images
UN
UN
စာရေးစာဖတ်သင်ပေးသောမိခင်ကျောင်းတော်များ
အောင်ကြည်ညွန့်(တက္ကသိုလ်) Tuesday, 01 November 2016
ပြီးခဲ့သော ရုံးပိတ်ရက် စနေ၊ တနင်္ဂ နွေနေ့များတွင် စာရေးသူ၏ စာအုပ်များ ထားရှိရာအခန်းကို ရှင်းပါသည်။ နေ့စဉ် မှတ်တမ်းစာအုပ်များ နှစ်အလိုက် တွေ့ရှိ ၍ ကောက်ယူဖတ်မိပါသည်။ ကျွန်တော် ဖတ်မိသော နေ့စဉ်မှတ်တမ်းစာအုပ်မှာ ၁၉၇၅ ခုနှစ်က ဖြစ်သည်။
စာရေးသူ၏ မွေးရပ်မြေ ဖျာပုံမြို့နယ် ကနိကျေးရွာဆရာတော် ဦးစန္ဒောဘာသ နှင့် ဆရာဇော်ဂျီအိမ်သို့သွားရောက်ခဲ့သော အကြောင်း ပြန်ဖတ်မိသည်။ ၁၅-၁-၁၉၇၅ ရက်ကပါ။ ကနိပရဟိတ လူငယ်သင်တန်းကျောင်း(၁၅)နှစ်မြောက် အထိမ်းအမှတ်စာအုပ် ထုတ်ဝေရန် ဆရာ့ ထံမှ စာမူတောင်းခြင်းဖြစ်သည်။ ဆရာ က ကဗျာတစ်ပုဒ် ချီးမြှင့်ပါသည်။ ဆရာမကြီးဒေါ်စောရင်(ဆရာ့ဇနီး)က ငွေ ၅ဝဝ ကျပ်လှူဒါန်းပါသည်။
ဆရာဇော်ဂျီထံ ရောက်တုန်းရောက် ခိုက် မြန်မာစာသင်ပြရေးနှင့် စာစီစာကုံး သင်ကြားရေးကို သိလိုသဖြင့် ဆရာ့ကို ပြောပြပေးရန် ခွင့်ပန်ပါသည်။ ဆရာက သူ့ထုံးစံ လေနုအေးကလေးနှင့်ပြုံး၍ လေးလေးအေးအေးဖြည်းဖြည်း ပြောပြပါ သည်။ ကျွန်တော်လိုက်မှတ်ချိန် ရပါသည်။ ဆရာက-
စာစီစာကုံးမှာ သဒ္ဒါဝါကျ ပါရမည်။ ဝါကျတစ်ခုတွင် ကတ္တား၊ ကံ၊ ဝါစက ပါမည်။ စာစီစာကုံးကို ငါးတန်းအောင် ပြီး ခြောက်တန်းလောက်ရောက်မှ စသင် သင့်သည်။
စာစီစာကုံးသင်ကြားပြသရာမှာဆရာ များအတွက် လမ်းညွှန်စာအုပ်၊ ကျောင်း သားများအတွက်လည်း လမ်းညွှန်စာအုပ် လိုသည်ဟု ဆရာက အမိန့်ရှိပါသည်။ မည်သည့်အတိုင်းအတာအထိ ရေးရမည် ကို စဉ်းစားမိကြောင်း ပြောပြသည်။
ခင်ဗျားတို့တပည့်ကျောင်းသားလေး တွေ၊ ကျောင်းသူလေးတွေ၊ဘာမြင်သလဲ၊ ဘာကြားသလဲ၊ ပတ်ဝန်းကျင်တွင် ဘာ ဖြစ်သလဲဆိုတဲ့ အတွေးရရှိစေဖို့ မျက်စိနဲ့ နားကို လေ့ကျင့်ပေးရမည်။
မိမိတို့နေ့တိုင်း ပြောသည့်အတိုင်း တပည့်ကို ရေးခိုင်းပါ။ ကြားသည့် အတိုင်း ရေးခိုင်းပါ။ ရည်ရွယ်ချက်မိလျှင် စာရေးတတ်ပါသည်။ ပြောစရာမရှိလျှင် မရေးတတ်ပါ။ ဆရာ ဆရာမများက တပည့်တွေပြောစရာရှိလာအောင် လုပ် ပေးသင့်ပါသည်။ သဒ္ဒါပြင်ပေးပါ။ ဝါကျပြင်ပေးပါ၊ တဖြည်းဖြည်းမှန်လာ ပါမည်။ စကားပြေသင်ရင်းလည်း စာစီ စာကုံးသဘောကို သင်သွားနိုင်ပါသည် ဟု ဆရာက အမိန့်ရှိပါသည်။
