images
UN
UN
ရီဆက်ရှင်းလား-ဒီပရက်ရှင်းလား စီးပွားစစ်ကစားရလဒ်များ
နေဇင်လတ် Saturday, 07 September 2019
ဇူလိုင်၊ သြဂုတ်လအတွင်း ဖတ်ရှုလေ့ လာရသော ကမ္ဘာ့စီးပွားရေးဆိုင်ရာသုံး သပ်ချက်အားလုံးတွင် အကောင်းရှုထောင့် ဘက်မှတစ်ခုမျှမမြင်ရသေးချေ။ နည်းနည်း လောက်ဆိုးသည်လောက်ကိုပင် မရေးကြ ချေ။ မည်မျှများများဆိုးရွားသွားနိုင်သည် ကိုသာ ရှုထောင့်အစုံက ရေးသားထောက် ပြ ကြသည်ကိုတွေ့ရ၏။
သက်သက်သာသာဟု ဆိုလျှင်ပင် အနည်းဆုံး Global Recession ကမ္ဘာ့ စီးပွားရေးကျဆင်းမှုဖြစ်လိမ့်မည်ဟု သတိ ပေးထားကြပြီး အချို့ကမူရီဆက်ရှင်းကို မထိန်းနိုင်ပါက ၁၉၂၉ တွင်ဖြစ်ပွားခဲ့ဖူး သော Global Recession ကမ္ဘာ့ စီးပွားပျက်ကပ်အထိ ကူးစက်ခံရလိမ့်မည် ဟု သတိပေးထားသည်ကိုတွေ့ရသည်။
နိုင်ငံကြီးအတော်များများ၏စီးပွားရေး အခြေအနေနှင့်ညွှန်းကိန်းများကို လေ့လာ လိုက်တော့လည်းအနည်းဆုံး Recession လောက်တော့ဖြစ်ရန် တာစူနေသည်ကို တွေ့ရသည်။ Depression အထိကူးစက် နိုင်ခြင်းရှိ၊မရှိကိုမူ စာရေးသူ၏လေ့လာမှု က လုံလောက်မှုမရှိသေးပေ။
ကုန်သွယ်စစ်-ငွေကြေးစစ်မှစီးပွားစစ်သို့
တရုတ်-အမေရိကန်ကုန်သွယ်မှုလို ငွေကြီးမားလာရာမှအမေရိကန်ဘက်က ကုန်သွယ်စစ်ကိုစတင်ခဲ့သည်။ နှစ်ဖက် ညှိနှိုင်းရေးအဆင်မပြေ။ သို့နှင့်တရုတ် ဘက်ယွမ်ငွေတန်ဖိုးချလိုက်ရာ ငွေကြေး စစ်သို့ ကူးစက်သွားတော့သည်။ ထိုမှ တစ်ဖန် စတော့ဈေးကွက် ထိခိုက်ခြင်း၊ ရင်းနှီးမြှုပ်နှံမှုများ ထိခိုက်ခြင်း၊ ပစ်မှတ် ထားထုတ်ကုန်များကို အခွန်တိုးခြင်း စသည်တို့မှတစ်ဆင့် စီးပွားစစ်သို့ ကူး စက်လာပါလိမ့်မည်။ ကုန်သွယ်စစ်ကြောင့် ပင် ၂ဝ၂ဝ GDP ကိုခန့်မှန်းရာ အမေရိ ကန် ၁ ဒသမ ၇ ရာခိုင်နှုန်းနှင့်တရုတ် ၆ ဒသမ ၁ ရာခိုင်နှုန်းဟု ကမ္ဘာ့ဘဏ်က တွက်ချက်ပေးထားခဲ့ရာ အမေရိကန်စီးပွား ရေး အတော်အားလျော့သွားမည့်လက္ခဏာ ဖြစ်သည်။
