images
UN
UN
ရွေးကောက်ပွဲ ဝင်ရောက်ယှဉ်ပြိုင်မည့် ကိုယ်စားလှယ်လောင်းမိတ်ဆက်
သုတ တွေ့ဆုံမေးမြန်းသည်။ Friday, 23 October 2015
အမည် - ဦးကျော်ညွန့်
ပါတီ - ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ
ပညာအရည်အချင်း - B.Sc (DSA) M.A (Defence Studies)
ဝင်ရောက်ယှဉ်ပြိုင်မည့် - ပြင်ဦးလွင်မြို့နယ်
မဲဆန္ဒနယ် ပြည်သူ့လွှတ်တော်ကိုယ်စားလှယ်လောင်း
- လုပ်ငန်းအတွေ့အကြုံ
ICT Master Plan ရေးဆွဲခြင်း(၂ဝဝ၄)၊ ဂြိုဟ်တုနည်းပညာများ လေ့လာခြင်း(ပြည်တွင်း/ပြည်ပ)၊ ဂြိုဟ်တု နည်းပညာဆွေးနွေးပွဲများ တက်ရောက်ခြင်း (ပြည်တွင်း/ပြည်ပ)၊ MEC ၏ CDMA Net - work ကို စတင် အကောင်အထည်ဖော်ခြင်း၊ ထရန်စမစ်ရှင်း+ နက်ဝပ်+ ဖိုက်ဘာအော့(ပ်)တစ်ကေဘယ်လ်လေ့လာခြင်း၊ ချယ်ရီရိပ်ဖောင်ဒေးရှင်း ပေါ်ပေါက်လာစေရန် ကနဦးတိုက်တွန်းခြင်း၊ Joke မဂ္ဂဇင်းထုတ်ဝေခြင်း၊ ကျေးလက်မီးလင်းရေးစက်ပစ္စည်းများထုတ်လုပ်ရေးစက်ရုံ လုပ်ငန်းဆောင်ရွက်ခြင်း။
- နိုင်ငံရေး ရည်မှန်းချက်
အမျိုးသားနိုင်ငံရေးစနစ် ပီပီပြင်ပြင်ပေါ်ထွက်လာရန်နှင့်စစ်မှန်သော ဒီမိုကရေစီလမ်းကြောင်းပေါ်တွင် တည့်တည့်မတ်မတ်လျှောက်လှမ်းနိုင်ရေးနှင့် ဒီမိုကရေစီသက်တမ်းနုသလို လူထု၏ဒီမိုကရေစီကျင့်စဉ် နည်းပါးနေသေး၍ တဖြည်းဖြည်းချင်း ဆွဲတင်သွားနိုင်ရေး။
- စီးပွားရေးရည်မှန်းချက်
ဖွံ့ဖြိုးစနိုင်ငံတစ်ခုအနေဖြင့် စီးပွားရေးအခြေအမြစ်တစ်ခုကို ခိုင်ခိုင်မာမာ စွဲကိုင်နိုင်ရေး၊ နိုင်ငံရေးတည်ငြိမ်မှုရှိမှ စီးပွားရေးဖွံ့ဖြိုးတိုးတက်မည်ဟုယူဆပါသည်။
- လူမှုရေးရည်မှန်းချက်
သဘာဝဘေးအန္တရာယ်များနှင့်ပတ်သက်၍ ပြည်သူများကို ကြိုတင်ကာကွယ်မှုလုပ်ရန်၊ ပြည်သူများ၏ လူနေမှုဘဝမြှင့်တင်ပေးရန်၊ သာရေးနာရေးအသင်းများ၊ လူမှုရေးအသင်းများပေါင်းစည်း၍ ပိုမို ပြည့်စုံသော လူမှုရေးကွန်ရက်ဖွဲ့စည်းဆောင်ရွက်ရန်။

- ပညာရေးရည်မှန်းချက်
မှန်ကန်တည်ငြိမ်သောပညာရေးစနစ်သစ်တစ်ရပ် ဖြစ်သင့်သည်။ အရည်အချင်းပြည့်မီသောဆရာဆရာမများဖြင့် ငယ်စဉ်ကတည်းက ပြည့်ပြည့်ဝဝ သင်ကြားပေးရန်လိုသည်။ အင်္ဂလိပ်စာနှင့် ကွန်ပျူတာ ICT နည်းပညာရပ်ကိုပညာရေးနှင့်ပေါင်းစပ်ဆောင်ရွက်ရန်။
- ကျန်းမာရေးရည်မှန်းချက်
မြို့ပြနှင့်ကျေးလက်ဒေသကျန်းမာရေးဖွံ့ဖြိုးတိုးတက်မှု ကွာဟ ချက်လျော့နည်းစေရေး၊ ကျန်းမာရေးစနစ် အားဖြည့်ဆောင်ရွက်ခြင်းကို အထူးအလေးပေးဆောင်ရွက်ရေး၊ ပြည်သူလူထုဗဟိုပြုကျန်းမာရေး ဝန်ဆောင်မှုစနစ် ဖွံ့ဖြိုးတိုးတက်ရေး၊ နိုင်ငံတော်လူဦးရေ၏ ရာခိုင်နှုန်း ၆ဝကို ကိုယ်စားပြုသည့် မိခင်နှင့် ကလေးများ၊ မိသားစုအားလုံး၏ ကျန်းမာရေးဖွံ့ဖြိုးတိုးတက်ရေး။
- မဲဆန္ဒနယ်အတွက်ရည်မှန်းချက်
ပြင်ဦးလွင်မြို့နယ်၏ အဓိကစီးပွားရေးစနစ်ကို နယ်မြေခံပြည်သူ လူထုနှင့်ပေါင်းစည်းယှက်နွှယ်ဆောင်ရွက်ရေး၊ ပုံစံ(၇)ကဲ့သို့ လယ်မြေ အထောက်အထားပီပြင်စွာရရှိရေး၊ စိုက်ပျိုးစရိတ်ချေးငွေ ပုံမှန်ရရှိ ရေး၊ ICT Development ဖြစ်ရေး၊ ကျေးလက်ဒေသများသို့ မိုးလေဝသ၊ စီးပွားရေးနှင့်ပညာရေးသတင်းများ အချိန်မီရောက်ရှိရေး၊ လူသားအရင်းအမြစ်ဖွံ့ဖြိုးစေရန်အတွက် ဟန်ပြမဟုတ်သောပညာရေး ဖောင်ဒေးရှင်း များ ပီပြင်စွာထွက်ပေါ်လာနိုင်ရေး၊ စွန့်ဦးတီထွင်သူများ ပေါ်ထွန်းရေးနှင့် အသေးစားအလတ်စား (SME) စက်မှု လက်မှုလုပ်ငန်းများ ဖွံ့ဖြိုးတိုးတက်လာရေးအစရှိသည့် ပြင်ဦးလွင်မြို့နယ်မှ ပြည်သူလူထု အတွက် လိုအပ်မည့် ကိစ္စမှန်သမျှကို ပူးပေါင်းကူညီဆောင်ရွက်ရန် ရည်မှန်းထားပါသည်။