images
UN
UN
လူငယ်နှင့် အလုပ်အကိုင်ကဏ္ဍ
သုတနိုင် Monday, 31 October 2016


လူငယ်များအတွက်
ဦးစားပေးရမည့်လုပ်ငန်းများ
ယခုအပိုင်းတွင်လူငယ်လုပ်ငန်းများဆိုင်ရာ ကမ္ဘာ့အစီအစဉ် The World Programme of Action for Youth (WPAY) ၌ ဦးစားပေးလုပ်ငန်း နယ်ပယ် ၁၅ ရပ်၌ ပါဝင်သည့် 'အလုပ်အကိုင် (Employment ))ကဏ္ဍ'ကို လူငယ်အဖွဲ့အစည်း များက အလုပ်အကိုင်အခွင့်အလမ်းရရှိဖော်ထုတ် ပြန့်ပွားလာအောင်ကို မည်သို့မည်ပုံတီထွင်ကြံဆ လုပ်ကိုင်သင့်သည်ကို လက်ရှိမိမိတို့၏မြို့ရွာ ပတ်ဝန်းကျင်အခြေအနေနှင့် ကိုယ်တိုင်လည်း ပါဝင် ကိုယ့်ရပ်ရွာရှိအခြားလူငယ်များပါဝင် လာအောင် ဆောင်ရွက်သင့်သည့်နည်းလမ်းများ ရှာဖွေကြံဆနိုင်ရေးတင်ပြပါမည်။
ပထမဦးစွာ ကမ္ဘာလုံးဆိုင်ရာလူငယ်များ အတွက်အလုပ်အကိုင်ဆိုင်ရာ အဆိုပြုလုပ်ငန်း စဉ်များမှာ အောက်ပါအတိုင်းဖြစ်ကြောင်းဖော်ပြ အပ်ပါသည်-
(၁) ကိုယ်တိုင်အလုပ်အကိုင်အခွင့်အလမ်းများ ဖန်တီးခြင်း။ (သမအစုအဖွဲ့၊ လူငယ်အစုအဖွဲ့ ဖြင့်ကုန်ထုတ်လုပ်ခြင်း၊ ဝန်ဆောင်မှုလုပ်ငန်း များလုပ်ဆောင်ခြင်းတို့ပါဝင်သည်။)
(၂) အစိုးရနှင့်အစိုးရမဟုတ်သော အဖွဲ့အစည်း များ၊ စီးပွားရေးအဖွဲ့အစည်းများကအလုပ် အကိုင်အခွင့်အလမ်းဖန်တီးပေးခြင်း။
(၃) အစိုးရဌာနအဖွဲ့အစည်းများက သဘာဝပတ် ဝန်းကျင်ထိန်းသိမ်းရေး၊ မီးဘေး၊ ရေဘေး၊ လေဘေး စသည့်ဘေးန္တရာယ်ကာကွယ် တားဆီးရေးကဲ့သို့လူမှုဝန်ထမ်း၊ ဗော်လံ တီယာ အရန်တပ်ဖွဲ့များဖွဲ့စည်း၍ အလုပ် အကိုင်ဖန်တီးပေးခြင်း။
(၄) နည်းပညာကျွမ်းကျင်မှုသင်တန်းများပေး၍ အလုပ်အကိုင် အခွင့်အလမ်းရအောင် ဖန်တီး ပေးခြင်း။
မြန်မာနိုင်ငံလူငယ်ဦးရေနှင့်
အလုပ်အကိုင်အခြေအနေ
ဆက်လက်၍ မြန်မာနိုင်ငံလူငယ်ဦးရေနှင့် အလုပ်အကိုင်အခြေအနေကို ၂ဝ၁၄ခုနှစ် မြန်မာ နိုင်ငံလူဦးရေနှင့် အိမ်အကြောင်းအရာသန်းခေါင် စာရင်းအရအောက်ပါအတိုင်းတွေ့ရှိရပါသည်-
