images
UN
UN
မြန်မာနိုင်ငံအပေါ် ချမှတ်ထားသည့် ပိတ်ဆို့အရေးယူမှုများ ရုပ်သိမ်းပေးလိုက်သော်လည်း ဖိအားပေးမှုများဆက်ထိန်းထားသည့်အမေရိကန်
ပြည့်ဖြိုးနိုင် Saturday, 08 October 2016

မေရိကန်သမ္မတ အိုဘား မားသည် မြန်မာအစိုးရ ကို အထောက်အကူ ဖြစ်စေရန်ရည်ရွယ်ကာ မြန်မာနိုင်ငံအပေါ်ချမှတ်ထားသည့် ပိတ်ဆို့ အရေးယူမှုများကို ရုပ်သိမ်းရန်ဆုံးဖြတ် လိုက်ပြီဖြစ်သည်။ ပိုမိုကျယ်ပြန့်သော စီးပွားရေးဖွံ့ဖြိုးတိုးတက်မှုများနှင့် နိုင်ငံ ရေးအသွင်ကူးပြောင်းမှုများဆောင်ရွက်နိုင် ရန်အတွက် ပိတ်ဆို့အရေးယူမှုများကို ရုပ်သိမ်းပေးလိုက်ခြင်းဖြစ်သည်။
အောက်တိုဘာ ၇ ရက်တွင် ကွန်ဂ ရက်စ်သို့ ပေးပို့သည့်စာ၌ အိုဘားမားက အမေရိကန်ပြည်ထောင်စု၏ အမျိုးသား လုံခြုံရေး၊ နိုင်ငံခြားရေးမူဝါဒဆိုင်ရာ အကျိုးစီးပွားများအတွက် မြန်မာနိုင်ငံနှင့် ပတ်သက်သောပိုင်ဆိုင်မှုများနှင့် ပိတ်ဆို့ အရေးယူမှုများကို အုပ်ချုပ်ရေးအာဏာ ဖြင့် ဆက်လက်ထားရှိရန် မလိုအပ်ဟု သတ်မှတ်ကြောင်း ဖော်ပြသည်။အိုဘားမား က ဆယ်စုနှစ်နှင့်ချီ၍ စစ်အုပ်ချုပ်ရေး စနစ်ဖြင့်အုပ်ချုပ်ခဲ့သော မြန်မာနိုင်ငံတွင် ၂ဝ၁၅ ခုနှစ် နိုဝင်ဘာလက အထွေထွေ ရွေးကောက်ပွဲကို အောင်မြင်စွာကျင်းပ နိုင်ခဲ့ခြင်း၊ မတ်လတွင် ဒီမိုကရေစီ နည်းလမ်းဖြင့် ရွေးချယ်တင်မြှောက်ခံ ရသော အစိုးရပေါ်ပေါက်လာခြင်း၊ နိုင်ငံ ရေးအကျဉ်းသားများကို လွှတ်ပေးခြင်း၊ လူ့အခွင့်အရေးနှင့်ဆိုင်သော ကဏ္ဍများ တွင် တိုးတက်မှုများဖြစ်ပေါ်လာခြင်း စသည်များကို မြင်တွေ့ခဲ့ရပြီးဖြစ်ကာ ဒီမိုကရေစီအသွင်ကူးပြောင်းမှုများကို ဆက်လက် ဖော်ဆောင်ရန် လိုအပ်မည်ဟု တိုက်တွန်းခဲ့သည်။
