images
UN
UN
ဆက်လက်လျှောက်လှမ်းရမည့် လူငယ်များ၏အနာဂတ်ခရီး
မြေလတ်သား Friday, 12 July 2019
''နေခြည်မှာ ရွှေရည်လောင်း၊ ငါတို့ စာသင်ကျောင်း''ဟူသော ဆောင်ပုဒ်နှင့် အညီ စာသင်ကျောင်းများသည် နိုင်ငံ၏ ရတနာသိုက်များဖြစ်ကြသည်။ စာသင် ကျောင်းများက နိုင်ငံ့ခေါင်းဆောင်များ၊ အသိပညာရှင်၊ အတတ်ပညာရှင်များ အပါအဝင် လူ့စွမ်းအားအရင်းအမြစ် ကောင်းများကို လေ့ကျင့်မွေးထုတ်ပေးရာ ဘူမိနက်သန် နေရာမှန်များ ဖြစ်ကြပေ သည်။ မြန်မာနိုင်ငံ၏ ပညာရေးစနစ် အရ တက္ကသိုလ်ဝင်တန်း စာမေးပွဲများ သည် လူငယ်မျိုးဆက်သစ်များ၏ ဘဝ ကို တစ်ဆစ်ချိုး ပြောင်းလဲစေနိုင်သည့် အချိုးအကွေ့တစ်ခုဖြစ်ကြောင်း လေ့လာ တွေ့ရှိရပေသည်။
၂ဝ၁၈-၂ဝ၁၉ စာသင်နှစ်အတွက် တက္ကသိုလ်ဝင်တန်းစာမေးပွဲအောင်စာရင်း များကို ၂ဝ၁၉ ခုနှစ် ဇွန်လ ၈ ရက်နေ့က တစ်နိုင်ငံလုံး အတိုင်းအတာဖြင့် ထုတ် ပြန်ခဲ့သည်။ အဆိုပါ ထုတ်ပြန်ချက်များ အရ ဝင်ရောက်ဖြေဆိုသူ ၈၅၁၅၂၄ ဦး အနက် အောင်မြင်သူ၂၆၇၆၉၆ဦးရှိသဖြင့် အောင်ချက် ရာခိုင်နှုန်းမှာ ၃၁ ဒသမ ၄၄ ရှိကြောင်း သိရသည်။ မြန်မာနိုင်ငံ၏ တက္ကသိုလ်ဝင်တန်းစာမေးပွဲများ နှစ် အလိုက် အောင်မြင်မှုအခြေအနေများကို အောက်ပါအတိုင်း လေ့လာတွေ့ရှိနိုင်ပေ သည်။
မြန်မာနိုင်ငံ၏နှစ်အလိုက်တက္ကသိုလ် ဝင်တန်း စာမေးပွဲအောင်ချက်ရာနှုန်းများ ကို ၂ဝ၁၅ ခုနှစ် အခြေအနေနှင့် နှိုင်းယှဉ် လေ့လာကြည့်မည်ဆိုပါက ဆက်တိုက် ဆိုသလို ကျဆင်းလာသည်ကို တွေ့ရှိရ ပေသည်။ ထို့အပြင် ဂုဏ်ထူးရရှိမှုမှာ ၂ဝ၁၇-၂ဝ၁၈ စာသင်နှစ်တွင် ၇၇၅၇၆ ဦးရှိခဲ့သော်လည်း ၂ဝ၁၈-၂ဝ၁၉ စာသင် နှစ်တွင် ၄၃ဝ၂၂ ဦးသာရှိသဖြင့် များစွာ ကျဆင်းသွားသည်ဟု ဆိုရပေမည်။
အောင်ချက် ရာနှုန်းများ ကျဆင်းရ ခြင်းမှာ သင်ရိုးညွှန်းတမ်းကြောင့်လား၊ သင်ကြားရေးစနစ်ကြောင့်လား၊ သင်ကြား သူ ဆရာ ဆရာမကြောင့်လား၊ မေးခွန်း ပုံစံနှင့် စာမေးပွဲ ဖြေဆိုရသည့် နည်းစနစ် ကြောင့်လားဟူ၍ အသေအချာ လေ့လာ စိစစ် သုံးသပ်မှုများ ပြုလုပ်သင့်ပေသည်။ ပညာရေးမူဝါဒသစ်အရ ဖော်ဆောင်ရာ တွင် သင်ရိုးညွှန်းတမ်းများကို တက်သုတ် ရိုက်ပြီး ရေးဆွဲနေရခြင်း၊ ဆရာ ဆရာမ များအား လုံလောက်သည့်အချိန်ပေး၍ ကျွမ်းကျင်မှုရှိအောင် လေ့ကျင့်သင်ကြားမှု