images
UN
UN
သစ်သီးစားသူတိုင်း မလွဲမသွေလိုက်နာသင့်သည့် အချက်အလက်များ
ပေါက်ပေါက် Monday, 09 September 2019
သစ်သီးများသည် သဘာဝအတိုင်း အမျှင်ဓာတ်၊ ဗီတာမင်နှင့် သတ္တုဓာတ် အမျိုးမျိုးစသည့် လူ့ခန္ဓာကိုယ်အတွက် သက်စောင့်ဓာတ်များ ပေါကြွယ်ဝသဖြင့် ကိုယ်တွင်းကိုယ်ပ ကျန်းမာရေးအတွက် ရောဂါအမျိုးမျိုးကုစားရာတွင် အကျိုး ကျေးဇူးများစွာဖြစ်ထွန်းစေသည်။ ၄င်း သက်စောင့်ဓာတ်များအပြင် သစ်သီးများ သည် ကယ်လိုရီနည်းပါးသောကြောင့် ပြင်းထန်သောရောဂါများ ဖြစ်နိုင်ခြေကို လည်းလျှော့ချပေးသည်။ ထို့ပြင်သစ် သီးများကို ပုံမှန်စားသုံးသူများသည် ကိုယ်အလေးချိန် လျော့ကျနိုင်ခြေအလား အလာပိုများပြီး မှတ်ဉာဏ်ပိုမိုကောင်းမွန် စေနိုင်ကြောင်းနှင့် အာရုံစူးစိုက်မှုကို လည်း အားကောင်းစေကြောင်း လေ့လာ တွေ့ရှိရသည်။
သို့သော် သစ်သီးများကိုအချိန်မရွေး စားသုံးခြင်းသည် မှန်ကန်သောနည်း လမ်းမဟုတ်ပေ။ သစ်သီးများစားသုံးရန် အကောင်းဆုံးအချိန်နှင့် သစ်သီးစားသုံး ခြင်းအား လုံးဝရှောင်ရှားသင့်သည့်အချိန် ကိုသိဖို့လိုအပ်ကြောင်း ကျန်းမာရေး သုတေသီများက အောက်ပါအတိုင်း အထူးအကြံပြုထားသည်။

သစ်သီးစားရန် အသင့်လျော်ဆုံးအချိန်
*************************************
ဗီတာမင်အမျိုးမျိုး၊ သတ္တုဓာတ်များ နှင့်ပြည့်ဝနေသော သစ်သီးများကိုစား သုံးရန် အကောင်းမွန်ဆုံးနည်းလမ်းသည် ဗိုက်ဆာနေချိန် ရေတစ်ခွက်ဖြင့်စားသုံး ခြင်းဖြစ်သည်။ သစ်သီးဝလံတွေစားသုံး ရန် အသင့်လျော်ဆုံးအချိန်များမှာ -
(၁) နံနက်အိပ်ရာထ ရေသောက် ပြီးချိန်
(၂) နေ့လယ် (သို့မဟုတ်) ညစာ ထမင်းမစားခင် တစ်နာရီခန့် အလို၊
(၃) နေ့လယ်(သို့မဟုတ်) ညစာ ထမင်းစားပြီးနောက် အချိန် နှစ်နာရီအကြာ
စသည့်အချိန်များဖြစ်ကြသည်။

အထက်ဖော်ပြပါ အချိန်သုံးမျိုး အနက် သစ်သီးစားရန် အကောင်းဆုံး အချိန်သည် အမှတ်စဉ်(၁)ဖြစ်သော နံနက် အိပ်ရာထချိန် ဖြစ်သည်။ အကြောင်းမှာ နံနက်ပိုင်းတွင် လူသားတို့၏ခန္ဓာကိုယ် စနစ်သည် အားအင်ပြည့်ဝနေပြီး အစာ ခြေစနစ်ကလည်း အသီးမှ သကြားဓာတ် ကိုလျင်မြန်စွာ ချေဖျက်ကာ ခန္ဓာကိုယ်က လိုအပ်သော အာဟာရဓာတ်အားလုံးကို စုပ်ယူနိုင်ရေး အကူအညီပေးသည်။ ဓာတ်တိုးဆန့်ကျင်ပစ္စည်းများလည်း ကြွယ်ဝသဖြင့် သစ်သီးများသည် လူသား တို့ခန္ဓာကိုယ်က ရောဂါပိုးများကို တိုက် ဖျက်ရာတွင် အကူအညီပေးပြီး ပျက်စီး နေသောဆဲလ်များနှင့် ရောင်ရမ်းမှုများ ကိုလည်းဖယ်ရှားပေးနိုင်သည်။ စွမ်းအင် ကိုဖြည့်ဆည်းပေးသဖြင့် အားကစားလေ့ ကျင့်မှုနှင့် ယောဂ (Yoga) မလုပ်မီနှင့် ၄င်းကိုယ်လက်လေ့ကျင့်ခန်းများ လုပ်ပြီး ချိန်တွင်ငှက်ပျောသီး၊ သရက်သီးများ စားပေးသင့်သည်။
အထက်ဖော်ပြပါအချိန်သုံးမျိုးအနက် အမှတ်စဉ်(၂)နှင့် အမှတ်စဉ်(၃) အချိန် တို့သည် သစ်သီးစားသင့်သော အချိန် ဖြစ်ပြီး ထမင်းစားချိန်နှင့် သစ်သီးစား ချိန်ကို အချိန်ကာလတစ်ခုစီခြားပြီးမှသာ စားပေးသင့်သည်။ အကြောင်းမှာ ထမင်း စားပြီးပြီးချင်း သစ်သီးများစားပါက အမျှင်ဓာတ်ြ<ွကယ်ဝသော ၄င်းသစ်သီး များကြောင့် အစာခြေစနစ်ကိုကြီးစွာ သော အနှောင့်အယှက်ဖြစ်စေနိုင်သည်။ အထူးသဖြင့်အစာအိမ်၊ အူလမ်းကြောင်း မကောင်းသူများနှင့် အစာကြေညက်ရန် ခက်ခဲသူများ (ဝမ်းမီးမကောင်းသူများ) တွင်အူလမ်းကြောင်းပိတ်ဆို့၍ အဆိပ် သင့်ခြင်းကို ဖြစ်စေသည်။
သန့်ရှင်းလတ်ဆတ်သော သြော်ဂဲနစ် သစ်သီးဝလံတွေက အဆိပ်အတောက် ပြေစေခြင်း၊ ခန္ဓာကိုယ်အလေးချိန်ကျစေ ခြင်း၊ သက်ရှည်ကျန်းမာစေခြင်း၊ ကျန်း မာစွာဘဝနေထိုင်မှုကိုပံ့ပိုးခြင်း စသည့် အကျိုးကျေးဇူးများစွာ ပေးစွမ်းနိုင်သည်။ ထို့ပြင်ဗိုက်ဆာနေချိန် (အစာအိမ်ဟောင်း လောင်းဖြစ်နေချိန်)တွင် သစ်သီးတွေစား ခြင်းက ဆံပင်ဖြူခြင်းကိုသက်သာစေ ကြောင်း၊ ဦးခေါင်းထိပ်ပြောင်ခြင်းဖြစ် နိုင်ခြေအလားအလာကို လျှော့ချပေးနိုင် ကြောင်း၊ စိတ်ဖိစီးမှုကိုထိန်းချုပ်ပေး နိုင်ကြောင်း၊ မျက်ကွင်းညိုခြင်းကိုသက် သာစေကြောင်း စသည်ဖြင့်ကျန်းမာရေး နှင့် အစားအသောက်ကွပ်ကဲမှုဆိုင်ရာ သုတေသီများက အကြံပြုထားကြသည်။

သစ်သီး(လုံးဝ)မစားသင့်ဆုံးအချိန်
**********************************
ထမင်းစားနေချိန်သို့မဟုတ် ထမင်း စားပြီးပြီးချင်း သစ်သီးကိုအချိုပွဲအဖြစ် တွဲဖက်စားသုံးသော အလေ့အထသည်