လွန်ခဲ့သောနှစ်ပေါင်း ၉ဝ ဖြစ်သည့် ၁၉၂၉ တွင်အမေရိကန်စသော ကမ္ဘာ့ စီးပွားပျက်ကပ် Global Depression ဖြစ်ပွားခဲ့ပြီး နိုင်ငံအတော်များများပြန်၍ နာလန်ထူနိုင်ရန် နှစ်များစွာကြိုးစားခဲ့ရ ပါသည်။ ကြားကာလတွင် Recession များဆယ် နှစ်ခန့်တွင် အကြိမ်မည်မျှမှန်မှန် ဖြစ်ပွားခဲ့သည်ကိုလည်း တွေ့ရသည်။ Greece လို နိုင်ငံမျိုးတွင် ဖြစ်ပွားခဲ့ သောရီဆက်ရှင်းကို အခြားနိုင်ငံများသို့ မကူးစက်အောင် အတော်ကြိုးပမ်းခဲ့ကြရ ဖူးသည်။
ခပ်ပြင်းပြင်း အဆင်ခြင်မဲ့လုပ်ကိုင် တတ်သော ထရန့်နှင့် သွေးအေးအေး ခေါင်းမာမာ နောက်မဆုတ်တတ်သော ရှီကျင့်ဖျင်တို့ ထိပ်တိုက်တွေ့ပွဲတွင် တစ် ဦးဦးမှနောက်ဆုတ်၊ ညှိနှိုင်းမှုသာမရှိပါက Limited Recession (နိုင်ငံအချို့သာ ဖြစ်ပွားခြင်း)အဖြစ် ထိန်းသိမ်းနိုင်မှုမရှိဘွဲGlobal Recession အဖြစ် ကူးစက်သွား နိုင်ခြေ အတော်များနေသည်ကို တွေ့ရ သည်။


အနောက်ဥရောပ၏ ထောက်တိုင်များ အားလျော့နေသည်
အနောက်ဥရောပတွင် ဂျာမနီသည် အမေရိကန်ပြီးလျှင် အားအကောင်းဆုံး ထောက်တိုင်ကြီးဟု တင်စားခံရသည့်နိုင်ငံ ဖြစ်သည်။ ယခုအချိန်တွင်ဂျာမနီ၏စီးပွား ရေးသည် အတော့်ကိုအားလျော့သွားသည့် အချိန်ဖြစ်နေသည်ကိုတွေ့ရ၏။ ဂျာမနီ သည် ၂ဝ၁၇ တတိယ လေးလပတ်တွင် သုည ဒသမ ၂ သို့ကျဆင်းခဲ့ပြီး ၂ဝ၁၈ တွင် စီးပွားရေးပြန်လည်ဦးမော့လာခဲ့သည်။ သို့ သော်လည်း ၂ဝ၁၆ ကကဲ့သို့ အား မကောင်းခဲ့ချေ။ ၂ဝ၁၆ ၏ အချိုးတစ် ဝက်မျှပင် မီခဲ့သည်မဟုတ်ပါ။ ၂ဝ၁၉ တွင် စီးပွားရေးကျုံ့သွားခဲ့ပြီး အနုတ်လက္ခဏာ ပြလာသည်။ လာမည့် ၂ဝ၂ဝ တွင်လည်း အလားအလာကောင်းကို မတွေ့ရသေး။ ပြင်သစ်တွင်လည်း လပေါင်းများစွာ ဆန္ဒ ပြမှုများကို ရင်ဆိုင်နေရပြီး Yellow vest (ဆန္ဒပြသူများ)နှင့် ရဲများနေ့စဉ်နှင့်အမျှ တစ်ဖက်နှင့် တစ်ဖက်တိုက်ခိုက်နေကြ သည်။ အတော်များများ ပျက်စီးရသည်။ ပြင်သစ်၏စီးပွားရေးသည်ပြောပလောက် အောင်ကောင်းသည်ဟု ဆို၍မရချေ။
