images
UN
UN
ပညာ . . .၊ ပညာအကြောင်းပြောရပြန်ခြင်း
စိုးမြင့်သိန်း Thursday, 30 July 2015
ပညာကိုစူးစမ်းကြည့်ခြင်း
(၁၈)ရာစုအား ပညာရှင်တို့က ပညာ အလင်းခေတ်ဟု သတ်မှတ်ကြသည်။ ထို ခေတ်ကို ဘော်တဲယား (Voltaire) ၊ ဒီဒီရို (Diderot) ၊ ရူးဆိုး (Rouesseau) ၊ နယူတန် (Newton)၊ဒေးဗစ်ဟရွန်း(David Hume)၊ အဒမ်စမစ်(Adam Smith)၊ဆင်မြူရယ်ဂျွန် ဆင်(Samuel Johnson) ဘင်ဂျင်မင်ဖရင် ကလင် (Benjamin Franklin)၊ သောမတ် ဂျက်ဖာဆင်(Thomas Jefferson) လိုင်ဘနိ (Leibniz)တို့ ဦးဆောင်ခဲ့ကြောင်းသိရ သည်။ ပညာ၏အခြေခံသည် ငြင်းခုံခြင်း၊ ဝေဖန်ခြင်း၊ အပြန်အလှန်ဆွေးနွေးခြင်းတို့ ဖြစ်သည်ဟုဆိုကြသည်။ သို့ဆိုလျှင် ငြင်းခုံ ခြင်းမရှိ ပညာမရှိ။ ဝေဖန်ခြင်းမရှိ ပညာ မရှိ။ အပြန်အလှန်ဆွေးနွေးခြင်းမရှိ ပညာ မရှိဟု အဓိပ္ပာယ်ထွက်သလော...။
နောက်ထပ် ပညာ၏အခြေခံတစ်ခုမှာ Freedom to doubt လွတ်လပ်စွာသံသယ ရှိနိုင်ဖို့ပင်။ သံသယရှိခြင်းသည် အသိပညာ ၏ အဦးအစလမ်းသစ်ပင်ဖြစ်သည်။အလွန် သေချာနေခြင်းသည် ပညာမဟုတ်နိုင်။ ပညာ၌ လုံးဝမုချ တထစ်ချ သေချာ သည်ဆိုတာမရှိ။ Absolutist အကြွင်းမဲ့ အမှန်တရားဝါဒီများကို(တစ်နည်း)တဇောက် ကန်းများဟုခေါ်နိုင်ပေသည်။ (သည်းခံ ပါ...)။ ထိုအခြင်းအရာသည် ပညာ၏ လက္ခဏာမဟုတ်...။ပညာသည် ဒိဋ္ဌဓမ္မ သဘောကိုဆောင်ပြီး မျက်စိမှိတ်ငြင်းသော ငါတကောကောသူတော့မဖြစ်နိုင်ပါ။
ဝိဘဇ္ဇပညာ
ဗုဒ္ဓက (၁) တစ်ဆင့်ကြား ပြောသံ ကြားကို မှန်ပြီမယူသင့်၊
(၂) ဘေးဘိုးစဉ်ဆက်စကားကိုလည်း မှန်ပြီမယူသင့်၊
(၃) သမိုင်းအထောက်အထားမျှဖြင့် လည်း မှန်ပြီမယူသင့်၊
(၄) ကျမ်းနှင့်ညီသည်ဆိုပြီးလည်း မှန်ပြီမယူသင့်၊
(၅) ယုတ္တိဗေဒမျှဖြင့်လည်း မှန်ပြီမယူ သင့်၊
(၆) နည်းနာရရုံမျှနှင့်လည်း မှန်ပြီမယူ သင့်
(၇) အကြံရပြီဟုလည်းမှန်ပြီမယူသင့်၊
(၈) ငါတို့နှင့်အယူညီပေသည်ဟု လည်း မှန်ပြီမယူသင့်၊
(၉) မှတ်ထိုက်တဲ့သဘောဟူ၍လည်း မှန်ပြီမယူသင့်၊
(၁ဝ) ငါတို့လေးစားသူ၏စကားဟု လည်း မှန်ပြီမယူသင့်၊
၎င်းဗုဒ္ဓသြဝါဒဓမ္မလမ်းညွှန်သည် ''ဝိဘဇ္ဇဝါဒ''သည် လွတ်လပ်စွာစိစစ် ဝေဖန်အမှန်ရှာလမ်းစဉ်ဖြစ်ကြောင်း ထင် ရှားပါသည်။ ပညာ-လမ်းစဉ်ဟုဆိုလည်း ရပါသည်။

