images
UN
UN
အပါးအလည်မလုပ်နဲ့ အပါယ်လားတတ်တယ်
တက္ကသိုလ်သင်္ခ Tuesday, 24 September 2019
စာရေးသူတို့နေထိုင်သောလောကကြီး သည် အခက်အခဲများစွာ၊ ဒုက္ခများစွာတို့ ဖြင့်ဖွဲ့စည်းထားသည့်လောကကြီးဖြစ်၏။ ယင်းအခက်အခဲဒုက္ခများကို မလွဲမသွေ တွေ့ကြုံရမည်သာဖြစ်ပါ၏။
ထိုသို့တွေ့ကြုံရသည့်အခါ အချို့ သောလူများသည် မိမိ၏ကိုယ်ကျင့်သီလ နှင့်လဲလှယ်၍လွယ်လင့်တကူဖြေရှင်းတတ် ကြ၏။
အခက်အခဲဟူသည် စားဝတ်နေရေး၊ ကျန်းမာရေး၊ လူမှုရေး၊ စီးပွားရေး အစ ရှိသည့်အရေးအရာမှန်သမျှတို့မှဖြစ်ပေါ် လာခြင်းဖြစ်သည်။ ကိုယ်ကျင့်သီလဟူ သည် အခြေခံအားဖြင့် ငါးပါးသီလပင် ဖြစ်သည်။ လူတစ်ယောက်၏ရိုးသားမှု၊ ကိုယ်ချင်းစာတတ်မှု၊ သနားညှာတာ တတ်မှု၊ ဂါရဝတရား၊ နိဝါတတရားတို့ ကို လေးစားလိုက်နာမှု စသည်တို့သည် ယင်း၏ကိုယ်ကျင့်တရားဟုဆိုနိုင်၏။
လူတို့သည် အခက်အခဲများကို ရင် ဆိုင်ဖြေရှင်းကြရာတွင် မှန်ကန်သောနည်း လမ်းဖြင့် ဖြေရှင်းကြသည်များရှိသလို၊ မမှန်မကန်သောနည်းဖြင့်လည်း ဖြေရှင်း တတ်ကြ၏။ မှန်ကန်သောနည်းသည် ကိုယ်ကျင့်သီလပေါ်တွင် အခြေခံ၍၊ မမှန် မကန်သောနည်းသည် မတရားမှုများပေါ် တွင် အခြေခံသည်။
လူအချို့ဆိုလျှင် မိမိ၏အခက်အခဲများ ကို သူတစ်ပါးအပေါ်ကျရောက်ရန် အကောက်ကြံခြင်း၊ မိမိထက်သာသွားမည် ကိုစိုးရိမ်ခြင်း၊ သူတစ်ပါးအား မတရား သော နည်းဖြင့် တိုက်ခိုက်အနိုင်ယူခြင်း စသည်တို့သည် ကိုယ်ကျင့်သီလကို ဖောက်ဖျက်ရာရောက်ပါ၏။
နောင်တွင်မိမိဖောက်ဖျက်ခဲ့သည့် မိမိ ကိုယ်ကျင့်သီလကိုပြန်၍တွေးမိသည့်အခါ မိမိကိုယ်ကိုလုံခြုံမှုမရှိသကဲ့သို့ ခံစားမိလာ သည်။ ထိုခံစားမှုမိမိထံရောက်မလာစေ လိုသဖြင့် တံခါးပိတ်ထားလည်းမရ။ လာဘ်ထိုး၍လည်းမဖြစ်ပေ။ အဘယ့် ကြောင့်ဆိုသော် ထိုခံစားမှုသည် မိမိ၏ စိတ်အတွင်းမှလာသောကြောင့်ဖြစ်ပါ၏။
''သူများမကောင်းကြံ၊ ကိုယ်ဘေး ရန်''ဆိုသည့်အတိုင်း မိမိပြုလိုက်သည့် မကောင်းမှုသည် တစ်နေ့မဟုတ်တစ်နေ့ ပေါ်လာစမြဲဖြစ်၏။ ထိုအခါလောကဓံ၏ ဒဏ်ခတ်ခြင်းကိုခံရမည်ဖြစ်၏။ လောက ကြီးသည်ကိုယ်ကျင့်သီလမရှိသူကို မည် သို့မျှမျက်နှာသာမပေးချေ။ ငဲ့ညာခြင်း လည်းမရှိပေ။