ကျောင်းသားကျောင်းသူများ မိမိတို့ ၏ မြန်မာစာပြဋ္ဌာန်းချက်စာအုပ်များကို ဖတ်သင့်ကြောင်း၊ စကားပြေလက်ရွေး စင်စာအုပ်အမှာစာတွင် ဖော်ပြထားသည့် အတိုင်း စာ၏ရည်ရွယ်ချက်၊ အာဘော် ကို ရှာဖွေစေချင်ကြောင်း၊စာသည်ရည်ရွယ် ချက်ကို ပေါ်လွင်အောင် မည်ကဲ့သို့ စီစဉ် ထားသည်၊ ရည်ရွယ်ချက်မြောက်အောင် မည်ကဲ့သို့ ရေးသားသည်ကို လေ့လာစေ ချင်ကြောင်းလည်း ဆရာက မိန့်ပါသည်။
စကားပြေလက်ရွေးစင်အမှာတွင် စာရေးနည်းလေးမျိုးကို ဖော်ပြထားသည်။ သရုပ်ဖော်၊ ဖြစ်စဉ်ပြ၊ ကျိုးကြောင်းပြနှင့် ဖွင့်ဆိုရှင်းပြဖြစ်သည်။ ကြားသည့် မြင် သည့်အပေါ်တွင် မည်ကဲ့သို့ ရေးရမည်ကို ဆရာ ဆရာမတို့က လေ့ကျင့်ပေးရန်လို ကြောင်း၊ သို့မှသာ မိမိပြောလိုသည်ကို မိမိရရ စေ့စေ့စပ်စပ် တင်ပြနိုင်မှာဖြစ် ကြောင်း အမိန့်ရှိခဲ့သည် မှတ်သားရပါ သည်။
''အမျိုးသားစည်းကမ်းအစ၊
စာသင်ကျောင်းက''
''အမျိုးသားကျန်းမာရေးအစ၊
စာသင်ကျောင်းက''
ဟူသော ဆောင်ပုဒ်များက ပညာသင် ကျောင်းများ၏ အရေးပါပုံကို ဖော်ပြ နေပါသည်။
ကိုအံ့ကြီး သီဆိုခဲ့သော လူချွန်လူ ကောင်းသီချင်း စာသားထဲတွင်-
''ကလေးလေးတွေ ပညာရှိဖို့တော့ အဖ အမိ ပုံသွင် အာစရိဂုဏ်အင်''ဟု ဆိုထားပါသည်။ ဆရာ ဆရာမများသည် ကျောင်းသားလူငယ်များ၏ ဒုတိယမိဘ ဖြစ်ပါသည်။ ပထမမိဘက သားသမီးကို မွေးပြီး ဘဝကို ပေးခဲ့ပါသည်။ ဆရာ ဆရာမပေါင်းများစွာက နှစ်ပေါင်း ၁ဝ နှစ် ၁၅ နှစ်ကြာအောင် ကာယ၊ Óဏ၊ စာရိတ္တ ဘက်စုံပြည့်ဝစေရန် ဘဝတစ် လျှောက်လုံး ပြုစုပျိုးထောင်ခဲ့ကြရပါ သည်။
တစ်ဖက်ကလည်း စာရေးစာဖတ် သင်ကြားရသည်။ အတွေးအခေါ်ရင့်သန် စေရန် လေ့ကျင့်ပျိုးထောင်ရသည်။ အမူ အကျင့်ကောင်းရန် သွန်သင်ရသည်။ အပြောအဆိုတတ်ရန် လမ်းညွှန်ရသည်။
ဘာသာစကားလေ့ကျင့်သင်ကြားရာ တွင် စာဖတ်ခြင်း၊ စာရေးခြင်း၊ နားဖြင့် ကြားနာခြင်း၊ စကားအရာဖြင့် ပြောကြား ခြင်းဆိုသော စွမ်းရည်(၄)ရပ် ရှိပါသည်။
ကလေးသူငယ်များ စနစ်တကျ စာ ဖတ်တတ်ရန်၊ စနစ်တကျစာရေးတတ်
