images
UN
UN
မူးယစ်ကင်းစင်သော မြန်မာ့လူ့ဘောင်
ကြည်သိန်းဦး Monday, 24 October 2016
မူးယစ်ဆေးဝါးနှင့် စိတ်ကိုပြောင်းလဲ စေသောဆေးဝါးများအန္တရာယ် တားဆီး ကာကွယ်ရေးဗဟိုအဖွဲ့သည် မူးယစ် ဆေးဝါးထိန်းချုပ်ရေးမူဝါဒသစ်တစ်ရပ် ပေါ်ထွက်လာရေးအတွက် လမ်းစဉ် ခုနစ် ရပ်ဖြင့် ဆောင်ရွက်လျက်ရှိကြောင်း မူဝါဒသစ်တစ်ရပ်ရေးဆွဲရာတွင် လုပ်ငန်း ကဏ္ဍပေါင်းစုံ ပါဝင်လာစေရန် သုံးစွဲမှု ကြိုတင်ကာကွယ်ရေးလုပ်ငန်းအဖွဲ့၊ကုသ ရေးနှင့်ပြန်လည်ထူထောင်ရေးလုပ်ငန်း အဖွဲ့၊ ထုတ်လုပ်မှုလျှော့ချရေးလုပ်ငန်း အဖွဲ့၊လူ့အခွင့်အရေးနှင့် စိန်ခေါ်မှုသစ်များ ဆိုင်ရာ လုပ်ငန်းအဖွဲ့နှင့် အစားထိုး ဖွံ့ဖြိုး ရေးလုပ်ငန်းအဖွဲ့ဟူ၍ လုပ်ငန်းအဖွဲ့ ငါးဖွဲ့ ဖွဲ့စည်းဆွေးနွေးမည်ဖြစ်ကြောင်း ပါဝင်ဆွေးနွေးလိုသည့် လူမှုအဖွဲ့အစည်း၊ အစိုးရမဟုတ်သော အဖွဲ့အစည်းနှင့် ပုဂ္ဂလိကအဖွဲ့အစည်းများအား ဖိတ်ခေါ် ကြောင်း ၂ဝ၁၆ ခုနှစ် စက်တင်ဘာလ ၃ဝ ရက်နေ့ထုတ် ကြေးမုံသတင်းစာတွင် ဖော်ပြခဲ့ပါသည်။
မြန်မာနိုင်ငံမူးယစ်ဆေးဝါးဆန့်ကျင် ရေးအသင်းသည် 'မူးယစ်ဆေးဝါး ကင်းစင်သော မြန်မာ့လူ့ဘောင်အဖွဲ့ အစည်းဖြစ်ပေါ်လာစေရန်' ဆိုသည့် မျှော်မှန်းချက်ဖြင့် 'မူးယစ်ဆေးဝါးအလွဲ သုံးသူများ ၄င်းတို့နှင့် ဆက်နွှယ်လျက် ရှိသော အန္တရာယ်ရှိသူများအတွက် မူး ယစ်ဆေးဝါးအလွဲသုံးမှု လျော့နည်း ပပျောက်စေခြင်းဖြင့် အရည်အသွေးတိုး တက်မြင့်မားသော လူ့ဘောင်အဖွဲ့အစည်း တစ်ရပ် ဖြစ်ထွန်းလာစေရန်' ဆိုသည့် ပန်းတိုင်သို့ ရောက်အောင်ရည်ရွယ်ချက် နှင့် ရည်မှန်းချက်များ ချမှတ်ဆောင်ရွက် နေသောစေတနာ့ဝန်ထမ်းလူမှုရေးအသင်း ဖြစ်သည်။ အသင်းကြီးကို ၁၉၉၄ ခုနှစ် ဇွန်လ ၂၆ ရက်နေ့တွင် စတင်ဖွဲ့စည်းခဲ့ပြီး ၁၉၉၄ ခုနှစ်အောက်တိုဘာလ ၁၂ ရက် နေ့တွင် အသင်းအဖွဲ့ မှတ်ပုံတင်အမှတ် (၁၇၇ဝ)ဖြင့်ဖွဲ့စည်းခွင့်ပြုထားရာ သက် တမ်း ၂၂နှစ်ကျော် ရှိသည်နှင့်အညီ အသင်းဝင်ဦးရေမှာ နိုင်ငံတစ်ဝန်းတွင် နှစ်သောင်းခြောက်ထောင်ကျော်ရှိပါသည်။