လူများသည် လောကအလယ်တွင် တင့်တင့်တယ်တယ်နေထိုင်နိုင်ရေးအတွက် စီးပွားရေးအဆင်ပြေစေရန် ကြိုးစားလုပ် ကိုင်ကြ၏။ မည်သည့်စီးပွားရေးလုပ်ငန်း မဆိုအနည်းနှင့်အများအခက်အခဲများရှိ တတ်ပါ၏။ ထိုသို့အခက်အခဲများနှင့်ကြုံ လာသည့်အခါ အချို့ကဖြတ်လမ်းနည်း ဖြင့်ဖြေရှင်းတတ်ကြ၏။ ဖြတ်လမ်းနည်း ဆိုသည်မှာ''သမ္မာအာဇီဝ''မဟုတ်သော နည်းမျိုးဖြစ်၏။ ထိုနည်းဖြင့်စီးပွားရှာ၍ ရလာသောစီးပွားဥစ္စာတို့သည် လွယ် လွယ်နှင့်ပျောက်ပျက်သွားနိုင်သည်။
မမှန်ကန်သောစီးပွားရှာမှုသည် ကိုယ် ကျင့်သီလကိုအခြေခံမထားသောကြောင့် ဝင်လာမည့် လာဘ်များသည် မိမိထံ ရှောရှောရှူရှူဝင်မလာနိုင်ပေ။ တစ်နည်း ဆိုရလျှင်ကိုယ်ကျင့်သီလပျက်သူများသည် ဝင်လာမည့် လာဘ်များကို တံခါးပိတ် ထားသူနှင့်တူသည်။ ကိုယ်ကျင့်သီလကို အားကိုးပြု၍ အခက်အခဲများကို တရား နှင့်လျော်ညီစွာ ဖြေရှင်းခြင်းသည်ရှုံးသည် ဖြစ်စေ၊ နိုင်သည်ဖြစ်စေ မိမိအတွက် လိပ်ပြာလုံသည်။ ဆက်လက်ဖြစ်ပေါ် လာမည့်အခက်အခဲများကိုလည်း ရင်ဆိုင် ဖြေရှင်းနိုင်သော သတ္တိခွန်အားများအသင့် အနေအထားတွင်ရှိနေသည်။ မိမိကိုယ် ကိုလုံခြုံအောင် ပြုလုပ်ထားသူသည် မည်သည့်အန္တရာယ်ကိုမျှ ကြောက်ရန် မလိုပေ။

သာဓကအနေဖြင့် ပုံဝတ္ထုတစ်ပုဒ်ကို ဖော်ပြလိုသည်။ တစ်ခါကသီဟိုဠ်ကျွန်း ၌ အမျိုးသမီးတစ်ဦးသည် ရောဂါ ဝေဒနာခံစားနေရ၏။ ဆေးဆရာကြီးက သူ့ရောဂါဝေဒနာပျောက်ကင်းရန် ယုန် သားကိုစားရမည်ဟုဆိုသဖြင့် သူ၏သား ကြီးဖြစ်သူသည် ညီငယ်ဖြစ်သူ ''ဇဂ္ဂန'' အားတောသို့သွား၍ ယုန်ရှာရန်လွှတ် လိုက်၏။ တောထဲတွင်ယုန်တစ်ကောင် သည်''ဇဂ္ဂန''ကိုမြင်၍ ပြေးလေရာ နွယ်ပင်နှင့်ငြိ၍ မပြေးနိုင်ရှာတော့ပေ။ ထိုအခါဇဂ္ဂနသည် ယုန်ကိုအလွယ်တကူ ပင်ဖမ်းလိုက်နိုင်၏။ ယုန်သည် ဇဂ္ဂနလက် ထဲတွင် ကြောက်လန့်သဖြင့် အော်လေ သည်။ ထိုအခိုက်ဇဂ္ဂနစဉ်းစားမိသည်မှာ ''ငါ့မိခင်အသက်ချမ်းသာရရေးအတွက် သူတစ်ပါးအသက်ကိုသတ်ရမည်ဆိုလျှင် တရားမည်မဟုတ်။ မကောင်းမှုဖြင့် ကောင်းကျိုးရအောင်အားထုတ်ခြင်းသည် သူမိုက်တို့၏အကျင့်စရိုက်သာဖြစ်၏'' ဟု ဆင်ခြင်ကာ ယုန်ကိုမသတ်ဘဲ လွှတ် ပေးပြီး အိမ်သို့ပြန်ခဲ့၏။