ခေတ်သစ်(ယနေ့ကမ္ဘာ)မှာတော့
Education - Uneducation - Reeducation
ပညာ - ပဋိပညာ - အသစ်ပညာ
ပညာ၏ အားနည်းချက်ကိုရှာပြီး (ပညာပိုဆည်းပူးရမည်)ဟု အညွှန်းထွက် ပါသည်။

မေတ္တာဖြင့်ပညာရှာ...
Dialouge with love ဟု ခေါ်ပါသည်။ လောကမှာ ကိုယ့်ဘာသာသေချာနေတာ ပျင်းစရာကြီးပါ။ ဆန့်ကျင်ဘက်အယူအဆ ရှိသူ(တွေ)နဲ့ ငြင်းရင်းခုံရင်း(တစ်နည်း) ဂျပ်စ်ဂီတသမားတွေ အလွတ်ဇာတ်တိုက် နေသလို မှားမှာမကြောက်တမ်း အားစမ်း ဆွေးနွေး လှပတဲ့သံစဉ်ရှာရေးပဲဗျ။ အဲဒါ မှ 'ပညာ'တိုးမှာကိုး။ ဘိဇနက်ဥက္ကဋ္ဌကြီး တစ်ဦးက ဘာပြောသလဲဆိုတော့ ကျုပ်တို့ ဘိဇနက်လောက က ထော်လော်ကန့်လန့် တွေးတတ်လူမျိုးကို မကြိုက်ဘူး။ အဲဒါ မှားတယ်။ မရေရာ မသေချာမှုတွေနဲ့ နပန်း လုံးနေရတဲ့ ခုလိုကာလမျိုးမှာ ထော်လော် ကန့်လန့်တွေးပါမှ တန်ရာကျမယ်ဟု ပြော ဖူးသည်။ 'လောရင့်ဘော့စီဒီ'ဟု ထင်ပါ သည်။

နိုင်ငံပေါင်း ၁၇ နိုင်ငံ၊ ဝန်ထမ်း ၈ဝဝ ရှိ ကမ္ဘာ့သုခမိန်အဖွဲ့THINK TANK ၏ အလုပ်ခေါ်ကြော်ငြာမှာ...
အဖြောင့်စဉ်စားသူများ လျှောက်ထား ရန်မလို
ကွေ့ကွေ့ကောက်ကောက် စဉ်းစား တတ်သူများသာ အလိုရှိသည်ဟူ၏။
No Linear Thinkers,Just NonLinear Thinkers
Break through Thinking ဟုလည်း ခေါ်ပါသည်။

အိန္ဒိယသမ္မတကြီး အဗ္ဗဒူကလာမ်
သတင်းစာမှာ သမ္မတကြီး(ဟောင်း) အဗ္ဗဒူကလာမ် ဆုံးပြီပါလာတော့ စိတ် ထိခိုက်ရသည်။ သမ္မတကြီး၏ ပညာ ဆိုင်ရာ သြဝါဒတစ်ခုကို သတိရမိသည်။ ၁။ ကိုယ့်ကိုယ်ကိုယ်တိုးတက်အောင်လုပ် (ကိုယ့်ဘာသာရပ်မှာ ပြိုင်ဘက်ကင်းပါ စေ)။ ၂။ တခြားသူကိုသင် (တစ်ယောက် တလေကို ဖြစ်ဖြစ်သင်ပေးပါ)။ ၃။ ပတ် ဝန်းကျင် ကောင်းအောင်လုပ် ၄။ ရှင်းလင်း ပြတ်သားတဲ့ ဦးတည်ချက်ရှိပါစေတဲ့။ ဟုတ်ကဲ့ တစ်ခေတ်က မိမိကိုယ်ကိုကောင်း အောင် ကြိုးစားမည် ကျောင်းသီချင်းလေး ကို သတိရမိ...။