အခြားထောက်တိုင် တစ်ခုဖြစ်သော အီတလီသည် သတိပေးအခြေအနေသို့ ရောက်လာခဲ့သည်။ သုံးစွဲမှုကျဆင်းခြင်း၊ ကုန်ထုတ်လုပ်မှုကျဆင်းခြင်းအပြင် ဘဏ် များ၌ Bad loan ပမာဏပိုမိုကြီးထွား လာခြင်းက အီတလီ၏ စီးပွားရေးကို အနုတ်လက္ခဏာသို့ တွန်းပို့နေပါ၏။ Greece လိုနိုင်ငံ (နိုင်ငံအဆင့် ဒေဝါလီ ခံရသော)စီးပွားရေး ကျွမ်းပစ်ချိန်တွင် အခြားစီးပွားကောင်းသောနိုင်ငံများက ခုခံ ထား၊ ဝိုင်းကူခဲ့နိုင်ရာ ကူးစက်မသွားခဲ့ ချေ။ ဤသည်ကို Limited Recession ဟုခေါ်ပြီး တစ်နိုင်ငံ သို့မဟုတ် နိုင်ငံ အချို့သို့သာ ကူးစက်ခံရသည့် အခြေအနေ မျိုးဖြစ်သည်။
ယခုအခါစီးပွားရေးပမာဏကြီးမားပြီး တောင့်တင်းခိုင်မာခုခံနိုင်ပါသည်ဟု ဆို သော ဂျာမနီ၊ ပြင်သစ်၊ အီတလီလိုနိုင်ငံ ထောက်တိုင်များကိုယ်၌ကပင် အင်အား လျော့၊ စီးပွားကျုံ့သွားကြလေရာ တရုတ်-အမေရိကန် စီးပွားစစ်မှ ကူးစက်လာမည့် သက်ရောက်မှုကို ခုခံတားဆီးနိုင်ရန်မှာ မေးခွန်းထုတ်စရာ ဖြစ်လာပါတော့သည်။ ကိုယ့်နိုင်ငံ အထိမနာရန်သာ လုံ့လစိုက်ကြ ရမည်ဖြစ်ရာ အင်အားနည်းနိုင်ငံများကို ရီဆက်ရှင်းအတွင်း ဆွဲသွင်းခံရပါ လိမ့် မည်။
စစ်ရေးတင်းမာမှုများကလည်း အဆင်သင့်
နည်းပညာများ တိုးတက်လာလေ ကမ္ဘာကြီးသည်လောဘ၊ ဒေါသ၊ မောဟ များကြီးလာလေဖြစ်သည်။ စူပါနိုင်ငံများ ၏အတ္တအခြေခံသော Superiority ဟူ သည့် အမြဲတမ်းအကဲသာလိုခြင်းကလည်း ကောင်း၊ Hegemony ဟူသော ဗိုလ်ကျစိုး မိုးလိုခြင်းကလည်းကောင်း၊ အမြဲတမ်း ကမ္ဘာကြီးကို တစ်ခုမဟုတ် တစ်ခုလှုပ်ခါ နေစေပါသည်။
အမေရိကန်-ဆိုဗီယက်ခေတ်က ဝါဒ ခြင်းအားပြိုင်ခဲ့ပြီးစစ်အေးခေတ်ကို ဆယ်စု နှစ်များစွာ ဖြတ်သန်းခဲ့သည်။ ကျူးဘား အရေးအခင်းတွင် စစ်ဖြစ်လုနီးနီးဖြစ်ခဲ့၏။ စစ်အေးလွန်ပြီး ယနေ့ခေတ်တွင်မူ အမေရိ ကန်-တရုတ်သည်ဝါဒရေးရာပြိုင်ပွဲမဟုတ် တော့။ ပို၍အန္တရာယ်ရှိသောစီးပွားပြိုင် ခေတ်ဖြစ်လာတော့သည်။ အမေရိကန်တို့ အနေဖြင့် တရုတ်ကိုစိုးရိမ်မည်ဟုဆိုလျှင် လည်း စိုးရိမ်စရာ ဖြစ်ပါ၏။