ယင်းစာရင်းဇယားအရတစ်နိုင်လုံးတွင် အသက် ၁ဝနှစ်မှ ၆၄ နှစ်အထိ လူဦးရေပေါင်း ၄ဝ,၉၈၈,၆၉၃ဦးရှိသည့်အနက် အစိုးရဝန်ထမ်း ၁,၃၄၆,၁၁ဝ၊ ပုဂ္ဂလိက/အဖွဲ့အစည်းများ၌လုပ် ကိုင်သူ ၈,၄၂၇,၈ဝ၂၊ ကိုယ်တိုင်အလုပ်လုပ်သူ ၈,၇၁၈,၂၉၂၊ မိသားစုလုပ်ငန်းတွင်လုပ်ကိုင်သူ ၃,၉၂၃,၃၇၄၊ စုစုပေါင်းအလုပ်လုပ်သူ ၂၂,၄၁၅, ၅၇၈ ဦးရှိသည်။ အလုပ်လက်မဲ့/အလုပ်ရှာဆဲ ဦးရေ ၉၅၄,၅ဝ၆ ရှိပြီး အလုပ်မရှာသူ၁၇၂၅၁၄ ဦး၊ အခြားဟုဖော်ပြထားသူ ၁,၆၂၉,၄၁၅ ဦး ရှိသည်။ ကျန်ဦးရေမှာ ကျောင်းတက်ဆဲဦးရေ ၅,၆၆၇,၇၆ဝ အပါအဝင် လုပ်သားအင်အားစု များ၌မပါဝင်သူတို့ဖြစ်သည်။
အသက်အပိုင်းအခြားအရလူငယ်ဦးရေ ၃၂ သန်းခန့်ရှိပြီး အစိုးရဝန်ထမ်းငါးသိန်းကျော်၊ ကိုယ် ပိုင်လုပ်ငန်းလုပ်နေသူသုံးသန်းကျော်၊ မိသားစုလုပ် ငန်း၌ ပါဝင်လုပ်ကိုင်နေသူနှစ်သန်းကျော်၊ ပုဂ္ဂလိက/အဖွဲ့အစည်းများတွင် လုပ်ကိုင်နေသူ ခြောက်သိန်းကျော်၊ အလုပ်လက်မဲ့/အလုပ်ရှာဆဲ ခုနစ်သိန်းခန့်၊ ကျောင်းတက်ဆဲ ၅ ဒသမ ၆သန်း နှင့်လုပ်သားအင်အားစုတွင်မပါဝင်သူများ ၃ ဒသမ ၅ သန်းခန့်ရှိနေသည်။ လုပ်သားအင်အားစု ၌ပါဝင်သူလူငယ်ရာနှုန်း ၂ဝ ရာနှုန်းခန့်ရှိသည်။ မြို့ပြထက် ကျေးလက်တွင် အလုပ်လက်မဲ့/ အလုပ်ရှာဆဲ/အလုပ်မရှာသူဦးရေ နှစ်ဆခန့် ပိုများသည်။ ပုံမှန် ပညာရေး (င်္(Formal Education) ကျောင်းပြီးအောင် ဆက်မတက်နိုင်၍ သော်လည်းကောင်း၊ သက်မွေးပညာရေး/နည်း ပညာ ကျွမ်းကျင်မှုI (Technical and Vocational Education and Training)မသင်ကြားနိုင်၊ သင်ကြားရန် အခွင့်အလမ်းနည်းပါးမှုက အလုပ် အကိုင်အခွင့်အလမ်းမရသည်ကပိုများသည်။
ထိုင်းနိုင်ငံ၏ ၂ဝ၁၂ ခုနှစ်စာရင်းအရ မြန်မာ နိုင်ငံမှ ထိုင်းနိုင်ငံသို့သွားရောက်အလုပ်လုပ်ကိုင် နေသူတစ်သန်းနှစ်သိန်းကျော်ရှိပြီး ယင်းအနက် လယ်ယာစိုက်ပျိုးမွေးမြူရေးလုပ်ငန်များ၌ အလုပ် လုပ်နေသူတစ်သိန်းငါးသောင်းခန့်ရှိသည်ဟုသိရ သည်။


ယခုအခါပြည်တွင်း၌လယ်ယာလုပ်သား ရှားပါးခြင်း၊ လုပ်သားခဈေးကြီးမြင့်ခြင်း၊ စိုက် ပျိုးထုတ်လုပ်စရိတ်နှင့် ထုတ်လုပ်ထွက်ရှိမှုကို ရောင်းရငွေတို့မကိုက်ကြောင်းကြား သိနေကြရ သည်။ ထိုင်းနိုင်ငံကမူ မိမိနိုင်ငံသားများ လုပ်ကိုင်နိုင်မည့်လုပ်ခပေး၍ စိုက်ပျိုးမွေးမြူ ထုတ်လုပ်ပြီး တင်ပို့ရောင်းချနိုင်ကြသည်ကို