images
UN
UN
ဒီမိုကရေစီရေးနဲ့ စိတ်ကူးယဉ်ဆန္ဒစွဲ အစွန်းရောက်ဘေးအန္တရာယ်
ခင်ဝင်းစံ Friday, 28 October 2016

အရာရာတွင် အရှိတရား အမှန်တရား ကို မျက်ကွယ်ပြုခြင်း၊ မသိခြင်းတို့ဟာ အမှားရဲ့ဆိုးကျိုးကိုသာ ရရှိမှာဖြစ်ပါ တယ်။ သစ္စာတရားဆိုတာဟာ ဖြစ်ရပ် မှန်ကို အမှန်တိုင်းသိတဲ့ Óဏ်ဖြင့်ဟုတ် တိုင်းမှန်စွာ သိမြင်ခြင်းပင်ဖြစ်တယ်။ ဖြစ်ရပ်မှန်ကို ဖြစ်ရပ်မှန်အတိုင်းမသိဘဲ အရှိအတိုင်းမသိဘဲ လွဲမှားစွာ သိမြင်ခြင်း ဟာ မှန်ကန်သောအသိမဟုတ် လွဲမှား သော အသိသာဖြစ်တယ်။ ဒါကြောင့် လူတွေမှာ မှန်တဲ့အသိနဲ့လွဲမှားတဲ့ အသိ ရယ်လို့ နှစ်မျိုးနှစ်စားခြားနားလျက်ရှိ ပါတယ်။ လွဲမှားတဲ့အသိဟာ ဖြစ်ရပ်မှန် ကို အမှန်အတိုင်းမသိဘဲ၊ အရှိကို အရှိ အတိုင်းမသိဘဲ မိမိရဲ့အတ္တနောမတိစိတ် အလိုရမ္မက်အတိုင်း သိချင်သလို သိလိုက် သောကြောင့် လွဲမှားခြင်းဖြစ်တယ်။ အစွန်းရောက်အမှားကျူးလွန်မှုသို့ ကျ ရောက်ခြင်းဖြစ်တယ်လို့ လူမှုသိပံ္ပပညာ ရှင်တို့က ဆိုပါတယ်။ ဒါကြောင့် အမှန် တရားကို ရှာဖွေရင် အဘိဓမ္မာခန်းတွင် မရှာဖွေရ ပကတိဘဝတွင် ရှာဖွေရမယ် လို့ ဆိုပါတယ်။
ဒီမိုကရေစီကို ပြည်ပက ပုံတူမကူး နိုင် ပြည်တွင်းမျိုးစေ့ကသာ ဖူးပွင့်ရတာ ဖြစ်တယ်လို့ နိုင်ငံရေးသိပံ္ပပညာရှင်တို့က ဆိုပါတယ်။ စစ်အေးတိုက်ပွဲပြီးဆုံးခါနီး နိုင်ငံတကာမှာ လက်ဝဲစွန်း စိတ်ကူးယဉ် ဆိုရှယ်လစ်ဝါဒအန္တရာယ်နဲ့ လက်ယာစွန်း စိတ်ကူးယဉ်ဒီမိုကရေစီ အယူအဆ အန္တရာယ်ကို နိုင်ငံတကာပြည်သူတို့ ကြောက်မက်ဖွယ်ရာ ကြုံလာခဲ့ရပါတယ်။ ကမ္ဘာမှာ စက်မှုအရင်းရှင်စနစ်ရဲ့ အမြင့် ဆုံးအဆင့်က တစ်ဆင့်သာ ခေတ်သစ် သိပံ္ပဆိုရှယ်လစ်စနစ်သို့ ငြိမ်းချမ်းစွာကူး ပြောင်းတက်လှမ်းနိုင်တယ်ဆိုတဲ့ လူမှု သိပံ္ပတရားကိုဖော်ကျူးပြီး စက်မှုအရင်း ရှင်းစနစ်ကို မဖြတ်သန်းဘဲ ရဲမိုက်တဲ့ခုန် ပျံကျော်လွှားမှုနဲ့ ဆိုရှယ်လစ်စနစ် လက် ငင်းချက်ချင်း ထူထောင်ခဲ့တဲ့ နိုင်ငံတွေ အကျပ်အတည်းများစွာ ကြုံတွေ့ကျရှုံး သွားခဲ့ရပါတယ်။ ဒါဟာ လက်ဝဲစွန်း စိတ်ကူးယဉ်ဆိုရှယ်လစ်ဝါဒအမှားဖြစ် ပါတယ်။ ဒီကနေ့ တရုတ်၊ ဗီယက်နမ် လို ကွန်မြူနစ်တစ်ပါတီ ဦးဆောင်တဲ့ နိုင်ငံတွေလည်း အရင်းရှင်တံခါးဖွင့် ဈေး ကွက်စီးပွားရေးထူထောင်ကူးပြောင်း လာခဲ့ပြီဖြစ်ပါတယ်။ တစ်ချိန်က အဲဒီလို တစ်ပါတီဆိုရှယ်လစ်စနစ်ကျင့်သုံးခဲ့တဲ့ ဆိုဗီယက်ပြည်ထောင်စုအပါအဝင် အရှေ့ ဥရောပဆိုရှယ်လစ်နိုင်ငံများဟာ အနောက် ဥရောပနိုင်ငံများရဲ့ ဒီမိုကရေစီစံကို အတုယူပြီး လက်ငင်းချက်ချင်း ဒီမိုကရေစီ ထူထောင်ကူးပြောင်းခဲ့ပါတယ်။ ဒီမိုကရေစီ နိုင်ငံကို (လူ့အဖွဲ့အစည်းမရင့်မာခင်) နိုင်ငံ ရဲ့ စီးပွားရေးခြေလှမ်းမမြဲခင် နိုင်ငံရေး လွတ်လပ်မှုတွေ၊ လူ့အခွင့်အရေးတွေကို ရှေ့တန်းတင်ဖွင့်ပေးထူထောင်ခဲ့တဲ့အတွက် သွေးချောင်းစီးပြိုကွဲသွားခဲ့ရပါတယ်။ ဒါကြောင့်
ဒုတိယကမ္ဘာစစ်ပြီးခေတ်တွင် ကြောက်မက်ဖွယ်ရာ လူမျိုးရေး၊ ဘာသာ ရေး၊ ဝါဒရေး၊ ဂိုဏ်းဂဏရေး သွေး ချောင်းစီးပြိုကွဲမှုကြီး ကြုံခဲ့ရပါတယ်။ ဒါဟာ လက်ယာစွန်းစိတ်ကူးယဉ် ဒီမို ကရေစီထူထောင်ရေး အယူအဆဖြစ် ပါတယ်။ လက်ဝဲစွန်းစိတ်ကူးယဉ် ဆိုရှယ်လစ်ဝါဒအမှားက လက်ယာစွန်း စိတ်ကူးယဉ် ဒီမိုကရေစီထူထောင်ရေး အယူအဆအမှားသို့ ခုန်ကူးပြောင်းလဲခဲ့ တဲ့ သင်ခန်းစာကြီးဖြစ်ပါတယ်။ တရုတ် နိုင်ငံကြီးဟာ ဒီအပေါ် လေးနက်စွာ သင်ခန်းစာယူပြီး စီးပွားရေးခြေလှမ်း ခိုင်မြဲအောင် ဦးစွာကြိုးပမ်းရင်း နိုင်ငံရေး လွတ်လပ်မှုတွေကို တစ်ဆင့်ပြီးတစ်ဆင့် မြှင့်တင်လာခဲ့တဲ့အတွက် ကမ္ဘာ့ဒုတိယ စီးပွားရေးအင်အားကြီး ဂျပန်နိုင်ငံကို စီးပွားရေးအရကျော်တက်လာနိုင် တယ်။ ၂ဝ၂၆ ခုနှစ်တွင် တရုတ်နိုင်ငံဟာ စီးပွား