images
UN
UN
တာဝန်ယူမှုနှင့်အတူ တာဝန်ခံမှုရှိရေး
မြေလတ်သား Thursday, 19 September 2019

မြန်မာမှုနယ်ပယ်တွင် တာဝန်နှင့် ဝတ္တရားဟူ၍ ယှဉ်တွဲပြောဆိုလေ့ရှိကြ သည်။ ''တာဝန်''ဟူသည် လုပ်ဆောင်ရန် ကျရောက်သောအမှုကိစ္စဟူ၍ အဓိပ္ပာယ် သက်ရောက်ပြီး၊ ဝတ္တရားမှာ လူမှုရေး ကျင့်ဝတ်အရဆောင်ရွက်ရမည့်၊ အမှုထမ်း ဆောင်ရမည့် တာဝန်ဟူ၍ ယေဘုယျအား ဖြင့်ပြောဆိုလေ့ရှိကြသည်။ မည်သို့ပင်ဆို စေကာမူ တာဝန်ယူထားလျှင် တာဝန်ရှိ လာသည်။ တာဝန်ရှိလာပါက တာဝန်သိ ရမည်။ တာဝန်သိပါက တာဝန်ခံရမည် ဖြစ်ပေသည်။ နိုင်ငံတော်၏တာဝန်အရပ် ရပ်ကို ရယူထားကြသည့် ပုဂ္ဂိုလ်အဖွဲ့ အစည်းမှန်သမျှတို့သည် ကောင်းမွေ၊ ဆိုး မွေမှန်သမျှကို အမွေခံယူပြီး မိမိတာဝန် ယူရသည့်ကာလတွင် နိုင်ငံတော်နှင့်ပြည် သူတစ်ရပ်လုံး၏ အကျိုးစီးပွားဖြစ်ထွန်း ရေးအတွက် အစွမ်းဆောင်နိုင်ဆုံးကြိုး ပမ်းဆောင်ရွက်ကြရန် တာဝန်ရှိပေသည်။
နိုင်ငံတော်နှင့်နိုင်ငံသားများ၏အကျိုး ကိုဖော်ဆောင်ရာတွင် ရွေးကောက်ပွဲများ မှတစ်ဆင့်တာဝန်များကို ရယူထားသည့် နိုင်ငံတော်အစိုးရနှင့် အာဏာပိုင်အဖွဲ့အ စည်းအဆင့်ဆင့်တို့၏ အခန်းကဏ္ဍမှာ များစွာအရေးပါအရာရောက်လှပေသည်။ ထိုနည်းတူစွာ နိုင်ငံတော်ယန္တရားကြီး တစ်ရပ်လုံးလည်ပတ်နိုင်ရေးအတွက် လက်တွေ့ကျသည့်ကဏ္ဍမှ ပါဝင်ဆောင် ရွက်နေကြရသည့် အင်အားစုများမှာ ပြည်သူ့ဝန်ထမ်းများဖြစ်ကြပေသည်။ ပြည်သူနှင့်အစဉ်ထိတွေ့ပြီး ပြည်သူတို့၏ လိုအပ်ချက်များကို ဖြည့်ဆည်းပေးနေကြ ရသည်။ ဝန်ထမ်းအားလုံးတို့သည် ပြည် သူကပေးအပ်ထားသည့် တာဝန်များကို ရယူထားကြသူများဖြစ်သည့်အားလျော်စွာ မိမိတို့ရယူထားသည့် လုပ်ငန်းများနှင့် လျော်ညီစွာတာဝန်ခံမှုများရှိကြရပေသည်။
နိုင်ငံတစ်နိုင်ငံတွင် စိတ်ရင်းစေတနာ မှန်သည့် လူတော်လူကောင်းများက ဦး ဆောင်မှသာလျှင် နိုင်ငံတော်တိုးတက်ဖွံ့ ဖြိုးရေးကို စွမ်းဆောင်နိုင်မည်ဖြစ်ပေ သည်။ မြန်မာနိုင်ငံ၏ လက်ရှိအခြေအနေ မှာ သိသာထင်ရှားသည့်တိုးတက်မှုများ ကိုမတွေ့ရှိရဘဲ အကျဘက်သို့တူရူပြုနေ သည်ကိုတွေ့နေရသည်။ ကုလသမဂ္ဂ အပါအဝင် ဥရောပသမဂ္ဂ မွတ်စလင်အ သိုက်အဝန်းနှင့် ပြည်ပနိုင်ငံအချို့၏ဖိအား ပေးမှု၊ အကျပ်ကိုင်မှု၊ နယ်မြေတည်တံ့မှု နှင့် အချုပ်အခြာအာဏာမထီမဲ့မြင်ပြုမှု ဒဏ်ကို အလူးအလဲခံနေရသည်။ ပြည် တွင်း အနေအထားအရလည်း နိုင်ငံရေး၊ စီးပွားရေး၊ လူမှုရေး၊ လုံခြုံရေးနှင့်တရား ဥပဒေစိုးမိုးရေးတို့၌ အကြီးအကျယ်ခြိမ်း ခြောက်မှုခံနေကြရသည်။ အရပ်ရပ်ကုန် ဈေးနှုန်းမြင့်မားမှုကို အခြေခံလျက်လူ သတ်မှု၊ လုယက်မှု၊ လိင်အကြမ်းဖက်မှု စသည့် အနိဋ္ဌာရုံအမျိုးမျိုးဖြင့် တွေ့ ကြုံရင်ဆိုင်နေကြရသည်။
ခေတ်တစ်ခေတ်၏ တိုးတက်မှု၊ ဆုတ်ယုတ်မှုမှာ ထိုခေတ်၊ ထိုကာလ လူသားတို့အပေါ် တည်မှီလျက်ရှိသည်။ လူသာပဓာနဟူ၍ဆိုရပေမည်။ လက်ရှိ အစိုးရ သက်တမ်းသုံးနှစ်ကျော်ကာလ အတွင်း သမ္မတတစ်ဦးနှင့် ပြည်ထောင်စု ဝန်ကြီးများ အပြောင်းအလဲရှိခဲ့သည်။ အဂတိလိုက်စားမှုတိုက်ဖျက်ရေးဥပဒေ အရ အာဏာပိုင်အဖွဲ့အစည်းမှ တာဝန်ရှိ ပုဂ္ဂိုလ်များ၊ လွှတ်တော်ကိုယ်စားလှယ် များ၊ ဝန်ထမ်းများအရေးယူခံရခြင်းများ ရှိခဲ့သည်။ ငါးကြီးသဖြင့် မနိုင်၍ လွှတ် လိုက်ရခြင်းများနှင့် တိုင်တန်းသူမရှိ၍ လွတ်နေသူများ မည်၍ မည်မျှ ရှိမည်ဟူ ၍ ခန့်မှန်းမရနိုင်ကြောင်း သိရှိရသည်။ လူကိုမကြည့်ဘဲ ပါတီကိုကြည့်၍ ရွေး ချယ်ခဲ့သည့် ရလဒ်ဖြစ်သည်ဟု ဆိုရပေ မည်။
၂ဝ၁၉ခုနှစ် စက်တင်ဘာလ ၆ရက် နေ့က ကျင်းပခဲ့သည့် ပြည်ထောင်စု လွှတ်တော်အစည်းအဝေးတွင် ၂ဝ၁၉ ခုနှစ် ပြည်ထောင်စု၏ အခွန်အကောက် ဥပဒေကြမ်းနှင့်စပ်လျဉ်း၍ ကိုယ်စား လှယ်တစ်ဦး၏ ဆွေးနွေးချက်ကို စိတ် ဝင်စားဖွယ်ဖတ်ရှုလိုက်ရသည်။ အဆိုပါ ကိုယ်စားလှယ်က အရက်အရည်အသွေး ကောင်းကောင်းသောက်မှ ခေါင်းကြည် မည်ဖြစ်ကြောင်း၊ သို့ဖြစ်ပါ၍ အရက် တစ်လီတာတန်ဖိုး၏ ရာခိုင်နှုန်း ၆ဝ အခွန်ကောက်မည့်အစား ၂၅ ရာခိုင်နှုန်း သာ ကောက်ခံရန် ဆွေးနွေးခဲ့ကြောင်း သိရသည်။ ပြည်သူ့အသံ၊ လွှတ်တော် အသံ၊ ပြည်သူ့ဆန္ဒ၊ လွှတ်တော်ဆန္ဒ၊ ပြည်သူ့အရေး လွှတ်တော်က ဆောင် ရွက်ပေးမည်ဟူသော ဆောင်ပုဒ်ကို လက် ကိုင်ပြုထားသည့် လွှတ်တော်တွင် လူ နည်းစု၏ အရေးနှင့် ဆက်နွှယ်သည့် အရက်ကိစ္စထက် ပြည်သူအများစိတ်ဝင် စားနေသည့် လျှပ်စစ်ဓာတ်အားခတိုးမြှင့် ကောက်ခံသည့်ကိစ္စကိုသာ ဦးစားပေး ဆွေးနွေးသင့်သည်ဟုသဘောရပေသည်။


