images
UN
UN
လောက၏ဖန်တီးရှင်အစစ်
တက္ကသိုလ်သင်္ခ Thursday, 05 November 2020
ဘဝအမျိုးမျိုးနှင့် လောကအမျိုးမျိုး ကို ဖန်တီးပေးနေသူမှာ 'စိတ်'သာလျှင် ဖြစ်၏။ လောကနှင့်သတ္တဝါတို့ကို ဖန်တီး နိုင်သည့် အနန္တတန်ခိုးရှင်၊ ဖန်တီးရှင် ဆို သည်မရှိပေ။ တကယ်ရှိသော အခြေခံ အကျဆုံး တရားများမှာ ''စိတ်၊ စေ တသိက်၊ ပရမတ်ရုပ်''သုံးမျိုးသာရှိ၏။ 'စိတ်'နှင့် 'စေတသိက်'တို့ကိုပေါင်းပြီး 'နာမ်'ဟုခေါ်သည်။ 'ဒြပ်'နှင့် 'စွမ်းအင်' တို့ကို ပေါင်းစပ်ပြီး 'ရုပ်'ဟုခေါ်သည်။ ထို့ ကြောင့် 'နာမ်ရုပ်'နှစ်ပါးသာရှိ၏။
ထိုနာမ်ရုပ်နှစ်ပါးသည် ခဏမစဲဖြစ် ပြီး ပျက်နေကြ၏။ မတည်မြဲကြ။ ထိုနာမ် ရုပ်တို့ကို ပေါင်းစုပြီး ပြုပြင်စီရင်ထား သော သက်ရှိသက်မဲ့အရာအားလုံးသည် မတည်မြဲကြပေ။ ခဏမစဲလျင်မြန်စွာ ဖြစ်ပြီး ပျက်နေကြ၏။ တိပိဋကဓရအဘိ ဓဇမဟာရဋ္ဌဂုရု မင်းကွန်းဆရာတော် ဦးဝိစိတ္တသာရာဘိဝံသက အမှန်ကိုဆင် ခြင်နိုင်စေရန် အောက်ပါအတိုင်းလင်္ကာ သီကုံးပေးထား၏။
''ဤကိုယ်ကာယ၊ တစ်လံမျှ၌ နှစ်ဝ နာမ်ရုပ်ဖြစ်၍ချုပ်၏။ နာမ်ရုပ်နှစ်ပါး အလွတ်ထား၍၊ ဤကား လိပ်ပြာ၊ ဤကားငါနှင့်၊ ဤမှာဇီဝ၊ ဤ အတ္တဟု၊ ညွှန်ပြဖွယ်ရာ၊ မရှိပါသည်၊ ခန္ဓာနာမ်ရုပ် မျှပါတကား''။
''နာမ်ရုပ်တရား၊ ဤနှစ်ပါးလည်း
ရှည်လျားကာလ၊ မတည်ကြဘဲ၊ ခဏဖြစ်လျက်၊ ခဏပျက်၍၊ နှိပ်စက် ခြင်းရာ၊ လိုမပါဘူး၊ သဘာဝအား ဤသုံးပါးကြောင့်၊ ဖြစ်ပွားသမျှ၊ အနိစ္စ သည်၊ ဒုက္ခအနတ္တပါတကား''။
နာမ်ရုပ်နှစ်ပါးအနက် နာမ်က အာရုံ ကိုသိတတ်ပြီး ရှေ့ဆောင်လမ်းပြဖြစ် သည်။ ရုပ်ကအာရုံကိုမသိ၊ နာမ်ဦးဆောင် ရာကို နောက်လိုက်ရ၏။
ကမ္ဘာလောကအကြောင်း၊ ဘဝ အကြောင်းတို့ကို ကောင်းစွာထိုးထွင်း သိမြင်တော်မူသည့် မြတ်စွာဘုရားက ''စိတ်'' တစ်ပါးတည်းကိုသာ စောင့် စည်းထိန်းကွပ်နိုင်မည်ဆိုလျှင် လူ့ဘဝ၊ နတ်ဘဝ၊ ဗြဟ္မာဘဝ၊ လူချမ်းသာ၊ နတ် ချမ်းသာ၊ ဗြဟ္မာချမ်းသာတို့ကို ရရှိနိုင် ကြောင်း ဟောတော်မူသည်။ ဤသည်ကို မှတ်သားနာယူလွယ်ကူစေရန် မာန်လည် ဆရာတော်က မဃဒေဝလင်္ကာတွင် ဤသို့ သီကုံးပေးထား၏။