ရေးအင်အားအကြီးဆုံး အမေရိကန် နိုင်ငံ ကိုတောင် စီးပွားရေးအရ ကျော်တက် နိုင်တယ်လို့ ကမ္ဘာ့စီးပွားရေးပညာရှင် များက ခန့်မှန်းထားပါတယ်။ ဒါပေမဲ့ ဒီကနေ့တိုင် ဖွံ့ဖြိုးဆဲနိုင်ငံအချို့ အာဏာ ရှင်စနစ်အောက်က ဒီမိုကရေစီထူထောင် ကူးပြောင်းရေးကြိုးပမ်းရာတွင်လက်ယာ စွန်းစိတ်ကူးယဉ်ဒီမိုကရေစီထူထောင်ရေး အယူအဆအောက်သို့ ကျရောက်ပြိုကွဲ နေရဆဲဖြစ်ပါတယ်။
၂ဝ၁၆ခုနှစ် ဇွန် ၁၂ရက်က ကမ္ဘာ့ ထိပ်တန်း ဒီမိုကရေစီနိုင်ငံကြီးဖြစ်တဲ့ အမေရိကန်နိုင်ငံ ဖလော်ရီဒါပြည်နယ် အော်လန်ဒိုမြို့လေးက လိင်တူချစ်သူ များစုဝေးရာ ညကလပ်တစ်ခုမှာ အစု လိုက်ပစ်ခတ်မှုဖြစ်ပွားပြီး လူပေါင်း ၅ဝ ခန့် သေဆုံးခဲ့တယ်။ ဒါဟာ အမေရိကန် သမိုင်းတွင်အဆိုးရွားဆုံးအစုလိုက်ပစ်ခတ် ခံရမှုဖြစ်တဲ့အတွက် အမေရိကန်တစ်နိုင်ငံ လုံး တုန်လှုပ်သွားစေခဲ့တယ်။ အထူး သဖြင့် အမေရိကန်သမ္မတ ရွေးကောက် ပွဲနှစ်ဖြစ်တဲ့အတွက် အမေရိကန်နိုင်ငံရေးကို ပါ လှုပ်ခတ်သွားစေပါတယ်။ ရီပတ် ဘလစ်ကန်တို့က ဒီဖြစ်ရပ်ဟာ အကြမ်း ဖက်လုပ်ရပ်ဖြစ်တယ်ဆိုတဲ့အချက်ကို ဦးစားပေးပြီး အကြမ်းဖက်သမားဖြစ်နိုင် ဖွယ်ရှိသူတို့လက်သို့ သေနတ်မရောက် ရေးဟာ အဓိကဖြစ်တယ်လို့ ရှုမြင်ကြ တယ်။ ဒီမိုကရက်တို့က အမေရိကန်တွင် ထိန်းမနိုင်သိမ်းမရ ဖောင်းပွချင်တိုင်း ဖောင်းပွနေတဲ့ သေနတ်များကြောင့် အခုလို ကျော်မကောင်းကြားမကောင်း အဖြစ် ဆိုးများဖြစ်ရတယ်ဆိုပြီး သေနတ်ထိန်း ချုပ်ရေးကို ဦးစားပေးလုပ်ရမယ်လို့ဆို ပါတယ်။ ဒါဟာ အမေရိကန်နိုင်ငံရှိ နိုင်ငံ ရေးပါတီကြီးနှစ်ခု ကွဲလွဲတဲ့အမြင်ဖြစ်ပါ တယ်။ အဲဒီလို ကွဲလွဲတဲ့အမြင်နှစ်ရပ် လွှတ်တော်တွင် ထိပ်တိုက်တွေ့ကြပြီး ၂ဝ၁၆ခုနှစ် ဇွန်လ ၂၂ရက် ကျင်းပတဲ့ အောက်လွှတ်တော်အစည်းအဝေးတွင်
