images
UN
UN
အမျိုးသားလူ့အခွင့်အရေးကော်မရှင်အား ထိရောက်စွာအရေးယူပေးရန်တိုက်တွန်းကြောင်းအဆို ပြည်သူ့လွှတ်တော်အတည်ပြု
Monday, 26 September 2016
နေပြည်တော် စက်တင်ဘာ ၂၆
အင်းဝအပ်ချုပ်ဆိုင်တွင်ဖြစ်ပွားခဲ့သည့် အမျိုးသမီးငယ်နှစ်ဦးအား ညှဉ်းပန်းနှိပ်စက်ခြင်းနှင့်ပတ်သက်၍ မြန်မာနိုင်ငံအမျိုးသားလူ့အခွင့်အရေးကော်မရှင်အား ထိရောက်စွာအရေးယူပေးရန် ပြည်ထောင်စုအစိုးရအား တိုက်တွန်းကြောင်းအဆိုအား ယနေ့ပြုလုပ်သည့် ပြည်သူ့လွှတ်တော်အစည်းအဝေး၌ အတည်ပြုခဲ့သည်။
ယင်းအဆိုတစ်ရပ်ကို ယခုလ ၂၂ ရက်ကပြု လုပ်သည့် ပြည်သူ့လွှတ်တော်အစည်းအဝေးတွင် ဒေါပုံပြည်သူ့လွှတ်တော်ကိုယ်စားလှယ်က လွှတ် တော်သို့တင်သွင်းခဲ့ပြီး ယနေ့ပြုလုပ်သည့်လွှတ်တော် ၌ လွှတ်တော်ကိုယ်စားလှယ် ၁၆ ဦးတို့ ဝိုင်းဝန်း ဆွေးနွေးကြခဲ့ပြီး အဆိုအား ပြည်သူ့လွှတ်တော်က အတည်ပြုကြောင်း ကြေညာခဲ့သည်။
ယင်းအဆိုနှင့်ပတ်သက်၍ လွှတ်တော်တွင်း ဆွေးနွေးမှုများပြုလုပ်ကြသည့် ကိုယ်စားလှယ်များ အနက် ပြည်သူ့လွှတ်တော်တပ်မတော်သားကိုယ် စားလှယ် ဗိုလ်မှူးအောင်ဇင်မင်းက ''ကော်မရှင်မှ အဖွဲ့ဝင်အချို့ဟာ သက်ဆိုင်ရာအဖွဲ့အစည်းများနှင့် ပူးပေါင်းဆောင်ရွက်မှုအားနည်းခဲ့ပြီး ပြစ်မှုကျူးလွန် သူအားလုံးကို သက်သာရာရောက်အောင် ညှိနှိုင်း ဆောင်ရွက်ခဲ့တဲ့ သဘောသက်ရောက်နေပါတယ်'' ဟူ၍ အကြံပြုပြောကြားခဲ့သည်။
လူ့အခွင့်အရေးကော်မရှင်အဖွဲ့ဝင်ဦးဇော်ဝင်းက ''ကျွန်တော်တို့ကော်မရှင်ဟာ အခြားနိုင်ငံများရှိ လူ့အခွင့်အရေးကော်မရှင်များကဲ့သို့ ဥပဒေကြောင်းအရ စည်းနှောင်မှုရှိတဲ့ ဆုံးဖြတ်ချက် ချမှတ်ခြင်း၊ တရားစွဲဆိုအရေးယူခြင်းတို့ကို ဆောင် ရွက်ပိုင်ခွင့်မရှိဘဲ သက်ဆိုင်ရာဌာနနဲ့အဖွဲ့အစည်း များက လိုအပ်သလိုဆောင်ရွက်နိုင်ရေးအတွက် အကြံပြုတိုက်တွန်းချက်ကိုသာ ပေးပို့နိုင်ပါတယ်။ ဒါကြောင့် ရန်ကုန်တိုင်းဒေသကြီး ရဲတပ်ဖွဲ့ကို အကြောင်းကြားပေးပို့ခြင်းဖြစ်ပါတယ်''ဟု ရှင်းပြ ခဲ့သည်။
ထို့အပြင် ၄င်းက ''နစ်နာမှုများအား ကုစားပေး နိုင်ရေးအတွက် သဘောရိုးဖြင့်ဆောင်ရွက်ပေးခြင်း သာဖြစ်ပါတယ်''ဟုလည်း ပြောကြားခဲ့သည်။
''ဒီနေ့ ပြည်သူ့လွှတ်တော်အစည်းအဝေးကို မြန်မာနိုင်ငံလူ့အခွင့်အရေးကော်မရှင်မှ ဦးဝင်းမြနဲ့ ဦးဇော်ဝင်းတို့နှစ်ဦး တက်ရောက်ပါတယ်။ ကော် မရှင်ရဲ့သဘောထားကို မေးတဲ့အခါမှာ ကျွန်တော့် အနေနဲ့ တစ်ဦးကိုပဲပြောခွင့်ပြုပါမယ်''ဟု ပြည်သူ့ လွှတ်တော်ဥက္ကဋ္ဌ ဦးဝင်းမြင့်က ကြေညာအပြီး ကော်မရှင်ကိုယ်စား အဖွဲ့ဝင်ဦးဇော်ဝင်းက ပြောခဲ့ ခြင်းဖြစ်သည်။
