images
UN
UN
မျက်စိရေတိမ်(GLAUCOMA) အကြောင်း
မျိုးမြင့်ဆွေ(မျက်မှန်) Monday, 13 June 2016
လူတို့၏မျက်စိတွင် ဖြစ်တတ်သော မျက်စိရောဂါများမှာ မျက်ခမ်း စပ်ရောဂါ (Trachoma)၊ အတွင်းတိမ်ရောဂါ (Cataract)၊ အပြင်တိမ်ရောဂါ၊ မျက်သားတက်ခြင်း၊ မျက်မြှေးအပြင် ရောင်၍ မျက်စိနာဖြစ်ခြင်း၊ မျက်စိနီရဲပြီး မျက်ဝတ်ထွက်ခြင်း၊ မျက်ကြည်နာဖြစ်ခြင်း စသည်တို့ဖြစ်တတ်ပါသည်။
မျက်ခမ်းစပ်ရောဂါသည် ကူးစက်တတ်ပြီး မျက်လုံးကွယ်သည်အထိဖြစ် သွားနိုင်ပါသည်။ ရောဂါဖြစ်သူ၏ မျက် လုံးမှထွက်သော အရည်များကို ထိမိကိုင် မိပြီး လက်ကိုသေသေချာချာ စင်ကြယ်အောင် ဆေးကြောခြင်းမပြုမိပါက ရောဂါ ကူးစက်တတ်ပါသည်။ ယင်ကောင်မှ လည်းရောဂါကူးစက်နိုင်ပါသည်။အတွင်း တိမ်ရောဂါသည် အသက် ၆ဝ ကျော်လျှင် ဖြစ်တတ်သူများပါသည်။ အတွင်းတိမ်ရှိ သူ၏ မျက်စိမြင်ကွင်းသည် နေ့လယ်၊ နေ့ခင်းအချိန်တွင် နှင်းများကျ၍ ဝေနေ သကဲ့သို့မြင်တွေ့နေပြီး အမြင်ဝိုးတဝါး ဖြစ်နေတတ်ပါသည်။ ကြာသော်ရင့်လာ ပြီး မှောင်ပိတ်၍မမြင်ရတော့ပါ။ အပြင် တိမ်သည် မျက်ကြည်လွှာကို ထိမိခိုက်မိ ရာမှ တိမ်ဖြစ်သွားခြင်းဖြစ်သည်။
မျက်စိနာရောဂါတွင် သေးငယ်သော (Virus) ဗိုင်းရပ်(စ်)ပိုးမွှားများပေါက်ဖွား မှုနှုန်းမြန်ပြီး လေထဲလွင့်ပျံ့ ကူးစက်တတ်ပါသည်။ စာရေးသူပညာသင်သော နှစ် ဖြစ်သည့် ၁၉၆၇ ခုနှစ်တွင် မျက်စိဆေး ရုံပြင်ပလူနာဌာနသို့ မျက်စိနာရောဂါ သည် အများဆုံးလာရောက်ပြသပါသည်။ စာရေးသူတို့ ပညာသင်ကျောင်းသားများက လူနာများကိုကြည့်ရှုသော ဆရာဝန် များကိုကူညီပေးရာတွင် Virus ပိုးများ မကူးစက်ရန် လက်ကိုဆပ်ပြာဖြင့် စင် ကြယ်အောင်ဆေးကြောခြင်း၊ အိမ်ရောက် သောအခါ အဝတ်အစား များကို ရေနွေး ဖြင့်ပြုတ်၍ လျှော်ခြင်းပြုလုပ်သော ကြောင့် ရောဂါပိုးများမကူးစက်တော့ပါ။ မျက်စိနှင့်ပတ်သက်ပြီး အလွန်ကြောက် စရာကောင်းသော မျက်စိရောဂါဆိုး တစ်ခုမှာ ရေတိမ် ရောဂါဖြစ်ပါသည်။ မျက်လုံးတွင် အလွန်သေးငယ်သော သွေး