''စိတ်ဟုမည်ငြား၊ ဤတစ်ပါးမျှ၊ တရားကိုယ်ကျပ်၊ စောင့်စည်းကွပ်က၊ လူရပ်နတ်ရွာ၊ ဗြဟ္မာနိဗ္ဗာန်၊ ရောက် ကြောင်းမှန်၏။''
ဆိုရလျှင် ''စိတ်'' ဟူသည် အာရုံ ကိုသိမှုသဘောမျှပင်ဖြစ်၍ အကောင်း အဆိုးခွဲခြားနိုင်စရာမရှိပေ။ ပင်ကို သဘောအားဖြင့် ဖြူစင်သည်ဟုဆိုရပေ မည်။ သို့ရာတွင် ပုထုဇဉ်မှန်သမျှတို့၏ စိတ်သန္တာန်တွင် လောဘ၊ ဒေါသ၊ မောဟစသည့် မကောင်းသောအခြေခံ တရားများ စိုးမိုးလျက်ရှိသဖြင့် ယုတ်မာ ညစ်ကျူးသော စိတ်ဓာတ်မျိုးအနည်းနှင့် အများကိန်းဝပ်၍ ရှိကြစမြဲဖြစ်၏။

ထိုသို့ ဆိုသဖြင့် ပုထုဇဉ်တို့ သန္တာန်တွင် ကောင်း မွန်သောစိတ်ထားများအလျှင်းမရှိဟု ဆို လိုခြင်းမဟုတ်ပေ။ သို့စေကာမူ စိတ် သည် မကောင်းမှုတွင် မွေ့လျော်တတ် ၏။ ဒေသနာတော်အရ စိတ်သည် မကောင်းမှုဘက်သို့ ကိုင်းညွှတ်ကျက် စားတတ်ပါ၏၊ ပတ်ဝန်းကျင်အခြေအနေ ကိုလိုက်၍ မကောင်းသောအရာကို အတု မြင်အတတ်သင်သည့်သဘောဖြင့် စိတ် ကဆွဲဆောင် မှုပြုတတ်ခြင်းဖြစ်သည်။
တောင်တန်းသာသနာပြုဆရာတော် ဦးဥတ္တမသာရက တရားပွဲများတွင် ''ကံ-ကံ၏အကျိုးအကြောင်းက အရေး အကြီးဆုံးဖြစ်၍ ကံအကြောင်းကို အမြဲ ဦးစားပေးပြီး ဟောတော်မူသည်''ထိုသို့ ဟောရာတွင် အောက်ပါလင်္ကာကို ရွတ်ဆို ပြပြီး ရှင်းပြပေးသည်ဟု သိရ၏။
''လူပြည်၊ နတ်ပြည်၊ ဗြဟ္မာပြည်၊ ကျင်လည်စိတ်ကြောင့်သာ၊ အပါယ်လေး ပါး၊ ကျသူများ၊ မှတ်သားစိတ်ကြောင့် သာ၊ ကောင်းဆိုးယုတ်မြတ်၊ ဖြစ်လာ တတ်၊ မှတ်ကြစိတ်ကြောင့်သာ၊ နိဗ္ဗာန် သာခေါင်၊ ဘေးမဲ့သောင်၊ စိတ်ဆောင် ရောက်မည်သာ''
လူ့ပြည်၊ နတ်ပြည်၊ ဗြဟ္မာပြည်တို့ တွင် ဘဝသစ်ဖြစ်ကြရသည့် ပုဂ္ဂိုလ်တို့ သည် ၄င်းတို့၏ ကောင်းသောစိတ်များ ကပို့ဆောင်၍ ထိုထိုဘုံတို့တွင် ဘဝ ဖြစ်ကြရ၏။ အပါယ်ဘုံတွင် ဘဝသစ် ဖြစ်ကြရသည့် ပုဂ္ဂိုလ်များသည်လည်း သူတို့၏ မကောင်းသောစိတ်များက ပို့ဆောင်၍ အပါယ်ဘုံသို့ ရောက်သွား ကြရခြင်းဖြစ်ပါ၏။