အပိုင်း၌ အားနည်းခြင်း၊ ဘာသာရပ် အလိုက် ကျွမ်းကျင်သည့် ဆရာ ဆရာမ များကို လိုအပ်ချက်အတိုင်း ခန့်ထားပေး နိုင်မှု မရှိခြင်းနှင့် ပြောင်းလဲကျင့်သုံးခဲ့ သည့် မေးခွန်းပုံစံများဖြင့် အံဝင်ခွင်ကျ မရှိသေးခြင်းစသည့်အကြောင်းများကြောင့် ဖြစ်ကြောင်းသိရှိရသည်။ အထူးသဖြင့် ၂ဝ၁၈-၂ဝ၁၉ စာသင်နှစ်တွင် စနစ်ဟောင်း ပုံစံဖြင့် သင်ကြားပြီး စနစ်သစ်ပုံစံဖြင့် မေးခွန်းများကို ဖြေဆိုရခြင်းသည်လည်း အောင်ချက် ရာနှုန်း ကျဆင်းရခြင်း၏ အခြေခံ အကြောင်းရင်း တစ်ရပ်အဖြစ် ပါရှိခဲ့သည်ဟု သုံးသပ်ပြောဆိုမှုများ ရှိသည်။ မေးခွန်းပုံစံသစ်များသည် ကျောင်းသားလူငယ်များအား အစမ်းသပ် ခံများ ဖြစ်စေခဲ့လေသလားဟု အတွေး ရောက်မိသည်။ စာမေးပွဲဖြေဆိုစဉ်ကပင် သင်္ချာမေးခွန်းနှင့် စပ်လျဉ်း၍ အငြင်းပွား မှုများ ရှိခဲ့သည်ဟု သိရသည်။ စနစ် အပြောင်းအလဲတွင် သက်သက်ညှာညှာ စဉ်းစားပေးလိမ့်မည်ဟု အချို့က မျှော်လင့် ခဲ့ကြသည်။ သို့ရာတွင် အောင်စာရင်း များ ထုတ်ပြန်ပြီးနောက် မျှော်မှန်းသလို ဖြစ်မလာခဲ့သဖြင့် မိမိကိုယ်ကို အဆုံး စီရင်သွားသည့် သတင်းများကို ကြားသိ ရသဖြင့်လွန်စွာစိတ်မကောင်းဖြစ်ခဲ့ရသည်။
ကျောင်းသားလူငယ်များသည် စိတ် ဓာတ် ခိုင်မာရန်လိုသည်။ တိုက်ပွဲတစ်ပွဲ ကျရှုံးခြင်းသည် စစ်ပွဲကြီး တစ်ရပ်လုံး ဆုံးရှုံးခြင်းမဟုတ်ဟူသော ဆောင်ပုဒ်ကို ရင်ဝယ်ပိုက်လျက် ''ငုပ်မိသဲတိုင် တက် နိုင် ဖျားရောက်''ဟူသောဇွဲဖြင့် မဆုတ် မနစ် ကြိုးပမ်းအားထုတ်ကြရန် လိုအပ် ပေသည်။ စစ်ရှုံး၍ စိတ်ဓာတ်ကျနေသည့် စစ်သူကြီးသည် ပင့်ကူလေး၏ မလျှော့ သော ဇွဲကို တွေ့မြင်၍ စစ်ပွဲကို အနိုင် တိုက်ခဲ့သည့်ဖြစ်ရပ်ကို အတုယူကြရပေ မည်။ မိဘအုပ်ထိန်းသူများကလည်း ကျောင်းသားလူငယ်များ စိတ်ဓာတ်ကျ ဆင်းမှု မရှိအောင် နည်းလမ်းအသွယ် သွယ်ဖြင့် နှစ်သိမ့်အားပေးမှုများ ပြုလုပ် သင့်ပေသည်။


တစ်နိုင်ငံလုံး အတိုင်းအတာအရ အောင်ချက်ရာနှုန်းများ ကျဆင်းသွားသော် လည်း မြို့နယ်အချို့၌မူ အောင်ချက်များ တိုးတက်ကောင်းမွန်လျက်ရှိကြောင်း တွေ့ ရှိရသည်။ မင်္ဂလာဒုံမြို့နယ် အမှတ်(၂) အခြေခံအထက်တန်းကျောင်း(အောင်ဆန်း သူရိယလှသောင်းကျောင်း)က အောင် ချက် ရာနှုန်း ၈၈ ဒသမ ၁၅ ဖြင့် မြန်မာ တစ်နိုင်ငံလုံးတွင် အောင်ချက်အမြင့်မား ဆုံး (ပထမ)ဖြစ်ကြောင်း သိရသည်။ တက္ကသိုလ်ဝင်တန်း စာမေးပွဲအောင်မြင်မှု အခြေအနေများကို လေ့လာကြည့်ရာတွင် များစွာ စိတ်ဝင်စားဖွယ်ကောင်းသည့် အခြေအနေများကို တွေ့ရှိရသည်။ မွန် ပြည်နယ်သည် တစ်နိုင်ငံလုံး၌ အောင် ချက် ရာနှုန်း အကောင်းဆုံးဖြစ်ကြောင်း သိရသည်။ ကျူရှင်များ သင်ယူနိုင်ခွင့် ရပြီး နာမည်ကြီးကျောင်းများရှိသည့် တိုင်းဒေသကြီးများကို ကျော်လွန်ပြီး ဘာသာစကားပိုင်းဆိုင်ရာတွင် အားနည်း ချက်ရှိနိုင်သည့် ပြည်နယ်လေး တစ်ခုက အောင်ချက် အကောင်းဆုံးရရှိသည်မှာ ချီးကျူးဖွယ်ရာ ကောင်းလှသည်။
တက္ကသိုလ်ဝင်တန်း စာဖြေဌာနများ အတွက် စံပြုဖွယ်ရာတစ်ခုမှာ ပြည်ထဲ ရေး ဝန်ကြီးဌာန လက်အောက်ရှိ အကျဉ်း စခန်းအသီးသီးမှ ဖြေဆိုအောင်မြင်ခဲ့ကြ သူများဖြစ်ကြသည့် ၂ဝ၁၈-၂ဝ၁၉ စာသင် နှစ်တွင် အကျဉ်းထောင် ကိုးခုမှ ဝင် ရောက် ဖြေဆိုသူ အကျဉ်းသား အကျဉ်း သူ ၁၇၁ ဦးအနက် ၉၄ ဦး အောင်မြင် ခဲ့သည်။ အောင်ချက် ရာနှုန်းမှာ ၅၄ ဒသမ ၉၇ ရှိပြီး တစ်နိုင်ငံလုံး ပျမ်းမျှ ရာနှုန်း၏ အထက်တွင် ရှိကြောင်း သိရ သည်။ ထို့အပြင် ဖြေဆိုအောင်မြင်ခဲ့သူ များအနက် သုံးဘာသာ ဂုဏ်ထူး လေးဦး၊ နှစ်ဘာသာ ဂုဏ်ထူး ၁၆ ဦးနှင့် တစ် ဘာသာ ဂုဏ်ထူးရသူ နှစ်ဦး ပါဝင်ခဲ့ ကြောင်း သိရှိရသည်။ ယင်းတို့မှာ စေတနာ ဆရာ ဆရာမများ၏ သင်ကြား ပြသမှုအပေါ်၌သာ အဓိက မှီခိုအားထား ရပြီး ပြင်ပနေသူများကဲ့သို့ ကျူရှင်တက် နိုင်ခြင်းလည်း မရှိကြပေ။ ယင်းကဲ့သို့ သော အခြေအနေတွင် အဘယ်ကြောင့် ယခုကဲ့သို့ အောင်ချက် မြင့်မားအောင် ဖြေဆိုနိုင်ခဲ့ကြသနည်းဆိုသော အချက်ကို လေ့လာဆန်းစစ် ကြည့်သင့်ပေသည်။ အကျဉ်းကျခံနေရသူများမှာ ဘဝပေး အခြေအနေအရ ရှင်သန် လွတ်မြောက် လိုသည့် ဆန္ဒပြင်းပြခြင်း၊ စာသင်ကြား ပေးမှုအပေါ်၌ အာရုံစူးစိုက်မှုမြင့်မားခြင်း နှင့် စည်းကမ်းလိုက်နာခြင်းတို့သည် အရေးပါသည့်အကြောင်းများဖြစ်လိမ့် မည်ဟု သဘောရရှိပေသည်။