ဒီမိုကရက်တို့တင်သွင်းလိုက်တဲ့ သေနတ် ထိန်းချုပ်ရေးဥပဒေကြမ်းကို ရီပတ်ဘလစ် ကန်တို့က လူအများစုမဲနဲ့ လွှတ်တော်တွင် အတင်မခံတဲ့အတွက် အခြေအနေပိုမိုတင်း မာလာကြပြီး အမေရိကန်လွှတ်တော် အတွင်း ရုန်းရင်းဆန်ခတ်ဖြစ်သွားခဲ့ တယ်။ အောက်လွှတ်တော်ဥက္ကဋ္ဌ ရီပတ် ဘလစ်ကန်အမတ် ပေါလ်ရိုင်ယန်က ဇွန် ၂၃ရက် နံနက် ၃နာရီခန့်တွင် လွှတ်တော် ကို ဇူလိုင် ၄ရက်အထိ ရပ်နားကြောင်း ကြေညာခဲ့သော်လည်း ဒီမိုကရက်တို့က လွှတ်တော်အစည်းအဝေးခန်းမထဲမှ ထွက်မသွားဘဲ ထိုင်သပိတ်မှောက်ခဲ့ကြ တယ်။ ဒီဖြစ်ရပ်ဟာ အမေရိကန်လွှတ် တော်သမိုင်းတွင် မကြုံစဖူး ပထမဆုံး ပေါ်ပေါက်ခဲ့ခြင်းဖြစ်တယ်။ အမေရိကန် နိုင်ငံဥပဒေအရ အသက် ၁၈ နှစ်ပြည့်ပြီး သူတိုင်း ရိုင်ဖယ်သေနတ် သို့မဟုတ် ပြောင်းချောသေနတ် ဝယ်ယူခွင့်ရှိပြီး အသက် ၂၁နှစ်ပြည့်ပြီးသူတိုင်း ပြောင်း တိုသေနတ် ဝယ်ယူကိုင်ဆောင်ခွင့်ရှိ တယ်။ အမှန်တကယ်အမေရိကန်အခြေခံ ဥပဒေရဲ့ ပြင်ဆင်ချက်တွင် သေနတ် ကိုင်ဆောင်ခွင့်ကိုဖော်ပြခဲ့စဉ်က တစ်ဦး ချင်းကိုယ်ကြိုက်သလို ကိုင်ဆောင်ရန် မဖြစ်နိုင်၊ ပြင်ဆင်ချက်စာသား အတိ အကျဆိုရင် စနစ်တကျဖွဲ့စည်းထားတဲ့ ပြည်သူ့စစ်အဖွဲ့များအတွက်သာလျှင် လက်နက်ကိုင်ဆောင်ခွင့်ပေးထားပြီး နောက်ပိုင်းကာလတွင် ပုဂ္ဂလိကလွတ် လပ်ခွင့်နဲ့ အခွင့်အရေးကို ရှေ့တန်းတင် လာတဲ့အခါကျမှ ကိုယ်စီလက်နက်ကိုင် ဆောင်ခွင့်ကို ဦးစားပေးခွင့်ပြုလာခြင်း ဖြစ်တယ်လို့လည်း ဆိုပါတယ်။ အမေရိ ကန်နိုင်ငံတွင် အဲဒီလိုသေနတ်ကို လွတ် လပ်စွာ ကိုင်ဆောင်ခွင့်ရှိလာတဲ့အတွက် လက်လွတ်စပယ်အလွဲသုံးစားလုပ်မှုများ တိုးပွားလာမယ်ဖြစ်သလို အချို့အခြေ အနေများတွင် အလွန်ဆိုးရွားတဲ့ သက် ရောက်မှုများကိုလည်း ကြုံရမယ်သာဖြစ် ပါတယ်။ အမေရိကန်နိုင်ငံတွင် မဆင် မခြင် သေနတ်ပစ်ခံရမှုကြောင့် ၂ဝ၁၅ ခုနှစ်တွင် လူပေါင်း ၁၃၂၈၆ ဦးသေဆုံး ခဲ့ပြီး ၂၆၈၁၉ ဦးဒဏ်ရာရရှိခဲ့တယ်။ သေနတ်ကိုအသုံးပြုပြီး လူသတ်ခဲ့မှု အရေအတွက်ဟာ ၂ဝ၁၂ ခုနှစ်စာရင်း ဇယားအရ အမေရိကန်နိုင်ငံရဲ့ လူတစ် သိန်းတွင် ၂ ဒသမ ၉မှုဖြစ်ပွားခဲ့တယ်လို့ ဆိုပါတယ်။ ၁၉၆၈ခုနှစ်မှ ၂ဝ၁၁ခုနှစ် အကြား အမေရိကန်နိုင်ငံတွင် သေနတ် ကြောင့် သေဆုံးသူအရေအတွက်ဟာ အမေရိကန်နိုင်ငံသမိုင်းတစ်လျှောက် တိုက်ခဲ့ သမျှသောစစ်ပွဲများတွင် ကျရှုံးခဲ့တဲ့ အမေ ရိကန်တပ်ဖွဲ့ဝင်အရေအတွက်ထက် ပိုများ နေပြီး စုစုပေါင်း ၁ ဒသမ ၄သန်း ခန့် ရှိတယ်လို့ ဆိုပါတယ်။ အစုလိုက်ပစ်ခတ် မှုကိုလေ့လာပါက ၂ဝ၁၅ ခုနှစ်တွင် အစုလိုက်ပစ်ခတ်မှု ၃၇၂ ကြိမ်ဖြစ်ပွား ခဲ့ပြီး လူပေါင်း ၄၇၅ ဦးသေဆုံးတယ်။ ၁၈၇ဝ ဒဏ်ရာရခဲ့တယ်။ လက်ရှိ ၂ဝ၁၆ ခုနှစ်ရောက်လာချိန်တွင် အစုလိုက် ပစ်ခတ်မှုအကြိမ် ၁၅ဝရှိပြီး သေနတ် ကြောင့် သေဆုံးခဲ့မှု ဇွန်လမတိုင်မီအထိ ၆၃၈၁ဦး ရှိနေပြီဖြစ်တယ်လို့ သိရပါ တယ်။ နိုင်ငံတကာသတင်းများတွင် ဖော်ပြခဲ့တဲ့ ဆောင်းပါးများက ကောက် နုတ်တင်ပြခဲ့တာ ဖြစ်ပါတယ်။ အမေရိ ကန်နိုင်ငံရဲ့ သေနတ်ကိုင်ဆောင်ခွင့်ကို တင်ပြရတာဟာ အမေရိကန်လိုကမ္ဘာ့ ထိပ်တန်းဒီမိုကရေစီနိုင်ငံကြီးမှာတောင် မိမိတို့နိုင်ငံရဲ့ လူမှုဘဝနဲ့ကိုက်ညီမှန်ကန် စွာ ဥပဒေပြဋ္ဌာန်းရန် အငြင်းပွားလာနေရ မှု အမေရိကန်နိုင်ငံရဲ့ လူ့အခွင့်အရေးဟာ အမေရိကန်ပြည်သူတွေရဲ့ လုံခြုံရေး ခြိမ်းခြောက်နေမှုများကို လေ့လာသိရှိနိုင် ဖို့ ဖြစ်ပါတယ်။
ဒီကနေ့ နိုင်ငံတကာပူးပေါင်းဆောင် ရွက်မှုတွေ ပိုမိုတိုးတက်လာနေသော် လည်း နိုင်ငံအသီးသီးတုိ့ဟာ မိမိတို့နိုင်ငံ များရဲ့ ပင်ကိုဓလေ့စရိုက်တွေ၊ ပင်ကို လွတ်လပ်မှုတွေ၊ လူမှုဘဝတွေနဲ့ သဟ ဇာတဖြစ်မယ့် မူဝါဒများ၊ နည်းလမ်း များကို ကျင့်သုံးလာကြပါတယ်။ လူမှု စနစ်ချင်း တန်းတူရည်တူ အပြန်အလှန် အသိအမှတ်ပြုတဲ့ နိုင်ငံတကာဆက်ဆံရေး ကိုသာ ကျင့်သုံးလာကြပါတယ်။