images
UN
UN
ခြေဥပြင်ဆင်ရေး ၄၅ ဦးကော်မတီထဲမှ အဖွဲ့ဝင်အချို့ နုတ်ထွက် သမိုင်းတရားခံအဖြစ်မခံနိုင်ကြောင်း ဗဟိုချုပ်ကိုင်မှုကျင့်သုံးပြီး အာဏာရပါတီတည်မြဲရေး ရည်ညွှန်းနေကြောင်းဟုဆိုကြ
Wednesday, 04 September 2019
တိုင်းရင်းသားများ၏ ဖက်ဒရယ်ပြည်ထောင်စုဆန္ဒများ ဖြည့်ဆည်းပေးနိုင်မှုအားနည်းကြောင်း တွေ့ရှိရသဖြင့် ၄၅ဦးကော်မတီမှ အဖွဲ့ဝင်များနုတ်ထွက်စာတင်ထားကြောင်း သိရသည်။
လက်ရှိအချိန်တွင် ကော်မတီဝင်သုံးဦးက အသီးသီးနုတ်ထွက်စာတင်ထားကြပြီးဖြစ်ရာ ယခုလ ၂ရက်က ပထမဦးဆုံးစတင်နုတ်ထွက်စာတင်ခဲ့သူ မအူပင်မြို့နယ် ပြည်သူ့လွှတ်တော်ကိုယ်စားလှယ်ဦးစိန်ဝင်းက ''ဖွဲ့စည်းပုံပြင်ဆင်ရေးလုပ်ငန်းများဆောင်ရွက်ရာတွင် ပြင်ဆင်ဖြည့်စွက်အကြံပြုချက် စုစုပေါင်း ၃၇၆၅ချက်တွင် ၄၆၂ချက်တိတိအား စိတ်အားတက်ြ<ွကစွာပြင်ဆင်လိုသော စိတ်ဆန္ဒဖြင့်အကြံပြုခဲ့ရာ ၄င်း အဆိုပြုချက်များအား လျှို့ဝှက် ဆန္ဒမဲဖြင့် အတည်ပြုရန်တင်ပြ သော်လည်း ဆောင်ရွက်ပေးမှုမရှိ ခြင်း၊ဖွဲ့စည်းပုံပြင်ဆင်ရေးမူဝါဒငါး ချက်ကို လိုက်နာမှုအားနည်းခြင်း၊ တိုင်းရင်းသားများ၏ ဖက်ဒရယ် ပြည်ထောင်စု ဆန္ဒများဖြည့်ဆည်း ပေးနိုင်မှုအားနည်းခြင်းတို့ကြောင့် ယခုလ ၂ ရက်မှစ၍ ၄၅ ဦးအဖွဲ့ မှနုတ်ထွက်ကြောင်းနှင့် အနာဂတ် သမိုင်းတရားခံ အဖြစ်မခံနိုင်၍ နုတ်ထွက်ခွင့်ပြုစေလိုကြောင်း'' ဟု ၄င်း၏နုတ်ထွက်စာတွင်ထည့် သွင်းရေးသားထားသည်။
ဖွဲ့စည်းပုံပြင်ဆင်ရေး ၄၅ ဦး ပါပူးပေါင်းကော်မတီမှ နုတ်ထွက် ခဲ့သော မအူပင်မြို့နယ် ပြည်သူ့ လွှတ်တော်ကိုယ်စားလှယ် ဦးစိန် ဝင်းသည်အမျိုးသားညီညွတ်သော ဒီမိုကရက်တစ်ပါတီ (အင်န်ယူဒီ) ပါတီဥက္ကဋ္ဌဖြစ်သည်။

ယမန်နေ့တွင်လည်း ယင်း ကော်မတီထံမှ ကော်မတီဝင်နှစ်ဦး ထပ်မံနုတ်ထွက်စာတင်ခဲ့သည်။
အဆိုပါကော်မတီဝင် နှစ်ဦးမှာ ရခိုင်အမျိုးသားပါတီ ကိုယ်စား လှယ်များဖြစ်သော ဦးအောင် ကျော်ဇံနှင့် ဦးမြင့်နိုင်တို့ ဖြစ်ပြီး ကော်မတီမှနုတ်ထွက်ရန်အတွက် ပါတီ၏ မူဝါဒရေးရာဦးဆောင် ကော်မတီနှင့်ဗဟိုအလုပ်အမှုဆောင် ကော်မတီတို့၏ ဆုံးဖြတ်ချက်အရ နုတ်ထွက်စေခြင်းဖြစ်ကြောင်း သိရ သည်။
၎င်းတို့နှစ်ဦးအား ၄၅ဦးကော် မတီမှနုတ်ထွက်စေခြင်းအကြောင်း ရင်းနှင့်ပတ်သက်ပြီး ရခိုင်အမျိုး သားပါတီ၏ ထုတ်ပြန်ချက်တွင် ''စစ်မှန်သော ဖက်ဒရယ်ပြည် ထောင်စု တည်ဆောက်ရေးအခန်း ကဏ္ဍမှာပီပြင်စွာ ပါဝင်နိုင်ရန် အခြေအနေမရှိတော့သည့်အပြင် ဗဟိုချုပ်ကိုင်မှုစနစ် ကျင့်သုံးပြီး လက်ရှိ အာဏာရပါတီ၏ တည်မြဲ ရေးကိုသာ ရည်ရွယ်နေကြောင်း တွေ့မြင်လာရပါသည်''ဟု ထည့် သွင်းဖော်ပြထားသည်။