မြန်မာနိုင်ငံမူးယစ်ဆေးဝါးဆန့်ကျင် ရေးအသင်းသည် မူးယစ်ဆေးဝါးသုံးစွဲ မှုလျှော့ချရေးနှင့် မူးယစ်ဆေးဝါးသုံးစွဲ သူများနှင့် နှီးနွှယ်စပ်ဆိုင်သူများအတွင်း ခုခံအားကျဆင်းမှု ကူးစက်ရောဂါအန္တ ရာယ်လျှော့ချရေးတို့ကို အဓိကထား ဆောင်ရွက်ပါသည်။ ထိုသို့ဆောင်ရွက် ရာတွင် လူငယ်လူရွယ်အပါအဝင် ပြည်သူလူထုအတွင်း မူးယစ်ဆေးဝါး အန္တရာယ် အသိပညာပေး ဟောပြော ဆွေးနွေးခြင်း၊ လက်ကမ်းစာစောင်များ ဖြန့်ဝေခြင်း၊ လက်ထိုးအရုပ်အပါအဝင် သရုပ်ဖော်ပြသမှုများဖြင့် အသိပညာပေး ခြင်း၊ တံလျှပ်အမည်ဖြင့် ပညာပေး ဂျာနယ်ထုတ်ဝေခြင်း၊ မူးယစ်ဆေးစွဲ လူနာများအား အနီးဆုံးဆေးဖြတ်စခန်း များသို့ ပို့ဆောင်ပေးခြင်း၊ မူးယစ်ဆေးဝါး အန္တရာယ် အသိပညာပေး ဝတ္ထုတို၊ ဆောင်းပါး၊ ကဗျာ၊ ကျပန်းစကားပြော ပြိုင်ပွဲများ ကျင်းပပေးခြင်း၊ အနုပညာရှင် အချို့ကို အသင်းကြီး၏ ဆက်ဆံရေး သံတမန်ခန့်အပ်ကာ မူးယစ်ဆေးဝါး အန္တရာယ် အသိပညာပေး ဟောပြော ဆွေးနွေးခြင်းများ ဆောင်ရွက်ပေးလျက် ရှိပါသည်။
ထို့ပြင် ကုလသမဂ္ဂစီမံကိန်းလုပ်ငန်း များဆိုင်ရာရုံး (UNOPS) နှင့်မြန်မာနိုင်ငံ မူးယစ်ဆေးဝါးဆန့်ကျင်ရေးအသင်း (MANA) တို့ပူးပေါင်းဆောင်ရွက်သော MANA-UNOPS Global Fund Round (9) Project ဖြင့် မြို့နယ်နှင့် ကျေးရွာ ခုနစ်ခု၊ MANA-UNOPS 3 MDG Project ဖြင့် မြို့နယ်နှင့်ကျေးရွာ ၁၅ခုတို့တွင်မူးယစ်ဆေးဝါးအလွဲသုံးစားမှု လျှော့ချရေးနှင့် မူးယစ်ဆေးဝါး သုံးစွဲ သူများနှင့် နှီးနွှယ်စပ်ဆိုင်သူများအတွင်း ခုခံအားကျဆင်းမှုကူးစက်ရောဂါအန္တရာယ် လျှော့ချရေးလုပ်ငန်းများ ဆောင်ရွက် လျက်ရှိပါသည်။ အဆိုပါစီမံကိန်းနယ်မြေ များရှိ ရိပ်မြုံများတွင် ဆရာဝန်များ ဦးစီး သောအဖွဲ့များထားရှိကာ အခြားလိုအပ် သော ဆေးဝါးကုသမှုများကိုပါ ဆောင် ရွက်ပေးလျက်ရှိပါသည်။