ထို့ပြင် လူ့ပြည်၊ နတ်ပြည်တို့တွင် ဖြစ်ကြရသည့် ပုဂ္ဂိုလ်အချင်းချင်းတို့ သည်လည်း မတူကြပေ။ အချို့က ချမ်းသာ၏။ အချို့က ဆင်းရဲ၏။ အချို့ က ရုပ်လှ၏။ အချို့က အကျည်းတန် သည်။ အချို့ကတန်ခိုးကြီး၏။ အချို့က တန်ခိုးနည်းသည်စသည်ဖြင့် အမျိုးမျိုး အဖုံဖုံကွဲပြားနေကြရသည်မှာလည်း စိတ် ကစီမံဖန်တီးထားသည့်အတွက်ကြောင့် သာဖြစ်ပါ၏။ ထို့အတူဘေးရန်အန္တရာယ် ကင်းရှင်းသည့် ခေမာသောင်ကမ်းနိဗ္ဗာန် နန်းသို့ တက်လှမ်းချင်သည်ဆိုလျှင် လည်းစိတ်ကိုပျိုးထောင်ပေးနိုင်ပါက ရောက်နိုင်ပါ၏။
ထို့ကြောင့်သတ္တဝါများ၏ ဘဝ ကံကြမ္မာအမျိုးမျိုးကို စီမံဖန်တီးပေးနေ သော ဖန်တီးရှင်အစစ်မှာ ''စိတ်''သာ လျှင်ဖြစ်ပါ၏။ စိတ်နှင့် ပတ်သက်၍ ဓမ္မကထိက ဆရာတော်တစ်ပါးက စိတ် ကိုအိမ်တစ်လုံးနှင့် ဥပမာပေး၍ ဟော ကြားခဲ့၏။
အိမ်တစ်အိမ်တွင် ''ခေါင်မိုး''သည် အရေးကြီး၏။ ခေါင်မိုးမလုံလျှင် ၄င်း အိမ်သည် မိုးဒဏ်ကို ခံနိုင်မည်မဟုတ် ပေ။ မိုးမလုံသဖြင့် အိမ်ကြမ်းခင်းများ မိုးထိပြီး ပျက်စီးမည်။ ထို့အတူ အိမ်နံရံ များလည်း ပျက်စီးမည်။ ကြာလျှင် တစ် အိမ်လုံးပြိုကျပျက်စီးသွားနိုင်သည်။
ထိုနည်းတူစွာ လူတို့သည် စိတ်ကို မထိန်းနိုင်လျှင် တစ်နည်းလွှတ်ထားလျှင် စိတ်အလိုလိုက်ပြီး ပျက်စီးနိုင်သည်။ ဒုစရိုက်မှုများမှအစ မကောင်းမှုမှန်သမျှ သည် စိတ်ကြောင့်ဖြစ်ရ၏။ စိတ်မခိုင် လျှင် စာရိတ္တမဏ္ဍိုင် ယိုင်လဲနိုင်၏။ စိတ်မခိုင်လျှင် ဘဝကို အရှုံးနှင့် ရင်ဆိုင် ရနိုင်၏။ ထို့ကြောင့် ဆင်ရိုင်းနှင့်တူသော စိတ်ကို ပညာတည်းဟူသော ချွန်းဖြင့် အုပ်ထိန်းရန် လိုသည်ဟုဆိုမိန့်ထားခြင်း ဖြစ်ပါ၏။