ကျန်းမာရေးအတွက်လွန်စွာမှားယွင်း သောအလေ့အကျင့်ဆိုးတစ်ခုဖြစ်သည်။ အကြောင်းမှာ ထမင်းစားပြီးခါစချက် ချင်းဆိုသလို အသီးတစ်ခုခုကိုဆက် တိုက်စားမိပါက သို့မဟုတ် ကြေညက် ခဲသောဟင်းအဆီအနှစ်များနှင့် သစ်သီး ကိုတွဲဖက်စားမိပါက သစ်သီးနှင့် ၄င်း ထမင်းဟင်းများပေါင်းစပ်ဓာတ်ပြုကာ ဂက်စ်(gas)ထွက်လာပြီး အစာအိမ်ကို အချဉ်ဖောက်စေသည်။ ထိုအခါမျိုးတွင် 'ဖရဲသီးစားပြီးတိုင်းလေချဉ်တက်တယ်'၊ 'ပန်းသီးစားတဲ့အခါတိုင်း လေပွလာ တယ်'၊ 'ငှက်ပျောသီး စားပြီးတာနဲ့ ဗိုက်နာသလိုလိုဖြစ်နေလို့ သန့်စင်ခန်း ဝင်ရတယ်'စသည်ဖြင့် ခံစားရသည့် သာဓကများစွာဖြစ်စေတတ်သည်။ တစ် ချိန်တည်းမှာပင် ၄င်းအစာတွေ ပုပ်သိုး ဆွေးမြည့်သွားကာ အစာခြေလမ်း ကြောင်း၊ အစာအိမ်နှင့် အူသိမ်အူမများကို ပြဿနာဖြစ်စေသည်။ ထို့ကြောင့်ဗိုက်ထဲ တွင်မည်သည့်အစာမျှမရှိသောအချိန် (အစာအိမ်ဟောင်းလောင်းဖြစ်နေသော အချိန်)တွင်သာ သစ်သီးများကိုစားသုံး သင့်ပါသည်။
ထို့ပြင် ဝမ်းမီးမကောင်းသူများအနေ ဖြင့် ညဘက်သစ်သီးများစားသုံးခြင်း သို့မဟုတ် အိပ်ရာမဝင်မီစားသုံးခြင်း ကလည်း ကျန်းမာရေးကိုကောင်းကျိုး ထက် ဆိုးကျိုးကိုသာ ဖြစ်စေနိုင်သည်။ သစ်သီးများက သွေးတွင်းသကြားဓာတ် ကိုမြင့်တက်စေပြီး အိပ်စက်မှုကိုနှောင့် ယှက်နိုင်သည်။

အကောင်းဆုံးရွေးချယ်မှု
**************************
ကျန်းမာရေးအကျိုးကျေးဇူးအများဆုံး ရရှိစေရန် သစ်သီးများကိုအခွံအပါအဝင် လတ်လတ်ဆတ်ဆတ်စားသုံးသင့်သည်။ အခြောက်ခံခြင်းနှင့် ဖျော်ရည်စုပ်ထုတ် ခြင်းဖြင့် ဗီတာမင်နှင့် အမျှင်ဓာတ်များ ဆုံးရှုံးသွားသည်။ သစ်သီးမှရသော အမျှင်ဓာတ်ကို လူ့ခန္ဓာကိုယ်ကလိုအပ်နေ သည်။ အကြောင်းမှာအမျှင်ဓာတ်က လူသားတို့အတွက် နာရီပေါင်းများစွာ ဗိုက်ပြည့်နေသလို တင်းတိမ်ရောင့်ရဲမှု ကိုခံစားရစေပြီး ကယ်လိုရီစားသုံးမှုကို ထိန်းချုပ်ပေးကာ ကိုယ်အလေးချိန် လျော့ကျရေးအတွက် များစွာအထောက် အကူဖြစ်စေသည်။ လူသားတို့ကျန်းမာ ရေးသင့်တင့်မျှတစေရန်အတွက် သဘာဝ တရားကြီးက ဥတုရာသီအလိုက် ရာသီ ပေါ်သီးနှံများကိုအဆင်သင့်ပေါ်ထွန်းပေး လျက်ရှိသည်။ ထို့ကြောင့်ရာသီပေါ်သီးနှံ များစားသုံးခြင်းကလည်း အကောင်းဆုံး ရွေးချယ်မှုဖြစ်သည်။