လေ့လာဖို့ကောင်းပါသည်။စဉ်းစားသုံးသပ်သုတေ သနပြုဖို့ကောင်းသည်။ ထုတ်လုပ်သည့်နည်း ပညာနှင့် ဈေးကွက်ရအောင်လုပ်နိုင်စွမ်းရှိအောင် အနာဂတ်လူငယ်များကစွမ်းဆောင်ကြရလိမ့်မည် ဖြစ်သည်။ အခြားဟုဖော်ပြထားသူများသည် နိုင်ငံရပ်ခြားသို့သွားရောက်အလုပ်လုပ်နေရသူတို့ ပါဝင်နိုင်သည်။ သို့ရာတွင် နိုင်ငံရပ်ခြားလုပ် ငန်းများတွင် သက်မွေးနည်းပညာကျွမ်းကျင်မှု လက်မှတ်f(Skill Certificate)မရှိပါက ထိုက် တန်သောအလုပ်နှင့် ထိုက်တန်သောလစာမရနိုင် ဘဲရရာအလုပ်၊ ရရာလစာဖြင့်လုပ်ရသည်။
ပြည်တွင်း၌ ပုံမှန်ပညာရေးကိုအစိုးရကမြှင့် တင်ပြီး ကျောင်းများတိုးချဲ့ဖွင့်နေသော်လည်း ဘွဲ့ရသည်အထိကျောင်းဆက်တက်ရန်အခက်အခဲ ရှိသူများစွာအတွက် မိသားစုဝင်ငွေရရေးအလုပ် လုပ်နိုင်ရန်နည်းပညာနှင့် သက်မွေးပညာသင် ကျောင်းများကိုတိုးချဲ့ဖွင့်ရန်လိုသည်။ ပုံမှန် ကျောင်းပညာရေးအတွက် စာသင်ကျောင်းများ နှစ်စဉ်တိုးတက်ဖွင့်လှစ်သည့်အရေအတွက်နှင့် နည်းပညာနှင့် သက်မွေးပညာကျောင်းတိုးချဲ့ဖွင့် သည့်အရေအတွက်အချိုးကို ပြည်သူအတွက် အမှန်လိုအပ်ချက်နှင့်တွက်ချက်ဖွင့်ရန်လိုကြောင်း ပညာရေးနှင့် သိပ္ပံနည်းပညာကတာဝန်ရှိသူအချို့ ကိုထောက်ပြအကြံပေးခဲ့ဖူးပါသည်။ ဦးညီလှ ငယ်ကလည်း အသိပညာရှင်၊ အတတ်ပညာရှင် အချိုးနှင့်နည်းပညာကျွမ်းကျင်သူအချိုးမွေးထုတ်ပုံ မမျှတသည်ကို ထောက်ပြဖူးသည်။
လူငယ်များနှင့်အလုပ်အကိုင်ကဏ္ဍတိုးတက် ကောင်းမွန်ရေးစေတနာဒါနဖြင့်ဝန်ဆောင်ပေး
လွန်ခဲ့သည့်လေးနှစ်ခန့်ကရန်ကုန်တိုင်း ဒေသကြီး၊လှည်းကူးမြို့နယ်ဖောင်ကြီးအရှေ့ကျေးရွာ ရှိ ကိုးရီးယားနိုင်ငံ 'ဆမားဦဒုံး'ခေါ် စံပြကျေး ရွာပုံစံတည်ဆောက်မှုကိုသွားရောက်လေ့လာ ခဲ့စဉ်က ရွာသားအချို့ကိုမေးမြန်းခဲ့ရာ လယ်ယာ စိုက်ပျိုးရသည့်ကာလလေးငါးလအတွင်းနေ့စဉ် မိသားစုစားသောက်ရေးဝင်ငွေရအောင်မိုင် ၃ဝခန့် ဝေးသည့် ပဲခူးရိုးမတောင်ပေါ်တွင်ဝါးများကိုသွား ရောက်ခုတ်ယူရောင်းကြရသည်ဟုဆိုသည်။ ဝါးမှ လူသုံးကုန်အချောထည်လုပ်နည်းပညာသင်ကြား ၍တန်ဖိုးမြှင့်ထုတ်ကုန်ထုတ်လုပ်ရေးအတွက် ဝါး