၁၉၈ဝ မှ ယနေ့အထိ နှစ်ပေါင်း ၃၉ နှစ်အတွင်း တရုတ်စီးပွားရေးက ၃၁ ဆ ကြီးထွား လာခဲ့ပြီး အမေရိကန်က ငါးဆသာကြီး ထွားလာခဲ့ရာ အမေရိကန်ကိုစိန်ခေါ်သည့် အဆင့်ရောက်လာခဲ့သည်။ တောင်အာဖရိ က နှစ်ဆ၊ မက္ကဆီကို သုံးဆ၊ ဂျာမနီ လေးဆ၊ အမေရိကန် ငါးဆ၊ မလေးရှား ခြောက်ဆ၊ အိန္ဒိယ ခုနစ်ဆ၊ ဘရာဇီး ခုနစ်ဆ၊ တောင်ကိုရီးယား ၁၇ ဆ အသီး သီး ကြီးထွားလာခဲ့ပါသည်။ အလျင်မြန် ဆုံးကြီးထွားပါသည်ဆိုသော တောင်ကိုရီး ယားထက်ပင် တရုတ်က နှစ်ဆနီးပါးကြီး ထွားခဲ့သည်ကို တွေ့ရပါလိမ့်မည်။
အမေရိကန် - ဆိုဗီယက်ခေတ်တွင် အာဖဂန်နစ္စတန်သည် နိုင်ငံကြီး နှစ်နိုင်ငံ၏ ကြားခံစစ်ဖြစ်ခဲ့သည်။စစ်အေးလွန်၌ အရှေ့ အလယ်ပိုင်းဒေသသည် အမေရိကန်တို့ မွှေးခဲ့သော စစ်တလင်းဖြစ်ခဲ့ပြီး တဖြည်း ဖြည်းကူးစက်လာရာ ယနေ့အီရန်ကိုခြိမ်း ခြောက်လာသည့်အဆင့်ဖြစ်သည်။ ဟော် မုဇ်ရေလက်ကြားတွင် ထောက်လှမ်းရေး လုပ်နေသော အမေရိကန်၏ဒေါ်လာသန်း ၁၂ဝကျော်တန်ဒရုန်းကို အီရန်ကပစ်ချ ခဲ့၏။ ထိုဒေသသို့ အမေရိကန်ကစစ် သင်္ဘောတချို့ စေလွှတ်သည်။UK က လည်း အီရန်ရေနံတင်သင်္ဘောတစ်စင်းကို ဖမ်းဆီးလိုက်သည်။ အီရန်ဘက်မှလည်း အခြားရေနံတင်သင်္ဘော နှစ်စင်းကို ပြန်၍ဖမ်းပြခဲ့သည်။ ဆိုရလျှင် အီရန်သည် ပစ်မှတ်ဖြစ်လာသောစစ်ရေး တင်းမာရာ ဒေသတစ်ခု ဖြစ်လာသည်။
အမေရိကန်ဘက်မှ အီရန်ကို အစ္စ ရေးလ်၊ ဆော်ဒီတို့နှင့် ခြိမ်းခြောက်ထား ပြန်သည်။ အီရန်အနေဖြင့် အဏုမြူ ထိပ်ဖူးပိုင်ဆိုင်မှုရှိနေပြီလား၊ မရှိဘူးလား ဆိုသည်ကို မည်သူမျှ တပ်အပ်မသိသေး ချေ။ အဏုမြူထိပ်ဖူးကို သယ်ဆောင်နိုင် သော တာဝေးပစ်ဒုံးကျည်ကိုတော့ အီရန် ပိုင်ဆိုင်ထားနိုင်ပြီဖြစ်၍ အမေရိကန်က လျှော့တွက်ရမည် မဟုတ်ချေ။ ထို့ပြင် အီရန်သည် အခြားအရှေ့အလယ်ပိုင်း နိုင်ငံများကဲ့သို့ မဟုတ်ချေ။ အင်အား ကြီးဖြစ်ပြီး စီးပွားရေး၊ စစ်ရေးအင်အားကို လျှော့တွက်၍ ရသည်မဟုတ်။ အီရန် ဘက်မှ အမေရိကန်ကို ခပ်ပြင်းပြင်းတုံ့ပြန် ထားသည်ကို တွေ့ရသည်။ အီရန်ကို အမေရိကန်က ထိပ်တိုက်စစ်ရေးတွေ့မည် မဟုတ်သည်က သေချာသည်။