အမျိုးသားရေးဆရာတော်များ ဦးစီး ဖွင့်လှစ်သောမဟော်သဓာအခမဲ့ကိုယ်ပိုင် အထက်တန်းကျောင်းမှာလည်း စံပြုထိုက် သည့်ကျောင်းတစ်ကျောင်းအဖြစ် တွေ့ရှိ ရသည်။ ကျောင်းသား ကျောင်းသူ ၁၇၇ ဦးဝင်ရောက်ဖြေဆိုခဲ့ရာ ၁၁ဝ အောင်မြင် ခဲ့ပြီး အောင်ချက်ရာနှုန်းမှာ ၇၆ ဒသမ ၃၉ ရှိကြောင်းသိရသည်။ ထိုနည်းတူစွာ ကျောင်းပြင်ပမူလတန်းပညာရေးမှတစ်ဆင့် ပြုစုပျိုးထောင်ပေးပြီး တက္ကသိုလ်ဝင် တန်းစာမေးပွဲသို့ ၁၃၈ ဦးဝင်ရောက်ဖြေ ဆိုခဲ့ရာ ၃၁ဦးအောင်မြင်ခဲ့ကြောင်းသိရ သည်။
တက္ကသိုလ်ဝင်တန်းစာမေးပွဲ အောင်ချက်ရာနှုန်း ကောင်းမွန်သည့်ကျောင်းများ၏ အောင်ချက်မြင့်မား ရသည့် အကြောင်းရင်းများကို လေ့လာရာတွင် ကျောင်းအလိုက် ထူးခြားချက်များရှိသော်လည်း ယေဘုယျအားဖြင့် ကျောင်းစီမံအုပ်ချုပ်မှု ကောင်း မွန်ခြင်း၊ စည်းကမ်းထိန်းသိမ်းမှုနှင့် လိုက်နာမှုမြင့် မားခြင်း၊ ဆရာ ဆရာမများ၏ သင်ကြားပြသမှု အရည်အသွေး မြင့်မားခြင်း၊ ကျောင်းသားကျောင်း သူများ၏ သင်ယူတတ်မြောက်လိုစိတ် ပြင်းပြခြင်း နှင့် ကြိုးပမ်းဆောင်ရွက်မှု အားကောင်းခြင်းအစ ရှိသော စိတ်ဓာတ်-စည်းကမ်း-ပညာတည်းဟူသော စံများနှင့်အညီ လိုက်နာကျင့်သုံးနိုင်ခြင်းတို့ကြောင့် ဖြစ်ကြောင်း လေ့လာတွေ့ရှိရသည်။ အချုပ်အားဖြင့် ဆိုရပါမူ မိဘဆရာ ကျောင်းသား သုံးပွင့်ဆိုင် ပူးပေါင်းဆောင်ရွက်မှု အားကောင်းခြင်းကြောင့် ဖြစ်သည် ဟူ၍ဆိုနိုင်ပေသည်။ သို့ဖြစ်၍ ကျောင်း သားမိဘဆရာအသင်းများကို စနစ်တကျ ဖွဲ့စည်း လှုပ်ရှားစေသင့်ပေသည်။ အချို့က ကျောင်းသား မိဘဆရာ
အစည်းအဝေးနှင့် ပညာရည်ချွန်ဆုပေးပွဲ များကို စာသင်နှစ် ကုန်ဆုံးချိန်နီးမှ စတိသဘော ပြုလုပ်နေကြသည်။ အမှန်စင်စစ် စာသင်နှစ်အစ တွင် ကျင်းပမှသာ ကျောင်းလုပ်ငန်းများ ဖွံ့ဖြိုးတိုး တက်ရေးအတွက် အကြံကောင်း၊ ဥာဏ်ကောင်းများ ရရှိနိုင်မည်ဖြစ်သကဲ့သို့ ကျောင်းသား ကျောင်းသူ များအနေဖြင့်လည်း ဆုရရှိသူများအား တွေ့မြင်ပြီး အတုမြင်-အတတ်သင်ဆိုသကဲ့သို့ ကြိုးစားလိုစိတ် များကို နှိုးဆွပေးသည့်သဘော သက်ရောက်နိုင်ပေ သည်။
မြန်မာနိုင်ငံတွင် တက္ကသိုလ်ဝင်တန်းစာမေးပွဲ သည် လူငယ်လူရွယ်များ၏ဘဝအတွက် အချိုး အကွေ့ ဖြစ်သည်။ စာမေးပွဲအောင်သူများအနက် အထက်တန်းပညာကို ဆက်လက်ဆည်းပူးသူများ ရှိသကဲ့သို့ ပညာဆက်လက်သင်ယူရန် အခြေအနေ မပေးသူများလည်း ရှိနိုင်ပေသည်။ မြန်မာနိုင်ငံ၏ လက်ရှိအနေအထားများအရ မိမိတို့စိတ်ကြိုက်တက် ရောက်သင်ယူလိုသည့် တက္ကသိုလ်များသို့ တက် ရောက် သင်ယူနိုင်သည့်အခွင့်အရေးများ မရှိသေး ပေ။ အကန့်အသတ်များရှိနေသည်။ ဝိဇ္ဇာ၊ သိပ္ပံ တက္ကသိုလ်များတွင် တက်ရောက်ပညာ သင်ကြား နေသော ကျောင်းသားကျောင်းသူများတွင် နေ့တက် ကျောင်းသား (Day Student)ရာခိုင်နှုန်း ၄ဝသာ ရှိပြီး ရာခိုင်နှုန်း ၆ဝ မှာ အဝေးသင်အဖြစ် စာပေး စာယူသင်တန်းများသို့ တက်ရောက်သင်ယူနေကြ ကြောင်း သိရှိရသည်။
တက္ကသိုလ်အသီးသီးသို့ တက်ရောက်သင်ကြား ရေးမူအရ တက္ကသိုလ်ဝင်စာမေးပွဲ အောင်မြင်သူ အများစုမှာ အဝေးသင် တက္ကသိုလ်များသို့ တက် ရောက်သင်ကြားရမည့်အခြေအနေသို့ ရောက်ရှိပေ သည်။ သို့ဖြစ်၍အရေအတွက်အရ တိုးပွားလာမည့် သင်တန်းသားများအတွက် အဝေးသင်တက္ကသိုလ် အတွက် လိုအပ်သော ကြိုတင်စီမံချက်များ ချမှတ် ဆောင်ရွက်ကြရန် လိုအပ်မည်ဖြစ်ပေသည်။ မြန်မာ နိုင်ငံတွင် အဝေးသင်တက္ကသိုလ်မှ အောင်မြင်ပြီး ဘွဲ့ရသူများအား အချို့သော ဝန်ကြီးဌာနအဖွဲ့အစည်း များက အလုပ်အကိုင်များခန့်ထားရာတွင် ခွဲခြား ဆက်ဆံမှုများရှိကြောင်း သိရသည်။ သို့ဖြစ်ရာ အဝေးသင်တက္ကသိုလ်တက်ရောက်ဘွဲ့ယူသူများအား အရည်အသွေး မြင့်မားသူများအဖြစ် မွေးထုတ်နိုင် မည့် သင်ရိုးညွှန်းတမ်းများ ရေးဆွဲဆောင်ရွက်နိုင် ကြရန် လိုအပ်သကဲ့သို့ သက်ဆိုင်ရာဝန်ကြီးဌာန အဖွဲ့အစည်းများကလည်း ခွဲခြားဆက်ဆံမှုမရှိဘဲ တစ်ပြေးညီ အသိအမှတ်ပြုလက်ခံဆောင်ရွက်ကြရန် လိုအပ်မည် ဖြစ်ပေသည်။
စာမေးပွဲအောင်မြင်မှုမရှိသည့် ကျောင်းသား ကျောင်းသူများအနေဖြင့်လည်း လျှောက်လှမ်းရမည့် လမ်းနှစ်သွယ်ရှိနေသည်။ အချို့က ဆက်လက်ပညာ သင်သွားမည်ဖြစ်ပြီး အချို့ကမူ ဘဝခရီးလမ်းကို ဖြတ်ကူးကြရတော့မည်ဖြစ်သည်။ တက္ကသိုလ်ဝင် စာမေးပွဲ ဆက်လက်ဖြေဆိုရမည့်သူများအနေဖြင့် အစကောင်းမှအနှောင်းသေချာဆိုသကဲ့သို့ မိမိတို့၏ အားနည်းချက်များကို ပြန်လည်ဆန်းစစ်ကာ လာ မည့်တိုက်ပွဲအတွက် အသင့်အနေအထား၌ ရှိနေ အောင် ကြိုတင် စီမံဆောင်ရွက်ထားကြရန် လိုအပ် မည်ဖြစ်ပေသည်။
အချုပ်အားဖြင့် ဆိုရပါမူ နိုင်ငံတော်၏သား ကောင်း ရတနာများဖြစ်ကြသည့် လူငယ်များအနေ ဖြင့် ''ငုပ်မိသဲတိုင်တက်နိုင်ဖျားရောက်'' ဟူသော ဇွဲလုံ့လကို အရင်းတည်ကာ မိမိတို့လိုရာ ပန်းတိုင်ကို အရောက်လှမ်းကြရန် တိုက်တွန်းနှိုးဆော်လိုက်ရ ပေသည်။