ဗိုက်ဆာနေချိန်စားသုံးသင့်သောသစ်သီးများ
********************************************
ကီဝီသီးတွင် ပိုတက်စီယမ်၊ မဂ္ဂနီစီ ယမ်၊ ဗီတာမင်အီး၊ အမျှင်ဓာတ်တို့ပါရှိ သဖြင့် ကျန်းမာရေးကိုဘက်စုံကောင်းမွန် စေသည်။ ထို့ပြင် ကီဝီသီးထဲတွင် ပါရှိ သော ဗီတာမင်စီက လိမ္မော်သီးထက် နှစ်ဆမျှပိုမိုပါရှိသည်။
ပန်းသီးထဲတွင်ဗီတာမင်စီပါဝင်မှုမများ လှသော်လည်း ကျန်းမာရေးအတွက် မရှိ မဖြစ်ဓာတ်တိုးဆန့်ကျင်ပစ္စည်းများနှင့် ဖလေဗိုနွိုက်ဓာတ်ပေါင်းစုတို့ ပါရှိနေကြ သည်။ ထို့ကြောင့် အူမကြီးကင်ဆာ၊ နှလုံးရောဂါနှင့် လေဖြတ်ခြင်းစသည့် ရောဂါများဖြစ်လာနိုင်ခြေအလားအလာ ကို လျော့ပါးသက်သာစေသည်။
စတော်ဘယ်ရီသီးက ဓာတ်တိုးဆန့် ကျင်ပစ္စည်းမြင့်မားသောအသီးဖြစ်၍ ကင်ဆာရောဂါများကိုကာကွယ်ပေးနိုင် သည်။ မလိုလားအပ်သော free radicals များကိုတိုက်ထုတ်ပေးပြီး သွေးကြောများ ပိတ်ဆို့ခြင်းမှလည်းကာကွယ်ပေးနိုင်သည်။
တစ်နေ့လျှင် လိမ္မော်သီးနှစ်လုံး ပုံမှန်စားပေးခြင်းဖြင့် အအေးမိခြင်းကို လုံးဝမဖြစ်စေနိုင်တော့ပေ။ လိမ္မော်သီးက အက်စစ်ဓာတ်ကြွယ်ဝသော်လည်း ခန္ဓာ ကိုယ်အတွက်အယ်လ်ကာလီမျှတစေသဖြင့် ကိုလက်စထရောကျစေခြင်း၊ဆီးကျောက် ကြေစေခြင်း၊ အူမကြီးကင်ဆာဖြစ်နိုင် ခြေအလားအလာကို လျှော့ချပေးခြင်း စသည့် ကောင်းကျိုးများစွာကို ပေးစွမ်း နိုင်သည်။
ဖရဲသီးမှာခွန်အားပြည့် glutathione ဓာတ်တွေအမြောက်အမြားပါ ရှိသည့် အပြင် ကင်ဆာများကို တိုက်ထုတ်ပေး သော lycopene ဓာတ်ရရှိရာ အရင်း အမြစ်ဖြစ်သည်။ ထို့ပြင် ဖရဲသီးတွင် ရေဓာတ် ၉၂ ရာခိုင်နှုန်းဖြင့် ဖွဲ့စည်းထား သဖြင့် ကိုယ်ခံစွမ်းအားကို တိုးတက်မြင့် မားစေသည်။
မာလကာသီးနှင့် သင်္ဘောသီးစသည့် အသီးနှစ်မျိုးစလုံးထဲတွင် ဗီတာမင်စီ ကြွယ်ဝစွာ ပါရှိနေကြသည်။ မာလာကာ သီးမှာ အမျှင်ဓာတ်ကြွယ်ဝစွာပါရှိ၍ ဝမ်း ချုပ်ခြင်းမှကာကွယ်ပေးသည်။ သင်္ဘော သီးထဲတွင်ပါရှိနေသော ကယ်ရိုတင်း ဓာတ်က မျက်စိအားကောင်းစေသည်။