ယနေ့ဆိုင်ဘာခေတ်သို့ဝေဖန်ချက်
(ပညာရှုထောင့်)
ယခုအခါ လူ့ဥာဏ်ပညာကို သမားရိုး ကျ ပညာရေးပုံစံများထက် အင်တာနက် ဝက်(ဘ်)ဆိုက်ဖြင့် မြှင့်တင်ခြင်းနည်းကို ပိုသုံး (ပိုဦးစားပေး)လာကြသည်။ ယင်းကို ဆိုင်ဘာဥာဏ်(Cyber Intelligence) ဟု ခေါ်သည်။
အနာဂတ်ဝါဒီ မစ္စတာ'ပီယာဆန်'က တော့ စိုးရိမ်စွာ ခုလိုပြောလိုက်သည်။ 'လူ့ ဥာဏ်ပညာကို ဆိုင်ဘာဥာဏ်ပညာအဖြစ် မြှင့်တင်လိုက်တဲ့အခါ အခြေခံလူသား ဝိညာဉ် Basic Human Spirit ပျောက်ဆုံး သွားနိုင်တယ်''ဟူ၏။ ဆိုင်ဘာဥာဏ်ဆို သည်မှာ အစစ်အမှန်ကို တုထားသောအရာ၊ လူးထားသောမိတ်ကပ်လိုဟာ အစစ်ဟု ထင်စရာ Virtual မျှသာဖြစ်သည်။
ထိုလူးထားသောအရာကိုသာ လိုက် စားလွန်းနေလျှင် အစစ်အမှန်အကြောင်း အသိနည်းလာနိုင်ကြောင်း ၄င်းက ဝေဖန် ထောက်ပြလိုက်သည်။

တရားဦးဓမ္မစက်မှပညာ
ပညာဟူသည် ကောင်းစွာမြင်ခြင်းနှင့် ကောင်းစွာကြံခြင်းပင်ဖြစ်သည်။ ကောင်း စွာမြင်၍ ကောင်းစွာကြံလျှင် ပညာဖြစ် သည်။ ထိုသို့မဟုတ်ပါမူကား ကမ္ဘာပေါ် ရှိရှိသမျှ စာအုပ်တွေကုန်အောင် ဖတ်နေ သော်လည်း ပညာမဖြစ်ချေ။
အရှင်သုမင်္ဂလ(စစ်ကိုင်း)
မဟာဗုဒ္ဓဝင်၊ တိပိဋကပါဠိ မြန်မာ အဘိဓာန်
နိဗ္ဗာန်(ဦးသော်ဇင်)တို့ကို ကိုးကားရေး သား။

ဒေဝီကျောင်းဆရာတော်ကြီး
စည်းရုံးရေးထွက်လာတဲ့ နိုင်ငံရေး ခေါင်းဆောင်တစ်ဦးကို ကျိုက်လတ်မြို့မှာ ဒေဝီကျောင်းဆရာတော်ကြီးက သြဝါဒပေး ရာမှာ... ပညာဆိုတာကတော့ ဆိုးကျိုး ကောင်းကျိုးကို ခွဲခြားနိုင်တာပေါ့။ ဒါ လုပ်လိုက်ရင် ဆိုးကျိုးဖြစ်သွားမလား၊ ကောင်းကျိုးဖြစ်သွားမလား ဆိုတာကို တွက်တတ်တာကို ပညာလို့ ဆရာတော်ကြီး က မိန့်ကြားပါသည်။

တိုရှင်းလိုရင်း
ဒီတစ်ခါ ကျွန်တော့်ဆောင်းပါးက ပညာ၊ ပညာအကြောင်း အဓိပ္ပာယ်ဖွင့်ဆို ချက်များ၊ လိုရင်းတိုရှင်း ရေးသားချက်မျှ သာဖြစ်ပါသည်။ ပရိသတ်များပညာဥာဏ် မြင့်မားကြပါစေ။