တရုတ်ကလည်း အမေရိကန်ကို တိုက်ရိုက်မဟုတ်သော်လည်း သူ၏မဟာ မိတ်ဖြစ်သော တောင်ကိုရီးယားနှင့် ဂျပန် တို့ကို မြောက်ကိုရီးယားနှင့်ခြိမ်းခြောက် ထားရာ ထရန့်အတွက်စိုးရိမ်စရာဖြစ်သည်။ မြောက်ကိုရီးယားကတော့ တရားမဝင် သတင်းများအရ အဏုမြူထိပ်ဖူးပိုင်ဆိုင် ထားပြီဟု ဆိုသည်။ တာဝေးပစ်စမ်းသပ် မှုကိုလည်း မကြာခဏလုပ်ပြထားရာ အမေရိကန်ကို လှမ်းမပစ်ဖူးဟု မည်သူ ကမျှ အာမခံချက်ပေးမည် မဟုတ်ချေ။ ဤအချက်ကလည်း အမေရိကန်အတွက် ထည့်သွင်းစဉ်းစားစရာဖြစ်နေသည်။
အမေရိကန်-အီရန် စစ်ရေးတင်းမာနေ ချိန်တွင်တရုတ်ကလောလောဆယ်နောက် ဆုတ်ပေးထားသည်ဟု ဆိုသော်လည်း နောက်ကွယ်မှ အကူအညီပေးမည်မှာ ယုံ မှားသံသယရှိဖွယ်မဟုတ်။ အီရန်ကို ရုရှား ကလည်း အပြည့်အဝကူညီမည်ဖြစ်ရာအီရန် အရေးသည် စစ်ရေးဖြစ်လာပါက အီရန် ဘက်မှသတိပေးထားသည့်အတိုင်း အမှန် တကယ်ပင်“ Mother of all wars” ဟူသည့် စစ်ပွဲထိပ်ခေါင်ဖြစ်လာမည်မှာ မလွဲချေ။
ကမ္ဘာ့ရီဆက်ရှင်းသည် အမှန်တကယ် ပင် ချောက်နှုတ်ခမ်းဝသို့ ရောက်နေပါလေ ပြီ။ အမေရိကန်၏ ဒုတိယအဆင့်ကုန် သွယ်စစ်နှင့် တရုတ်၏ ယွမ်ငွေတန်ဖိုးချ လိုက်ခြင်းက စီးပွားစစ်ဆီသို့ တွန်းပို့ပေး လိုက်သလို ဖြစ်လာသည်။ ဥရောပစီးပွား ထောက်တိုင်နိုင်ငံများ အင်အားနည်းပါး လာခြင်းက ရီဆက်ရှင်းကို အလွယ်တကူ ဖြစ်ပွားစေရန် အခြေအနေတစ်ရပ်ဖြစ်လာ သည်။ ကမ္ဘာ့စစ်ရေး တင်းမာမှုများက လည်း ရီဆက်ရှင်းကိုမျက်စောင်းထိုးထား စေသည်။ အကယ်၍သာ အီရန်နှင့် အမေရိ ကန်ဖြစ်စေ၊ အီရန်-အစ္စရေးလ်/ဆော်ဒီတို့ တစ်စုံတစ်ရာဖြစ်ပွားလာပါက တရုတ် သည် အီရန်ထံမှ ရေနံတစ်စည် ဒေါ်လာ ၃ဝ နှင့် ဝယ်ယူရန်ကတိပြုထားကြသည် ဖြစ်ရာ အနောက်အုပ်စုက ရေနံတစ်စည် ဒေါ်လာ ၆ဝ နှင့် ဝယ်ယူနေရသော နိုင်ငံ များ၏စီးပွားရေးနှင့် ထိပ်တိုက်တွေ့ရမည် ဖြစ်ရာ အမှန်တကယ်မညီမျှသော Asymmetrical Economic War ကိုတွေ့ကြ ရလိမ့်မည်ဟု မျှော်မှန်းထားနိုင်ပါသည်။