images
UN
UN
ပြည်သူ့ဆန္ဒနှင့်ကိုက်ညီသော အနာဂတ် ဖန်တီးနိုင်ရေးနှင့် ပြည်ထောင်စုရွေးကောက်ပွဲကော်မရှင်၏ အဓိကတာဝန်
ပုဏ္ဏဝတီသား Monday, 02 December 2019
(ယမန်နေ့မှအဆက်)
ဦးတင်အေးခေါင်းဆောင်တဲ့ပြည်ထောင် စုရွေးကောက်ပွဲကော်မရှင်လက်ထက်မှာ ပေါ်ထွက်ခဲ့တဲ့ရွေးကောက်ပွဲဆိုင်ရာအငြင်း ပွားမှုတွေအပေါ် ဆုံးဖြတ်ခဲ့မှုတွေကိုကြည့် ရင် အဲဒီအချိန်တုန်းက အာဏာရပါတီ ဖြစ်တဲ့ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီက ကန့်ကွက်မှု ၃၃ ကြိမ် ပြုလုပ် ခဲ့ရာမှာ ငါးကြိမ်ပဲ အနိုင်ရခဲ့တယ်လို့တွေ့ ရမှာဖြစ်ပါတယ်။ အမျိုးသားဒီမိုကရေစီ အဖွဲ့ချုပ် ပထမဆုံးဝင်ရောက်ခဲ့တဲ့ ၂ဝ၁၂ ကြားဖြတ်ရွေးကောက်ပွဲမှာဆိုရင် ပြည် ထောင်စုကြံ့ခိုင်ရေးနှင့်ဖွံ့ဖြိုးရေးပါတီက ကန့်ကွက်မှု လေးကြိမ် ပြုလုပ်ခဲ့ပြီး အမျိုး သားဒီမိုကရေစီအဖွဲ့ချုပ်ကပဲ အနိုင်ရရှိခဲ့ တာတွေ့ရပါတယ်။
ဦးလှသိန်းခေါင်းဆောင်တဲ့လက်ရှိ ပြည်ထောင်စုရွေးကောက်ပွဲကော်မရှင်လက် ထက်မှာ အာဏာရပါတီဖြစ်တဲ့အမျိုးသား ဒီမိုကရေစီအဖွဲ့ချုပ်ကရွေးကောက်ပွဲရလဒ် နဲ့ပတ်သက်ပြီး ကန့်ကွက်မှုရှစ်ကြိမ်(ပြည် ထောင်စုကြံ့ခိုင်ရေးနှင့်ဖွံ့ဖြိုးရေးပါတီတွေ နဲ့ တိုင်းရင်းသားပါတီတွေကိုပါကန့်ကွက် မှု) ပြုလုပ်ခဲ့ရာမှာ လေးကြိမ်အထိ အနိုင် ရရှိခဲ့ပါတယ်။ အနိုင်ရရှိတဲ့နှုန်းက ငါး ဆယ်ရာခိုင်နှုန်း ရှိတယ်လို့ ဆိုနိုင်ပါ တယ်။ ဖွဲ့စည်းပုံအခြေခံဥပဒေအရ ပြည် ထောင်စုရွေးကောက်ပွဲကော်မရှင်ဥက္ကဋ္ဌတွေ ကိုနိုင်ငံတော်သမ္မတက ရွေးချယ်ခန့်အပ် ရတာဖြစ်ပါတယ်။ နိုင်ငံတော်သမ္မတဆို တာကလည်း စာရေးသူတို့နိုင်ငံရဲ့သမ္မတ ရွေးချယ်တဲ့စနစ်အရ လွှတ်တော်ထဲမှာ နေရာအများစုရထားတဲ့နိုင်ငံရေးပါတီက တင်မြှောက်တဲ့သူဖြစ်တာကြောင့် အာဏာ ရနိုင်ငံရေးပါတီက ယုံကြည်သူ၊ ကိုယ် စားပြုသူဖြစ်တယ်လို့ဆိုရမှာဖြစ်ပါတယ်။ နိုင်ငံရေးပါတီတစ်ခုခုက ပြတ်ပြတ်သား သားအနိုင်မရလို့ ညှိနှိုင်းမှု၊ အပေးအယူ လုပ်မှုတွေ လုပ်ပြီး တင်မြှောက်ထားတဲ့ နိုင်ငံတော်သမ္မတဆိုရင်တော့ တစ်မျိုးဖြစ် နိုင်ပါတယ်။
