images
UN
UN
သမိုင်းစာမျက်နှာမှာ ယနေ့လွှတ်တော်ကြီး၏အရည်အသွေးကို ဒီအစီရင်ခံစာကိုကြည့်ပြီး ဆုံးဖြတ်ပါလိမ့်မယ် နာယကကြီးတာဝန်ပေးထားတာကတခြား လုပ်နေတာကတစ်မျိုးဖြစ်နေသည့်အတွက် လက်ခံနိုင်စရာမရှိပါ
Wednesday, 31 July 2019
ကျွန်တော်ကတော့ မိတ္ထီလာမြို့နယ် က ဒေါက်တာမောင်သင်းဖြစ်ပါတယ်။
ကျွန်တော့်အနေဖြင့် '' ပြည်ထောင်စု သမ္မတ မြန်မာနိုင်ငံတော်ဖွဲ့စည်းပုံအခြေ ခံဥပဒေ(၂ဝဝ၈)ပြင်ဆင်ရေးပူးပေါင်းကော် မတီ၏ လေ့လာတွေ့ရှိချက်နှင့် သဘော ထားမှတ်ချက်အစီရင်ခံစာအပေါ် ဦးတည် ချက်နှင့်တာဝန်ကို အောင်မြင်စွာအကောင် အထည်ဖော်နိုင်မှု ရှိ/မရှိဆိုတဲ့ ရှုထောင့် ကနေ ဆွေးနွေးသွားမှာဖြစ်ပါတယ်။
ဤ (၄၅) ဦးကော်မတီကို နာယက ဖွဲ့စည်းပေးစဉ်ကတည်းက ''ဦးတည် ချက်၊ တာဝန်၊ လုပ်ပိုင်ခွင့်၊ လုပ်ထုံး လုပ်နည်း၊ ရပိုင်ခွင့်၊ သက်တမ်းတို့နှင့် အတူ''ဆိုပြီးဖွဲ့စည်းတာဝန်ပေးအပ်ခဲ့တာ ပါ။ အဲဒီမှာ အဖွဲ့၏ဦးတည်ချက်(၅)ရပ် နှင့်တာဝန် ၁၄ချက်ပါရှိပါတယ်။ အဲဒီ ဦးတည်ချက်(၅)ရပ်ထဲမှာ ဒို့တာဝန်အရေး သုံးပါး မပါဝင်ခြင်းဟာ ဆွေးနွေးရန်၊ ပြင်ဆင်ရန်၊ အကြံပြုရန် မလိုလို့လား ဒါမှမဟုတ် ဒီမိုကရေစီနှင့်လူ့အခွင့်အရေး လောက် အရေးမပါလို့လားဟု မေးခွန်း ထုတ်စရာဖြစ်နေပါတယ်။
ယခုနှစ်ဇူလိုင်လ ၁၅ရက်နေ့ကတင် သွင်းခဲ့တဲ့ အစီရင်ခံစာဟာ ဦးတည်ချက် (၅)ရပ်ကိုပေါက်မြောက်အောင် အကောင် အထည်ဖော်ခဲ့ပါသလားဆိုတာကို ပြည် ထောင်စုလွှတ်တော်ကိုယ်စားလှယ်ကြီး များက သေသေချာချာ ဆန်းစစ်စေလိုပါ တယ်။ ယခုအစီရင်ခံစာအပိုဒ်(၃)မှာ တော့ ဦးတည်ချက်(၅)ရပ်ကို အခြေခံ ဆောင်ရွက်ခဲ့ပါတယ်လို့ ဆိုထားပါ တယ်။
ဦးတည်ချက်(က)တွင် - ဖွဲ့စည်းပုံ အခြေခံဥပဒေပါ ပြဋ္ဌာန်းချက်များကို ဒီမို ကရေစီစံနှုန်းများနှင့်ညီညွတ်ခြင်းရှိစေ ရန်၊ ရှေ့နောက်ညီညွတ်၍ ဆန့်ကျင်ကွဲ လွဲမှုမရှိသည့် ပြဋ္ဌာန်းချက်များဖြစ်ပေါ် လာစေရန်၊ ပါတီစုံဒီမိုကရေစီစနစ်ကို ဖော်ဆောင်ရာတွင် အဟန့်အတားဖြစ်စေ သော ပြဋ္ဌာန်းချက်များကို ပြင်ဆင်နိုင်ရန် တို့အတွက် ပြောင်းလဲလာသည့် ခေတ်စ နစ်နှင့်အညီ သုံးသပ်ပြင်ဆင်ဆောင်ရွက် နိုင်ရေးလို့ပါရှိပါတယ်။ ဒါပေမဲ့ အစီရင် ခံစာအပိုဒ် အပိုဒ်(၄)မှသည် (၁၈)တို့တွင် ဖွဲ့စည်းပုံဥပဒေ ဘယ်အခန်းတွင် ဘယ် နှစ်ချက်ကို ပြင်ဆင်ရန်၊ ပယ်ဖျက်ရန်၊ အသစ်ဖြည့်စွက်ရန်နှင့်အကြံပြုတင်ပြခဲ့ သည့် ပုဒ်မနှင့်ပုဒ်မခွဲအရေအတွက် ဘယ် လောက်သာပါရှိပြီး အကြံပြုတင်ပြခဲ့ခြင်း မရှိသည့်ပုဒ်မ၊ ပုဒ်မခွဲက ဘယ်လောက် ဟုသာ စုစည်းမှတ်တမ်းတင်ထားတာ လောက်ကိုသာတွေ့ရပါတယ်။
ဦးတည်ချက် (က)မှာပါတဲ့
(၁) ဒီမိုကရေစီစံနှုန်းများနှင့် ညီညွတ် ခြင်းမရှိတဲ့ ပုဒ်မက ဘယ်နှခု
(၂) ရှေ့နောက်ညီညွတ်၍ ဆန့်ကျင်ကွဲ လွဲမှုမရှိသည့် ပြဋ္ဌာန်းချက်များ ဘယ်လောက်
(၃) ပါတီစုံဒီမိုကရေစီစနစ်ကို ဖော် ဆောင်ရာတွင် အဟန့်အတားဖြစ်စေ သော ပြဋ္ဌာန်းချက်တွေက ဘာတွေ လဲဆိုတာတွေနှင့်
ဦးတည်ချက် အပိုဒ် (ခ)ပါ
(၁) မဏ္ဍိုင်သုံးရပ်အပြန်အလှန် ထိန်း ကျောင်းမှု
(၂) နိုင်ငံသားများ၏ တန်းတူညီမျှမှုကို အကာအကွယ်ပေးနိုင်မှု
(၃) လွတ်လပ်၍ တရားမျှတသော ရွေး ကောက်ပွဲ ကျင်းပနိုင်ရေးတို့ကို အစီရင်ခံစာ၏ မည်သည့်နေရာမှ ဖော်ပြထားခြင်းမရှိပါ။ သို့ပါ၍ ယခု ''အစီရင်ခံစာ အပိုဒ် (၃)တွင် ဦးတည်ချက် (၅)ရပ်ကို အခြေခံ၍ ဆောင်ရွက်ခဲ့ပါသည်''
ဆိုတာဟာ အပြောတခြား အလုပ်တစ် ခြားဖြစ်နေပါတယ်။

လေးစားအပ်တဲ့ နာယကကြီးခင်ဗျာ
နာယကကြီးအနေဖြင့်ဖွဲ့စည်းအမိန့်၏ အပိုဒ် (၃) တာဝန်များ (ဂ)တွင် ''ဒီမိုက ရေစီစံနှုန်းများနှင့် ညီညွတ်မှုမရှိသော ပြဋ္ဌာန်းချက်များ၊ ရှေ့နောက်ညီညွတ်ခြင်း မရှိဘဲ ဆန့်ကျင်ကွဲလွဲနေသည့် ပြဋ္ဌာန်း ချက်များနှင့် ပါတီစုံဒီမိုကရေစီစနစ်ကို ဖော်ဆောင်ရာတွင် အဟန့်အတားဖြစ်စေ မည့် ပြဋ္ဌာန်းချက်များကို ဦးစားပေး လေ့လာသုံးသပ်ရမယ်''လို့ တိတိကျကျ တာဝန်ပေးအပ်ထားပါတယ်။ သို့သော်
အစီရင်ခံစာတွင် အထက်ပါသုံးသပ်ချက် များ မပါဝင်ခြင်းကို ကြည့်ခြင်းအားဖြင့် ဖွဲ့စည်းပုံအခြေခံဥပဒေ (၂ဝဝ၈)မှာ ဒီမို ကရေစီစံနှုန်းနဲ့မညီသော ရှေ့နောက်ဆန့် ကျင်ကွဲလွဲနေသောပါတီစုံဒီမိုကရေစီဖော် ဆောင်ရာမှာ အဟန့်အတားဖြစ်စေသော ပြဋ္ဌာန်းချက်များ ''မရှိဘူး'' ''မပါ ဘူး''လို့ ကောက်ချက်ချရပါလိမ့်မယ်။
အလားတူပင် ဦးတည်ချက် (ဂ) နှင့် (ဃ) တို့ကို အကောင်အထည်ဖော်မှုများ ကို အစီရင်ခံစာတွင် လုံးဝမတွေ့ရပါဘူး။ နာယကကြီးက ဖွဲ့စည်းတာဝန်ပေးသည့် အမိန့်ကြော်ငြာစာ၏ အပိုဒ် (၄) အပိုဒ်ခွဲ (က)မှသည်အပိုဒ်ခွဲ(ဆ)အထိ အထက် ပါ ဦးတည်ချက်(၄)ရပ်ကို ဦးစားပေး အကောင်အထည်ဖော်ရန် တိတိကျကျ ဖော်ပြထားခဲ့ပါတယ်။ သို့သော်လည်း အကောင်အထည်ပေါ်လာခြင်းမရှိကြောင်း အစီရင်ခံစာက သက်သေခံနေပါတယ်။ ဒါ့အပြင် ဖွဲ့စည်းပုံ အခြေခံဥပဒေ အခန်း (၁) မှ (၁၅) နှင့် နောက်ဆက်တွဲဇယား (၁) မှ (၅) အထိ ပြင်ဆင်၊ ဖြည့်စွက်၊ ပယ်ဖျက်၊ အကြံပြုပေါင်း ၃၇၆၅ ချက် သည်လည်း ဦးတည်ချက် (၅) ရပ်နှင့် အကျုံးဝင်ခြင်း ရှိ၊ မရှိ နှင့် ဘာ့ကြောင့် ပြင်ဆင်၊ ဖြည့်စွက်၊ ပယ်ဖျက်၊ အကြံပြု ရတယ်ဆိုတာကိုလည်းလုံးဝဖော်ပြထား ခြင်းမရှိပါ။ နိုင်ငံရေးပါတီ(၁၄) ပါတီ၊ တစ်သီးပုဂ္ဂလနှင့် တပ်မတော်သား ကိုယ်စားလှယ်များ ဆွေးနွေးသမျှကို မှတ်တမ်းတင်ထားသည့် အဆင့်သာရှိ ပြီး အစီရင်ခံစာ၏ သဘောသဘာဝနှင့် လုံးဝကင်းဝေးနေပါတယ်။
ထို့အတူ အစီရင်ခံစာ၏ သုံးသပ် ထားချက်များသည်လည်း ဦးတည်ချက် (၅) ရပ်ကို အခြေခံမှုကင်းကာ မူဘောင် အပြင်ဘက်မှသာ လိုသလိုဆွဲ၍ သုံးသပ် ခြင်းသာ ဖြစ်နေပါတယ်။ဒါ့အပြင်အစီရင်ခံစာ၏'သဘောထားမှတ် ချက်အပိုဒ်တွင်လည်း ပြင်ဆင်ရေး ပူး ပေါင်းကော်မတီသည်ဖွဲ့စည်းပုံအခြေခံ ဥပဒေ(၂ဝဝ၈)ကို ပြင်ဆင်သည့် ဥပဒေ မူကြမ်းတစ်ရပ်ကို ဆက်လက်ရေးဆွဲရန်' လို့ပါရှိပါတယ်။ ယခုလေ့လာသည့် အစီ ရင်ခံစာသည်ပင်လျှင် ဦးတည်ချက်(၅) ရပ်ကို တိတိပပ ဖော်ပြနိုင်ခြင်းမရှိတဲ့အစီ ရင်ခံစာဖြစ်နေသေးလျှင် ပြင်ဆင်သည့် ဥပဒေမူကြမ်းတစ်ရပ် ဆက်လက်ရေးဆွဲ ခွင့်ပြုခဲ့လျှင်လည်း ယခုလို ဦးတည်ချက် နှင့် အလွန်အလှမ်းဝေးသည့် ဥပဒေမူ ကြမ်းတစ်ခုသာ ထွက်လာပါလိမ့်မယ်လို့ မြင်မိပါတယ်။