အိမ်မဲမဲဆန္ဒနယ် ပြည်သူ့လွှတ်တော်ကိုယ်စား လှယ် ဒေါ်သန္တာက ထောက်ခံခဲ့သည့် ထိုအရေးကြီး အဆိုကို ပြည်သူ့လွှတ်တော်ကိုယ်စားလှယ် ၁၆ ဦး က ထောက်ခံဆွေးနွေးခဲ့ကြသည်။ ထို့အတူ မြန်မာ နိုင်ငံ အမျိုးသားလူ့အခွင့်အရေးကော်မရှင်ကလည်း ယနေ့ ပြည်သူ့လွှတ်တော်အစည်းအဝေးသို့ တက် ရောက်ခဲ့သည်။
ဦးဌေးဝင်းအောင်(ဒေါပုံမဲဆန္ဒနယ်)က''ဆွေးနွေး သွားတဲ့ အရေးကြီးအဆိုကို ကိုယ်စားလှယ်၁၆ ဦး က ဆွေးနွေးပြီး မြန်မာနိုင်ငံအမျိုးသားလူ့အခွင့် အရေးကော်မရှင်က အဆိုအား အတည်ပြုခြင်း၊ မှတ်တမ်းတင်ခြင်းကို သဲသဲကွဲကွဲ ရှင်းလင်းမပြော ကြားခဲ့ပါဘူး။ လွှတ်တော်ရဲ့သဘောထားကို ဆန္ဒမဲ ရယူပါ့မယ်''ဟုပြည်သူ့လွှတ်တော်ဥက္ကဋ္ဌ ဦးဝင်းမြင့် က ပြောကြားခဲ့အပြီး ထောက်ခံဆန္ဒမဲ ၃၇၄ မဲ၊ ကန့်ကွက်မဲတစ်မဲ၊ ကြားနေရှစ်မဲဖြစ်၍ အဆိုကို လွှတ်တော်က အတည်ပြုကြောင်း လွှတ်တော်ဥက္ကဋ္ဌ က ကြေညာခဲ့သည်။
ပြည်သူ့လွှတ်တော်ကိုယ်စားလှယ် ၁၆ ဦးတို့က ထိုအရေးကြီးအဆိုကို ထောက်ခံဆွေးနွေးကြရာတွင် ကော်မရှင်၏ဆောင်ရွက်ချက်သည် သဘောရိုးဖြင့် ဆောင်ရွက်ခြင်းဟုတ်မဟုတ် စသည်ကိုစိစစ်ကြည့်ရှု သည့်အခါ သဘောရိုးဖြင့် မှားယွင်းခြင်းမဟုတ် သည်ကို တွေ့ရှိရကြောင်းလည်း ကိုယ်စားလှယ် တို့က ထောက်ပြခဲ့ကြသည်။
အမျိုးသားလူ့အခွင့်အရေးကော်မရှင်၏ ရှင်းလင်း ခဲ့ခြင်းအပေါ် အဆိုတင်သွင်းခဲ့သည့် အဆိုရှင်၏ သဘောထားရယူခဲ့ရာ အဆိုရှင်က အတည်ပြုပေးနိုင် ပါရန် ပြောကြားလာခြင်းအား လွှတ်တော်၏အဆုံး အဖြတ်ရယူ၍ မဲခွဲဆုံးဖြတ်ခဲ့ရာ ထောက်ခံမဲ ၃၇၄မဲ၊ ကန့်ကွက်မဲတစ်မဲ၊ ကြားနေမဲရှစ်မဲဖြင့် ယင်းအဆို အား လွှတ်တော်က အတည်ပြုခဲ့ခြင်းဖြစ်သည်။ ယနေ့ပြုလုပ်သည့် ဒုတိယအကြိမ်ပြည်သူ့လွှတ်တော် ဒုတိယပုံမှန်အစည်းအဝေး ရက် ၄ဝ မြောက်နေ့က ဒေါပုံမဲဆန္ဒနယ် ကိုယ်စားလှယ်က ဖွဲ့စည်းပုံအခြေခံ ဥပဒေပါ နိုင်ငံသားများ၏ မူလအခွင့်အရေးများကို ပိုမိုမြှင့်တင်ရန်၊ ကာကွယ်စောင့်ရှောက်ရန်၊ လူ့အခွင့် အရေးချိုးဖောက်မှုများကို အကာအကွယ်မပေးသည့် အမျိုးသားလူ့အခွင့်အရေးကော်မရှင်အဖွဲ့ဝင်အချို့ အား ထိရောက်စွာအရေးယူပေးနိုင်ပါရန် ပြည် ထောင်စုအစိုးရသို့ တိုက်တွန်းကြောင်း အရေးကြီး အဆိုနှင့်ပတ်သက်၍ တပ်မတော်သားလွှတ်တော် ကိုယ်စားလှယ်တစ်ဦးအပါအဝင် ပြည်သူ့လွှတ်တော် ကိုယ်စားလှယ် ၁၆ ဦးက ဆွေးနွေးခဲ့ကြသည်။ဆွေးနွေးခဲ့ကြခြင်းအပေါ် သက်ဆိုင်ရာပြည်ထောင်စု အဆင့်အဖွဲ့အစည်းဝင်မှ ပြန်လည်ရှင်းလင်းခဲ့ပြီး လွှတ်တော်၏အဆုံးအဖြတ်ရယူခဲ့ရာ တင်သွင်းခဲ့ခြင်း နှင့်စပ်လျဉ်း၍ လွှတ်တော်ကအတည်ပြုခဲ့သည်။
ခိုင်ထူး၊ ကိုကိုလွင်