images
UN
UN
ပီမိုးနင်း၏ ဘဝနှင့်စာပေ
Saturday, 12 November 2016
ပီမိုးနင်းသည် ခေတ်ပေါ်မြန်မာဝတ္ထု ခေတ်ကို စခဲ့သူမျှမက နောက်လူတို့ အပေါ်တွင် သြဇာကြီးသည့်စာရေးဆရာ ဖြစ်သည်။
ပီမိုးနင်းသည် မြန်မာစကားပြေ အရေးအသား၌ ရှေ့ဆောင်သူဖြစ်သည်။ စာပေလမ်းသစ်ကို ထွင်သူဖြစ်သည်။ အဟောင်းမှ လမ်းခွဲထွက်သူဖြစ်သည်။ ခေတ်သစ်ဝတ္ထုတိုရေးနည်းကို လမ်းပြခဲ့ သူဖြစ်သည်။
ပီမိုးနင်းသည် ဝံသာနုလှုပ်ရှားမှု ခေတ်တွင် ပေါ်ထွန်းခဲ့ပြီး ဝံသာနုလှုပ် ရှားမှုကို အလုပ်အကျွေးပြုခဲ့သော ဝံသာနု စာရေးဆရာကြီးဖြစ်သည်။
ပီမိုးနင်းသည် မြန်မာ့ရုပ်ရှင်သမိုင်း တွင် ပထမဆုံးဇာတ်ညွှန်းရေးဆရာဖြစ် သည်။ သရုပ်ဆောင်သူလည်းဖြစ်ရုံမက စာရေးဆရာများထဲက ပထမဆုံးရုပ်ရှင် ဒါရိုက်တာဖြစ်ခဲ့သည်။
ပီမိုးနင်းသည် လောကီကြီးပွားတိုး တက်ရေးအတွက် အကြောင်းအကျိုးပြ၍ နည်းပေးလမ်းပြလှုံ့ဆော်ပေးခဲ့သော ကျမ်းပြုဆရာလည်းဖြစ်ခဲ့သည်။
ပီမိုးနင်း၏ အထူးခြားဆုံးလက်ရာမွန် မှာ နိုင်ငံရေးအခြေပြုကျမ်းပင်ဖြစ်သည်။ ၁၉၂၃ ခုနှစ် ဧပြီလ ၅ရက်နေ့တွင် စတင် ထုတ်ဝေခဲ့သော ဤကျမ်းသည် မြန်မာ့ နိုင်ငံရေးအဘိဓာန်တွင် မော်ကွန်းဝင်၊ မော် ကွန်းတင်ခဲ့သည်။
ပီမိုးနင်းက နိုင်ငံရေးပညာဆိုသည် မှာ ဤသို့ဖွင့်ဆိုခဲ့သည်-
''နိုင်ငံရေးပညာဆိုသည်မှာ လူ သတ္တဝါတို့ စုဝေးနေထိုင်သောတိုင်းပြည် ၏ အခြေအုတ်မြစ်သဖွယ်ဖြစ်သော အကြောင်းအရာများနှင့် အုပ်ချုပ်ပုံနည်း လမ်းစနစ်တို့ကို ညွှန်ပြသောပညာဖြစ် လေသည်။''
မျိုးချစ်စိတ်၏အဓိပ္ပာယ်ကိုဖွင့်ပုံမှာ ဤသို့ဖြစ်သည်။
''အမျိုးသားအားလုံးတို့၏ စည်းလုံး သောစိတ်ဆန္ဒသည် တိုင်းပြည်ဟုခေါ်ဆို အပ်သော သတ္တဝါအကောင်အထည်ကြီး ၏ အသက်ဖြစ်၏။ ထိုအသက်သည် အခါခပ်သိမ်းထင်ရှားခြင်းသို့မရောက် သော်လည်း တိုင်းပြည်၌ ဘေးအန္တရာယ် ကြုံတွေ့သည့်အခါ ထိုအသက်သည် ထင် ရှားစွာလှုပ်ရှားပေါ်ပေါက်လာတတ်သည်။
ခေတ်စမ်းစာပေမပေါ်မီ ခေတ်စမ်း စာပေခေတ်ရောက်အောင် လမ်းတည့်ပေး ခဲ့သော ဦးဆောင်လမ်းညွှန်စာရေးဆရာ တစ်ဦးဖြစ်သည်။
ပီမိုးနင်း၏ဝတ္ထုများသည် သရုပ်မှန် သည်။ အားတက်ဖွယ်ဖြစ်သည်။ လက် တွေ့ကျသည်။ ကိုယ်ပိုင်စိတ်ကူးÓဏ် ဖြင့် တီထွင်ရေးသားနိုင်သည်။
ပီမိုးနင်းသည် မြန်မာလူငယ်များအား မြန်မာစာပေကိုလေ့လာရန်၊ မြန်မာစာပေ ကိုကမ္ဘာ့စာပေအဆင့်သို့ဝင်ဆံ့ရန်၊ သိရှိ နားလည်လေ့လာကြစေရန်စေ့ဆော်တိုက် တွန်းခဲ့သူဖြစ်သည်။
ပီမိုးနင်းငယ်စဉ်ဘဝမှသည်
ပီမိုးနင်းငယ်မည်မှာ 'မိုးနင်း'ဖြစ် သည်။ ဆရာကြီးအားဖွားမြင်သောနေ့ သည်နံနက်ဖြစ်သည်။ နှင်းများထူထပ် စွာကျဆင်းနေသည်။ ၁၂၄၅ခုနှစ် တန် ဆောင်မုန်းလဆန်း ၆ရက်၊ (တနင်္လာနေ့) နံနက် ၉နာရီမှ ၁ဝနာရီအထိတိုင်အောင် နေရောင်ခြည်ကိုကောင်းစွာမမြင်ရ။ ယင်း ကဲ့သို့မိုးနှင်းများထူးခြားစွာကျနေသည့် ရက်မှာမွေးခြင်းကိုအစွဲပြု၍ မိုးနင်းဟု အများကအမည်ပေးခေါ်ဝေါ်ခဲ့ကြသည်။
ဇာတာ၌အမည်မှာ တနင်္လာသားဖြစ် ၍ မောင်ကျော်ညွန့်ဖြစ်၏။ မွေးစဉ်ကာလ ၏ထူးခြားချက်ကို အစွဲပြုနာမည်မှာ မိုး နင်းဖြစ်သည်။ တစ်ဖန် ဘုရင်ဂျီ ဘုန်း ကြီးဖြစ်စဉ်က (Phillip) ဖီးလစ်ဖြစ်ခဲ့ သည်။ သို့ဖြစ်၍ လာတင်ဆရာအဖြစ် လျှောက်ထားရန် အင်္ဂလိပ်နာမည်နှင့် ခပ် ယောင်ယောင်ဆင်တူယိုးမှားတပ်လိုက် သဖြင့် ဖီးလစ်(Phillip) အမည်မှာ ရှေ့မှ
ပီ(P) ဖြင့်စရာ နှစ်မျိုးကိုတစ်မျိုးပေါင်း၍ ပီမိုးနင်းဟူ၍ အမည်တပ်လိုက်ခြင်း ဖြစ်သည်။
ဆရာကြီးပီမိုးနင်းသည် အင်္ဂလိပ်စာ အရေး၊ အပြော၊ လာတင်ဘာသာအရေး၊ အပြော၌အလွန်ကျွမ်းကျင်သူဖြစ်၏။ ပလောပီနံသိပ္ပံ၌နေစဉ်က လာတင်ဘာ သာဖြင့် တေးသီချင်းများစွာရေးခဲ့ဖူး သည်။ ညဥ့်အခါတွင် မိမိထက်ငယ်သူ များအား လာတင်ပုံပြင်များကို လာတင် ဘာသာဖြင့်ပြောပြခဲ့သည်။
ဆရာကြီးသည် လာတင်ဆရာဖြစ်နေ သော်လည်း စာပေ၊ ဆောင်းပါးများရေး နေဆဲဖြစ်သည်။ ထိုစဉ်က ပညာ့အလင်း မဂ္ဂဇင်းထွက်ပေါ်ခဲ့သည်။ လယ်တီ ပဏ္ဍိတဦးမောင်ကြီး၏ အကြောင်းပြု ချက်ဖြင့် ပညာ့အလင်းမဂ္ဂဇင်းမှပညာ့ အလင်းသတင်းစာဟူ၍ဆက်ထွက်ခဲ့သည်။