နှင့်ဝါးကုန်ချောထုတ်လုပ်သည့်အသင်းအဖွဲ့နှင့် ချိတ်ဆက်ပညာပေးရန်အကြံပြုခဲ့ရသည်။သန်လျင်မြို့နယ် သနပ်ပင်ရွာသားများနှင့် တွေ့ဆုံမေးမြန်းခဲ့ရာတွင် သူတို့ဒေသ၌တော တောင်မရှိသဖြင့်ဝါးတက်မခုတ်ဘဲ မြို့တက်ပြီး ပြောင်းဖူးပြုတ်ရောင်းသည်ဟုဆိုသည်။ ထို့ ကြောင့် နယ်စပ်ရေးရာဝန်ကြီးဌာနအောက်ရှိ အထည်ချုပ်သင်တန်းကျောင်းများနှင့် ချိတ်ဆက် သင်ကြားပြီး အထည်ချုပ်စက်ရုံများ၌အလုပ်ရ သည့်ရွာများကဲ့သို့လုပ်ဆောင်ကြရန်ပြောပြခဲ့ရ သည်။
အလားတူချင်းပြည်နယ် ကန်ပက်လက်မြို့ တွင်လည်း ဝဥစိုက်ပျိုးထုတ်လုပ်သည့်နည်းပညာ နှင့်အရင်းအနှီးလိုအပ်နေမှုကို ဝဥတင်ပို့ရောင်းချ သည့်ကုမ္ပဏီနှင့် ချိတ်ဆက်ပေးခဲ့ရဖူးပါသည်။ သရက်သီးစိုက်ပျိုးထုတ်လုပ်သူများကိုလည်းအစု အဖွဲ့ဖွဲ့စည်းပေးပြီး အက်ဖ်အေအို၊ ဂျီအိုင်ဇက် အဖွဲ့များ၏နည်းပညာဖြန့်ပေးနိုင်ခဲ့မှုကြောင့် ယင်း နယ်ပယ်တိုးတက်ပြီး အလုပ်အကိုင်အခွင့်အလမ်း ရရှိစေနိုင်ခဲ့ပါသည်။
ယနေ့ခေတ်တွင်ကျေးလက်အထိ ဆိုင်ကယ်၊ လက်တွန်းထွန်စက်၊ ထော်လာဂျီစသည်တို့ ကျယ်ပြန့်စွာသုံးလာပြီဖြစ်သော်လည်း ပျက် လျှင်မြို့သို့ပို့ပြင်ဆင်ခဲ့ရာမှ ရှမ်းပြည်နယ်မြို့နယ် အချို့၌ ဆိုင်ကယ်ပြင်သင်တန်းများဖွင့်လှစ်၍ အလုပ်အကိုင်ဖန်တီးပေးနိုင်ခဲ့မှုကြောင့် ကျေးရွာ အဆင့်တွင်ဆိုင်ကယ်ပြင်ဆိုင်များဖွင့်ပြီး အလုပ် အကိုင်တိုးတက်ဖန်တီးလာနိုင်အောင် ကူညီခဲ့ဖူး ပါသည်။

ဆိုလိုသည်မှာ လူငယ်အဖွဲ့အစည်းများသည် ပညာဒါန၊ စေတနာဝန်ဆောင်မှုဒါနပြုခြင်းဖြင့် မိမိတို့၏ရပ်ရွာများတွင် သက်မွေးပညာပြန့်ပွား တတ်မြောက်ကျွမ်းကျင်အောင်လုပ်ဆောင်ပေးခြင်း၊ အလုပ်အကိုင်ရလိုသူစာရင်းများကောက်ယူ၍ အလုပ်ပေးနိုင်သည့်ဌာန၊ ကုမ္ပဏီများသို့ချိတ် ဆက်ပေးသည့်စေတနာဝန်ဆောင်မှုလုပ်ငန်းလုပ် ခြင်း၊ ကျေးလက်နေအဆက်အသွယ်နည်းသူများ ကိုနည်းပညာနှင့်သက်မွေးပညာသင်တန်းများတက် နိုင်စေရန်ကူညီချိတ်ဆက်ပေးခြင်းတို့ဖြင့် မိမိတို့ ရပ်ရွာလူငယ်များကိုအလုပ်အကိုင်အခွင့် အလမ်း များရရှိစေရန်လုပ်ဆောင်လျက်နိုင်ငံနှင့်လူမျိုး တိုး တက်ရေးလူစွမ်းအားအရင်းအမြစ်ဖွံဖြိုး ရေးလုပ် ငန်းကိုဖြည့်ဆည်းလုပ်ဆောင်နိုင်မည်ဖြစ်ပါသည်။