နိုင်ငံတစ်နိုင်ငံသည် မိမိတို့နိုင်ငံအား စနစ်တကျတည်ငြိမ်စွာ စီမံခန့်ခွဲအုပ်ချုပ် နိုင်ရန် အခွန်ကောက်ခံမှုကို ဆောင်ရွက် ရသည်။ သို့ရာတွင် ထိုကဲ့သို့ ဆောင် ရွက်ရာတွင် အခွန်ကောက်ရလိုမှုတစ်ခု တည်းကို အလေးထားဆောင်ရွက်၍ ရ မည်မဟုတ်ပေ။ အခွန်ကောက်ခံမှုသည် ပြည်သူလူထုအတွက် ဝန်ထုပ်ဝန်ပိုး မပိ စေရန် လိုအပ်ပေသည်။ မြန်မာနိုင်ငံတွင် ဖွဲ့စည်းပုံအခြေခံဥပဒေအရ ဈေးကွက်စီး ပွားရေးစနစ်ကို ကျင့်သုံးရန် ပြဋ္ဌာန်းထား သည်။ အချို့က ဈေးကွက်စီးပွားရေးစနစ် ၏ သဘောတရားအရ ကုန်ဈေးနှုန်း တက်နေခြင်းကို အစိုးရက ဆောင်ရွက်၍ မရ။ ဈေးကွက်ကသာ အလိုအလျောက် ထိန်းညှိသွားလိမ့်မည်ဟု ပြောဆိုနေကြ သည်။ အမှန်စင်စစ် နိုင်ငံတော်အစိုးရ အနေဖြင့် ကုန်ဈေးနှုန်းကို ဥပဒေဘောင် အတွင်းမှ ထိန်းချုပ်နိုင်သည့် နည်းလမ်း အများအပြားရှိနေပေသည်။ ယင်းတို့အ နက် အခွန်အကောက်နည်းလမ်းဖြင့် ဆောင်ရွက်ခြင်းသည်လည်း နည်းလမ်း တစ်သွယ်အဖြစ်ရှိနေပေသည်။ အများ ပြည်သူသုံးစွဲသည့် ကုန်ပစ္စည်းများအ တွက် အခွန်များကို လျှော့ပေါ့ကောက်ခံ ခြင်း၊ ကင်းလွတ်ခွင့်ပေးခြင်းများ ဆောင် ရွက်သကဲ့သို့ အရက်နှင့်စီးကရက်ကဲ့သို့ သော ကုန်စည်များကို ပိုမိုကောက်ခံခြင်း ဖြင့် ဈေးနှုန်းများကို ထိန်းချုပ်သွားနိုင်ပေ သည်။
ဈေးကွက်၏ သဘောသဘာဝအရ ထုတ်လုပ်မှုက စားသုံးမှုထက် ပိုလျှံနေ ပါက ကုန်ပစ္စည်းဈေးနှုန်းများကျဆင်း မည်။ ထုတ်လုပ်မှုက စားသုံးရန်လိုအပ် ချက်ကို ပြည့်မီအောင် ဖြည့်ဆည်းမပေး နိုင်သည့်အခါ ကုန်ဈေးနှုန်းမြင့်တက်လာ ပေမည်။ သို့ရာတွင် သမားရိုးကျဖြစ်စဉ် များမဟုတ်ဘဲ လူတို့၏ပယောဂကြောင့် ထုတ်လုပ်မှုနှင့် စားသုံးမှုဈေးကွက်ကို ပျက်ပြားအောင် လုပ်ဆောင်လာသည့် အခါ ကုန်ဈေးနှုန်းများ တည်ငြိမ်မှုမရှိ တော့ဘဲ ကမောက်ကမဖြစ်ပေါ်လာ ကြောင်း တွေ့ရှိရသည်။ လတ်တလော