အိုဘားမားက ''မြန်မာနိုင်ငံမှာ ဖြစ်ပေါ်ခဲ့တဲ့ ဒီမိုကရေစီအသွင်ကူးပြောင်း မှုဖြစ်စဉ်တွေကြောင့် အမေရိကန်ပြည် ထောင်စုရဲ့ အမျိုးသားလုံခြုံရေးအပေါ် ခြိမ်းခြောက်မှုမရှိတော့ဘူးလို့ ဆုံးဖြတ် လိုက်တာ ဖြစ်ပါတယ်''ဟု ပြောသည်။ မြန်မာနိုင်ငံအပေါ် ချမှတ်ထားသည့် ပိတ်ဆို့အရေးယူမှုများ ဖယ်ရှားခဲ့ခြင်း သည် မြန်မာနိုင်ငံတော်အတိုင်ပင်ခံပုဂ္ဂိုလ် နှင့် အမေရိကန်သမ္မတ အိုဘားမားတို့ အိမ်ဖြူတော်တွင် တွေ့ဆုံဆွေးနွေးခဲ့မှု၏ ရလဒ်အဖြစ် ပေါ်ပေါက်လာခဲ့ခြင်းဖြစ် သည်။ မြန်မာနိုင်ငံတော်အတိုင်ပင်ခံ ပုဂ္ဂိုလ်က အမေရိကန်ပြည်ထောင်စုဘက် မှ မြန်မာနိုင်ငံအပေါ် ပိတ်ဆို့အရေးယူမှု များ ဆက်လက်ချမှတ်ထားခြင်းသည် မြန်မာနိုင်ငံ၌ ဒီမိုကရေစီတိုက်ဇေးရှင်း ဖြစ်စဉ်များ ဆက်လက်ဖော်ဆောင်ရာ၌ အကျပ်အတည်းများ ဖြစ်ပေါ်စေသည်ဟု ပြောကြားခဲ့ပြီးနောက်တွင် အိုဘားမား သည် ပိတ်ဆို့အရေးယူမှုများ ရုပ်သိမ်းရန် ဆုံးဖြတ်ခဲ့ခြင်းဖြစ်သည်။

အမေရိကန်ပြည်ထောင်စုသည် မြန်မာ အစိုးရသစ်တာဝန်ယူပြီးနောက်ပိုင်း မြန်မာ နိုင်ငံအပေါ်ချမှတ်ထားသည့် ပိတ်ဆို့ အရေးယူမှုအချို့ကို ရုပ်သိမ်းပေးခဲ့သည်။ ကျန်ရှိနေသည့် ပိတ်ဆို့အရေးယူမှုများ ထဲ၌ တပ်မတော်ကပိုင်ဆိုင်ထားသည့် စီးပွားရေးလုပ်ငန်းများ၊ ကျောက်စိမ်းနှင့် ကျောက်မျက်ရတနာတူးဖော်ထုတ်လုပ် သူများ၊ မြန်မာနိုင်ငံ၏ သဘာဝသယံ ဇာတများကို ထုတ်လုပ်နေသူများမှာ အများစုဖြစ်သည်။ ပိတ်ဆို့အရေးယူမှုများ ကို နောက်ဆုံးဖယ်ရှားလိုက်သည့်အခြေ အနေများအရ အမေရိကန်ပြည်ထောင်စု သည် ပိတ်ဆို့အရေးယူမှုစာရင်းထဲ၌ ရှိနေသူအားလုံးကို ပယ်ဖျက်လိုက်ခြင်း ဖြစ်သော်လည်း အမေရိကန်ပြည်ထောင်စု သို့ မြန်မာနိုင်ငံမှထွက်ရှိသော ကျောက် စိမ်းနှင့်ပတ္တမြား တင်သွင်းမှုများကိုမူ ဆက်လက်တားမြစ်သွားမည်ဟုအမေရိကန် ဘဏ္ဍာရေးဝန်ကြီးဌာနက အတည်ပြုခဲ့ သည်။
ထို့အပြင် အမေရိကန်ဘဏ္ဍာရေး ဝန်ကြီးဌာနက မူးယစ်ဆေးဝါးနှင့်ဆက် နွှယ်သည့် လှုပ်ရှားမှုများနှင့် ဆက်နွှယ် မှုများနှင့်ပတ်သက်သူများကို ပိတ်ဆို့ အရေးယူမှုများ ဆက်လက်ပြုလုပ်သွားမည် ဖြစ်ကာ ဘဏ်လုပ်ငန်းနှင့်ဆိုင်သောကဏ္ဍ များတွင်လည်း အကန့်အသတ်များဆက် လက်ထားရှိမည်ဟု အတည်ပြုခဲ့သည်။ အမေရိကန်ဆီးနိတ်လွှတ်တော်ရှိ နိုင်ငံခြား