အိမ်သို့ရောက်သောအခါ ''ယုန်မရခဲ့ ဘူးလား''ဟု အစ်ကိုကြီးကမေးသည်။ ဇဂ္ဂနက ''ယုန်ကိုရခဲ့ကြောင်း၊ စဉ်းစား ကြည့်သောအခါ မတရားဘူးထင်၍ လွှတ်လိုက်ကြောင်း'' အမှန်အတိုင်းဖြေ လိုက်သည်။ အစ်ကိုကြီးသည် ညီငယ် အား ယုန်ကိုပြန်လွှတ်လိုက်သည့်အတွက် ဆူပူကြိမ်းမောင်းရာ ဇဂ္ဂနသည် မိခင် ထံသွား၍ သစ္စာစကားဆိုလေသည်။
''ကျွန်ုပ်သည် လူဖြစ်သည်မှစ၍ ယနေ့ထိသေစေလိုသောစိတ်ဖြင့် သတ္တဝါ တိုင်းအား သတ်ဖူးသည် မရှိပါ။ ဤ စကားသည် မှန်ကန်သောသစ္စာဖြစ်ပါ သည်။ ဤမှန်သောသစ္စာကြောင့် ကျွန်ုပ် ၏မိခင်ကြီးသည် ကျန်းမာ ချမ်းသာပါ စေ''ဟု သစ္စာပြုလေသည်။
ဤသို့သစ္စာပြုလိုက်သဖြင့် ဇဂ္ဂန၏ မိခင်ကြီးသည် ရောဂါဝေဒနာများပျောက် ကင်းကာ ကျန်းမာသွားလေသည်။ ဇဂ္ဂန သည် မိခင်ကြီး၏ကျန်းမာရေးကြောင့် ကြုံတွေ့ရသည့်အခက်အခဲကို မိမိ၏ကိုယ် ကျင့်သီလဖြင့် ဖြေရှင်းလိုက်ခြင်းဖြစ်ပါ ၏။ ဇဂ္ဂနသည် ယုန်ကိုရလျှင်မိခင်ကြီး ၏ရောဂါဝေဒနာပျောက်ကင်းသက်သာ နိုင်သည်ကိုသိလျက် သူတစ်ပါးအသက် ကို သတ်ဖြတ်ခြင်းမှ ရှောင်ကြဉ်ခဲ့ပြီး မိခင်ကြီး၏ ကျန်းမာရေးအခက်အခဲကို ဖြေရှင်းခြင်းမပြုလုပ်ခဲ့ပေ။ ဤလုပ်ရပ် သည် လူတိုင်း လုပ်နိုင်ခဲသော အလုပ် ဖြစ်ပါ၏။
ဤနေရာတွင် အလျဉ်းသင့်၍''စွန်း လွန်းဆရာတော်ဘုရားကြီး''အဆုံးအမ တစ်ခုကို ပမာပြု၍ဖော်ပြလိုသည်။
ဆရာတော်က''တို့...အားကိုးမှားခဲ့ လို့ သူတစ်ပါးအိတ်ထဲက ပိုက်ဆံရအောင် ကြံ၊ရအောင်လုပ်၊ရတော့ငါပါးလို့ငါလည် လို့ရတာပဲဟု အပါးအလည် လုပ်ခဲ့ တယ်။ အပါးအလည်မလုပ်နဲ့အပါးလည် တော့ အပါယ်လားတတ်တယ်''
ဆိုရလျှင် ကိုယ်ကျင့်သီလသည် အရေးအရာအားလုံးတို့၏ အခြေခံအုတ် မြစ်ဖြစ်၏။ မိမိတို့သည် အခက်အခဲတစ် စုံတစ်ရာနှင့်ကြုံတွေ့ရသည့်အခါ စွန်း လွန်းဆရာတော်ဘုရားကြီးမိန့်ကြားသကဲ့ သို့ အားကိုးမမှားဘဲ မိမိကိုယ်ကျင့်သီလ ကိုသာ အားကိုး၍ အရာရာကို တရား သဖြင့် ရင်ဆိုင်ဖြေရှင်းခြင်းသည်သာ မိမိ ဘဝအတွက် အလျော်ကန်ဆုံးဖြစ်ပါ၏။