဗိုလ်ချုပ်ကို အသုံးချနေခြင်းမျိုးတို့ကို လုပ်ဆောင် မနေကြဘဲ အာဇာနည်ခေါင်းဆောင်ကြီး၏ မျှော်မှန်းချက်များကို ရုပ်လုံးပေါ်အောင် လိုက်ပါ အကောင်အထည်ဖော် ဆောင် ရွက်ခြင်းဖြင့်သာ ဗိုလ်ချုပ်၏ လမ်းညွှန် ချက်ကို မြေဝယ်မကျ နားထောင်ရာ ကျပေမည်ဖြစ်သည်။ အမှန်စင်စစ်မှာမူ လွတ်လပ်ရေးဗိသုကာ အာဇာနည် ခေါင်း ဆောင်ကြီး၏ ရင်ထဲက စိတ်ကူးအိပ်မက် သည် တိုင်းပြည်အတွင်း တိုင်းရင်းသား စည်းလုံးညီညွတ်ရေး ခိုင်မာအောင် တည် ဆောက်သွားရန်ဖြစ်သည်။

အုတ်တစ်ချပ် သဲတစ်ပွင့်မျှ ပါဝင်သင့်
ဗိုလ်ချုပ်သာ လုပ်ကြံမခံရလျှင် ပြည် ထောင်စု မြန်မာနိုင်ငံအတွင်းရှိ တိုင်းရင်း သားပြည်သူများအကြား စည်းလုံး ညီညွတ်မှုကို ယခုထက် ပိုမိုကျစ်လျစ် အောင် တည်ဆောက်နိုင်မည်ဖြစ်သည်။ စည်းလုံးညီညွတ်သော တိုင်းပြည်သည် ဖွံ့ဖြိုးတိုးတက်မှု အသီးအပွင့်များ ယခု ထက် ခံစားရမည်ဖြစ်သည်။

ဗိုလ်ချုပ်ကျဆုံးသွားသည်မှာ (၇၂) နှစ်နီး ပါးကြာမြင့်ခဲ့ပြီဖြစ်သော်လည်း တိုင်းပြည် အတွင်း ငြိမ်းချမ်းရေးကို တင်းပြည့်ကျပ် ပြည့် မတည်ဆောက်နိုင်သေးသည်မှာ ဝမ်းနည်းဖွယ်ရာပင်ဖြစ်သည်။ ဖခင် ဗိုလ်ချုပ်သည် တိုင်းရင်းသား စည်းလုံး ညီညွတ်ရေးကို တဖွဖွပြောဆိုခဲ့သည်။
ထို့ကြောင့်အမျိုးသားခါင်းဆောင်ကြီး ကဲ့သို့ စွမ်းဆောင်နိုင်စွမ်းမရှိသည့်တိုင် အောင် တိုင်းပြည်ဖွံ့ဖြိုးတိုးတက်ရေးလုပ် ငန်းများနှင့်ငြိမ်းချမ်းရေးလုပ်ငန်းစဉ်များ တွင်အုတ်တစ်ချပ်သဲတစ်ပွင့်မျှပါဝင်ဆောင် ရွက်သွားမည်ဆိုလျှင် နိုင်ငံသားတစ်ဦး၏ တာဝန်ကျေပွန်သည်ဟု ယူဆနိုင်မည်ဖြစ် သည်။ ဆိုရလျှင် မျိုးချစ်စိတ်ဓာတ်ရှိသော တိုင်းရင်းသားညီအစ်ကိုများအနေဖြင့် မိမိ တို့၏အတ္တများကို စွန့်လွှတ်သင့်နေပြီဖြစ် သည်။တိုင်းပြည်အတွင်း ထာဝရငြိမ်းချမ်း ရေးရရှိစေမည့်လုပ်ငန်းများတွင် ကျရာ အခန်းကဏ္ဍမှတတ်အားသရွေ့ပါဝင်ဆောင် ရွက်သွားသင့်ပေသည်။ အာဇာနည်ခေါင်း ဆောင်ကြီးအကြောင်းကို အာပေါင် အာရင်းသန်သန်ဖြင့်ပြောဆိုနေသည်ထက် အလုပ်နှင့် သက်သေပြသွားရန်လည်း လိုအပ်သည်။
လွမ်းဆွတ်တမ်းတမိပါသည်
ဆိုရလျှင်အာဇာနည်ခေါင်းဆောင်ကြီး ဗိုလ်ချုပ်အောင်ဆန်းသည် လူ့ဘဝတွင် နေထိုင်ခဲ့သည့် သက်တမ်း ၃၃နှစ်ကာလ အတွင်း တိုင်းပြည်နှင့်လူမျိုးအတွက် အသက်ကိုပင်စွန့်လျက်မနားမနေကြိုးစား ခဲ့သည်မှာ နိုင်ငံသားအားလုံးအတုယူဖွယ် ရာဖြစ်သည်။ထိုသို့ဗိုလ်ချုပ်အသက်စွန့်ပြီး ရယူခဲ့သော လွတ်လပ်ရေးကြီး အဓွန့်ရှည် တည်တံ့ခိုင်မြဲရေးအတွက်ထိန်းသိမ်းသွားရန် သည် ပြည်ထောင်စုကြီးအတွင်း မှီတင်း နေထိုင်လျက်ရှိသော နိုင်ငံသားအားလုံး၏ တာဝန်ပင်ဖြစ်သည်။ ထိုလွတ်လပ်ရေးကို ထာဝစဉ် ထိန်းသိမ်းသွားနိုင်ရန်သည် တိုင်းရင်းသားအားလုံးသွေးစည်းညီညွတ်မှု ရှိနေရမည်ဖြစ်သည်။
အမှန်တော့ တိုင်းရင်းသား ညီအစ်ကို မောင်နှမများအကြားအစိုင်အခဲဖြစ်နေသော အတိတ်က အာဃာတများ၊ သံသယများ ကို သင်ပုန်းချေပြီးမှသာ ထိုသွေးစည်း ညီညွတ်မှုကို တည်ဆောက်နိုင်မည်ဖြစ် သည်။ သို့မှသာလျှင် နိုင်ငံသား အားလုံး လိုလားတောင့်တနေသော ထာဝရငြိမ်းချမ်း ရေး တည်ဆောက်နိုင်မည်ဖြစ်သည်။ ထိုမှတစ်ဆင့် ဒီမိုကရေစီ ဖက်ဒရယ် ပြည်ထောင်စုကြီးကို တည်ဆောက်နိုင် မည်ဖြစ်သည်။ မည်သို့ပင်ဆိုစေကာမူ ဇူလိုင်မိုး တဖွဲဖွဲကျလာပြီဆိုလျှင် တိုင်း ပြည်နှင့်လူမျိုးအတွက် စွန့်လွှတ်စွန့်စား အနစ်နာခံသွားသည့် သတ္တိဗျတ္တိ၊ လက်ရုံး ရည် နှလုံးရည်တို့နှင့်ပြည့်စုံသော အာဇာ နည် ခေါင်းဆောင်ကြီးများကို ပိုမို လွမ်းဆွတ်တမ်းတနေမိပါတော့သည်။