ရန်၊ အချက်ကျကျ ပြောဆိုတတ်ရန်၊ နားထောင်မှုစွမ်းရည်မြင့်စေရန် အနီးကပ် ကြီးကြပ်ပျိုးထောင်ပေးနိုင်သူမှာ စာသင် ကျောင်းက ဆရာ ဆရာမများပင်ဖြစ်ပါ သည်။
ဆရာ ဆရာမများ၏ သင်ပြမှုစွမ်း ရည်ထက်လျှင် ထက်သလောက် တပည့် များတော်နိုင်၊ တတ်နိုင်ပါသည်။ ကျောင်း သားတပည့်တို့အတွက် မှန်ကန်သော အသိအတွေး၊ စိတ်ကူးÓဏ်များ ကွန့်မြူး နိုင်ရန် ဆရာ ဆရာမများက နည်းပေး လမ်းပြ ရပါမည်။ အတွေးအခေါ် အယူ အဆတည့်မတ်မှန်ကန်စေရန် စဉ်ဆက် မပြတ် အချိန်ရတိုင်း ပညာပေးသင့်ပါ သည်။
အတွေးနှင့်အရေးသည် ဆက်စပ်နေ ပါသည်။ အရေးကို ဖြည်းဖြည်းချင်း လေ့ကျင့်ပေးသင့်ပါသည်။ 'သေးရာမှ ကြီး''နည်းရာမှများ''လွယ်ရာမှခက်' ဆိုသည့်စကားအတိုင်း အရေးစတင်သင် ရာတွင် အကြောင်းအရာတစ်ခုကို ဆရာ က ခြုံငုံရှင်းပြပြီး တစ်ပိုဒ်ချင်းအဓိပ္ပာယ် ပေါ်အောင် ရေးသားစေသင့်ပါသည်။
ဆရာဇော်ဂျီက ခြောက်တန်းရောက်မှ စာစီစာကုံးသင်သင့်သည်ဟု ဆိုထားရာ စာပိုဒ်တစ်ပိုဒ်ပါ စာစီစာကုံးများသာ ဖြစ် သင့်ပါသည်။
ကလေးများ ဘက်စုံဖွံ့ဖြိုးတိုးတက် ရန် အစစအရာရာ လေ့ကျင့်ပျိုးထောင် ရသော ဌာနမှာ'ကျောင်းတော်မဟာများ' ပင် ဖြစ်ပါသည်။ ထို့ကြောင့် ကျွန်ုပ်တို့ က မိခင်ကျောင်းတော်ဟုပင် တင်စား ခေါ်ဝေါ်ခဲ့ကြသည်။
မြန်မာစာအရေးအသား တိုးတက်စေ ရန်၊ အတန်းအလိုက် အဆင့်အလိုက်၊ Óဏ်ရည်အလိုက် စာစီစာကုံးရေးသားမှု ကို မြန်မာစာ ဆရာ ဆရာမများက စနစ် တကျလေ့ကျင့်ပျိုးထောင်ပေးသင့်ပါသည်။
မြန်မာစာကို ဆရာ ဆရာမများ ကျောင်းသားကျောင်းသူများက အထင် သေးနေကြသည်ဟု ပြောဆိုသံများ ကြား ရပါသည်။ မြန်မာစာမြောင်းထဲရောက်နေ ပြီ ဟူသော စကားသံများကိုလည်း ကြားသိနေရပါသည်။ ဤအဆို ဤအယူ အဆများကို မြန်မာတစ်နိုင်ငံလုံးရှိ မြန်မာ စာဆရာ ဆရာမများက စနစ်တကျ တွန်းလှန်တိုက်ဖျက်ကြရမည်ဖြစ်ပါသည်။ မြန်မာစာသင်ကြားသော သူငယ်တန်းမှ ဆယ်တန်း တက္ကသိုလ်သင်တန်းများတွင် သင်ကြားသော ဆရာ ဆရာမများက မိမိတို့၏ မြန်မာစာကို မြတ်မြတ်နိုးနိုး တန်ဖိုးထား၍ တတ်အောင်သင်ကြားပေး သင့်ပါသည်။