ထို့အတူ ကုလသမဂ္ဂလူဦးရေရန်ပုံငွေ အဖွဲ့(UNFPA) နှင့်မြန်မာနိုင်ငံမူးယစ် ဆေးဝါးဆန့်ကျင်ရေးအသင်း (MANA) တို့ ပူးပေါင်းဆောင်ရွက်သော MANA-UNFPA HIV Prevention Project ဖြင့်လည်း မြို့နယ်ငါးခုတွင်ရိပ်မြုံများ ဖွင့်လှစ်ကာ သုံးစွဲမှုလျှော့ချရေးနှင့် အန္တ ရာယ်လျှော့ချရေးလုပ်ငန်းများ ဆောင် ရွက်ပေးလျက်ရှိပါသည်။ ထို့ပြင် ကုလသမဂ္ဂလူဦးရေရန်ပုံငွေအဖွဲ့မှ ကျွမ်း ကျင်သူပညာရှင်လိုက်ပါလျက် ပြည်နယ် ရဲတပ်ဖွဲ့ ခြောက်ခုနှင့်




ရဲအရာရှိလေ့ကျင့် ရေးကျောင်းတို့မှ ရဲအရာရှိများ၊ ရဲအရာ ရှိလောင်းများနှင့် အခြားအဆင့်ရဲတပ်ဖွဲ့ ဝင်များကို ကျား-မအခြေပြုအကြမ်းဖက် မှုဆိုင်ရာ အသိပညာပေးဆွေး နွေးမှုများ ဆောင်ရွက်ခဲ့ပြီးဖြစ်ပါသည်။
မူးယစ်ဆေးဝါးသုံးစွဲမှုကြိုတင်ကာ ကွယ်ရေးအတွက် ပညာပေးဆွေးနွေးမှု များဆောင်ရွက်ရာတွင် အသက်အရွယ်၊ နေရာဒေသနှင့် ပတ်ဝန်းကျင်အခြေအနေ၊ ပညာအရည်အချင်း၊ အချိန်ရရှိမှု၊ မူးယစ် ဆေးဝါးအမျိုးအစားအလိုက် စိမ့်ဝင် ရောက်ရှိနေမှုစသည့်အချက်များအပေါ် မူတည်ကာ ဆောင်ရွက်သင့်ပါသည်။ ပညာပေးဆွေးနွေးရာတွင် အသက်တူ စရိုက်တူ အုပ်စုတူဖြစ်သည့်သူများဖြင့် ဦးစားပေးဆောင်ရွက်စေသင့်ပါသည်။ မြန်မာနိုင်ငံမူးယစ်ဆေးဝါးဆန့်ကျင်ရေး အသင်း(ဗဟို)တွင် ပညာပေးဆွေးနွေး မည့်လုပ်ငန်းအပေါ်မူတည်၍ ဆောင်ရွက် နိုင်ရန် ငွေကြယ်ပွင့်လူငယ်အဖွဲ့ (MANA Silver Star Youth-Mss) နှင့် လူငယ် အားမာန်အဖွဲ့ (MANA Youth Enpowerment Team-MYET) တို့ကို ဖွဲ့စည်းထားရှိပါသည်။
မူးယစ်ဆေးဝါးအန္တရာယ် အသိ ပညာပေးဆွေးနွေးမှုတွင် မူးယစ်ဆေးဝါး အမျိုးအစား၊ အာနိသင်၊ သုံးစွဲပုံ၊ သုံးစွဲ မှုကြောင့် ခံစားရပုံတို့အား မသုံးစွဲမိ အောင် ပညာပေးမှုမျိုးဖြစ်သင့်ပါသည်။ စမ်းသပ် သုံးစွဲနိုင်အောင် မှားယွင်းသည့် ပညာပေးမှုမျိုးမဖြစ်သင့်ပါ။ မှုခင်းကျူးလွန် မှုများတွင် ကျူးလွန်သူတို့၏ကျူးလွန်ပုံ ကျူးလွန်နည်း (modus operandi) ကို မလိုအပ်ဘဲ ဖော်ပြရေးသားပြောဆိုမှုများ ကြောင့် ပုံစံတူကျူးလွန်မှုများပေါ်ပေါက် လာမှုကို သတိပြုသင့်ပါသည်။