လေးစားအပ်ပါသောနာယကကြီးခင်ဗျာ-
အထက်ပါကဲ့သို့ နာယကကြီးက ဖွဲ့စည်းပေးစဉ်က တိတိကျကျ သတ်မှတ် ပေးလိုက်သည့် ဦးတည်ချက်နှင့် တာဝန် များကို ပီပြင်စွာဆောင်ရွက်နိုင်ခြင်းမရှိ သည့် အစီရင်ခံစာကို ပြည်ထောင်စုလွှတ် တော်က ဘာကြောင့် လက်ခံခဲ့ပါသလဲ။ ပြီးတော့ ပြည်ထောင်စုလွှတ်တော်မှာ ဖြန့်ဝေပြီး၊ ဆွေးနွေးစေခြင်းဟာ 'ကိုယ့် အထုပ်ကိုယ် ဖြေပြသလို သဘောမ ရောက်နေဘူးလား' စသည့်မေးခွန်းတွေ မေးစရာဖြစ်လာပါပြီ။ အခုတော့ ပယ် ဖျက်လို့မရတော့ပါ။ သမိုင်းစာမျက်နှာ မှာ ကျွန်တော်တို့ ပြည်ထောင်စုလွှတ် တော်ကြီး အရည်အသွေးကို ဒီအစီရင်ခံ စာကိုကြည့်ပြီး ကျွန်တော်တို့ထက်သာတဲ့ လူတော်ပြည်သူတွေက အဂတိတရား(၄) ပါးကင်းရှင်းစွာဖြင့်ဆုံးဖြတ်ပါလိမ့်မယ်။
နာယကကြီးခင်ဗျာ-
ကျွန်တော်တို့ ပါတီအနေဖြင့်တော့ နဂိုကတည်းက ဒီအဖွဲ့ ဖွဲ့စည်းခြင်းဟာ ဥပဒေနှင့် မညီပါလို့ ကန့်ကွက်ခဲ့တာ ကြောင့်မို့ နာယကကြီး တာဝန်ပေးထား တာကတခြား လုပ်လာတာက တစ်မျိုး ဖြစ်နေသည့် ဒီအစီရင်ခံစာကို လက်ခံနိုင် စရာမရှိပါဘူး။ ဖွဲ့စည်းပုံအခြေခံဥပဒေ ဟာ ပိဋကတ်သုံးပုံ မဟုတ်သဖြင့် ပြင်ရ လိမ့်မယ်ဆိုတာကို ကျွန်တော်တို့ အစဉ် တစိုက် ပြောကြားခဲ့ပြီး ပြင်ဆင်မှု ဥပဒေ (မူကြမ်း)ကို နှစ်ကြိမ်တိတိ ဒီလွှတ်တော် မှာ လက်တွေ့တင်သွင်းခဲ့တဲ့ပါတီလည်း ဖြစ်ပါတယ်။ သို့ပါ၍ ဥပဒေပြုကိုယ် စားလှယ်များအနေဖြင့် ပြင်တာကို ဖွဲ့စည်းပုံအခြေခံဥပဒေ အခန်း (၁၂) ပါ ပြဋ္ဌာန်းချက်နှင့်အညီသာ ပြင်သင့်ပါ ကြောင်းနှင့် အစီရင်ခံစာကို ကန့်ကွက်ပါ ကြောင်း ထပ်လောင်းပြောကြားရင်း နိဂုံး ချုပ်အပ်ပါတယ်။
အားလုံးကို ကျေးဇူးတင်ပါတယ် ခင်ဗျာ။