လောကတွင်လူတို့သည် ကိုယ်စီ ကိုယ်င ချမ်းသာသုခရရေးကို တစ်စိုက် မတ်မတ် ရှာဖွေလုပ်ဆောင်လျက်ရှိကြ၏။ ထိုသို့လုပ်ဆောင်ကြရာတွင် ပြင်ပ၌သာ ချမ်းသာသုခရှိသည်ဟု ထင်မှတ်ကာ ပြင်ပဝတ္ထုအာရုံတို့ကိုသာမရ ရအောင် ကြံ ဆောင်ကြိုးစားလျက်ရှိကြ၏။ ဆိုရလျှင် ပြင်ပအရာဝတ္ထုများသည်လည်း ချမ်းသာ သုခကို တကယ်ပေးနိုင်စွမ်းမရှိပေ။ ချမ်းသာသုခရရေးအတွက် အထောက် အကူပြုနိုင်ရုံသာရှိ၏။
အမှန်အားဖြင့် ချမ်းသာသုခဟူသည် စိတ်နှင့်သာ ဆက်စပ်နေသော သဘော တရား တစ်ခုဖြစ်သဖြင့် စိတ်၌သာ ချမ်းသာသုခရှိသည်ဟု ဆိုရမည် ဖြစ် သည်။ ထို့ကြောင့် မိမိတို့သည် ချမ်းသာ သုခရရန် စိတ်ကောင်း နှလုံးကောင်း ထားကြဖို့လည်း လိုအပ်ပါ၏။ စိတ် ကောင်း နှလုံးကောင်း ထားနိုင်သည်နှင့် အမျှ မိမိတို့ တစိုက်မတ်မတ် ရှာဖွေ လျက်ရှိသော ချမ်းသာသုခကို မလွဲမသွေ ရရှိနိုင်မည်ဖြစ်သည်။
လူတိုင်းသည် မိမိစိတ်ကို မိမိ အသိ ဆုံး ဖြစ်၏။ မိမိသည် စိတ်ကောင်း နှလုံး ကောင်းထားသူ ဟုတ်မဟုတ် အမြဲတမ်း ဆန်းစစ်နေရန် လိုမည်ဖြစ်သည်။ စိတ်ဆိုး စိတ်ယုတ်ရှိသူသည် မိမိကိုယ် မိမိ မကြည်ညိုနိုင်။ မိတ်ဆွေ ညီအစ်ကို မောင်နှမ စသော ပတ်ဝန်းကျင် အသိုင်း အဝိုင်းကလည်း ထိုသူ၏ ယုတ်မာမှုကို သိနေကြသည့်အတွက် ထိုသူအပေါ် လေးစားကြည်ညိုကြမည် မဟုတ်ပေ။
ထို့ပြင် စိတ်ကောင်း နှလုံးကောင်း မထားသူသည် မည်သည့် ကုသိုလ် ကောင်းမှုမျိုးကို လုပ်လုပ် ရိုးသား ဖြူစင် လိမ့်မည် မဟုတ်ပေ။ ထိုသူ၏ ကုသိုလ် ကံသည်လည်း စင်စင်ကြယ်ကြယ် ရှိလိမ့် မည် မဟုတ်ပေ။ ထို့အတူ စိတ်ကောင်း နှလုံးကောင်းမထားဘဲ စိတ်ဆိုး စိတ် ယုတ်ကိုသာ လက်ခံထားလျှင် ထိုဆိုးညစ် ယုတ်မာသော စိတ်က တစ်နေ့ထက် တစ်နေ့ ယုတ်သည်ထက် ယုတ်အောင် ပြုလုပ်တတ်ပါ၏။
အချုပ်ဆိုရလျှင် စိတ်ကောင်း နှလုံး ကောင်း ထားခြင်းဖြင့် ကာယကံ၊ ဝစီကံ၊ မနောကံ အကုသိုလ်တို့ကို ရှောင်ရှား နိုင်မည်ဖြစ်သည်။ မကောင်းမှုစိတ်ထား အကုသိုလ်တရားများသည် စိတ်ကြောင့် ဖြစ်ပေရာ ယင်းကို စိတ်ဖြင့် ပြုပြင် လုပ်ဆောင်နိုင်ပါကြောင်း အကြံပြု တင်ပြရပါ၏။