images
UN
UN
ကိုယ်တွေ့စိတ်ကျရောဂါ
တက္ကသိုလ်သင်္ခ Tuesday, 22 October 2019
၁၉၈၅ ခုနှစ်ခန့်ကဖြစ်သည်။ စာရေး သူသည် ဌာနအဖွဲ့အစည်းကြီးတစ်ခုတွင် တာဝန်ထမ်းဆောင်ရ၏။ စာရေးသူ၏ ရာထူးမှာဌာနခွဲမှူးဖြစ်သည်။ ယခုခေတ် လက်ထောက်ညွှန်ကြားရေးမှူးရာထူးနှင့် ညီမျှသည်။
စာရေးသူတာဝန်ယူရသော ဌာနခွဲ သည်အလုပ်အလွန်များသည်။ စာရေးသူ အောက်တွင်ဌာနစုလေးစုရှိပြီး ဝန်ထမ်း ပေါင်း ၆ဝကျော်ရှိ၏။ ရုံးချိန်ကို နံနက် ၉နာရီခွဲမှ ညနေ ၄နာရီခွဲအထိ သတ်မှတ် ထားသော်လည်း စာရေးသူဌာနခွဲမှ ဝန်ထမ်း အချို့သည် နံနက် ၉နာရီမှ ညနေ ၅နာရီ၊ ၆နာရီအထိလုပ်ရပြီး တစ်ခါတစ်ရံ ည ၈ နာရီ ၉ နာရီအထိ လုပ်ရ၏။
စာရေးသူအနေဖြင့်မူ နေ့စဉ်ပုံမှန် နံနက် ၉နာရီရုံးရောက်ပြီး ည ၁ဝနာရီမှ ရုံးဆင်းရ၏။ ဤမျှအချိန်ပိုဆင်း၍ အလုပ် လုပ်သော်လည်း အလုပ်ကမပြီး။ ည ဘက်အိမ်ယူသွားပြီး နံနက်စောစောအိပ် ရာမှထ၍ မပြီးပြတ်သေးသောအလုပ်ကို လက်စသတ်ရ၏။ ဤသည်မှာ နေ့စဉ် လုပ်ရခြင်းဖြစ်၏။
ထိုမျှအလုပ်များသည့်အတွက် နေ့စဉ် သတင်းစာများကိုပင်မဖတ်နိုင်။ ညဘက် အိမ်ပြန်ရောက်လျှင် ရုပ်မြင်သံကြား လည်းမကြည့်နိုင်၊ မိသားစုလူမှုရေးကိစ္စ များကို လုံးဝပြန်လှည့်မကြည့်နိုင်ဖြစ်ရ ၏။ သားရေးသမီးရေး၊ အိမ်မှုရေးကိစ္စ များပေါ်လာလျှင် အကူအညီမပေးနိုင်သ ဖြင့်အချို့ကိစ္စများကို ယာဉ်မောင်း ဦး အောင်သန်းကို အကူအညီတောင်းရ၏။ စိတ်ရင်းလည်းကောင်းသည်။ စာရေးသူ ၏မိသားစုနှင့် သားချင်းသဖွယ်နေတတ် ထိုင်တတ်သူလည်းဖြစ်သည်။
စာရေးသူသည်အလုပ်၏ဖိစီးမှုကြောင့် မိသားစုလူမှုရေး၊ ကျန်းမာရေးကိစ္စကို ပင်တာဝန်ယူစောင့်ရှောက်နိုင်ခြင်းမရှိပေ။ ထိုအချိန်က စာရေးသူ၏အသက်မှာ ၄ဝ ခန့်သာရှိသေးသဖြင့် အလုပ်ဒဏ်ကိုခံနိုင် ရည်ရှိသော်လည်း တစ်နှစ်ခန့်ကြာလာ သည့်အခါ စာရေးသူထံရောဂါတစ်ခုဝင် လာသည်။ ဆရာဝန်ကြီးတစ်ဦးနှင့်ပြ ကြည့်ရာ စာရေးသူတွင်''စိတ်ကျရော ဂါ''ရနေပြီဟုဆိုသည်။ ဆရာဝန်ကြီးက ''ခင်ဗျားမှာ စိတ်ကျရောဂါဝင်နေပြီ၊ ကြာလာရင်စိတ်ဝေဒနာခံစားရပြီးရူးသွား နိုင်တယ်။ ဒါကြောင့် ခွင့်တစ်လယူပြီး နားလိုက်ပါ''ဟုဆိုလေသည်။