ကမ္ဘာ့ကုန်သွယ်ရေးအဖွဲ့(World Trade Organization, WTO )က၂ဝ၁၂ခုနှစ်မှ စတင်ပြီး ၂ဝ၁၄ ခုနှစ်၌ထွက်ရှိလာသည့် မြန်မာနိုင်ငံ၏ ကုန်သွယ်မှုမူဝါဒကိုပြန်လည်ဆန်းစစ်သုံးသပ်သည့်အစီရင်ခံစာ( Trade Policy Review) ကိုပြန်လည်ဖတ်ရှုကြည့်သည့်အခါ မြန်မာနိုင်ငံ၏ လူငယ်လုပ်သားအင်အားစု၊ ကြွယ်ဝသည့်သယံဇာတ၊ စီးပွားရေးလျင်မြန်စွာ တိုးတက်နေသည့်ဒေသတွင်တည်ရှိသော်လည်း လုပ်ဆောင်နိုင်စွမ်း (စွမ်း ဆောင်ရည်)နှင့် အခြေခံအဆောက်အအုံ လိုအပ်ချက်တို့ကို ထောက်ပြ ရေးသားထားပါသည်။
အလားတူ ၂ဝ၁၃ခုနှစ်တွင် အိုအီးစီဒီအဖွဲ့အစည်းက မြန်မာနိုင်ငံအပေါ် ဘက်စုံလေ့လာသုံးသပ်ချက်f(Multi-Dimensional Review of Myanmar) တွင် လူ့စွမ်းအားအရင်းအနှီး(ံကာညေ ဃစေငအေူ)၊အဖွဲ့အစည်းအရင်းအနှီး ( Institutional Capital )၊ ပညာရေး၊ ကျန်းမာရေး စသည့် လူမှုရေး အရင်းအနှီး (Social Capital)? အခြေခံအဆောက်အအုံရုပ်ဝတ္ထု အရင်း အနှီး (Physical Capital) တို့ အဓိကတည်ဆောက်ပြီး တိုင်းပြည်တိုး တက်ရေးလုပ်ဆောင်ရန် လိုအပ်ကြောင်း လေ့လာသုံးသပ်တင်ပြထား ပါသည်။
အရာရာတွင်လူတို့၏တီထွင်ကြံဆမှု၊ လူတို့၏ကြိုးပမ်းအားထုတ်မှုရှိ သော နိုင်ငံတို့က တိုးတက်၍ မတီထွင်မကြံဆသော၊ အလုပ်မလုပ်သော၊ မကြိုးစားသောနိုင်ငံတို့သည် မတိုးတက်နိုင်ပေ။ လူငယ်တို့သည် အလုပ် အကိုင်အခွင့်အလမ်းကို ရှာဖွေနေရမည်။ အလုပ်လုပ်တာချင်းအတူတူပိုမို ထိရောက်အကျိုးရှိသည့်အလုပ်မျိုးကို တီထွင်ကြံဆလုပ်ကိုင်နိုင်စွမ်းရှိလေ ပိုမိုတိုးတက်လေဖြစ်သည်။
အစိုးရကောင်းလျှင် အလုပ်မလုပ်ရဘဲ သူ့ အလိုလိုတိုးတက်လာလိမ့် မည်ဟု မျှော်လင့်ချက်တစ်ခုဖြင့် စောင့်စားရပ်တည်ကြလျှင် မှားလိမ့်မည် ဖြစ်သည်။ ထိုကြောင့် အနာဂတ်ခေါင်းဆောင်ဖြစ်လာကြမည့် လူငယ်တို့ သည် အနာဂတ်တိုးတက်သောနိုင်ငံအဖြစ်သို့ရောက်ရှိလိုပါက စွမ်းဆောင် ရည်ရှိသော တိုင်းပြည်တိုးတက်အောင် တည်ဆောက်နိုင်စွမ်း၊ စွမ်းဆောင် ရည်ရှိသည့် လူငယ်ထုဖြစ်အောင် ဝိုင်းဝန်းကြိုးပမ်းရမည်ဖြစ်သည်။