မှုခင်းကြိုတင်ကာကွယ်မှု (Crime Prevention) များတွင်လည်း ပြစ်မှုကျူး လွန်သူကို အရေးယူအပြစ်ပေးမှုချည်း သက်သက် ဆောင်ရွက်ခြင်းထက် ပြစ်မှု မကျူးလွန်မီကပင် ပြစ်မှုကျူးလွန်တတ် သူများ၏အပြုအမှု၊ အကျင့်စာရိတ္တ၊ ယုံ ကြည်ချက်၊ ခံယူချက်၊ စားဝတ်နေရေး ဆိုင်ရာ ထိန်းသိမ်းပြုပြင်စောင့်ရှောက်မှု များ (Treatment of Offenders) ကို ဆောင်ရွက်ပေးသင့်ပါသည်။ယင်းစနစ် ကို ကျင့်သုံးခြင်းဖြင့် မှုခင်းများသိသာ စွာကျဆင်းကြောင်း သင်ကြားလေ့လာ သိရှိရပါသည်။
မြန်မာနိုင်ငံတွင် ၁၉၉၃ ခုနှစ်က ပြဋ္ဌာန်းထားသည့် 'မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ ဆိုင်ရာ ဥပဒေ'တွင် ဆေးသုံးစွဲသူကို အရေးယူအပြစ်ပေးရန်အတွက်ကိုသာ ဦးတည်ပြဋ္ဌာန်းထားခြင်းမဟုတ်ပါ။ပုဒ်မ (၉)တွင် အောက်ပါအတိုင်းပြဋ္ဌာန်းထား ပါသည်-
(က) ဆေးဝါးသုံးစွဲသူသည် ကျန်းမာ ရေးဝန်ကြီးဌာနက သတ်မှတ် သည့်ဌာန သို့မဟုတ် ဤကိစ္စ အလို့ငှာ အစိုးရက အသိအမှတ် ပြုထားသည့် ဆေးကုဂေဟာတွင် ဆေးကုသမှုခံယူရန် မှတ်ပုံတင်ရ မည်။
(ခ) မှတ်ပုံတင်ထားသော ဆေးဝါး သုံးစွဲသူအား ဆေးကုသပေးရေး နှင့် စပ်လျဉ်း၍ ကျန်းမာရေး ဝန်ကြီးဌာနသည် လိုအပ်သော အစီအစဉ်များ ချမှတ်ဆောင် ရွက်ရမည်။
(ဂ) မှတ်ပုံတင်၍ ဆေးကုသမှုခံယူ သော ဆေးဝါးသုံးစွဲသူသည် ကျန်းမာရေး ဝန်ကြီးဌာနက ထုတ်ပြန်ထားသော ညွှန်ကြား ချက်များကို လိုက်နာရမည်။
ဟု ပြဋ္ဌာန်းထားပါသည်။