ဆက်ဆံရေးကော်မတီတွင် အဆင့်မြင့် အဖွဲ့ဝင်အဖြစ် ပါဝင်နေသော လွှတ်တော် အမတ် ဘန်ကာဒင်က မြန်မာနိုင်ငံနှင့် ပတ်သက်သော အိုဘားမား၏ဆုံးဖြတ် ချက်ကို ကြိုဆိုရမည်ဖြစ်သော်လည်း တပ်မတော်နှင့်ဆိုင်သည့် အကြောင်းအရာ များနှင့်ဆက်နွှယ်နေသည့် စိုးရိမ်ဖွယ် အခြေအနေများကိုမူ သတိပြုရန်လိုအပ် မည်ဟု ပြောသည်။ ဘန်ကာဒင်က ''မြန်မာနိုင်ငံအပေါ်ချမှတ်ထားတဲ့ ပိတ်ဆို့ အရေးယူမှုတွေကို ဖယ်ရှားလိုက်ပေမဲ့ စီးပွားရေးနဲ့ နိုင်ငံရေးကဏ္ဍတွေမှာ မြင်တွေ့နေရတဲ့ တပ်မတော်နှင့်ဆိုင်တဲ့ စိုးရိမ်ဖွယ်အခြေအနေတွေကို စောင့်ကြည့် ရပါလိမ့်မယ်။ လူ့အခွင့်အရေးနဲ့ဆိုင်တဲ့ အကြောင်းအရာတွေ၊ အမျိုးသားရင်ကြား စေ့ရေးနဲ့ တိုင်းရင်းသားအရေးနဲ့ဆိုင်တဲ့ အကြောင်းအရာတွေ၊ ရခိုင်ပြည်နယ်မှာ ရှိတဲ့ ဒုက္ခသည်အရေးနဲ့ဆိုင်တဲ့အကြောင်း အရာတွေ၊ အခြေခံဥပဒေပြင်ဆင်ရေးနဲ့ ဆိုင်တဲ့ အကြောင်းအရာတွေကိုလည်း ဆက်လက်စောင့်ကြည့်ရပါလိမ့်မယ်'' ဟု ပြောသည်။
အိုဘားမားသည် ၄င်း၏လက်ထက် တွင် ဦးစားပေးကျင့်သုံးခဲ့သည့် နိုင်ငံ ခြားရေးဝန်ကြီးဌာနဖြစ်သော အာရှပြန် လည်ထိန်းညှိရေးမူဝါဒအောင်မြင်ကြောင်း ကို မြန်မာနိုင်ငံ၌ ဒီမိုကရေစီစနစ်ရှင်သန် ဖြစ်ထွန်းလာရန် အထောက်အကူပေး သည့်မူအား ကိုင်စွဲခဲ့ခြင်းမှာ မှန်ကန် ကြောင်း သက်သေပြခဲ့ခြင်းဖြစ်သည်ဟု သတ်မှတ်နိုင်သည်။
ဘန်ကာဒင်က ''မြန်မာနိုင်ငံအနေနဲ့ ဒီမိုကရေစီစနစ် ရှင်သန်ခိုင်မာအောင် ဆောင်ရွက်တဲ့နေရာမှာ ကြီးမားတဲ့စိန်ခေါ် မှုတွေ ရင်ဆိုင်ရဦးမှာပါ။ အမေရိကန် ပြည်ထောင်စုရင်ဆိုင်ခဲ့ရတဲ့ စိန်ခေါ်မှုမျိုး တွေကိုလည်း ရင်ဆိုင်ရပါလိမ့်မယ်။ မြန်မာအစိုးရတွေနဲ့ မြန်မာပြည်သူတွေ ဟာ အဲဒီလိုစိန်ခေါ်မှုတွေကို ရင်ဆိုင်ရချိန် မှာ အမေရိကန်ပြည်ထောင်စုအနေနဲ့ လိုအပ်တဲ့အကူအညီတွေပေးသွားဖို့ ကြိုး စားရပါလိမ့်မယ်''ဟု ပြောသည်။
(Ref: US Lifts Sanctions On Myanmar But Vows To Keep Pu-shing For Democratic Reform And Human Rights By AP)