အများအားဖြင့်တော့ နိုင်ငံ တော်သမ္မတဟာ ရွေးကောက်ပွဲမှာ နေရာ အများစု အနိုင်ရခဲ့တဲ့အာဏာရနိုင်ငံရေး ပါတီက တင်မြှောက်တဲ့သူဖြစ်တယ်လို့ ပဲ ဆိုရပါလိမ့်မယ်။ တစ်ဖက်မှာ ပြည် ထောင်စုရွေးကောက်ပွဲကော်မရှင်ဥက္ကဋ္ဌကို နိုင်ငံတော်သမ္မတကပဲ ရွေးချယ်ခန့်အပ် ခွင့်ရှိပြီး ဖယ်ရှားခွင့်၊ အစားထိုးခွင့်ကို လည်း နိုင်ငံတော်သမ္မတကပဲလုပ်ဆောင် နိုင်မှာ ဖြစ်ပါတယ်။ ဒီတော့ ပြည်ထောင် စုရွေးကောက်ပွဲကော်မရှင်အပေါ်အာဏာရ နိုင်ငံရေးပါတီအပေါ် အလေးပေးတာမျိုး လုပ် မလုပ်ဆိုတဲ့ ရှုထောင့်နဲ့သုံးသပ်မှုတွေ လည်း ရှိမှာသေချာပါတယ်။
၂ဝ၁၅ ခုနှစ်က ကျင်းပခဲ့တဲ့ရွေး ကောက်ပွဲကို တာဝန်ယူကျင်းပပေးခဲ့တဲ့ ပြည်ထောင်စုရွေးကောက်ပွဲကော်မရှင် ဥက္ကဋ္ဌဦးတင်အေးဟာ အဲဒီအချိန်တုန်းက နိုင်ငံတော်သမ္မတအဖြစ်တာဝန်ယူခဲ့တဲ့ ဦးသိန်းစိန်နဲ့ စစ်တက္ကသိုလ်မှာ တစ်ပတ် စဉ်တည်းတက်ရောက်ခဲ့သူဖြစ်သလို ရင်း နှီးတဲ့ဆက်ဆံရေးလည်းရှိတယ်လို့သတ်မှတ် ကြပြီး ရွေးကောက်ပွဲမှာ သန့်ရှင်းမျှတမှု ရှိ နိုင်မလားဆိုတဲ့ရှုထောင့်နဲ့ ဝေဖန်မှုတွေ အများကြီး ပေါ်ထွက်ခဲ့ပါတယ်။ မဲစာ ရင်းပြုစုမှုတွေကစပြီး ရွေးကောက်ပွဲကြို ကာလမှာ အမျိုးသားဒီမိုကရေစီအဖွဲ့ချုပ် နဲ့ ၈၈ မျိုးဆက် ပွင့်လင်းလူ့အဖွဲ့အစည်း အပါအဝင် မီဒီယာတွေပါမကျန် အားလုံး ဝိုင်းဝန်းထောက်ပြဝေဖန်တာ၊ မေးခွန်း ထုတ်တာတွေ လုပ်ခဲ့ပါတယ်။ ဦးတင် အေးနဲ့ပြည်ထောင်စုရွေးကောက်ပွဲကော်မရှင် ဘက်ကတော့ ဖြေရှင်းသင့်တာကိုဖြေရှင်း ပြီး ရွေးကောက်ပွဲကို သန့်ရှင်းမျှတတဲ့ ရွေးကောက်ပွဲအဖြစ် ကျင်းပပေးနိုင်ဖို့ပဲ ဦးတည်ကြိုးပမ်းသွားခဲ့တယ်လို့ ဆိုရမယ် ထင်ပါတယ်။ ၂ဝ၁၅ ခုနှစ် ရွေးကောက် ပွဲရလဒ်ထွက်လာတဲ့အချိန်မှာ ပြည်ထောင် စုကြံ့ခိုင်ရေးနှင့်ဖွံ့ဖြိုးရေးပါတီ၊ အမျိုး သားဒီမိုကရေစီအဖွဲ့ချုပ်ပါတီတို့လို အင် အားကြီး နိုင်ငံရေးပါတီတွေကစပြီး ရွေး ကောက်ပွဲစောင့်ကြည့်တဲ့အဖွဲ့အစည်းတွေ နဲ့ နိုင်ငံတကာအသိုင်းအဝိုင်းကပါ မတ ရားဘူး၊ မမျှတဘူးလို့ စောဒက မတက် ခဲ့ဘဲ လွတ်လပ်တဲ့၊ သန့်ရှင်းမျှတတဲ့ရွေး ကောက်ပွဲအဖြစ် လက်ခံခဲ့ကြပါတယ်။ နိုင်ငံတော်သမ္မတဦးသိန်းစိန်နဲ့ဆက်နွှယ်မှု တွေရှိတာကြောင့်ဆိုတဲ့သံသယတွေကို ဦးတင်အေးဦးဆောင်တဲ့ပြည်ထောင်စုရွေး ကောက်ပွဲကော်မရှင်က အလုပ်နဲ့ပဲ သက် သေပြသွားခဲ့ပုံ ရပါတယ်။
ယုံကြည်မှု ဆိုတာက လုပ်ဆောင်ချက်ရဲ့ရလဒ်ဖြစ် တယ်ဆိုတဲ့နာမည်ကျော်အီတလီစကားပုံ တစ်ခုအတိုင်းပဲ ဦးတင်အေးနဲ့သူ့ရဲ့ပြည် ထောင်စုရွေးကောက်ပွဲကော်မရှင်ဟာသူတို့ တာဝန်ကို သူတို့အကောင်းဆုံးလုပ်ခဲ့လို့ ရသင့်တဲ့ရလဒ်မျိုးကို ပိုင်ဆိုင်ခဲ့တာဖြစ် တယ်လို့ ဆိုရပါလိမ့်မယ်။ ဒါဟာ စာ ရေးသူတို့နိုင်ငံရဲ့ဒီမိုကရေစီအသွင်ကူး ပြောင်းမှုသမိုင်းမှာ အရေးကြီးတဲ့မှတ်တိုင် တစ်ခုလည်း ဖြစ်လာပါလိမ့်မယ်။
