images
UN
UN
ပြည်ထောင်စုငြိမ်းချမ်းရေးညီလာခံသို့ UNFC ၏ အဖွဲ့ဝင် အဖွဲ့အစည်းများ တက်ရောက်မည်
အင်းသားကြီး Thursday, 25 August 2016

ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) အဖွဲ့ဝင် အဖွဲ့အစည်းများ အနေဖြင့် ပြည်ထောင်စုငြိမ်းချမ်း ရေးညီလာခံ-၂၁ ရာစုပင်လုံ ညီလာခံသို့ အားလုံးနှင့်အတူတကွ ပါဝင်တက်ရောက် သွားမည်ဖြစ်ကြောင်း ယနေ့ရက်စွဲဖြင့် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီက သဘောထား ထုတ်ပြန်ခဲ့သည်။
UNFC ၏ ဗဟိုအလုပ်အမှု ဆောင်ကော်မတီ အရေးပေါ်(တိုးချဲ့) အစည်းအဝေးကို ယခုလ ၂၄ ရက် မှ ၂၅ရက် အထိ ကျင်းပ၍ လက်ရှိ ငြိမ်းချမ်းရေးဖြစ်စဉ်အပါအဝင် နိုင်ငံရေးအခြေအနေအရပ်ရပ်တို့ အပေါ် ပြန်လည် သုံးသပ်ဆွေးနွေး ခဲ့ကြောင်း၊ ယခုလ ၂ဝ ရက်တွင် ရန်ကုန်မြို့ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေး ဗဟိုဌာန (NRPC) ၌ UNFC ၏ နိုင်ငံရေးဆိုင်ရာ ညှိနှိုင်းဆွေး နွေးရေးကိုယ်စားလှယ်အဖွဲ့(DPN) နှင့် အစိုးရကိုယ်စားလှယ်အဖွဲ့တို့ ဆွေးနွေးကြသည့်ရလဒ်အပေါ်တွင် လည်းကောင်း၊ ယခုလ ၂၁ ရက် နှင့် ၂၂ ရက်တို့တွင် ဆက်လက် ကျင်းပခဲ့သည့် နိုင်ငံရေးဆွေးနွေးမှု မူဘောင် ပြန်လည်သုံးသပ်အစည်း အဝေးနှင့် ၂၁ ရာစု ပင်လုံကျင်းပ ရေးပူးတွဲကော်မတီ ပထမအကြိမ် အစည်းအဝေးရလဒ်တို့အပေါ်တွင် လည်းကောင်း၊ အစီရင်ခံတင်ပြခြင်း၊ အပြန်အလှန်မေးမြန်းဆွေးနွေး သုံးသပ်ခြင်းတို့ကိုလည်း ပြုလုပ်ခဲ့ကြောင်း၊ အဆိုပါ ဆွေးနွေးညှိနှိုင်း သုံးသပ်ချပ်များအပေါ် အခြေခံ၍ ဖက်ဒရယ်ဒီမိုကရေစီပြည်ထောင်စု တည်ဆောက်နိုင်ရေး အတွက် နိုင်ငံ ရေးဆွေးနွေးပွဲအဆင့်ဆင့်သို့ တက်လှမ်းနိုင်ရန် ရည်ရွယ်လျက် လာ မည့် ၂၁ ရာစုပင်လုံညီလာခံ သို့ UNFC အဖွဲ့ဝင် အဖွဲ့အစည်းများအနေဖြင့် အားလုံးနှင့်အတူတကွ ပါဝင်တက်ရောက်သွားမည်ဖြစ်ကြောင်း သဘောထားထုတ်ပြန်ခဲ့သည်။