စာရေးသူက ''ကျွန်တော့်အလုပ်က ခွင့်ယူဖို့မလွယ်ဘူးဆရာ''ဟုဆိုလိုက် သဖြင့်ဆရာဝန်ကြီးက''ကျွန်တော်ထောက် ခံချက်ရေးပေးလိုက်မယ်၊ ခင်ဗျားရဲ့ အကြီးအကဲတွေကိုပြလိုက်၊ ခင်ဗျားခွင့်ယူ ပြီးအနားယူဖို့လိုတယ်''ဟု ပြောပြီးခွင့် ပေးရန်ထောက်ခံချက်ကိုရေးပေးကာ စာရေးသူအားပြန်လွှတ်လိုက်သည်။
ဆရာဝန်ကြီးက စာရေးသူအားစိတ် ကျရောဂါ၏လက္ခဏာများကို ရှင်းပြခဲ့ ရာ စိတ်ကျရောဂါခံစားနေရသူဟာ စိတ်ပျော်ရွှင်မှုမရှိခြင်း၊ စိတ်အား ငယ်ကာ ဝမ်းနည်းနေခြင်း၊ စိတ်ရောကိုယ်ပါ ထိုင်း မှိုင်းနှေးကွေးခြင်း၊ ညစဉ် ရက်ဆက် အိမ်မပျော်ခြင်း၊ နံနက်စောစော နိုးနေ ခြင်း၊ အစားအသောက်ပျက်ကာ ခန္ဓာ ကိုယ်အလေးချိန်ကျဆင်းခြင်း၊ သာယာ မှုဆိတ်သုဉ်းခြင်း၊ အရာရာတိုင်းကို စိတ် ပါဝင်စားမှုမရှိခြင်း၊ အာရုံစူးစိုက်၍ မရ ခြင်း၊ ပင်ပန်းနွမ်းနယ်ပြီး အားမရှိသလို ခံစားရခြင်း၊ကိုယ့်ကိုယ်ကိုယ်အပြစ်ရှိတယ် လို့ယုံမှားခြင်း၊ ယုံကြည်မှုမရှိခြင်း၊ သေ ကြောင်းကြံရန်စိတ်ကူးများရှိနေခြင်းတို့ ဖြစ်တယ်ဟုဆိုသည်။
ဆရာဝန်ကြီးရှင်းပြသည့်အတိုင်း စာရေးသူဖြစ်နေသည်မှာ အမှန်ပင်ဖြစ် သည်ဟုကိုယ့်ကိုယ်ကိုယ်သတိထားမိ၏။

ထို့နောက်ဆရာဝန်ကြီးက ထပ်မံ ပြောသည်။ စိတ်ကျရောဂါဖြစ်နေတာကို လူနာကိုယ်တိုင်သိချင်မှသိပေမယ့် ဘေး ကကြည့်သူကမြင်သာပါတယ်။ ဆေး မကုသဘဲထားရှိရင်အကြီးစားစိတ်ဖောက် ပြန်တဲ့ ရောဂါဖြစ်လာပါတယ်။ စိတ် ဖောက်ပြန်တဲ့ရောဂါလက္ခဏာတွေက တစ်ယောက်တည်း စကားပြောခြင်း၊ ပြုံးခြင်း၊ ရယ်ခြင်း၊ သာမန်နားမလည် နိုင်တဲ့ သံသယစိတ်လွန်ကဲခြင်း၊ မူမမှန် တဲ့အပြုအမူရှိနေခြင်း၊ ရုတ်တရက်ကြမ်း တမ်းခြင်း၊ ဒေါသထွက်ခြင်း၊ တစ်ခါ တစ်ရံမလှုပ်မယှက်ကျောက်ရုပ်လိုနေခြင်း၊ သူများမကြားရတဲ့ အသံကြားခြင်း၊ သူများမမြင်တဲ့အမြင်မြင်ခြင်း၊ အနံ့မရှိ ဘဲနံခြင်း၊ မွှေးခြင်း၊ စကားပြောမမှန် ခြင်း၊ တစ်ကိုယ်ရေသန့်ရှင်းမှု အားနည်း ခြင်း၊ ကိုယ့်ကိုယ်ကိုယ်ဂရုမစိုက်နိုင်ခြင်း၊ အတွေးအခေါ်နဲ့ မှားယွင်းတဲ့ယုံကြည် ချက်ရှိခြင်း၊ နေ့တိုင်းလုပ်ငန်းဆောင်တာ တွေမလုပ်ကိုင်နိုင်တော့ခြင်း၊ လူ့အသိုင်း အဝိုင်းများမှရှောင်ကြဉ်လာခြင်းတို့ဖြစ် သည်။
စာရေးသူသည် ခွင့်တစ်လပြည့်၍ အလုပ်ပြန်ဝင်ရမည်ကို စိုးရွံ့နေသည်။ ယင်းဌာနခွဲတွင် ဆက်မနေချင်တော့ဘဲ ဌာနခွဲပြောင်းချင်စိတ် ပေါ်လာသည်။ နောက်ဆုံးပြောင်းခွင့်မရလျှင် အလုပ်က ထွက်ဖို့ပင် စဉ်းစားလာသည်။
ကံကောင်းချင်တော့ ယင်းဌာနခွဲမှ အခြားဌာနခွဲတစ်ခုသို့ မူလရာထူးအတိုင်း ပြောင်းရွှေ့ခွင့်ရလိုက်သည်။ ထိုဌာနခွဲ သို့ရောက်မှပင် စာရေးသူ၏စိတ်ကျ ရောဂါမှာသက်သာလာပြီးနောက်ပျောက် ကင်းသွားလေသည်။
မြန်မာနိုင်ငံ၏ ကျန်းမာရေးဆိုင်ရာ စာရင်းဇယားများအရ စိတ်ကျရောဂါ ဖြစ်ပွားမှုသည် တတိယအများဆုံးဖြစ် သောရောဂါဖြစ်သည်ဟုဆိုသည်။ လူဦး ရေ ၁ဝဝဝမှ ၅ ဒသမ ၇ရာခိုင်နှုန်းသည် စိတ်ကျရောဂါဖြစ်ပွားနေပြီး လူဦးရေ သုံးသိန်းခန့်မှာ ရောဂါခံစားနေကြရ သည်။ ကလေးမီးဖွားစမိခင်များ၊ တီဘီ ရောဂါဝေဒနာရှင်များနဲ့ သက်ကြီးရွယ်အို များမှာစိတ်ကျရောဂါခံစားနေကြရသည်။
ထို့ပြင် ကမ္ဘာ့ကျန်းမာရေးအဖွဲ့ချုပ် (WHO)၏အဆိုအရ ကမ္ဘာပေါ်တွင် စိတ်ကျရောဂါခံစားရသူ ၃၂၂သန်းရှိပြီး စိတ်ကျရောဂါသည် ဦးရေရှစ်သိန်းသည် နှစ်စဉ် ကိုယ့်ကိုယ်ကိုယ် အဆုံးစီရင် လျက်ရှိသည်ဟု သိရ၏။
သင့်တွင်စိတ်ကျရောဂါဖြစ်နေပြီဆို လျှင် မိသားစုဆရာဝန်၊ ဆေးရုံ၊ ဆေးခန်း သို့သွားပြရန် အချိန်မဆွဲသင့်ပါ။ ဆရာ ဝန်ပေးသောဆေးကိုမှန်မှန်သောက်ပြီး ဆရာဝန်ညွှန်ကြားသည့်အတိုင်း လိုက်နာ ဆောင်ရွက်မည်ဆိုလျှင် စိတ်ကျရောဂါ ပျောက်ကင်းသက်သာနိုင်ပါကြောင်း အကြံပြုတင်ပြရပါ၏။