ဦးလှသိန်းဦးဆောင်တဲ့လက်ရှိပြည် ထောင်စုရွေးကောက်ပွဲကော်မရှင်အပေါ် ကိုလည်း နိုင်ငံရေးပါတီတွေဘက်က ယုံမလား မယုံ ဘူးလားဆိုတာက ပြည် ထောင်စုရွေးကောက်ပွဲကော်မရှင်ရဲ့လုပ် ဆောင်ခဲ့မှုတွေအပေါ်မှာပဲ မူတည်မယ်လို့ ဆိုရပါလိမ့်မယ်။ လက်ရှိပြည်ထောင်စု ရွေးကောက်ပွဲကော်မရှင်လက်ထက်မှာ ပေါ်ထွက်လာခဲ့တဲ့ ရွေးကောက်ပွဲဆိုင်ရာ အငြင်းပွားမှုတွေမှာ အာဏာရပါတီဘက် က အနိုင်ရရှိတဲ့ရာခိုင်နှုန်း မြင့်မားနေတဲ့ အချက်ကလက်တွေ့မြင်တွေ့နေရတဲ့အရှိ တရားဖြစ်ပါတယ်။ ဒီတစ်ချက်တည်းနဲ့ ပြည်ထောင်စုရွေးကောက်ပွဲကော်မရှင် အပေါ် မယုံကြည်ဘူးလို့တော့တရားသေ ပြောလို့မရပါဘူး။ ဒါပေမဲ့ရွေးကောက်ပွဲ ဆိုင်ရာ အငြင်းပွားမှုတချို့အတွက် ပြည် ထောင်စုရွေးကောက်ပွဲကော်မရှင်ရဲ့ဆုံးဖြတ် ချက်တွေက မေးခွန်းထုတ်စရာ ဖြစ်ခဲ့ပါ တယ်။ ၂ဝ၁၅ ခုနှစ်ရွေးကောက်ပွဲမှာ ရပ် စောက်(၁)မဲဆန္ဒနယ်မှာ အနိုင်ရခဲ့တဲ့ပြည် ထောင်စုကြံ့ခိုင်ရေးနှင့်ဖွံ့ဖြိုးရေးပါတီကို ကိုယ်စားပြုတဲ့ဦးအောင်ကျော်ညွန့်ကိုအမျိုး သားဒီမိုကရေစီအဖွဲ့ချုပ်ကို ကိုယ်စားပြု တဲ့ဦးခိုင်ညီညီကျော်က ကန့်ကွက်ခဲ့တဲ့ ဖြစ်စဉ်ဖြစ်ပါတယ်။ ဦးခိုင်ညီညီကျော် က ဦးအောင်ကျော်ညွန့်ရရှိခဲ့တဲ့မဲတွေထဲ မှာ မဲဆန္ဒနယ်အတွင်း ရက်ပေါင်း ၁၈ဝ နေထိုင်ခြင်း မရှိသူများ၏မဲတွေဖြစ်တယ် လို့ ကန့်ကွက်ခဲ့တာဖြစ်ပါတယ်။ ပြည် ထောင်စုရွေးကောက်ပွဲကော်မရှင်က ကန့် ကွက်တဲ့အတိုင်း မှန်တယ်လို့ ဆုံးဖြတ်ပြီး ဦးခိုင်ညီညီကျော်ကို အနိုင်ပေးခဲ့ပါတယ်။ တကယ်တော့ မဲပေးခွင့်ရှိသူတွေကို ရွေး ကောက်ပွဲကော်မရှင်အဖွဲ့ခွဲတွေက ပြုစု တာဖြစ်သလို ရွေးကောက်ပွဲမတိုင်မီကာ လမှာကတည်းက မဲစာရင်းကို ကြေညာ ခဲ့ပြီးဖြစ်ပါတယ်။ အဲဒီအချိန်တုန်းက ရက်ပေါင်း ၁၈ဝ နေထိုင်ခြင်း ရှိ မရှိ ဆိုတာကို ကန့်ကွက်သူက စစ်ဆေးခဲ့တာ မျိုး လုပ်မလုပ် မသိရပေမယ့် မြို့နယ် ရွေးကောက်ပွဲကော်မရှင်ရဲ့တာဝန်တစ်ခု ကို ဘာမှမဆိုင်တဲ့အနိုင်ရကိုယ်စားလှယ် နဲ့တွဲဖက်စဉ်းစားပြီး ကန့်ကွက်မှုက မှန် ကန်တယ်လို့ဆုံးဖြတ်ခဲ့တာက မေးခွန်း ထုတ်စရာတွေ ဖြစ်ခဲ့ရတာဖြစ်ပါတယ်။
(ဆက်လက်ဖော်ပြပါမည်)