ဆရာကြီးသည် ပညာ့အလင်းမဂ္ဂ ဇင်းမှ ပညာ့အလင်းသတင်းစာ၌ ပိုက်ဆံ ကြီးအမည်ဖြင့် ဆောင်းပါးများကိုလည်း ကောင်း၊ နေရီရီ၊ ပွဲစားကြီးသားအဖနှင့် မြမြဟူသော ဝတ္ထုရှည်ကြီးများကိုလည်း ရေးသားခဲ့သည်။
ပထမဆုံးဇာတ်ညွှန်းရေးဆရာ
ဗြိတိသျှဘားမားရုပ်ရှင်၌ သားဖြစ် သူမောင်ကျော်စိုးသည် 'တစ်ကိုယ်တော်' ဇာတ်ကားရိုက်ကူးခဲ့စဉ်ကလည်းဆရာကြီး ပီမိုးနင်းသည် များစွာကူညီခဲ့ရသည်။ သားအပေါ်အားကိုးအားထားပြု၍ မျှော် လင့်ချက်ကြီးမားခဲ့သော ဆရာကြီးသည် ဗြိတိသျှဘားမားရုပ်ရှင်ကုမ္ပဏီ၌ဝတ္ထုများ ရေး၍အားတက်နေစဉ် '၁ဝနာရီ'ခေါ် ဇာတ်ကားကိုရိုက်ကူးနေသော သားဖြစ် သူ မင်းသားကျော်စိုးသည် ရန်သူ့ဓား သွား၌အသက်ပါဆုံးရှုံး၍ ရုပ်ရှင်အလုပ် မှတစ်ပါတည်းထွက်ခဲ့သည်။
မြန်မာ့အလင်းမှထွက်ပြီး 'အောင် တော်မ'ဟူသောခေါင်းစဉ်ဖြင့် အပတ်စဉ် ဝတ္ထုကလေးများ ထုတ်ဝေသည်။ ဤသို့ ထုတ်ဝေခြင်းမှာလည်း စာပေကိုယ်စား လှယ်ကြီးများ အားပါးတရ အမြတ်ရစား သောက်ကြရုံမှအပ ဆရာကြီးသည် ဆင်း ရဲမြဲဆင်းရဲနေသည်။ သူများအကျိုးကို သက်သက်ဆောင်ရွက်၍ အလုပ်အကျွေး ပြုနေသလိုဖြစ်ခဲ့သည်။ ယင်းစာအုပ်ကို ၁၄စောင်အထိ ထုတ်ဝေခဲ့သည်။
တစ်ဖန်ကိုယ်ပိုင်အလုပ်လည်းမရှိ လခစားအလုပ်လည်းမရှိ၍ ဒဂုန်မဂ္ဂဇင်း၊ လန်ဒန်အက်မဂ္ဂဇင်းတို့၌ ဝတ္ထု၊ ဆောင်း ပါးများရေးခဲ့သည်။ ထိုအတွင်း 'သစ္စာ ဝါဒီသတင်းစာ'ထွက်ခဲ့ရာ၌လည်းကောင်း၊ 'ဗန္ဓုလဂျာနယ်'မှ 'ဗန္ဓုလသတင်း' အဖြစ် ပြောင်းလဲရာ၌လည်းကောင်း ပါဝင်ရေးသားခဲ့သည်။
ဆရာကြီးပီမိုးနင်းသည် မြန်မာပြည် တွင် ပထမဆုံး ဇာတ်ညွှန်းရေးဆရာ လည်းဖြစ်သည်။ ဆရာကြီးရေးခဲ့သော ဇာတ်ညွှန်းကို 'မေတ္တာနှင့်သူရာ'ဇာတ် ကားအဖြစ် ပထမဆုံး ရိုက်ကူးပြသခဲ့ ပေသည်။
'တစ်သက်လုံးဖုံးသမျှ ကုန်းတော့မှ ပေါ်'ဟူသောဇာတ်ကားတွင် ဆရာကြီး ပီမိုးနင်းသည် ပန်းချီဆရာကြီးအဖြစ်ဖြင့် ပါဝင်ရိုက်ကူးခဲ့ဖူးလေသည်။
ပီမိုးနင်း၏ ပီမိုးနင်း