ယခုကဲ့သို့ ၄၅ဦးကော်မတီမှ ကော်မတီဝင်များနုတ်ထွက်ရခြင်း နှင့်ပတ်သက်ပြီး ပျော်ဘွယ်မဲဆန္ဒ နယ်မှ ပြည်သူ့လွှတ်တော်ကိုယ်စား လှယ် ဦးသောင်းအေးက ''၄၅ ဦး ကော်မတီက အစကတည်းက စဖွဲ့ကတည်းက အန်ကယ်တို့ပြော ပြီးသား။ ဒီကော်မတီ ဖွဲ့စည်းနေ တာသည် ဥပဒေနဲ့မညီဘူး။ ပြော မယ်ဆိုရင်တော့ အင်န်အယ်လ်ဒီ လိုချင်တဲ့ ပုံစံအတိုင်းသွားနေတာပါ ပဲ။ အဆိုတင်တယ်။ ဒီအဆိုကို ကော်မတီရဲ့လုပ်ငန်းလမ်းညွှန်ချက်၊ ဦးတည်ချက်၊ မျှော်မှန်းချက်ဆိုတဲ့ အဆင့်သတ်မှတ်တယ်။ သတ်မှတ် ပြီးတော့ စလုပ်ကတည်းကိုက အန်ကယ်တို့က ထောက်ပြတယ်။ ဒါမဖြစ်သင့်ဘူး။ လွှတ်တော်အနေ နဲ့လုပ်မယ်ဆိုရင် အများဆန္ဒနဲ့ သူ့ရဲ့ ဦးတည်ချက်တွေ လုပ်ငန်းတာဝန် တွေလုပ်ပိုင်ခွင့်တွေရေးသင့်တယ်။ ဖော်ပြသင့်တယ်။ မဟုတ်ဘူး။ ဒါ ကိုလည်းလက်မခံဘူး။ ဒီ အတိုင်း ပဲဆက်သွားနေတယ်။ သွားလာတဲ့ အတွက် မျှော်မှန်းထားတာလည်းပဲ လုပ်ငန်းတာဝန်ထဲမှာက တစ်ခုခု ကြုံကြိုက်လာလို့ရှိရင် ဆန္ဒမဲနဲ့ပဲ မဲခွဲမယ်လို့ပြောထားတယ်။ ဒါ ကြောင့်မို့လို့အချက်ပေါင်း ၃၇၆၅ ချက် ဖြစ်ပေါ်လာကတည်းက အင်န်အယ်လ်ဒီတင် တဲ့အချက်က လွဲလို့ကျန်တာမူကြမ်း ထဲမှာပါလာ မှာမဟုတ်ဘူးလို့ ပြောခဲ့ပြီးသား။ ဘာကြောင့်လဲဆိုတော့ ဒီ ၄၅ဦး ကော်မတီက မဲခွဲရင် ဘိုကင်အများ ဆုံးက အင်န်အယ်လ်ဒီပဲဖြစ်တယ်။ အခုထွက်လာကြတာလည်း အဲဒီ လုပ်ဆောင်ချက်အတိုင်းဆက်လုပ် နေလို့။ တိုင်းရင်းသားပါတီတွေက လည်း သူတို့လိုချင်တာတင်ပြပေ မယ့် ပထမတော့ လိုချင်တာတင် ဆိုပြီးဖိတ်ခေါ်လိုက်တဲ့သဘောပဲ သို့သော် ဒါကိုပေးမယ်မပေးဘူးဆို တာကတော့ ဟန်ပြသက်သက်ပဲလို့ ဒီလိုပဲ မြင်ရတာ။ ဒါကြောင့်မို့လို့ နားလည်တဲ့လက်မခံနိုင်တဲ့ တိုင်း ရင်းသားပါတီတွေက ထွက်သွား ကြတာပဲလေ''ဟု သုံးသပ်ပြော ကြားခဲ့သည်။
ယခုကဲ့သို့ကော်မတီမှ နုတ် ထွက်ရန် စာတင်လာသည့်အပေါ် တွင်ကော်မတီက တရားဝင်နုတ် ထွက်ခွင့်ပြုကြောင်း ပြန်လည် အကြောင်းကြားခြင်းမရှိသေးဘဲ ကော်မတီ အစည်းအဝေးပြုလုပ်ရာ တွင်ခွင့်အဖြစ် ထည့်သွင်းမှတ် တမ်းတင်ကြောင်း သိရသည်။
ယနေ့နံနက်ပိုင်းတွင် အဆိုပါ ၄၅ ဦးကော်မတီမှ နောက်ထပ် ကော်မတီဝင်တစ်ဦး ထပ်မံထွက် စာတင်ကြောင်း သတင်းများထွက် ပေါ်ခဲ့သော်လည်း ကောလာဟလ သာဖြစ်ပြီး အတည်ပြုပေးနိုင်မည့် သူမရှိသေးကြောင်း သိရသည်။
သာလှ(ပျဉ်းမနား)