အနေအထားအရ မြန်မာနိုင်ငံတွင် အခေါက်ရွှေတစ်ကျပ်သားလျှင် ကျပ် ၁၃ သိန်းကျော်အထိ တရားလွန်မြင့်တက် သွားကြောင်း သိရသည်။ ထိုသို့မြင့်တက် သွားခြင်းမှာ ကမ္ဘာ့ရွှေဈေးနှုန်းမြင့်တက် မှု၊ ဒေါ်လာဈေးမြင့်တက်ပြီး မြန်မာငွေ တန်ဖိုးကျဆင်းမှုနှင့် ဘဏ်များ၏ ကော လာဟလများအပေါ် အကြောင်းပြု၍ ဘဏ်များမှ ငွေများထုတ်ယူပြီး ရွှေများ ကို အလုအယက်ဝယ်ယူနေကြခြင်းတို့ ကြောင့်ဖြစ်ကြောင်း ကြားသိရသည်။ တောင်သူလယ်သမားကြီးများမှာ စိုက် ပျိုးရေးလုပ်ငန်းအတွက် ငွေကြေးသုံးစွဲ ရန်ပင် အခက်အခဲရှိနေကြသည်။ ''ရှိ လျှင်တန်ဆာ မရှိဝမ်းစာ''ဟူသည့်စကား နှင့်အညီ စားဝတ်နေရေးစရိတ်မြင့်မားမှု ကြောင့် သာမန်ပြည်သူများမှာ ရှိသည့် လက်ဝတ်တန်ဆာများကို ထုတ်ရောင်း နေကြရသည်။ စီးပွားရေးလုပ်ငန်းရှင် များမှာလည်း လုပ်ငန်းများအဆင်မပြေ၊ ဘဏ်ြေ<ွကးများကိုပင် မဆပ်နိုင်၍ မျက် ရည်တောက်တောက်ကျနေကြရသည်ဟု ဆိုသည်။ ထိုသို့ဆိုပါက မည်သည့်လက် မည်းကြီးများက ရွှေဈေးကွက်ကို ဝင် ရောက်ခြယ်လှယ်ဈေးကစားနေကြသနည်း။ များစွာစဉ်းစားဖွယ်ရာကောင်းလှပေသည်။ ယခင်ဒေါ်လာဈေးနှုန်း အလွန်အကျွံတက် သွားစဉ် တာဝန်ရှိသူများအနေဖြင့် ဝင် ရောက်ထိန်းသိမ်းပေးခဲ့ရကြောင်း သိရ သည်။ သို့ဖြစ်ရာ လက်ရှိဖြစ်ပေါ်နေသည့် အခြေအနေအရပ်ရပ် တည်ငြိမ်သွား စေရန်အတွက် နိုင်ငံတော်အစိုးရအနေဖြင့် ဝင်ရောက်ထိန်းညှိပေးရန် တာဝန်ရှိမည် ဟု သဘောရရှိပေသည်။
နိုင်ငံတော်ယန္တရားကြီးတစ်ခုလုံးကို စနစ်တကျမှန်ကန်စွာ လည်ပတ်နိုင်ရေး အတွက် လက်တွေ့ပါဝင်ဆောင်ရွက်နေ ကြရသူများမှာ ပြည်သူ့ဝန်ထမ်းများဖြစ် ကြသည်။ ပြည်သူကပေးအပ်ထားသည့် အခွင့်အာဏာများကို ပြည်သူ့အကျိုးစီး ပွားအတွက် မှန်ကန်စွာအသုံးပြုကြဖို့ လိုသည်။ ပြည်သူများအပေါ် စေတနာ ထားကြဖို့လိုသည်။ ပြည်သူများ၏လိုအပ် ချက်နှင့်အခက်အခဲများကို အဂတိတရား ကင်းရှင်းစွာဖြင့် ကူညီဆောင်ရွက်ပေးကြ ဖို့လိုသည်။ နိုင်ငံတော်က လျှပ်စစ်မီတာ ခနှုန်းထားများကို တိုးမြှင့်လိုက်သဖြင့် လူတန်းစားစုံ၊ အလွှာစုံ၊ ထိခိုက်နစ်နာ ကြသည်။ အခက်အခဲများစွာဖြင့် ရင်ဆိုင် ခဲ့ရသည်။ အရှုံးခံဆောင်ရွက်နေရခြင်းကို လျှော့ချနိုင်ရန်ဖြစ်သည်ဟု သက်ဆိုင်ရာ များက ပြောကြားခဲ့သည်။ မီးမရသေး သည့် ပြည်သူများအတွက် မျှဝေပေးနိုင် ရန်ဖြစ်သည်ဟု ခံယူကြသည်။ သို့ဖြစ်၍ မီတာခတိုးမြှင့်မှုဒဏ်ကို စာနာမှုအပြည့် ဖြင့် ခါးစည်း၍ ခံကြသည်။ ယိုပေါက် ဟာပေါက်များကို ထိရောက်စွာဖော်ထုတ် ဆောင်ရွက်ခြင်းမရှိဘဲ ပြည်သူများထံမှ ငွေကြေးတိုးမြှင့်ကောက်ခံခြင်းအား အချို့ က မလိုလား။ ပြည်သူများမှာ အခွန် အမျိုးမျိုးဒဏ်ကို ခံနေကြရသည်။ လိပ်ကို အခွံခွာခံရသကဲ့သို့ ဖြစ်နေပြီဟု ပြောဆို နေကြသည်။ ထိုကဲ့သို့သော အခါသမယ တွင် နှစ်စဉ်အရှုံးပေါ်နေသည့် လျှပ်စစ် ကဏ္ဍအနေဖြင့် ၂ဝ၁၉-၂ဝ၂ဝ ဘဏ္ဍာ နှစ်တွင် ကျပ် ၃၂ ဘီလီယံ စတင်၍ အမြတ်ရရန် လျာထားကြောင်း ပြည်သူ့ လွှတ်တော်၊ ပြည်သူ့ငွေစာရင်းပူးပေါင်း ကော်မတီဒုတိယဥက္ကဋ္ဌ၏ပြောဆိုချက်က ပြည်သူများအတွက် အတော်လေး ကသိ ကအောက် ဖြစ်ခဲ့ရသည်။ ဈေးနှုန်းများ မြင့်တက်ရာတွင် တာဝန်ရှိသူများက တိုးတက်ဖြစ်ထွန်းနေသည့် နိုင်ငံကြီးများ နှင့် နှိုင်းယှဉ်ပြောကြားလေ့ ရှိကြသည်။ မိမိနိုင်ငံ၏ ဖွံ့ဖြိုးတိုးတက်မှုဖြင့် နှိုင်းယှဉ် စဉ်းစားကြရန် လိုအပ်မည်ဖြစ်သည်။
နိုင်ငံတော်အနေဖြင့် အိမ်ရာစီမံကိန်း များကို ရေးဆွဲအကောင်အထည်ဖော် လျက်ရှိသည်။ ထိုနည်းတူစွာ ရန်ကုန် တိုင်းတွင် အကောင်အထည်ဖော်လျက် ရှိရာ အစိုးရက ဝန်ထမ်းအိမ်ရာများ အပြင်၊ ကျူးကျော်များအတွက်ပါ အိမ်ရာ စီမံကိန်းများကို ဖော်ဆောင်ပေးရန် စီစဉ် ထားကြောင်း သိရသည်။ သက်ဆိုင်ရာ များ၏ ထုတ်ပြန်ချက်အရ ရန်ကုန်တိုင်း ဒေသကြီးအတွင်း မြို့နယ် ၃၇ မြို့နယ် တွင် ကျူးကျော်အိမ်ထောင်စုပေါင်း တစ်သိန်းခြောက်သောင်းကျော်ရှိကြောင်း သိရသည်။ ကျူးကျော်များအတွက် ကျပ် သိန်း ၃ဝ ခန့်တန်ဖိုးရှိသည့် အိမ်ခန်း များကို ဆောက်လုပ်ပေးရန် စီစဉ်ထား ကြောင်း သိရသည်။ စီးပွားရေးလုပ်ငန်း ရှင်များပင် ပြန်လည်ပေးဆပ်ရန် အခက် အခဲရှိနေသည့် ဘဏ်ချေးငွေများအား ကျူးကျော်များက