ဆရာကြီးသည် ¤င်း၏သား မောင် ကျော်စိုးဆိုသူအား 'ချစ်တဲ့သူရယ်'ဇာတ် ကား၌ ဇာတ်လိုက်အဖြစ် အသုံးပြုခဲ့ သည်။ ¤င်းအပြင် မိမိ၏သားဇာတ်လိုက် မောင်ကျော်စိုးအား ဆရာကြီးကိုယ်တိုင် ရုပ်ရှင်ဇာတ်လိုက်ကောင်းတစ်ယောက်ဖြစ် ရန် ညွှန်ကြားပြသလျက် ရုပ်ရှင်ဒါရိုက် တာအဖြစ်လည်း လုပ်ဆောင်ခဲ့သည်။
သို့သော် စာတွေရေး၊ ဇာတ်ညွှန်း တွေစီစဉ်၊ ရုပ်ရှင်ဒါရိုက်တာလုပ်၊ ကဗျာ ဆရာ၊ သီချင်းရေးဆရာအဖြစ်နှင့် စာပေ နယ်၊ ရုပ်ရှင်နယ်တွင် မည်မျှပင် လက် မလည်အောင် လုပ်ခဲ့သော်လည်း ဆရာ ကြီးသည် ရရစားစားဖြင့် ချမ်းသာသည် မရှိခဲ့ပေ။ ဆင်းရဲမြဲ ဆင်းရဲနေသည်။ စာမူခလည်း မည်သည့်အခါကမျှ တန် ရာတန်ဖိုး မရခဲ့ပေ။ 'ပီမိုးနင်း၏ပီမိုးနင်း' တွင် ဤသို့ ရင်ဖွင့်စာရေးခဲ့သည်။
မောင်ကျော်စိုးသေသဖြင့် ဗြိတိသျှ ဘားမားတိုက်က ထွက်ခဲ့ကတည်းက ကျွန်ုပ်မှာ ယခုထက်တိုင် အတည်တကျ လုပ်ကိုင်ရသော အလုပ်မရှိသေးချေ။ ယခုကား ကျွန်ုပ်မှာ အသက် ၅၆နှစ်ရှိ လေပြီ။ ဆင်းရဲတုန်းပင်။စာအုပ်များထွက် ပြီးသည့်နောက် ကိုယ်တိုင်အကျိုးမခံစား ရဘဲ ဆင်းရဲဒုက္ခရောက်ခြင်းတည်းဟူ သောနွံထဲမှာပင်တိုးလျက်နေရလေသည်။
မိုးနှင်းထဲမှာ မွေးဖွားခဲ့သောဆရာ ကြီးသည် စာပေရေးရာ၊ လောကီရေးရာ အဖြာဖြာတို့၌ သူ့ခေတ်နှင့် သူ့အခါက သူမတူအောင် အောင်လံထူခဲ့သည်။ မိုးသို့ မြင့်မားခဲ့သည်။ ယနေ့တိုင် သူ့စာ၊ သူ့ အတွေး၊ သူ့အရေး၊ သူ့ညွှန်ကြားချက် များ၊ သူ့လုပ်ရပ်လုပ်ထုံးတို့သည်
ပြည်သူ့မျက်မှောက်မှာနေရာယူလျက်ရှိနေ ပေသည်။
ပီမိုးနင်း၏စာတို့သည် အတွေ့အကြုံ အရာ၌လည်း စံချိန်ဖြစ်သည်။ နောက်ဆုံး 'သူတောင်းစား'အဖြစ်ကိုပင် ကိုယ်တိုင် ဆွံ့အနားမကြားသူအဖြစ်နှင့် ကိုယ်တိုင် တောင်း၍ ကိုယ်တိုင်ခံစားရဟူသော အသိ ဖြင့်ရေးသည်။စေ့စပ်သည်။ သေချာသည်။
သူသည် ရိုးသားလွန်းသည်။ အားနာ တတ်သည်။ လောကဓံ၏ဆင်းရဲချမ်းသာ နှင့် အောင်မြင်နိမ့်ကျမှုအဝဝကို ခါးစည်း၊ ရင်စည်း၍ မညည်းမညူ စိတ်နှလုံးကြည် ဖြူစွာခံစားသွားခဲ့သည်။
ပီမိုးနင်းအကြောင်းကို လေ့လာလျှင် ဤမျှမက များစွာရေးစရာရှိသည်။ ဆရာ ကြီး၏ တပည့်ကြီးငယ် အသီးသီးတို့က လည်း ရေးခဲ့ကြသည်။ဆရာကြီးကိုယ်တိုင် လည်း သူ့ကိုယ်သူမညှာမတာ 'ပီမိုးနင်း ၏ပီမိုးနင်း'ကို ရေးသားခဲ့သည်။