ကြောမှတစ်ဆင့် အာဟာရဓာတ်ရရှိပြီး မျက်လုံးမှထွက်သော အညစ်အကြေးများကို မျက်လုံးအိမ်အရှေ့ဘက်မှန်ကဲ့သို့ အစိတ်အပိုင်းဖြင့် မျက်လုံးအဖြူသားနား တွင်ရှိသော သေးငယ်သည့် အပေါက် လေးမှတစ်ဆင့်ထုတ်ပစ်ပါသည်။ မျက်စိ ထောင့်ချိုးနေရာလေး ကို (Angle of Anterior) ဟုခေါ်ပါသည်။
မျက်လုံးတွင် အာဟာရဓာတ်အပြည့် ရှိသော အရည်ကြည်နှင့် ဂျယ်လီကဲ့သို့ ပျစ်ချွဲချွဲအရာများ ပါဝင်ပါသည်။ ဤ အန္တရာယ်များက အပြင်ဘက်သို့ တွန်းကန်နေပါသည်။ ဤတွန်းကန်အား တိုင်းသော စက်ကိရိယာကို (Tonometer) ဟုခေါ်ပါသည်။ ပုံမှန်တွန်းကန်အား သည် ၁၈ မှ ၂၂ အတွင်းရှိရမည်ဖြစ်ပါသည်။ တွန်းကန်အားသိပ်များနေလျှင် မျက်လုံးသူငယ်အိမ်မာကျောနေပြီး မျက်စိ အမြင်မရှင်းတော့ခြင်းကို ရေတိမ်ရောဂါ ဟုခေါ်ပါသည်။

ရေတိမ်ရောဂါဖြစ်ရသောအကြောင်းရင်းကို တိတိကျကျမသိရသော်လည်း (ထောင့်ချိုးလေးမှာ တစ်ခုခုပိတ်ဆို့ဟန့် တားမှုရှိနေသောအချက်ကို လူများလက် ခံထားပြီးဖြစ်သည်) ရေတိမ်ရောဂါ အမျိုးအစားအများအပြားရှိပါသည်။ တချို့ရေတိမ်က လုံးဝကိုက်ခဲမှုမရှိဘဲ တချို့ရေတိမ်က မျက်လုံး ကိုက်ခဲမှုရှိတတ် ပါသည်။ ရေတိမ်ရောဂါတချို့မှာ ရောဂါ ဝင်မှု အလွန်နှေးကွေးသော အမျိုးအစား ဖြစ်သည်။ ရောဂါဖြစ်နေသူမှာ ရောဂါ တဖြည်းဖြည်းချင်းဝင်ရောက်လာသော ကြောင့် သိရှိရန်ခဲယဉ်းပါသည်။ နာတာ ရှည် သမားရိုးကျ ရေတိမ် (Chronic Simple Glaucoma) ဟု ခေါ်ပါသည်။ ဤရေတိမ်ရောဂါကို သိရန် Tonometer နှင့် အခြားနောက်ဆုံးပေါ်ကိရိယာများ၊နည်းလမ်းများအရ အထပ်ထပ်စစ် ဆေးကြည့်မှသာ ရောဂါလက္ခဏာပေါ် လွင်မှာဖြစ်သည်။
စမ်းသပ်စစ်ဆေး၍ ရေတိမ်ဖြစ်နေပြီဆိုလျှင် ဆရာဝန်၏ ညွှန်ကြားချက်ကို လိုက်နာ၍ မျက်စဉ်းခတ်ပေးခြင်း၊ ရက် ချိန်းမှန်မှန် စစ်ဆေးပေးရန်တို့ဖြစ်သည်။ ရေတိမ်ရောဂါကို ဂရုတစိုက်ကုသခြင်း မပြုပါက မျက်စိကွယ်သည် အထိ ဖြစ်တတ်ပါသည်။ ဆရာဝန်က လိုအပ်၍ ခွဲစိတ်မှုပြုမည်ဆိုလျှင် သဘောတူရန် အထူးလိုအပ်ပါကြောင်း အသိပေးရေး သားလိုက်ပါသည်။