မူးယစ်ဆေးဝါးသုံးစွဲသူအား ပုဒ်မ (၉)နှင့်အညီ ဆေးဝါးကုသမှုခံယူရေးကို ဦးစားပေးပြဋ္ဌာန်းထားပါသည်။ ပုဒ်မ(၉) ပါပြဋ္ဌာန်းချက်ကို လိုက်နာရန်ပျက်ကွက် သည့် ဆေးဝါးသုံးစွဲသူကိုသာ အရေးယူ အပြစ်ပေးမည်ဖြစ်ကြောင်း ပုဒ်မ(၁၅) တွင် 'ဆေးဝါးသုံးစွဲသူသည် ကျန်းမာရေး ဝန်ကြီးဌာနက သတ်မှတ်သည့်ဌာန သို့မဟုတ် ဤကိစ္စအလို့ငှာ အစိုးရက အသိအမှတ်ပြုထားသည့် ဆေးကုဂေဟာ တွင် မှတ်ပုံတင်ရန်ပျက်ကွက်လျှင်ဖြစ်စေ၊ ဆေးကုသရေးအတွက်ကျန်းမာရေးဝန်ကြီး
ဌာနက ထုတ်ပြန်ထားသော ညွှန်ကြား ချက်များကို လိုက်နာရန်ပျက်ကွက်လျှင် ဖြစ်စေ ထောင်ဒဏ် အနည်းဆုံး သုံးနှစ်မှ အများဆုံး ငါးနှစ်အထိ ချမှတ်ခြင်းခံရ မည်'ဟု ပြဋ္ဌာန်းထားပါသည်။
သို့ဖြစ်ရာ မူးယစ်ဆေးဝါးသုံးစွဲသူ များ ဆေးဖြတ်ကုသမှုခံယူရေးကို ဦးစား ပေးဆောင်ရွက်ရန် လိုအပ်ပါသည်။ ထို သို့ဆောင်ရွက်ရာတွင် ဥပဒေပါပြဋ္ဌာန်း ချက်များအပြင် ၁၉၉၅ခုနှစ်တွင် ပြဋ္ဌာန်း ထားသော 'မူးယစ်ဆေးဝါးနှင့် စိတ်ကို ပြောင်းလဲစေသောဆေးဝါးများဆိုင်ရာ နည်းဥပဒေ'ပါ ပြဋ္ဌာန်းချက်များကိုလည်း လိုက်နာရပါမည်။
မူးယစ်ဆေးဖြတ်ကုသပေးရာတွင် မက်သာဒုံးဆေးတိုက်ကျွေးမှုကဲ့သို့သော ဆေးဝါးကုသမှု စဉ်ဆက်မပြတ်ခံယူရရှိ ရေး လိုအပ်ပါသည်။ သွားလာမှုခက်ခဲ အလှမ်းဝေးသည့် ကျေးလက်ဒေသရှိ မူးယစ်ဆေးဖြတ်ကုသမှုခံယူပြီးသူများ အနေဖြင့် မက်သာဒုံးဆေးတိုက်ကျွေးမှု ကုသခံယူရန် နေ့စဉ်မသွားရောက်နိုင်ကြ ပါ။ ငွေကြေးကုန်ကျခံကာ မူးယစ်ဆေး ဖြတ်ကုသမှုမှာ အချည်းနှီးဖြစ်ပြီး မူးယစ် ဆေးဝါး၏သားကောင်ဘဝသို့ ပြန်လည် ရောက်ရှိသွားသည့် သာဓကများလည်း တွေ့နေရပါသည်။
ကျန်းမာရေးဦးစီးဌာနမှ မက်သာဒုံး ဆေးတိုက်ကျွေးမှုကို တိုက်နယ်ဆေးရုံ များအထိ တိုးချဲ့သွားမည်ဖြစ်ကြောင်း သိရှိရသည့်အတွက် ဝမ်းသာရပါသည်။ သို့သော်လက်တွေ့တွင် တိုက်နယ်ဆေးရုံ ရှိသည့် ကျေးရွာနှင့် နေ့ချင်းပြန်ခရီး မပေါက်သည့် ကျေးရွာများ တောင်တန်း ဒေသများတွင်ရှိနေပါသည်။ ထိုကျေးရွာ များရှိ မက်သာဒုံးဆေးတိုက်ကျွေးမှု နေ့စဉ်ခံယူရသည့် ဆေးဖြတ်လူနာများ အတွက် စဉ်းစားဆောင်ရွက်ပေးရန်လည်း လိုပါမည်။ နည်းဥပဒေ(၈)ပါ ပြဋ္ဌာန်းချက် နှင့်အညီ ဆေးဝါးသုံးစွဲသူများအား ဆေး ကုသပေးသည့်လုပ်ငန်းလုပ်ကိုင်ခွင့်ကို 'ပုဂ္ဂလိကပိုင်၊ ဖက်စပ်ပိုင်၊ အသင်းအဖွဲ့ ပိုင် ဆေးကုဂေဟာများ'ဖွင့်လှစ်လုပ် ဆောင်နိုင်ရေးအတွက် သက်ဆိုင်ရာက နည်းဥပဒေနှင့်အညီ စိစစ်ခွင့်ပြုခြင်း၊ ယင်းဆေးကုဂေဟာများတွင် မက်သာဒုံး ဆေးတိုက်ကျွေးမှု တစ်ဆက်တစ်စပ် တည်း ဆောင်ရွက်စေခြင်းဖြင့် ပိုမိုထိ ရောက်မှုရှိစေမည်ဖြစ်ပါသည်။
ထို့ပြင် ဆေးပြတ်သွားသည့်သူများ၏ စားဝတ်နေရေးအတွက် ပြန်လည်ထူထောင် ရေးလုပ်ငန်းများကို ဆေးဖြတ်ပြီးချိန်မှ စတင်ကာ ဆောင်ရွက်ပေးရန်လိုအပ်ပါ သည်။ ဆေးဝါးသုံးစွဲချိန်မှ ဆေးဖြတ်ပြီး ချိန်ထိ စားဝတ်နေရေးခက်ခဲနေမည်ဖြစ် ရာ ဆေးပြတ်သွားသည့်အချိန်မှစ၍ ထိ ရောက်သော ပြန်လည်ထူထောင်ရေးလုပ် ငန်းများလိုအပ်မည်ဖြစ်ပါသည်။ ယခင်က ကိုးလကာလအထိ အချိန်ယူဖွင့်လှစ်ခဲ့သည့် လူငယ်များပြုစုပျိုးထောင်ရေးစခန်းများ တွင် ဆေးဖြတ်ကုသပေးမှုမှသည် ပြန်လည်ထူထောင်ရေးအတွက် အသက် မွေးဝမ်းကျောင်း ပညာသင်ကြားပေးမှု အထိ အောင်မြင်စွာဆောင်ရွက်ပေးနိုင်သည့် သာဓကများရှိခဲ့ပါသည်။
သို့ဖြစ်ရာ မူးယစ်ဆေးဝါးနှင့်ထိစပ်မှု မရှိသေးသော လူငယ်လူရွယ်မှ စတင်ကာ သင့်တော်သည့် နည်းစနစ်၊ နည်းနိဿယ ဟောပြောဆွေးနွေးမှုပုံစံတို့ဖြင့် မူးယစ် ဆေးဝါးအန္တရာယ် အသိပညာပေးခြင်း၊ ဆေးဝါးသုံးစွဲသူများအား ပြဋ္ဌာန်းထား သော မူးယစ်ဆေးဝါးဆိုင်ရာဥပဒေ နည်း ဥပဒေတို့နှင့်အညီ မှတ်ပုံတင်စေခြင်း၊ ဆေးပြတ်သည်ထိ စဉ်ဆက်မပြတ်ဆေး ဖြတ်ကုသမှုခံယူစေခြင်း၊ ဆေးဖြတ်ပြီး နောက် လိုအပ်သော ဆေးဝါးကုသမှု မပြတ်ရရှိစေခြင်း၊ စားဝတ်နေရေးဆိုင်ရာ ပြန်လည်ထူထောင်ရေးလုပ်ငန်းများ ရရှိ ခံစားစေခြင်းတို့ဖြင့် မူးယစ်ဆေးဝါး သုံးစွဲမှု ကြိုတင်ကာကွယ်ရေးကို ဆောင် ရွက်သင့်ကြောင်း ဖော်ပြအပ်ပါသည်။