မည်ကဲ့သို့ ပြန်လည် ပေးဆပ်မည်ကို တွေး၍ရင်လေးမိသည်။ မြန်မာနိုင်ငံတွင် ၂ဝ၁၉ ခုနှစ် မတ်လ ၃၁ ရက်နေ့အထိ ပြည်ပကြွေးမြီ အမေ ရိကန်ဒေါ်လာ ၉ ဒသမ ၈၉ ဘီလီယံ အပါအဝင် ပြည်တွင်းပြည်ပြေ<ွကးမြီနှစ် ရပ်ပေါင်းမှာ ကျပ်ငွေဖြင့် ၃၈၁၁၇ ဘီလီ ယံရှိကြောင်းသိရသည်။ ''ကြွေးထူသော် လည်းမပူ၊ သန်းထူသော်လည်း မယား'' ဟူသော အဖြစ်မျိုးဖြင့်ြေ<ွကးတင်လျှင် နောက်တက်လာမည့် အစိုးရဆပ်လိမ့်မည် ဟူသော အတွေးများ ပယ်ဖျောက်သင့်လှ ပေသည်။
အိုးပိုင်၊ အိမ်ပိုင်မရှိသူများအတွက် အိမ်ရာများဆောက်လုပ်ခြင်းအတွက် မုဒိတာပွားကြသည်။ သို့ရာတွင် အသစ် ဆောက်လုပ်ရေးကိုသာ အာရုံစိုက်မနေဘဲ ယခင်ရှိပြီးသား အိမ်ရာများအတွက် လတ်တလော လိုအပ်ချက်များကို ဖြည့် ဆည်းပေးရေးကို နေထိုင်သူများက လိုလားနေကြသည်။ အိမ်ခန်းငှားရမ်းခ ငွေများကို ဆောက်လုပ်ရေးဝန်ကြီးဌာန၊ မြို့ပြနှင့် အိမ်ရာဖွံ့ဖြိုးရေးဦးစီးဌာနသို့ ပေးသွင်းရပြီး ရေခွန်နှင့် သန့်ရှင်းရေးခွန် များကို ရန်ကုန်မြို့တော်စည်ပင်သာယာ ရေးကော်မတီသို့ ပေးသွင်းရသည်။ အိမ် ငှားခနှင့်အခွန်အခများကို ပြောင်းလဲလာ သည့် အခြေအနေများနှင့်အညီ ကျခံနေ ရသော်လည်း ဝန်ဆောင်မှုကိုမူ ယခင်က ကဲ့သို့ ဆောင်ရွက်ခြင်းမရှိကြောင်း တွေ့ရ သည်။ြ<ွကက်၊ ခြင်၊ ယင်၊ ခွေးလေခွေး လွင့်ကိစ္စများ အဖြေမရှာ၊ တိုက်များကို ဆေးသုတ်ခြင်း၊တွယ်ကပ်ပေါက်နေသည့် ညောင်ပင်များကို ရှင်းလင်းပေးခြင်း မရှိ၊ စခန်းများတွင်နေထိုင်သူများမှာ ယခင်က နိုင်ငံ့တာဝန်များကို ထမ်းဆောင်ခဲ့သူများ ဖြစ်၍ ကျောသားရင်သား ခွဲခြားခြင်း မပြုကြရန် ဆန္ဒရှိကြသည်။
ပြည်သူက အပ်နှင်းထားသည့် အခွင့် အာဏာနှင့် တာဝန်များကိုရယူထားကြ သည့်အာဏာပိုင် အဖွဲ့အစည်းအဆင့်ဆင့် နှင့်ယန္တရားအသီးသီးမှ နိုင်ငံ့ဝန်ထမ်းများ သည် မိမိတို့ရယူထားသည့် လုပ်ငန်းတာဝန် များနှင့် လျော်ညီစွာ ပြည်သူ့အကျိုးကို အဂတိတရား ကင်းရှင်းစွာဖြင့် စေတနာ တရားရှေ့ထား၍ တာဝန်သိ၊ တာဝန်ရှိစွာ ဖြင့် မှန်မှန်ကန်ကန် ဆောင်ရွက်ပေးကြရန် လိုအပ်ကြောင်း တင်ပြလိုက်ရပေသည်။