တပည့်တို့ကို ကဗျာသင်ကြားပေး ရာ၌ ဖြစ်စေ၊ စကားပြေ သင်ကြားပေး ရာ၌ဖြစ်စေ ဆရာသည် အခါအခွင့်သင့် တိုင်း ကဗျာဆရာ စာရေးဆရာတို့၏ သရုပ်ဖော်ရေးသားပုံတို့ကို ရှင်းလင်းပြ သင့်ပါသည်။ 'ကဗျာဆရာသည် စကား လုံးပန်းချီဆရာ'ပင် ဖြစ်လေသည်။ စကားလုံးတို့ဖြင့် မိမိပြောလိုသောအချက် ကို ထင်လင်းစွာ သရုပ်ဖော်လျက် နိမိတ် ပုံပြုကာ တင်ပြတတ်သူဖြစ်သည်။
ဥပမာ ဆရာမင်းသုဝဏ်၏ 'လယ် စောင့်တဲ'ကဗျာလေးသည်လည်း စိတ် ကြည်နူးဖွယ်ရာ ရှုခင်းသာ ပန်းချီကား ချပ်ပင်ဖြစ်ပါသည်။ ''ရေဖွေးဖွေး လယ် စောင့်တဲ၊ ကြာနီတစ်ပွင့်၊ ဖြူတစ်ပွင့်၊ တဲနှင့်ပနာတင့်''ကို စာလုံးနည်းနည်းဖြင့် ဆေးခြယ်ပြထားပေသည်။ ဤကဲ့သို့ သရုပ်ဖော်အားကောင်းပုံကို ရှင်းပြရမည် ဖြစ်သည်။
စကားပြေသင်ကြားရာတွင်လည်း သရုပ်ဖော်အဖွဲ့ပါသော အပိုဒ်တို့ကို ထောက်ပြလျက် စာရေးဆရာတို့၏ သရုပ်ဖော်အရေးအသားကို တပည့်တို့ နမူနာယူနိုင်အောင် ဆရာတို့က လမ်းညွှန် ရပါမည်။ နမူနာပြရပါလျှင် သိပ္ပံမောင်ဝ ၏ လှည်းသမား၊ ရွာကျက်သရေ၊ အညာ ဘုရားပွဲ စသည့် ဝတ္ထုဆောင်းပါးများ တွင်လည်း လှည်းသမားအဖွဲ့၊ ရွာကျက် သရေတွင် ဆရာစော၏ ပုံပန်းသဏ္ဌာန်ကို သရုပ်ဖော်ပုံ၊ အညာဘုရားပွဲတွင် အညာ ဘုရားဈေးကို သရုပ်ဖော်ပုံတို့ကို ထောက် ပြသင့်ပါသည်။
မည်သို့ဆိုစေမြန်မာနိုင်ငံတစ်ဝန်းလုံး မှ မြန်မာစာ ဆရာ ဆရာမများသည် မြန်မာစာ အောက်တန်း၊ နောက်တန်း ရောက်နေသည်ကို အင်နှင့်အားနှင့် မြှင့် တင်နိုင်ကြမည်ဟု ယုံကြည်ပါသည်။ မိမိတို့ တပည့်များ မြန်မာစာပေကို ချစ် မြတ်နိုးစေရန်၊ တန်ဖိုးထားတတ်စေရန်၊ လေးစားတတ်စေရန်မြန်မာစာကို ကောင်း စွာတတ်မြောက်၍ မှန်မှန်ကန်ကန် ရေး တတ်စေရန် အားကြိုးမာန်တက်သင်ကြား ပို့ချကြမည်ဟု ယုံကြည်ပါသည်။
စကားပြေအရေးအသား၏ အခြေခံ လေ့ကျင့်မှုဖြစ်သော စာပိုဒ်ရေးသားမှု၊ စာစီစာကုံးရေးသားမှုကို အရှိန်အဟုန် မြှင့် သင်ကြားကြမည်ဟု ယူဆပါသည်။ စာရေးတတ်သော၊ စာရေးကောင်းသော၊ သတ်ပုံမှန်သော၊ လက်ရေးလက်သား ကောင်းသော တပည့်သန်းပေါင်းများစွာ ကို ကျောင်းတော်မဟာက မွေးဖွားပေး လျက်ရှိပါကြောင်းတင်ပြလိုက်ရပါသည်