ပီမိုးနင်း၏ကျော်ကြားသော ဝတ္ထု ကြီးများထဲမှ လုံးချင်းဝတ္ထုရှည်များမှာ ဘားမားဒေး၊ ခင်ထား၊ ပင်လယ်ကူး ဓာတ်ပုံ၊ ဘီအေမောင်တင့်နှင့်ကချေသည် မယ်မြင့်၊ သဲမြညှာ၊ နေရီရီ၊ ပွဲစားကြီး သားအဖနှင့်မြမြ၊ တစ်ဖြစ်လဲ ကျားကြီး ရာဇာ၊ ကျွန်းငွေသောင်၊ တခုလတ်နှင့် တလင်ကွာ၊ ဝင်္ကာဘာကံ၊ တို့တောင် ပေါ်၊ တက်လူကွ၊ ယောက်ျားကောင်း သုံးယောက်စသည့် ဝတ္ထုရှည်ကြီးများ။
ကမ္ဘာ့မင်တံကျမ်း၊ သခင်စိတ်၊ လက် တွေ့ကြီးပွားရေးကျမ်း၊ လူပျိုစိတ်ကျမ်း၊ အပျိုစိတ်ကျမ်း၊ အင်္ဂလိပ်စကားပြောနည်း၊ အချစ်ဖြတ်လမ်းအောင်စိတ်၊ သားဂုဏ် ရည်၊ သမီးဂုဏ်ရည်၊ မိန်းမစိတ်ကျမ်း၊ ကြီးပွားရေးကျမ်း၊ လွတ်လပ်မှုစသည့် လောကီလမ်းညွှန်ကျမ်းများ။
ငါးသမီး၊ မယားထူး၊ တို့ဘာသာ၊ မှော်ဘုရင်၊စာရေးဆရာ မျိုးချစ်စိတ်စသော ဝတ္ထုတိုများစသည်ဖြင့် မြောက်မြား အောင်မြင်စွာရေးသားခဲ့သည်။ တချို့ ဆုံးပါးပျောက်ကွယ်နေသော စာမူများစွာရှိ သေးသည်။ စာအုပ်မဖြစ်လာဘဲ စာမူ အဖြစ် လက်လွန်ကျန်ရှိသော စာမူများ လည်း ရှိသေးသည်။
ဆရာကြီးပီမိုးနင်းကို ၁၂၄၅ ခုနှစ် တန်ဆောင်မုန်းလဆန်း ၆ ရက်နေ့ နံနက် ၉ နာရီတွင် သာယာဝတီခရိုင် သုံးဆယ် မြို့အပိုင် ရွာမရွာတွင် မွေးဖွားခဲ့သည်။
ဆရာကြီးသည် ၁၃ဝ၁ ခုနှစ်နတ်တော် လဆုတ် ၁၂ ရက် ဇန်နဝါရီလ ၆ရက်နေ့ နံနက် ၉ နာရီ ၁၉ မိနစ်တွင် ရန်ကုန်ဆေး ရုံကြီး အခန်းနံပါတ် ၁၂၊ ခုတင်နံပါတ် ၁၉ တွင် ကွယ်လွန်ခဲ့ရရှာသည်။
ဆရာကြီးနောက်ဆုံးနေသွားခဲ့သော အိမ်အမှတ် ၄၅၊ ၁၂၆ လမ်းဖြစ်၍ ၄င်းအိမ်မှာဆင်းရဲချို့တဲ့စွာဖြင့် ငှားရမ်းနေ ထိုင်စဉ် (၁၉)ကြိမ်မြောက် အမျိုးသားနေ့ တွင် စက်ဘီးအတိုက်ခံရ၍ပေါင်ကျိုးသော ဒဏ်ရာဖြင့် သေဆုံးသည်အထိ ခံစား သွားရရှာသည်။
သို့ဖြစ်ရာ မြန်မာနိုင်ငံစာပေလောက၊ ရုပ်ရှင်လောကတို့တွင်ရှေးဦးစွာစံပြအဖြစ်ပါ ဝင်လှုပ်ရှားခဲ့သော မြန်မာစာပေ၏မှတ်တိုင် အဖြစ် မော်ကွန်းစိုက်ထူထားအပ်ပေသည်။